عشاق الروايات السودانية🎀✨
June 13, 2025 at 08:40 PM
*#أحببت_دارفورية《04》* 🧡🦋
*#بقلم_ترتيل_خالد*
*ــــــــ♡ــــــــ♡ــــــــــــــ♡ــــــــــــ❥ :00:00*
*صلوا على النبي🧡🦋*
نواصل من الفاشر:
بقيت شغلها ..لحدي م اذن العشاء مشيت صليت وقولت ارتاح اشويه.. مشيت الغرفه ارتاحه .. رقدت وانا سرحانه ليه علي فسخ الخطوبه ؟💔. نفسي اعرف ليه عمل كده وانا في سرحتي دي جات زينب داخل عليها..سرحانه وين انتي ي بت😮💨 صرح كنت بفكره في علي 💔
=علي خطيبك السابق قصديك؟
اي💔.
=انتي لسع م نسيتي ي هنادي؟
لا بس كنت دايره اعرف ليه فسخ الخطوبه .
=اه لو عرفتي ح تعملي شنو يعني..
م ح عمله حاجه.. يعني اي حاجه كان كويسه عشان قولت ليهو انا م بخلي الشغل يعمل كده .
صرح انا دايره اقول ليك حاجه ي هنادي انا من الاول علي ده م مرتاحه ليو والله اول ما خطبك انا ماكان عاجبني.
تصدقي امي كان بتقول ليها كده بس انا اصريت على ابوي لنو كنت دايرهو وانتي عارفه الكلام ده الحمدلله على م اراد الله💔.
=اي الحمدلله . ان شاءالله ربنا بعوضك بواحد احسن منو.
ان شاءالله ي زينب ..بقينا قاعدين نتونس لمن سمعت تلفوني بضرب عاينته لقيت امي المتصل..الو امي كيفك؟
عائشة:تمام الحمدلله.. انتي كيف ماليك طلعتي بدريه الليله؟
=والله كان لازم امشي بدري عندي كم حاجه في المستشفي.
عائشة:طيب..مالو صوتك كده انتي كويس ي هنادي ي بتي؟
=كويس ي امي بس حسيت بتعب اشويه وانا اسي في الغرفه راقده ..
عائشة:خلي بالك من نفسك ي هنادي اكلي كويس.
=طيب ي امي ابوي قاعد وله طلع؟
عائشة:طلع والله مش السوق .
=طيب خلاص ي امي لي بعدين مريم داخله عليها ..دي مريم ي زينب.
عائشة:طيب .
رديت على مريم ..هنادي😍😍😍😍 شنو مختفيه كده يختي هه
=تقولي شنو ي مريومة مع الشغل ده بس الحمدلله..اه انتي كيف ؟
مريم:تمام والله .. اه ي هنادي ان شاءالله الخطوبه حقتي بعد اسبوعين وانتي طبعنا لازم تجي انتي والعائلة م دايره ليها أعذار..
=مشاء الله..الف الف مبرووووك والله فرحت ليك من قلبي ي مريومة حبيبتي ❤️..ان شاءالله اكيد بجي دي م دايره ليها كلام ..
مريم :الله يبارك فيك حبيبتي وعقبال ي رب🤲🏻.
=امين ي رب.
مريم:يلا مع السلامه سلمي على خالتو عائشة وعمو هشام.
=ان شاءالله يوصل..قفلت من مريم تاني رجعت اتكلم مع زينب لمن قومنا مشينا نشوف شغلنها بوين.. يلا ي بت نمشي هي مشت بي جهه وانا بقيت شغال حاس نفسي م كويس و رسي دايخة م عارفه من شنو لكن بحاول قدر الامكان اشتغل ..بقيت شغال وزينب تتكلم معاي وانا م مركز معاه فجاء جيت واقع من طولي وتاني م حسيت بحاجه.. زينب بقت تصرخ هنادي هنادي قومي جوه شالوني.. وختوني في السرير ومركبين ليها الدرب بعد ساعه صحيت لقيت زينب وامي وابوي معاي في الغرفه..قولت ليهم حصل شنو ؟ اخر حاجه متذكره انو وقعت وبس ..
زينب: اي اغمي عليك ودكتور حاتم فحصك قال عندك هبوطة ..واسي مركبن ليها درب جلكوز.
ماما:انا مش قبيل قولت ليك اكلي ماليك انتي م بتسمعي الكلام ي هنادي ي بتي انا لمن زينب اتصلته عليها قلبي وقع ..ماليك انتي دايره تشفقني عليك يخ.
=خلاص ي امي انا اسفه.
