*عــالــم الـــقــصـص والــروايــات🩶📚🖋️* *❴📖❵↵* *الـــدفــيـــن❤️*⳼᚛ *❴🔢❵☟الـــبـــــــــــ❴🔟❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵تنسيق مشرفين قناة :* *❴📚❵↵عــالــم الـــقــصـص والــروايــات🩶📚🖋️* *❴🖤❵↵ننشر جميع انواع القصص والروايات :* حــب♥️. رعـــب♥️. اكــشـن♥️. حـــــــزن♥️. *❴👑❵↵ان كنت من محبين القصص مكانك عندنا🩶.* *❴♥️❵↵رابط القناة للأشتراك :* https://whatsapp.com/channel/0029VaS7WLxL2ATudkfnyc1U ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ➖➖➖➖➖➖➖➖➖ *لمَن يَهوى العبَارات العَمِيقَة التي تلامس الروح،* *ستَجد نفسكَ هُنَا حَتمًا🖤✔️👇🏼.* https://whatsapp.com/channel/0029VaDB49n4yltYlBHoou0Y *_قـنـاة اقتباسات؍♡゙ُ ٫🌸🤍 ۫᭣._* ➖➖➖➖➖➖➖➖➖ كنت بسمّع أصوات غريبة وأنا بدون وعي.. دعسات رجلين وصوت السيارة يلي لحقت فينا.. يلي شعرت فيه إنه في شخص فتح الباب وأخذ شي من السيارة يلي كنت راكبها وبعدها ركب بسيارته وراح لبعيد.. أنفاسي كانت على آخرها وشعرت بالموت قريب مني.. إحساسي توقّف بس قلبي ضل ينبض.. وما أجى ببالي بهاللحظة إلا شخص واحد.. بابا.. كنت بهمس بصوت واطي.. بابا تعال.. ساعدني.. ساعد عدنان.. هوه بحاجتك.. لا تتركه.. غبت عن الوعي بس قبل ثواني معدودة سمعت صوت شخص بصرّخ من بعيد وكانه بنادي على حد.. بعيد عن أذني بس قادر أسمعه.. فتّحت عيوني بغرفة المستشفى بس هالمرة ما كانت أفكاري مخربطة.. كان عقلي مفتوح.. والصورة مكتملة بدون غموض.. الخيوط تجمّعت براسي وفهمّتني يلي كان لازم أفهمه بدون ضياع أو غرابة.. شفت عبير قدامي ومعها دكتور وشرطي.. كان راسها مربوط بشاشة بيضة وإيدها مجبصنة.. صارت تبكي وقالتلي الحمد لله على سلامتك حبيبي.. قال الشرطي للدكتور بنقدر نستجوبه ولا حالته ما بتسمح؟!.. حكاله الدكتور بعد ساعتين فيك تستجوبه بكون اختفى البنج عنّه.. قلتله لأ دكتور أنا ما فيني شي.. بقدر أحكي وفاهم وعارف كل شي صار.. كانت عبير مستغربة.. وبتسأل نفسها أنا مين هلأ ؟!.. أحمد أو عدنان ؟!.. حكيت للشرطي.. تفضل فيك تجلب كل العناصر يلي بدهم يستجوبوني وأنا رح أقول كل شي.. قال الدكتور الشرطة عندهم علم بحالتك النفسية ولكل شي تعرضتله.. ما تخاف من شي.. السيارة وقت ضربت بالشجرة دماغك تأذى بس لحسن الحظ الظاهر هالأذيّة حسّنت الجزء المفقود يلي كان بدماغك.. بالعملية الأولى في جزء من دماغك ما كان متصّل ببعض الأعصاب المهمة.. وبالتأكيد كنت تحس بأشياء غريبة وفي أمور مو واضحة ومبهمة تعرضتلها.. بس اليوم هالجزء اكتمل والأعصاب اتصلت فيه.. رب ضارة نافعة!.. حالتك كويّسة كتير ومخك هلأ أفضل من الأول.. قلتلهم وين لميس؟.. حكت عبير لميس بخير لقيناها.. الشرطي طلب منها تطلع.. طلعت مع الدكتور والشرطي بقي عندي.. حكالي شو بتحس ؟!.. حكيتله بحس إنه عندي ذاكرتين.. واعي على كل ذكريات أحمد وواعي على كل ذكريات عدنان.. وبين هون وهون متذكّر كل شيء بحذافيره.. دخلت عناصر الشرطة لعندي.. وخلال ساعة وحدة كنت مدلي بكل أقوالي.. ومن خلال النواقص يلي اكتملت بدماغي وصّلت الصورة للشرطة.. وكل يلي قلته