عشاق الروايات السودانية🎀✨
June 13, 2025 at 08:40 PM
*#أحببت_دارفورية《08》* 🧡🦋
*#بقلم_ترتيل_خالد*
*ــــــــ♡ــــــــ♡ــــــــــــــ♡ــــــــــــ❥ :00:00*
*صلوا على النبي🧡🦋*
نواصل..
الفاشر
لمن وصلت البيت لقيت امي في الطبخ مشيت سلمت عليها وشربت مويه تعالي ارويك اشتريت شنو من السوق..امي جات بقيت اوري فيها في الحاجات الاشتريته بعد وريت امي الحاجات مشيت استحميت وغيرت هدومي ومشيت ساعده في المطبخ لمن زمن الفطور جاء ختينا الفطور واكلنا انا امي لمن خلصنا شلت العده غسلتها مشيت على غرفتي اتصلت على زينب اذا وصلت وله لا ..اتكلمت معها مسافه وقفلت الخط خليت تلفوني في الشاحن ونمت ..صباح اليوم التاني..
قمت بدري اتجهزت شربت الشاي وطلعت ماش في الشارع جات عربيه وقفت قدامي انا وقفت طوالي نزل منها راجل اول م عاينت ليهو لقيتو وائل ..
وائل:هنادي اسي كنت جايك في البيت .
= خير ي وائل في شنو؟.
وائل:اهدي اشويه ي هنادي تعالي اركبي داير اتكلم معك .
=انا م داير اتكلم معك في حاجه تاني؟.
وائل:هنادي بس ١٠ دقائق.
=وله ثانيه ي وائل انا مستعجله عندي عمليه.
وائل:١٠ دقائق م بتعمل حاجه.
=انا م داير كلام كتير قولت م دايره يعني م دايره عليك امشي من هنا لنو ابوي لو شافك م بخليك.
وائل:الله يرضا عليك الله ي هنادي اسمعني.
=مشيت من قدمه وانا خلاص بقيت اعصب بشوفته .
وائل:هنادي هنادي .
بقه ينادي فيني لمن تاني م سمعت صوت قبلت وراي لقيت وائل مشها ارتحت اشويه واصلت طريقي لمن وصلت المستشفى طوالي دخلت على الغرفه من الزهج مشيت غيرت سريعه ومشيت افتش في زينب م لقيته قالو لسع م حات طلعت بره لقيت دكتور يوسف ..
السلام عليكم ي دكتور يوسف.
=وعليكم السلام..كيفك ان شاءالله كويسه؟
بخير الحمدلله ..انت كيف لقيت الفاشر كيف؟
=جمليه والله لفيت فيها .
كويسه .
=ارح نشرب قهوة ومنها ندخل العمليه..
طيب.. فعلنا مشينا نشرب قهوة ونتكلم بعده جا صحبه مازن بقينا قاعدين نشرب فجاء جابو مريض مضروب طلقه في رجله..سريع جرينا عليه.. دكتور يوسف شاف الجرح قال محتاجه عمليه طوالي فعلنا دخلنا على العمليه وانا ركبت ليهو الدرب وبقيت اساعد دكتور يوسف لقينا الجرح غريق شديد والمريض نزف كتير طلعت بره اجيب قزاز دم فصيله +A مشيت عشان اجيبها قالو م في رسلت زول يجيب من اي بنك حق دم في الفاشر والمريض حالته صعب عدت ساعة حتى لقو الدم جابو الدم وانا طوالي دخلت بيهو غرفه العمليات ..
دكتور يوسف:الجرح ده غريق ي هنادي الحصل شنو هو لمن انضرب بي رصاص..
=والله انا زاتى م عارفه الحصل شنو بس شايف بره تاني في ناس جوه ي دكتور يوسف.
دكتور يوسف:في اشتباك وله شنو هو ؟.
=بري م عارفه بعد تلاته ساعات حتى قدرنا نطلع الرصاصه ..
لمن طلعنا بره لقينا في ناس مضروبه مشيت عشان اشوف الحاصل شنو قالو في قبلتين مع بعض اشتبكو بالسلاح لمن سألته وين الكلام حصل؟ قالو في منطقه ناس زينب انا لمن سمعت الملام ده دقات قلبي زادت مشيت سريع مسكت التلفون اتصلت على زينب بس م في رد بقيت ماش وجايه جاء دكتور يوسف ماري وشافني متوتر..
