عشاق الروايات السودانية🎀✨
June 13, 2025 at 08:40 PM
*#أحببت_دارفورية《07》* 🧡🦋
*#بقلم_ترتيل_خالد*
*ــــــــ♡ــــــــ♡ــــــــــــــ♡ــــــــــــ❥ :00:00*
*صلوا على النبي🧡🦋*
نواصل...
انا ما عارفة بحصل ليها شنو اول م اشوف البت دي م عارفه مالي ..جاء مازن داخل عليها في المكتب ..
مازن:قاعد براك مالك في المكتب؟
=م في حاجه بس بفكره اشويه..اقعد كدي دايرك في موضوع.
مازن :اه اقعد ان شاءالله خير.
=والله انا من جيت ي مازن الفاشر دي وشفت الممرضه اسمها هنادي دي م عارفه بتحصل ليها حاجه غريبه.
مازن:زي شنو بعني ي يوسف .
=دقات قلبي بتزيد.
مازن: ي زول قول بسم الله احتمال بحصل صدفه ساي.
=احتمال بس حاجه غريب .
مازن :مش خلصت الشغل؟.
=اي.
مازن:ارح قوم نمشي نلف اشويه م زهجت انت ؟
=زهجت والله ارح فعلنا مشين لفينه مشينا السوق الفاشر ومشينا المتحف حق الفاشر كان يوم جميل شوفنا جمال الفاشر والتاريخ بعد مشينا فطرنا في مطعم طلبنا اكلات شعبيه ضربنا بمزاج بعد رجعنا نومنا اشويه لمن العشاء آذان مشينا صلينا في المسجد بعد رجعت على السكن تاني ومشيت رقدت ..فتحت تلفوني اتصلت على ناس امي ..
الو ي حاجة كيفك والله مشتاقين..
= يوسف حبيبي وين انت ي ولد والله بالاكتر ي يوسف ي ولدي بس فاقدك رغم قله ادبك دي هههه.
والله انا زاتى فاقدك ي حاجه..البنات كيف.
=كويسين والله يها وتين قاعد جنبي ووفاء نايمه جاءت من الجامعه تعبانه.. اه انت كيف عليك وكيف الفاشر معك م تكون تعبت.
لا كلو تمام التمام ي امي الليله مشيت شوفت الفاشر والله جميله ي امي .
= الحمدلله ي ولدي.
ادني وتين اسلم عليها.
وتين كيفك . م بتقولي اتصل على اخوي ده هههه.
وتين:يوسف😍 والله مشتاقين انت م تتصل مالك.
والله من جيت انا مشغول.
وتين:اه الفاشر كيف جميله وله لا.
=والله جميله شديد ي وتين مشينا الليلة المتحف والسوق واكلنا الأكلات الشعبيه كمان ههههه.
وتين: بعافيه عليك.. خلاص هاك امي انا ماش اقرا.
=طيب ..اه ي امي لسع مصره على موضوع الزواج ده؟.
امي:اي ي يوسف ان شاءالله حيكون الاسبوع الجايه ..انت م بتجي؟.
=والله ان شاءالله بنجي .خير ي امي .يلا سلام اشوف العشاء حقي شنو.
امي:خلاص يلا مع السلامه خلي بالك من نفسك.
=طيب سلام.. سلمي على ناس وفاء وئام.
امي:ان شاءالله.
=قفلت المكالمة وقمت اشوف العشاء بشنو مازن ي مازن اه العشاء شنو ي زول والله جوعت عديل كده الجو بارد يخ..
مازن:رايك شنو نعمل لينا بوش كارب .
=اي عليك اعملو انت انا م بعرف ازبط الفته .
مازن:انت شنو اي حاجه م بتعرف ي زول تعال ساعدني الليله تتعلم.
=هوي عليك امشي م داير اتعلم زاتو .
مازن:م بعمل عشاء الي تقوم معاي اي حاجه اعمله براي قوم على حيلك. ده شنو الكسل حقك ده قوم انا قولت ليك.