كان صحيح.. سمعت صوت مرة بتبكي بممر المستشفى وبتقول خلّوني أشوفه.. كان بتتنشوق بدموعها وبتترجى الشرطة.. بتطلب منهم تشوفني.. هالمرة يلي كانت تبكي أنا ما كنت بعرف كيف شكل وجهها.. لا بذاكرة عدنان ولا حتى بذاكرة أحمد.. بس كنت بعرف مين بتكون لميرنا ولإلي أنا بالذات!!!.. الحقيقة يلي تخبّت عن عدنان قدرت أوصّلها لإلو بدماغي وكأنه لسه عايش بروحه ودماغه يلي فيني.. مو بجسمه يلي صار تحت التراب من أشهر طويلة.. دخلت هالمرة.. وشافتني.. انفجرت بالبكى.. سكّرت عبير علينا الباب وقرّبت مني وحطّت إيدها على خدّي وعيونها غرقانة بدموعها وقالتلي.. عدنان.. انت بتعرف مين أنا ؟!.. حكيتلها بعرف.. إنتي أمي.. قالتلي الحمد لله إنه دماغك عاش بجسم تاني.. انا انحرق قلبي عليك بس عرفت انك متت!.. حكيتلها ليه تركتيني لإلها ؟!.. ليه خليتيني ضحية !!.. انا شو عملتلك لحتى تنتقمي مني.. قالت غصب عني.. صدّقني.. قلتلها لأ يا ست هناء.. إنتي بعتيني بالفلوس.. الله يسامحك!.. حكتلي إهدى حبيبي واتركني أفهّمك الحقيقة.. يمكن إنت مو فاهم منيح.. قلّي الدكتور إنه ذاكرتك انفتحت كاملة.. أنا بعرف إنك حاسس بعدنان برغم إنك أحمد.. وحاسس بأحمد برغم إنك عدنان بس انت لازم تفهم.. أنا كنت شغّاله بفيلا ميركل قبل لأحمل فيك.. شفت كتير أذيّة منها.. بس صبرت علشان لقمة العيش وعلشان زوجي يلي ما بجيب ولاد.. كنت بدي أجمّع فلوس لأتعالج وأجيب ولد لأفرّحه قبل ليموت وعشان هيك صبرت على أذيّتها.. زوجي كان بشتغل بمزرعة الفيلا بس نحنا كنا ساكنين على الروف.. وبليلة من الليالي لاحظت إنه كتير بختفي من جنبي وبطلع للمزرعة.. تكرر الموضوع أكتر من مرة.. قررت أعرف لوين بروح.. ويلي عرفته إنه ما كان بنزل للمزرعة.. كان بروح على الطابق السفلي يلي في الو باب من المزرعة.. شفته مع ميركل.. بخوّني معها.. كانت صدمة عمري.. حسّيت تضحياتي لإلو كلها طارت بالهوا.. وما توقعت تقدر تعمل هيك بغياب زوجها.. أبوك كان بسافر كتير لبرا وبترك البيت بالأشهر.. وأنا ما كان بدي أفضح الموضوع لأنه ميركل عندها بنتها تولين يلي كان عمرها وقتها سنتين.. لهيك قررت أنتقم منه لأني كنت دائماً بضحّيله وصابره علشانه.. بس رجع أبوك من السفر كنت بستقصد أبقى سهرانه لأخدمه لأنه كان بحب السهر وانت بتعرف هالشي لليوم.. وقررت أحمل منه بالأخص من بعد ما تأكدت من دكتورة إنه العيب من زوجي مو مني!.. حبكت اللعبة واغويته لصار يلي صار بنفس المكان يلي خانّي فيه زوجي مع ميركل.. انصدم وقلّي ما بدي حدا يعرف بهالشي وانسي كل شي صار من طلوع الفجر.. قلتله ما صار شي لأنساه!.. عرفت بعد فترة إني حامل.. وخبّرت زوجي.. أبوك كان حاسس انه الولد إبنه.. من بعد ما صار الموضوع فجأة ونحنا بقينا سنين عايشين بالبيت بنحاول نجيب ولد.. زوجي انبسط وتقرّب مني.. بس قبل لأخلّفك انكشفت قصة خيانة أبوك معي!.. ولدت وسلّمتك لأبوك وطلعت مطرودة من الفيلا.. زوجي طلّقني وعشت بعيدة ومنفيّة لحالي.. بس قصة خيانة زوجي مع أمك ما انكشفت.. ميركل طلبت من زوجها إنه يبقى زوجي يخدمهم.. وكانت بدها تجبره على الخيانة بالغصب.. انت كنت ما بتعرف