عشاق الروايات السودانية🎀✨
June 13, 2025 at 08:40 PM
*#أحببت_دارفورية《05》* 🧡🦋
*#بقلم_ترتيل_خالد*
*ــــــــ♡ــــــــ♡ــــــــــــــ♡ــــــــــــ❥ :00:00*
*صلوا على النبي🧡🦋*
نواصل..
قمت من رانيا وانا زهجان غلطت انا لنو عشمته البت فيني اسي ذنب البت شنو مشيت خليت ي يوسف.. ي الله انا. مشيت المستشفي وانا وضميري م مرتاح مشيت على المكتب حقي وانا لسع بفكره في الحاجه العملته كيف اقوم واخليها . طلعت بره عشان اعتذر ليها فتشت المستشفي دي كلها م لقيت ي ربي مشت وين مشيت سألت نبراس صحبت منها قالت م شافت بعد طلعت معاي..ي ربي بت الناس دي مشت وين طلعت من المستشفى مشيت على الكافتيريا الكن فيها قال طلعت ..اتصلت في رقمه برضوا م في رد ي رب اعمل شنو كمان تقوم تعمل حاجه في نفسه يبقى الذنب على كمان ..تاني اتصلت عليها برضوا م في رد ..عاينت لساعة لقيت وقت العمليه قرب لازم هي تجي ..رجعت المستشفي وبقيت منتظره عسي ولعلها تجي..عدت ساعة كامل وهي م ظهرت .. وقت العمليه قرب جاني هاني بتع التخدير قال ليها انا خدرت المريض..اشويه كده وادخل..
=تمام ي هاني.
هاني=مالك ي يوسف ان شاءالله خير في حاجه حصلت ليك وشك متغير كده و رانيا وين ي يوسف م شفتها بره؟
=انا زاتى ي هاني م عارف هي وين من اتكلمت معها ومرقت منها م شفتها في المستشفي تاني.
هاني=كيف يعني م عارف وهي مشت معك ي يوسف .حصل شنو يعني؟
=صرح ي هاني انت عارف انو رانيا عايزني والليله اتكلمت معاي في الموضوع ده وسألتني ح تجي تخطبني بتين بس انا قولت ليها انا اسي م بفكره في الزواج ي رانيا.. وانا طوالي طلعت منها.
=ليها قولت ليها كده ي يوسف البت كان ح تموت وتزوجك بكلمك ده انت كسرت ليها قلبه ..بس صرح انت غلطان لنك عشمت البت كان من الاول ترفض ليها بعد الزمن ده كلو في الاخر تقول ليها كده.
=عارف نفسي غلطان انا ي هاني ورني اعمل شنو طيب..والله انا م عشمته هي بره عشمته روحه م حصل قولت ليها انا دايرك ي رانيا وله لمحت ليها زاتو. ي هاني طيب انا اسي غلطان في شنو.. اسي اعمل شنو؟.
هاني= مافي حل غير تعتذر ليها وبس.وتفهمه الموضوع..واسي يلا عشان ندخل العمليه .
=لكن منو ح ساعدني؟
هاني =الليله تدخل معك نبراس وبس.
فعلنا مشيت اتجهزتها لي العمليه ودخلت معانه نبراس.. لحدي م العمليه خلصت وطلعت اتعقمت كان عندي مرضه مشيت لفيت عليهم .حتى مشيت على مكتبي شلت مفاتيح وركبت العربيه مشيت على بيت ناس رانيا..خبط الباب فتح ليها اخوه ..
السلام عليكم.
=وعليكم السلام .اوه دكتور يوسف كيف ..اتفضل ي زول.
يديك العافيه م بتقصر رانيا في ؟
=والله اتصلت قالت ماش على صحبته في امدرمان.
ايوه تمام.
=في حاجه؟
لا م في .بس سألت منها ساي.. قعدتها معهم اشويه وطلعت..مشيت على البيت..لقيت امي ووفاء سلمت عليهم ..قالت ليه اقعد ي يوسف..
=خير ي امي في حاجه؟
لا بس نحن قررنا انو ح نعمل العقد الاسبوع الجايه.
=عقد منو ي امي.
عقدي انا.
=انتي جاد ي امي
اي جاد .
وفاء :يوسف امي لو دي رغبته خلاص خلي تتزوج .
=انتي كمان واقف معها.
هوي شنو واقف معه دي انا قاعده اعمل حاجه غلط .
=انا م قلت قاعده تعملي حاجه كعب بس ي امي الناس م بتريح من الكلام امك اتزوج وفي سن كبير. نحن ح يوجهه لينا الكلام م انتي. يخ .