= خلاص بطل كلام كتير ارح ورني اعمل شنو .
مازن:قطع طماطم وبصل وشطه خضراء وغسله كويس.
= طيب مشيت جبته الخضروات وبقيت اقطع فيها اول م قطعت البصل دموعي بقت تنزل يخ دي شنو الحال انا فيها دي كلو منك ي مازن خلصت القطيع وديتها لمازن امسك هاك يخ تاني م بقطع اي حاجه تاني.
مازن:ههههههههههه مالك زول جريس كده لو اتزوجته م بتساعد زوجتك .
= وانا متزوجه ليه طيب عشان تعمل هي. ارح يخ والله جعان..بعد مسافه مازن خلص وجاب الاكل.
مازن:والله زبط ليك بوش اول مرة تدوق ..
=ارح يخ بقيت اكل لمن شبعت قمت و طوالي على السرير نمته .
مازن:زول كسلان انت الله يعين زوجتك بعدين🤣 .
عند هنادي بعد ارتحته اشويه كملتها الشغل لمن الزمن اتأخر امي اتصلت عليها قولت ليه خلاص طالعه انا ..فعلنا طلعته لقيت دكتور يوسف في الشارع ...
دكتور يوسف: هنادي كيفك.. خلاص خلصتي وله شنو.
=اي.
دكتور يوسف: كويس وين بيتكم انتي بعيد من هنا وله شنو.
=يعني بركب موصلات واحده بس.
دكتور يوسف:كويس ..تصبحي على خير.
=وانت من اهلو.. وصلت البيت وانا تعبان سريع طلعت هدومي وصليت صلواتي نومته زي الساعه ٢ صباحا قومت بقيت لافه في البيت وم قادر انوم تاني قولت احسن اصلي ركعتين وقريت قران برضو م جاني نوم.. فجاء جاني دكتور يوسف في راسي بقيت اتبسم براي .."ي بت هنادي ده شنو بتعملي فيو ده كلو انا بتكلم براي. بجني احساس غريب لمن اتكلم معه..لالا ي هنادي ده يوسف ده دكتورك وانتي المساعده حقته خلي افكار دي بعيد منك .. فتحت الشبكه لقيت وائل خطيبي السابق مرسل ليها ...
وائل: السلام عليكم هنادي كيف ..ليه زمن داير اتواصل معك بس م لقي طريق ممكن نتقابل ي هنادي وانا بعتذر ليك على اي حاجه عملته زمان بس عليك الله ارجعي ليها.
عاينته لرسالة وانا بطني طامه منو الزول كرهني عيشتي ..اسي اعمل شنو ي رب ارد عليه اقول ليهو شنو؟
م عارفه اتصرف كيف راسي مشوش من التفكير..قفلت الشبكه ومشيت على السرير بس م جاني نوم بقيت صاحيه لحدي صلاة الصبح صليت ومشيت عملت الشاي واتجهزت قولت لي امي انا طالعه السوق مع زينب زي م قولت ليك فعلنا طلعت واتصلت على زينب ...
وين انتي ي بت اطلعي
=طلعت انا خلاص نتقابل جنب البقاله الكبير.
طيب ركبت الموصلات ومشيت على السوق بقيت منتظر زينب لمحته من بعيد جاءت عليها سلمنا على بعض وبعد بقينا نلفه في السوق الدكان الاول والتاني والثالث م اشترينا حاجه بقينا لافين لمن دخلنا محل عجبتنا فستاين جميله وحده بلون الزهري و حده بوردي هادي اشترينا بعده بقين نلفه لشباطه .. لقينا لي زينب وانا م لقيت واحد عجبني بقينا لافين من بعيد شوفت دكتور يوسف ومعه صحب قولت لي زينب دك مش دكتور يوسف ...
زينب:اي والله جوه هنا ل شنو.
=بري م عارفه احتمال لافين ساي.