اني امك الحقيقية بس بتعرف انه ميركل امك.. شفتها بتخون أبوك وبرغم انها كانت معيشتك بدلال كبير هيّه وابوك إلا إنها كانت قاسية معك وبتكرهك وحاقدة عليك.. أنا كنت متأكدة إنه مرضك النفسي كان سببه هالحدث.. لأنه زوجي أجى لعندي ندمان وقليّ إنه انت شفتهم.. من يومها اختفى من حياتي وأنا بقيت منفيّة.. سنين طويلة حتى أجت لعندي بنت إسمها ميرنا وحكتلي بدي تساعديني.. قالتلي إنه عدنان إبني مات بحادث سيّارة وهيّه عاشت بقلب بنت تانية إسمها مرح.. بكيت وانهرت لأنك متت وما عرفت الحقيقة.. واستغربت كيف عرفتني.. فهّمتني إنها عرفتني من تولين بنت ميركل لأنها كانت شاهدة على قصة الخيانة من وهيّه صغيرة بس كبتت القصة بقلبها لتحوّل كل شي بحياتها لمرض نفسي!.. وحكتلي كلام غريب بإنه ميركل وبنتها بتعاملو مع مافيا خطيرة بتخوّف!.. وعدنان قبل ليموت كان مجرم وبخدم المافيا متل العبيد!.. خوّفتني وكرّهتني فيه برغم حبّي وخوفي عليه يلي دفنته بقلبي سنين طويلة.. حكتلي أنها كانت شخصية حقيرة وسيئة متله تماماً وكانت بتحبه بس علشان المصاري لأنه مليونير ورح يحققلها كل أحلامها.. كان هاد كله قبل عملية القلب!.. قالتلي في شخص عرفها بيوم كانت رايحة تسلّم فيه بضاعة مع عدنان.. وكان إسمه جهاد.. حبّها وحاول يتقرّب منها بس صدّته أول مرة وقالتله إنها انخطبت لعدنان وما بتقدر تبعد عنه.. اغراها بالفلوس.. ميرنا باعت عدنان مع أمراضه النفسية وصارت تحب جهاد!.. جهاد صار الإيد اليمين لميركل وصار يوصللها الطلبات مع المافيا.. بس في بنت طيّبة كانت تحبّه إسمها مرح.. وكان بدها تنقذه من يلي هوه فيه لأنها بتعرف إنه إنسان كويّس وما بتسحق يلي صارله.. اشتغلت بالمزرعة وبعناية الزهور.. لحتى تعرف كل خططها وتفضحها.. حاول جهاد يبعدها ما قدر.. وحكتله يا بفضح القصة وبفضحك أو بتترك كل شي وبتروح.. حكالها طيب رح أدوّر على شغل كويس وحاول أبعد.. هوه كان بحب ميرنا بس بنفس الوقت حَب حُب مرح لإلو لأنه كان بعرف إنها نقيّة ومو خبيثة متل ميرنا.. تعلّق فيها واشتغل بمطعم.. وحاول يغيّر من شخصيته بس ما قدر يستمر بالكذب أكثر لأنه المافيا كانت بتهدده!.. ومرح قدرت تعرف كل الخطط السريّة بالفيلا.. المنفذ السرّي والقبو ومكان البضاعة!.. في ليلة كان لازم يسلّم فيها بضاعة وإلا رح يموت!.. مرح منعته وحكتله اذا بتروح أنا رح أقتل نفسي!.. حكالها ما بتعمليها لأنك متعلّقة فيني وبتحبيني.. حكتله بعملها صدّقني.. قلّها ساعديني لنخلّص القصة ونهرب أنا وانتي.. كان كلامه صحيح بس في جواته شي بده ميرنا.. أجت مرح على المطعم بالليل خايفة وما لقى غير أحمد بوجهه.. كان بخطط لشي مع مرح.. وبنفس الوقت مرح ما كانت بتعرف عن شي تاني مخبيه عنها.. طلب من أحمد يوصّل دليفيري لبيت ميركل ويوخد حبيبته مرح.. جوا علبة البيتزا كان في ورقة صغيرة مكتوب فيها الشيفرة السريّة للمكان يلي لازم يتقابلو فيه لتسليم البضاعة.. وفي سيارة رح تنقلها.. هوه كان متخبّي بالمطعم بين الناس بعيد عن المافيا وميركل كانت بتعرف إنه رح يموت بس كانت بدها منه يبعتلها الشيفرة مع حدا لتسلّم البضاعة قبل لتتورّط هيه