وانت مالك وماله الناس هو اتكلموا في عرضه الرسول صلى الله عليه . م يتكلموا فينا خليهم يتكلموا ساي م عندي بيهم شغله.
="عليه افضل الصلاة والسلام"..خايتو اعملي داير تعملي. م تسألني عن حاجه انا.
خيبت ظني فيك ي يوسف .خلاص امشي.
=فعلنا مشيت على غرفتي وانا هموم الدنيا دي كلها فيني..القاء من رانيا وله من امي ..بس الحمدالله. غيرت هدومي قبل م انوم حاولت تاني اتصل على رانيا بس برضو مافي رد رسلت ليها في الواتس برضو م بترد ..ختيت تلفوني في الشاحن ونمت عشان بكره يوم السفر ناديت وفاء عشان تجهز ليها هدومي ..ومشيت نمت.. صحيت الصباح بصوت تلفوني بضرب لقيتوا ده مازن الضرب المسافر معاي..
الو ي مازن.
مازن:وين انت ي زول م قولت بتجي بدري..تعال يخ ..
=طيب جاي مسافه السكه..عاينت لساعه لقيت الساعه ٦.مشيت صليت الفجر واتجهزته وجبت لناس البيت الحاجات الناقصه ودعت امي ووفاء وتين قبل م اتطلع ..قولت ليهم قفلوا البيت ده كويس.
وفاء:حاضر ..تصل بالسلامه.
امي:استودعك الله الذي لا تضيع ودائعه ي ولدي خلي بالك من نفسك.
=طيب ي حاجه..ركبت العربيه ومشيت محل المنظمه ركنت العربية.وطلعت فوق لقيت مازن او مازن شنو يخ مختفي كده والله مشتاقين.
مازن:تقول شنو ي يوسف بس خليها بنيه..ههه اه مستعد تشوف الفاشر ..
=مستعد ي زول هههه م عارفه حاسي مشيته الفاشر دي حياتي ح تتغير .
مازن :ان شاءالله.. داير قهوة وله نسكافيه؟
=جيب ليها قهوة احسن.. مازن مش يجيب القهوة وانا مشيت سلمت على الناس القاعدين مشيت على مدير المنظمه اجنبيه اسمو جون..
طبعنا الكلام بالانجليزي..
مرحب مستر جون .
=مرحب دكتور يوسف ..طبعنا انت اول مره تمشي على شمال دارفور صح .
صح ي مستر جون .
= انت جاهز؟.
نعم ي مستر جون .
=حسننا كون في الموعد.
حسنا.
مشيت سلامت على دكتور عادل ودكتورة سارة .. وانا واقف جاني مازن :،مشيت وين ي زول..
=مشيت اسلم على الناس ديل .
مازن:تمام تعال اقعد مشيت قعده وبقينا نتكلم اشويه..لمن الباص جاء مشينا ركبنا واتحركنا.
☆☆☆☆☆☆☆☆☆☆☆☆
الفاشر..
جهزنا المكان و المدير اجتمع معان وقال لازم غرفته العمليات تكون جاهز واي حاجه تكون مرتبها هم ح ينزلو هنا زي كل سنه .. م داير حاجه غلط وانتي ي هنادي ح تكوني مساعد الجراح الجايه معهم تمام .
انا:خاضر
كلنا:تمام.
بعد اي زول رجع شغلوا جاتني زينب تصدقي ي هنادي انا متحمسه شديد ليوم بكره ده.
متحمسه عشان بكره وله عشان الجراح الجاي..هوييي ي زينب انا حافظك زي جوع بطني دي..قال متحمسه لبكره ي بنت بطلي الفراق حقتك دي خليك جاهز لبكره نحن عملنا اعلان انو المنظمه جايه واي زول عند حاجه بكره مجاني علاج كشف كلو محاني يعني ح يكون يوم متعب وطويل بكره والناس ح تكون كتير زي م عارفه.
زينب:خلاص عارفه م داعي تذكرني .. احسن ليه اشوف شغلي بس عليك انتي.
=هههههه امشي امشي ..قال متحمسه. بقيت شغال لحدي الساعة ١٠ جات ورجعت البيت وصلت لقيت لقيت امي راقده سلامت عليها ..يمه كيفك .
امي:هنادي ماليك الليله جيتي بدري ان شاءالله خير.
=لا م في حاجه بس م في حاجه في المستشفي قولت اجي بدري ارتاح عشان يوم بكره ح يكون طويل..
امي:ايوه صح ..خلاص امشي غير هدومك وتعالي عشان اعبي ليك الاكل.
=لا م داير اكل ي امي خليك في محلك داير اتونس مع اشتقت ليك والله
امي:ليه م داير تكلي ي بتي .. خلاص براحتك..وانا زاتى مشتاق ليك بقينا م بنشوفك خالص.
