💢💢 ﷺﷺﷺ💢💢 جوہرِ انسانیت ، مستور ، قربانی میں ہے معرفت کا گوہرِ پُر نور ، قربانی میں ہے مرضیِ حق پر لُٹائیں ہم متاعِ جان و دل یہ جہادِ زندگی ، منظور ، قربانی میں ہے لَن یَنَالَ اللہَ کی آیت سے یہ ثابت ہوا امتحانِ اِتّقاء ، معمور ، قربانی میں ہے دیدۂِ عرفان سے پڑھ ! لوحِ کردارِ خلیل اک مکمل عشق کا دستور ، قربانی میں ہے تیرے سینے میں اگر جاگے تمنائے کلیم بہرِ چشمِ دل ، ضیائے طور ، قربانی میں ہے اِس میں ہے تجدیدِ لطفِ بادۂِ توحید بھی تازہ دم فرحت پئےِ مخمور ، قربانی میں ہے اس کےحسنِ معنوی کی دلکشی کیاپوچھئے جس پہ قرباں ہے جمال حور قربانی میں ہے دیتی ہے سیفی ! رخِ ایمان کو یہ تازگی بندۂِ مومن سدا مسرور ، قربانی میں ہے سید شاکر حسین سیفی صدر شعبۂِ افتاء دارالعلوم محبوب سبحانی ممبئی ۔۔۔۔۔۔۔انڈیا ١١/ذوالحجۃ/١٤٤٥....18/6/2024 9892137196