عشاق الروايات السودانية🎀✨
June 13, 2025 at 08:40 PM
*#أحببت_دارفورية《09》* 🧡🦋
*#بقلم_ترتيل_خالد*
*ــــــــ♡ــــــــ♡ــــــــــــــ♡ــــــــــــ❥ :00:00*
*صلوا على النبي🧡🦋*
نواصل..
الفاشر..
مالها زينب ي خالتو اتكلمي
خالتو:زينب ... الخط فصل .
حاولت اضرب كم مرة بس م في فايدة وانا دموعي جاريه مشيت دخلت الغرفه وبقيت ابكي ي رب زينب مالها 😭.
بعد اشويه هديت حب وطلعت واصلت الشغل كان في ناس بجو كتار واحد بتر ليهو يده ..بقيت م مركز مع الناس بس بفكره في زينب الحاصل عليها شنو.. طلعت تلفوني اتصلت على امي اذا قدرت تتواصل مع ام زينب بس قالت لا..انا خفت زيادة بعد كلام امي ده وانا سرحان نادنيه دكتور يوسف مشيت عليه..السلام عليكم ي دكتور..
دكتور يوسف:وعليكم السلام..اتفضلي اقعدي ي هنادي داير اتكلم معك.
=قعدت خير ي دكتور ..
دكتور يوسف:زي م عارفه انا باقي لي اي بسيط وارجع الخرطوم وعندي عمليات كتير وعشان كده بحتاجه لمساعدتك خلال الايام دي وعشان كده لازم تكوني في المستشفي ٢٤ساعة .. تمام؟.
=تمام ي دكتور يوسف.
دكتور يوسف:م في خبر من صحبت زينب؟
=لا والله ي دكتور.. لكن قالو الاشتباكات وقفت والوضع بقه كويس قولت بكره امشي اشوفها.
دكتور يوسف: الحمدالله طيب..اي كويس .
=اي عن اذنك ي دكتور.
دكتور يوسف: اذنك معك اتفضلي.
طلعت من المكتب ومشيت كملت شغلي وبعده رجعت البيت مشيت حضنت امي وانا ببكي.. امي انا م عارفه حاجه عن زينب ي امي خايفه تمون حصلت ليها حاجه😭😭.
امي:م تخافي ي هنادي ان شاءالله بتكون كويسه اصبري ي بتي "الصبر مفتاح الفرج" .
= دايره بتين يجي الصباح عشان امشي ليها.. ونحن بنتكلم ابوي جاء داخل.
ابوي:السلام عليكم.
انا وامي:وعليكم السلام .
ابوي:اه في خبر من زينب ي هنادي؟
=م في والله ي ابوي م عارفه اعمل شنو خالتو قبيل اتصلت عليها وفجاء الخط قطع م عرفت دايره تقول شنو💔.
ابوي:ان شاءالله كلو خير .
=ان شاءالله.
امي:ادخلي غيري عشان نتغداء سوا.
=طيب..فعلنا مشيت غيرت وامي عملت الغداء وبدينا نتغدا انا شلت لقمتين بس وقمت م كان عندي نفسه اكل من الاول دخلت غرفتي ورقدت وانا سرحانه مسكت تلفوني اتصل على زينب بس لسع التلفون مقفول قول احتمال م فيو شاحن..اذان العشاء اذن مشيت صليت وجيت مسكت القران ختبت النيه احفظ القران ان شاءالله كم جزء بديت بجزء عم بقيت احفظ فيو حب حب لمن حفظت خمس صور بعد خلصت بقيت ادعي حبه حتى نمته..
صباح اليوم التاني صحيت بدريه سريع جهزت روحي ودعت امي وابوي وطلعت مشيت ركبت الموصلات ال بتمشي منطقة ناس زينب.. وانا راكبه في الحافله اتصل عليها رقم غريب عاينت فيهو مسافه لمن قطع بره ..بعد مسافه نفس الرقم دق رديت عليهو كان صوت بنت بس تعبان السلام عليكم..
=وعليكم السلام منو معاي؟.
هنادي دي انا زينب.
=زينب وين انتي ي بت انا من امبارح بتصل عليك واسي انا في الحافلة جاي عليك.
انا كويسه بس ضرب بسيط لمن تصلي بحكي ليك اي حاجه.