بابا:اسي انتي كيف ي هنادي ؟
=كويسه ي بابا .
ماما:،بتك دي م بتسمع الكلام اصلنا تعبته منها انا .
بابا:خلاص ي عائشة اسي م وقت الكلام ده م شايفه البت تعبانه كيف .
ماما:اه سكت خشمي وعندي.
=😂خلاص ي جماعه انا اسي كويسه .
بابا:خلاص اول الدرب يخلص نمشي البيت طوالي.
=طيب..فعلنا خلصت الدرب ورجعنا البيت..
بعد عدت الايام رجعت الشغل وبقيت كويسه وكان باقي كم يوم على جيت المنظمه جهزنا ليهم المكان ح ينزلو فيهو ..
☆☆☆☆☆☆☆☆☆☆
في الخرطوم ..
بعد م شوفت الرسالة اتصلت على مازن معاي في المنظمة..اه موضوع الفاشر ده كيف ؟
مازن: والله طبعنا ح نشيل معانه مساعدات وكده ان شاءالله ..انت اول مرة تمشي معانه الفاشر صح؟
=اي والله ي مازن .
مازن:هههه والله يخ الفاشر جميل وناس طيبين شديد يخ❤️..لمن نصل نلف الفاشر دي كلها و اعرفك بحاج عوض زول ظريف..
= ههههه ان شاءالله ي زول خلاص نتلقاء يوم السفر بدري ان شاءالله
مازن:ان شاءالله ي يوسف ..يلا سلام.
بعد قفلت منو مشيت استحميت واتجهزت نزلت لقيت امي ووفاء..
السلام عليكم.
=وعليكم السلام.
انتي الليله ي وفاء م عندك جامعه وله شنو؟
وفاء:اي م عندي .طالع انت؟
اي في حاجه.
وفاء :اي دايره تجيب ليها كم حاجه دايره اعمل كيكه .
طيب امشي اجيبها واجي..فعلنا مشيت اشتريت الحاجات القالته ليها واديته ليها..اوعك تنسني خلي ليها كيكه لبعدين انا ح ارجع متاخر الليله .
وفاء طيب.
دايره حاجه ي امي؟
امي:لا سلامتك بس خلي بالك من نفسك ..استودعتك الله الذي لا تضيع ودائعه ي يوسف ولدي.
يديك العافيه ❤️..يلا انا ماشي. طلعت ركبت العربيه ومشيت على المستشفى .وصلت لقيت رانيا في وشيه ..
رانيا :دكتور يوسف😍 كيفك؟
=تمام ي رانيا😒. خير في حاجه؟
رانيا: لا .بس كنت دايره اسألك بتين ح نعمل الخطوبه؟
=م فكرت في الموضوع لسه ..اشوف لمن اجي من السفر .
رانيا:طيب💔.
=الليله عندنا عملية قلب صح؟
رانيا :اي.
=طيب داير الفحوصات حقت المريض كلها.
رانيا:تمام. ممكن بعد العملية نمشي نفطره مع بعض ي يوسف؟
=خير.
رانيا:😍😍.
=مشيت على مكتبي وانا بفكره "كيف اكلم رانيا انو م بفكره في موضوع الزواج ده اسي ..ممكن لمن نفطره مع بعض مالو مش كويسها.".طلبت ليه قهوة شربتها. عندي كم مريض فحصتهم .. ورانيا جابت ليها الفحوصات بقيت اقرا فيها لمن زمن العمليه جاء دخلت العملية .العملية استغرقت ٦ ساعات ..طلعت منها الحمدلله نجحت..مشيت على المكتب حقي..ارتاح اشويه ..اتصلت عليها رانيا عشان نفطر..مشيت عليها كان في الكفتيريا جنب المستشفي..بقينا ناكل وتاني طلبنا عصير ..قولت دي فرصتي اكلمه..احم احم رانيا صرح داير اتكلم مع في موضوع الخطوبه بس م دايرك تزعلي..
رانيا:خير ي يوسف في حاجه؟
=لا بس انتي اسمعني😮💨..
رانيا:سامعك اتكلم.
=اوف صرح ي رانيا انا م عندي نيه زواج في الوقت ده.
رانيا:💔 كيف يعني م بتفكر ي يوسف قبيل قولت بعد تجي من الفاشر .اسي الحصل شنو يعني.
=م بقدر اشرح ليك اسي ..معليش ي رانيا . وقمت منها.
*•••••••••••••••••••••••••••••••••••••••••••••••••••••••••••*
*نـتـلاقـى البـارت القـادم®*
*ڤـــــــيـــــــــــــــان*