=هههه اعفي ليه ي يمه انتي عارف الشغل.
امي :اي عارفه ي بتي معذوره انتي ..يلا امشي وتعالي ليها ارقدي جنبي..
مشيت الغرفه استحميت وغيرت هدومي ومشيت رقدته جنب امي ..اه يمه حاصل شنو في غيابي..
امي:م في اي حاجه حاصل غير بت مريم..ولدت مشاء الله جابت بنيه..
=مشاء الله..اه تاني.
امي:خلي الشمارات ي بت ..هههه غير الشمارات م عندك حاجه ههههه
=خلاص اه انتي حاصل عليك شنو قاعد تبلعي حبوبك في وقت؟
امي: اي الحمدلله.. داير اسألك انتي علي خطيبك تاني م اتواصل معك وله حاجه..
=لالا ليه في حاجه ي امي وانا م عارفه؟
ابوك م كلمك؟
=بشنو ي امي ..قمت على حيلي..
علي خطيبك اتصل على ابوك وقال تاني داير يرجع وهو كان غلطان لمن قال ليك توقفي شغلك.
داير يرجع هههه وهو قايل انا لعبه عندو ..طيب ابوي قال شنو.
امي:قال ليه بتي دي م لعبه تمشي تخليه بمزاجك وترجع بمزاجك.
صرح صدمتني بالكلام ده..ونحن بنتكلم ابوي جاء داخل قال السلام عليكم..
انا وامي:وعليكم السلام.
ابوي:وانا من قبيل قولت النور القومي ده جاي من وين هههه ..ان شاءالله خير جاي بدري.
=لا خير ي ابوي م في حاجه في المستشفي فقولت احسن اجي البيت ارتاح عشان بكره الشغل ح يكون كتير.
ابوي :ايوه ربنا يوفقك ويسهل عليك ي رب.
=امين ي رب...انت كيف صحتك؟
ابوي:كويس الحمدالله ي هنادي.
=الحمدلله..انت ي بابا لي م حكيت ليه بموضوع علي انو اتصل عليك؟
ابوي:كنتي مشغول ي بتي وانا زاتى انشغلت والله ي بتي انا كلمت قولت ليهو انا بتي دي اديتك ليها امانه في رقبت انت كيف تمنع من الشغل انا م منعتها والبت م بمزاج ترجع وتفك على كيف هي م مقطوع من شجر انا الحمدالله عايش ورجع ليك م في وتاني م تتصل عليه..بس انا داير اسألك انتي عندك حاجه اتجه؟
=لا ي بابا .
كويس طيب.
خلاص انا اقوم اعمل ليكم العشاء
فول زابط ههههه .
ماماوبابا:نشوف الفول الظابط ده .هههه
مشيت عملت العشاء.. وبدينا ناكل لمن خلصنا وشلته العده وغسلته .. مشيت نومته .. م جاء اليوم التاني صحيت بدريه صبحت على امي وابوي جهزت نفسي وطلعت سريع ..بقيت ماش وانا مستعجله داير اصل قبل الزمن .. من دون اليوم الليله الموصلات زحمه شديد ..ي الله لقيت موصلات ركبت سريع ..لمن وصلت المستشفى..لقيت مشيت لبست الاب كوت حقي وبديت شغل كانو ناس بسيط لسع الزمن بدري الناس م جاءت . بقيت مشغول مع المرض لحدي الساعه ١١.. مشيت صليت الضهر وارتح وبعد واصلت شغل لحدي م قالو وصلو واسي جاين علينا ..وصل واستقبلنهم بشكل جميل .. بعده المدير دخلهم جوه وعملوا اجتماعه .. زي ساعه حتى طلعو المدير نادني وعرفني بالجراح دكتور يوسف قولت السلام عليكم..
هو مده يدو ختيت يدي في صدري ..طوالي رجع يدو المدير قال ليو هنادي م بتصافح ي دكتور يوسف.
= "صرح حسيت باحراج" ..لا م مشكله.
المدير :هنادي ح تكون المساعد حقتك ي دكتور يوسف .
=تمام .عاينت ليها وانا سرحت في عيونها ..والمدير حق المستشفي بتكلم معي وانا م مركز معه.
المدير ي دكتور يوسف ي دكتور .
=اسف نعم م سمعتك قولت شنو.
المدير:قولت ليك لو محتاجه اي حاجه كلمني او قول ل هنادي لو دايره حاجه .
=طيب .ان شاءالله.
يتبع...
*جمعني الله بك🧡🦋*
*•••••••••••••••••••••••••••••••••••••••••••••••••••••••••••*
*نـتـلاقـى البـارت القـادم®*
*ڤـــــــيـــــــــــــــان*