=طيب تمام انا قربت ..
طيب..وقفلت الخط.
=الحمدلله ي رب الحمدلله انها كويسه بس صوته تعبان.. بعد نص ساعة وصلت المحطة حقتي دفعت قروشي ونزلت ..وبقيت ماش في شارع بيت لمن وصلت خبط الباب فتحت ليها اختها منى .
منى:هنادي😭.
=منى😭 انتو كويسين والله من امبارح انا خايفه معكم.
منى :ادخلي بحكي ليك جوه .
دخلت جوه لقيت خالتو سلمت عليها وبقيت ابكي معها.. وايييي ي بتي ي هنادي م شوفتي حالنا امبارح الله م عاد اليوم ده بس الحمدلله ... امين ي خالتو .
دخلت على غرفته زينب لقيت رجلها مربط بشاش مشيت عليها حضنها شديد زينب انتي كويسه عليك الله والله خفت عليك شديد.
زينب:انا كويس بس رصاصه طايشه ضرب رجلي بس اسي الحمدلله كويسه م تخافي..
=عليك الله م حاسه بحاجه م تكذبي عليها ي زينب🥹.
زينب:والله والله انا كويسه ي هنادي .
=الحمدلله..طيب لي تلفونك كان مقفول ..وتلفونتكم كلها مقفولها .
زينب:اي صح الكهرباء قطعت وم في زول شحن تلفونوا عشان كده كلهم لقيتهم مقفوله.
=ايوه ..ونحن بنتكلم جات داخل منى ومعها مويه وعصير .
منى:اتفضلي ي هنادي.
=شكرا م كان في داعي انا م ضيفه.
منى:لا العفوه..اه كيف مع الشغل؟.
=والله ي منى الحمدالله بس تعب شديد وكمان مع موضوع امبارح ده كان الناس كتار .
منى:ربنا يعينك.
=امين.
منى:داير حاجه ي زينب انا طالع الدكان.
زينب :لا.
منى:عن اذنك ي هنادي امشي واجيك.
=ممشكله.
زينب:اه الحاصل شنو في المستشفي ودكتور يوسف كيف مع غمزه.
=كويس والله سأل عنك ..دي شنو كمان الغمزه دي ي بت اعقلي اشويه في حالتك دي ولسع في حركاتك.
زينب:وايييي انا من دكتور يوسف ده ي هنادي وسيم الراجل ده تقولي م من انسان ملاك بس.
=استغفرالله منك ي زينب الله يهديك ي بت الناس🤣.
زينب:انتي م بتعرفي لي الحاجات دي خليك في عورتك دي.
=احسن اكون ساكته احسن من الكلام معك صبرني ي رب .
زينب: امين 😏.
خالتو جات داخل انتو لسع في حركتكم دي زي الشفع تشاكلو لمن تكون مع بعض.
زينب:لازم ي امي لو م رفعت ضغط هنادي ده انا م برتاح🤣🤣.
=شوفتي ي خالتو بتك دي حقاره لازم تستفزني بكلامه.
خالتو:والله ي زينب هنادي دي لو اشتكت عليك انا م بخليك.
زينب:يعني انتي واقف مع ي امي.
خالتو:اي .
زينب:ايوه كويس اتفقت عليها انتو الاتنين .
=🤣🤣🤣🤣🤣😝.. بعد خالتو طلعت.. طبعنا م حكيت ليك حصل ليها شنو امبارح وانا طالع من البيت.
زينب:حصل شنو احكي.
=تحبي الشمارات انتي.
زينب:منو م بحب الشمارات.
=انا.. المهم وانا طالع من البيت لقيت وائل في وشي كان جايه البيت وكان داير يتكلم معاي..
زينب:اه الحصل شنو..
=انا اكيد رفضت انو اتكلم معهو.
زينب:شاطره دي هنادي ال بعرفه.
=والله ي زينب انا خلاصت تعب كل فترة يظهر ليها م عارفه احل الموضوع ده كيف.
زينب:كلمي ابوك ي هنادي لو عمل كده تاني.
=اي قولت كده.. بقينا نتونس لمن طلعت ودعتهم ومشيت على البيت...
عند يوسف..