كمان!.. والهواتف ممكن تكون مراقبة من الشرطة.. خافت ميركل ووصل احمد ومرح للبيت.. احمد اعطى العلبة للخدامه.. اعطتها لميركل وميركل رجّعتها بحجة انها باردة بعد ما اخدت يلي بدها ياه منها ولتبعده عن البيت طردته حتى ما يجو المافيا ويشهد على شي.. ولأنها عارفة المسافة بعيدة قالت رح يجي بعد ما يروحو المافيا !!.. مرح طلعت من السيارة ودخلت الحديقة للطابق السفلي من الباب السرّي لتوصل القبو.. وكانت ناوية تطلّع البضاعة بالوقت يلي رح يكون احمد مشغول بالحكي مع ميركل على الباب.. رح تدخل من المفتاح يلي معها وتوخد صندوق المخدرات والأسلحة وتطلّعهم بالسيارة معه.. بس تولين كانت بتتفقد البضاعة مع ميرنا بالغرفة وعدنان كان بتخانق معها وبحاول يضربها لأنها بدها تروح معه على العمليّة وهوه بمنعها.. كانت بدها تشوف جهاد وتحكي معه.. لأنها فقدت الإتصال معه من فترة وخافت يكون مات.. مرح علقت بالبيت وشافتها تولين بتتلصص.. ندهت على ميرنا وحكتلها الحقيها بسرعة.. هربت مرح وركضت لبعيد.. وكان احمد لسه بحكي مع ميركل.. ميرنا قالتلها شفتها هربت بس ليه صرلها مدة مختفية شو القصة ؟!.. حكتلها تولين مرح طلعت خاينة وعلى علاقة بجهاد يلي كان بشتغل معنا وما بنعرف شو بخططو بس امي ما قالت هالحكي لجهاد.. ميرنا عرفت كل القصة وعرفت انه جهاد بلعب على الحبلين وانه عايش لأنه تولين ما كانت بتقلها كل شي!.. وتوقعو انها ناوية تغدر فيهم.. لهيك ميرنا سرقت الشيفرة يلي كانت بعلبة البيتزا من أمها لتنتقم من جهاد وتخرب بيت عدنان.. يعني تضرب عصفورين بحجر واحد!.. اخدت الشيفرة ونفقدت الورقة وتأخرت العملية.. المافيا فكرو انه العيلة ضحكو عليهم وعدنان غضب واتهم ميرنا بالخيانة انها خرّبت عليه العملية!.. ضربها وقرر ياخدها ليقتلها ويخلص منها لأنه كان مجنون ومو أي واحد بوقف بطريقة وأكتر شي كان كرهو على البنات وكل مره!.. وبالأخص أمها حورية يلي كانت دائماً بتمنعها عنه وبتطلب منه يبعد ويتركها ولأنها كانت بتكره أمها لأنها فقيرة ومعيشيتها بفقر من الطفولة.. قلّها سمّيها بالأكل واقتليها.. قبلت وعملت يلي طلبه ليخلصو منها قبل لتفضحهم بسبب معرفتها بكل مخططاتهم.. لكن حورية ما ماتت وتم انقاذها.. ولأنه ميرنا ندمت بعّدت عنها.. بهديك الليلة عدنان فاض فيه الصبر لهيك سحبها من شعرها للسيارة وميركل بقيت تتخبط بين نفسها وانجنت.. احتارت وقطعت التواصل مع جهاد!.. واستغربت الورقة كيف اختفت!*يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵تنسيق مشرفين قناة :* *❴📚❵↵عــالــم الـــقــصـص والــروايــات🩶📚🖋️* *❴🖤❵↵ننشر جميع انواع القصص والروايات :* حــب♥️. رعـــب♥️. اكــشـن♥️. حـــــــزن♥️. *❴👑❵↵ان كنت من محبين القصص مكانك عندنا🩶.* *❴♥️❵↵رابط القناة للأشتراك :* https://whatsapp.com/channel/0029VaS7WLxL2ATudkfnyc1U ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ➖➖➖➖➖➖➖➖➖ *لمَن يَهوى العبَارات العَمِيقَة التي تلامس الروح،* *ستَجد نفسكَ هُنَا حَتمًا🖤✔️👇🏼.* https://whatsapp.com/channel/0029VaDB49n4yltYlBHoou0Y *_قـنـاة اقتباسات؍♡゙ُ ٫🌸🤍 ۫᭣._*