*🔴 اسرائیلی وزیر اعظم نیتن یاہو کا بیان:* آج کا ایرانی اہداف پر حملہ کوئی اتفاقیہ کارروائی نہیں تھی۔ اگر ایران جوہری ہتھیار حاصل کر لیتا، تو اسرائیل کے لیے خطے میں باقی رہنا ناممکن ہو جاتا۔ میں نے چھ ماہ قبل ایرانی جوہری پروگرام کو ختم کرنے کا حکم دیا تھا۔ اصل کارروائی کے لیے میں نے اپریل کے آخر کی تاریخ مقرر کی تھی، مگر مختلف وجوہات کی بنا پر اُس وقت یہ ممکن نہ ہو سکا۔ ایران نے پچھلے حملے کے بعد اپنی بیلسٹک میزائلوں کی صلاحیت کو مزید مضبوط کیا۔ ایرانی میزائل اسرائیل کے لیے وجودی خطرہ بن چکے تھے۔ چالیس سال قبل ہی میں نے واضح کر دیا تھا کہ ایران ہمارا سب سے بڑا خطرہ ہے۔ اسرائیلی سیکیورٹی اداروں میں حالیہ تبدیلیوں کے بعد اب سب کو ایران پر حملے کی اہمیت کا اندازہ ہو چکا ہے۔ ہماری سیکیورٹی اور فوجی اداروں نے حیرت انگیز اور زبردست کارکردگی دکھائی۔ ہم ایرانی ردعمل کے ممکنہ نقصانات کو محدود کرنے کے لیے پوری طرح تیار ہیں۔ اس وقت ایران میں افراتفری کی صورتحال ہے، لیکن وہ اپنی صفیں دوبارہ منظم کر رہا ہے اور میں توقع کرتا ہوں کہ وہ ہم پر ایک شدید لہر کی صورت میں جواب دے گا۔