بعد هنادي طلع مني كنت سرحان قولت اتصل على ناس امي اشوفه كيف اتصلت عليهم بقيت اتكلم معهم كلها ومع ناس خالتي وقفلت منها ختيت التلفون في الطربيزه ورجعت جسمي لي وره بقيت افكره في هنادي ..انا م عارفه لي بفكره فيها كتير ي البنت دي غريب م عارفه الحصل ليها ده شنو لمن اعاين في عيونها بحس بحساس غريب ي الله البحصل ليها ده شنو ي ربي انا حبيتها لا ي يوسف ده كلام شنو البتقول فيو ده طيب بكون شنو؟ م قادر افهم مشاعري .. طلعت من المكتب وانا لسع بفكره في الكلام ده ومازن كان بنادي فيني وانا م سامعه لمن مشيت السكن ودخلت الغرفه طوالي على السرير بقيت اتقلب فيو لمن نمته ب هدومي لحدي م مازن جا صحاني..
مازن:مالك ي زول من قبيل انا بنادي فيك.
=مازن خلني في حالي داير شنو يخ.
مازن:قول بسم الله مالك ي يوسف انت كويس.
=كويس ي مازن بس داير اكون براي.
مازن:ي زول م بخليك براك الي تقول ليها في شنو .
=اقول ليك حاجه انا زاتى طالع من هنا.. طلعت من السكن وبقيت ماشي م عارف لي وين لمن وقفت قدام مسجد دخلت فيو اتوضيت وصليت ركعتين وبقيت اقرا في القران في سوره" يس" بقيت اقرا لمن المغرب آذان وانا لسع في المسجد حسيت نفسي م داير اطلع من المسجد ده خالص..بقيت ادعي "ي رب اذا صح انا حبيت اجعله من نصيبي ي رب تجمعني بيها بالحلال ي الله😭🤲🏻"طلعت من المسجد م عارفه امشي وين رجعت المسكن لقيت مازن م فيش.. بقيت منتظر لمن حاء مشيت عشان اعتذر منها ..
والله ي مازن م كان قصدي اتكلم معك كده اعفي ليها.
مازن:حصل خير ي يوسف انا داير انوم.
انت لسع زعلن ي مازن.
مازن:لا ي يوسف عادي الموضوع حصل خير قولت ليك...
☆☆☆☆☆☆☆☆☆☆☆☆
في الخرطوم..
بلسان رانيا..
بقيت امشي المستشفى وارجع البيت بدريه بقيت اخاف ارجع متاخر وبقيت متواصل مع علاء مره مره في الواتس لمدة شهر كامل يوم راجع البيت لقيت عربيه علاء واقف جمب بيتنا استغربت البجيبو بيتنا شنو بس م اشتغل بموضوع خبط الباب جاء فتح ليها سامي قال ليها ادخلي سريع في ضيوف م سألتو ديل منو دخلت الهول لقيت نسوان اتنين سلمت عليهم ودخلت غرفتي استحميت وغير مشيت المطبخ سخت الاكل ودخلت على غرفتي بقيت اكل جات امي داخل قالت ليها البسي ليك حاجه كويس واطلعي.. قولت ليه دي منو ي امي .. قالت دي اهل علاء جو عشان يتقدم ليك.
سمعت الكلام ده وانا باكل انشرقتها من الكلام يتقدم ليها انا ي امي؟
=اي قومي وخلي الاكل ده وطلعت.
انا لسع في مكاني ماصدق الكلام ده علاء داير يتقدم ليها انا لالا اكيد سمعت غلط بس انا بعرفو من شهر
خليت الاكل في الطربيزه وقومت فتحت الدولاب افتش ليها في فستان جميل لبسته وعمل مكياج خفيف واتحجبته وطلعت عليهم..
مشيت قعت..بقيت اتونس معهم لمن مشو..كنت متوتره مشيت غيرت هدومي بعد اشويه ابوي نادني واتكلم معاي في موضوع علاء قولت ليهو والله ي ابوي انا م عارفه اقول ليك شنو بس علاء هو زول كويس يعني لنو معرفتي قديمه بيو .
ابوي:اي هو عارف انتي اخدى وقتك في التفكير وانا واخوك حنمشي نسأل عنو الجيران .
=طيب..
*•••••••••••••••••••••••••••••••••••••••••••••••••••••••••••*
*نـتـلاقـى البـارت القـادم®*
*ڤـــــــيـــــــــــــــان*