زينب :احتمال ارح يخ اسي عشان م نتأخر..
بقينا نفتش على شبط عجبني اشتريتو واشترينا طرحتينه ..
زينب:هنادي انا جعانه.
=طيب ارح الكفتريا ديك ناكل انا زاتي جوعت ..دخلنا الكفتريا برضو لقينا دكتور يوسف ده شنو كمان اي حت هنا اشوفو.. قعدنا بعيدين منهم عشان م يشوفونا..وطلبنا بقينا ناكل بعده خلصنا وطلعنا طوالي على البيت اي وحده مشت على بيته ودعنا بعض ومشينا.
☆☆☆☆☆☆☆☆☆☆☆☆☆
الخرطوم عند رانيا.
امي:رانيا انتي كويس ي بتي في زول لمسك وله حاجه؟.
=انا كويسه ي امي الحمدلله بس خلني ارتاح اشويه.
امي :طيب اجيب ليك حاجه تاكليها بتكوني جعانه
=اي ادني حاجه بسيطه.. امي مشت جابت الاكل اكلت ورقدت بقيت اتذكر الحصل ليها ودموعي نزلت م عارفه اذا م جاء علاء كان ح يحصل شنو الحمدلله.. لازم اتشكره علاء بقيت اتقلب في السرير حتى نمت .
صباح اليوم التاني قمت وانا م نفسي اعمل اي حاجه شوفت التلفون لقيت الساعه ٥ مشيت اتوضيت وصليت الصبح ..بعد قريت قرآن بعد خلصت فتحت تلفوني كنت قفلتوا من بليل فتحتو لقيت نرمين متصل عليها كم مره ومرسل ليها في الواتس رديت عليها لقيت م داخلها قولت الزمن بدريه طلعت على الحوش كان الجو برد بقيت اتأمل في السماء لمن الواطه فتحت اشويه امي صحت عملت الشاي ..
امي:ماليك ي رانيا قومتي بدريه.
=ساي ي امي .
امي:طيب اكب ليك شاي؟
=اي..دخلت جو لقيت بابا صح ..صباح الخير ي بابا
بابا:او بتي السمح اه ان شاءالله انتي كويس معليش جيت بليل ولقيتك نايمه .. انا الليله ماشي القسم مع الولد علاء عشان يحاكم الراجلين.
=لكن في واحد جر ي ابوي.
بابا:اي لكن قبضوا.
=ايوه..تمام قولت ليها ماشي مع علاء.
بابا:اي..يلا مع السلامه امشي اشربي الشاي.
=انت شربت؟
بابا:اي.
=طيب مشيت شربت ورتبت البيت سمعت تلفوني بضرب مشيت عليه لقيته نرمين ..
نرمين:رانيا حبيبتي اه وصلتي كيف اتصلت عليك كتير بس كان مقفول.
=اي صح قفلتو ..
نرمين:اه انتي كيف؟
=اول م سألتي بقيت ابكي.
نرميت:رانيا ي بت في شنو بتبكي انتي كويسه.
=م عارفه الحصل ليه شنو بعد طلعت منكم😭.
نرمين:في شنو احكي ليها ي رانيا.
=بقيت احكي ليها وهي زاته بقت تبكي معاي..
نرمين:وايييي ي رانيا ده كلو حصل ليها حسبي الله ونعم الوكيل فيهم..واسي انتي كيف ان شاءالله م عملو ليك حاجه.
=لا الحمدالله لو م كان جاء علاء م عارفه كانو عملو فيني شنو ي نرمين😭💔.
نرمين:الحمدالله ي بت م حصل ليك حاجه.
=اي الحمدلله.
نرمين :خلاص انا وصلت الشغل..ان شاءالله بجي عليك في البيت.
=طيب..
*•••••••••••••••••••••••••••••••••••••••••••••••••••••••••••*
*نـتـلاقـى البـارت القـادم®*
*ڤـــــــيـــــــــــــــان*