دكتور يوسف:في شنو ي هنادي ماش وجايه .
=رديت عليه وانا ببكي قالو الضرب ده حصل في المنطقه الساكن فيها زينب صحبتي.
دكتور يوسف:م تخافي ان شاءالله بتكون كويسه .
=ان شاءالله ي دكتور يوسف ان شاءالله..انا خايفه شديد وانا بتكلم تلفوني دق لقيت المتصلة دي امي..
عن اذنك ي دكتور يوسف ارد على التلفون..
دكتور يوسف: اتفضلي..
مشيت بعيد ورديت على امي ..
=الو ي امي.
هنادي ي بتي انتي كويس الضرب ده عليكم؟.
=لا ي امي قالو في منطقه ناس زينب والليله زينب برضو م جات وتلفونه مقفول انا خايف ي امي.
م تخافي ان شاءالله بتكون كويسه..خلي بالك من نفسك.
=ابوي وين ي امي
في الشغل قال م في حاجه في السوق.
=كويس خلاص. انا ح قفل عشات اتصل تاني على زينب..
طيب.
فعلنا تاني اتصلت على زينب بعد جرس حتى ردت الو زينب انتي كويسه ان شاءالله م حاصل لكم حاجه؟
خالتو: هنادي😭😭 انا خالتك منى الحقي زينب ي هنادي 😭
=زينب ماله ي خالتو؟
خالتو:زينب ...
☆☆☆☆☆☆☆☆☆☆☆☆
في الخرطوم بيت ناس يوسف ..
بلسان وفاء..
بقينا نجهز في الحاجات لي عقد امي وناس حبوبتي وخالتي كلهم جوه برضو هم م راضين بزواج امي لكن يعملو شنو.. جوه بنات خالتي وجات وئام تقعد معانه لحدي يوم العقد .. بقيت شغال في المطبخ اعبي الخبيز والكعك وتين في المدرسه..مشيت على غرفتي قولت اتصل على يوسف بس م بدخل معاي..دخلت الفيس قولت اشوف الاخبار شنو بقيت اقلب لمن لقيت خبر انو في قبلتين في الفاشر اضاربوه بالسلاح في ٦٠ ماتو ١٥ اصابه..انا قلبي وقع ختيت سيناريو انو حصلت حاجه لي يوسف عشان كده م برد.. دخلت الواتس لقيتو متصل الان رسلت ليهو اذا هو كويس رد ليها قال كويس م في حاجه المكان بعيد منهم..بعد الكلام ده ارتحت اشويه ..جات وتين المدرسه ..عاينت ليها وقالت ليها ماليك بتبكي..
=لا م في حاجه بس اشتقت ل يوسف.
ايوه .
=غيري سريع وارح عشان تساعدني .
يخ انا جايه تعبان م معك البنات ديل كلهم.
=وتين انا م داير كلام كتير غيري وتعالي لي في المطبخ عشان نتم ننضفه الدولاب حق العده .
اوف منك ي وفاء م بتريحي زول خالص.
جات وئام داخل صوتكم عاليه كده لي في شنو.
وتين:يخ م دايره تخلني ارتاحه انا اسي جيت من المدرسه بس طوالي اشتغله؟.
خلاص بطلي كلام كتير ارتاحي حبه وتعالي اشتغلي..
وتين:😝😝.
وفاء :لمي لسانك عليك احسن م اجي اضربك.
وئام:خلاص بطلو حركات الشفع دي امشي ي وفاء على شغلك وانا جاي بوراك .
وتين:وين اولادك ي وئام؟
وئام:مع ابوهم في البيت م دايرهم يجو اسي بعملو مشاكل .
وتين:ي حليله..اشتقت ليهم.
وئام:انتي مش قولتي داير تنومي؟..لو داير تتكلمي قومي اشتغلي طوالي.
وتين:خلاص خلاص دايره انوم يعني الزول م يسأل..
*•••••••••••••••••••••••••••••••••••••••••••••••••••••••••••*
*نـتـلاقـى البـارت القـادم®*
*ڤـــــــيـــــــــــــــان*