عشاق الروايات السودانية🎀✨
June 13, 2025 at 08:40 PM
*#أحببت_دارفورية《11》* 🧡🦋
*#بقلم_ترتيل_خالد*
*ــــــــ♡ــــــــ♡ــــــــــــــ♡ــــــــــــ❥ :00:00*
*صلوا على النبي🧡🦋*
نواصل..
بعد م زينب صدعت ليها راسي ببكي انو م ودعت دكتور يوسف مشيت بلعت ليها بندول الله يهديك ي زينب ويديك راجل تعرسيه وارتح من الموضوع ده.. زينب امشي على شغلك وخلني انا اشتغل الله يرضا عليك.
زينب: طيب ي هنادي ح مشي 😒 خلاص اصلنا الزول م يشكي ليك .
=تشكي ليها شنو ي بنت البتعمل فيو ده اسمو غباء.
زينب:طيب ي هنادي غباء قولتي ليها صح بجي اليوم بحصل ليك كده .
=ماليك عليها الحمدلله اسي انا مرتاحه انو سنجل 🤣.
زينب: كويس انك مرتاحه ..خلني امشي اشوف شغلي احسن منك ..زوله م بتفهم بمشاعر .
=اي احسن ليها م افهم ..افهمي انتي يختي.
مشيت كملت شغلي لحدي م رجعت البيت تعبان بلعت ليها مسكن حتى نمت العشاء م أكلتوا نمت بدون عشاء.
صباح اليوم التاني...
كان يوم جمعه قمت بدريه عجنت لقيمات ورميتها وعملت الشاي امي وابوي قامه كبيت ليهم الشاي شربنا بمزاج وقعدنا نتونس لمن زمن صلاة الجمعه جات ابوي مش وانا وامي صلينا في البيت وقريت سورة الكهف..بعد ابوي جاء من الصلاة لبسنا ومشينا على اختى حرم البنوته كبرت اشويه فطرنا معهم وعملنا قعدت قهوة فنكوش وفشار ووانا غليت البن بختصار عملنا طقوس القهوة كلها ولعنها بخور وجو علينا ناس خالتي محاسن ببنات كان قعده سمحه بعد مشينا عملنا الغداء انا والبنات بنت خالتي ايه اتقدم ليها عريس الخطوبة بعد اسبوعين قعدنا نختار نلبس شنو في الخطوبه وكان عامله حفله بسيطه..اختر نلبس حاجات هاديه قعدنا لمن الساعه ١٢ جات ناس خالتي مشو حتى نحن مشينا ودعنا حرم وراجلها وطلعنا مشينا على البيت وصلنا ونحن تعبانين اي زول مش غرفته انا م صدقته غيرت ونمت طوالي من شدت التعب..
صحيت الصباح وانا جسمي واجعني شديد وفتورة في الجسم وحلقي من امبارح كان في مبادي وجع مشيت المطبخ شلت ليها ملح وبديت انضف في البيت بعد مشيت على المطبخ خلصته ومشيت رقدت بعد اشويه امي صحت لقت البيت نضيف قالت ليها قمتي نضفته ي هنادي؟
اي ي امي.
امي:الله يديك العافيه .
امين ي امي ..حاس بوجع حلق ي امي لمن م قادره ابلع ..
امي:خلاص اعمل ليك شاي بليمون حاره ينفعك
طيب فعلنا عملت ليها الشاي شرب بجلاله وبلعت حبتين بندول ونمت امي حات تشوفني رقيت كيف هبشت جسمي لقت مسخن شديد صحتني ..
امي:هنادي ي بتي حاس بشنو جسمك ده مولع نار قومي نمشي المركز نفحص ليك.
لا ي امي م بحتاج انا كويسه بس وجع حلق بروح.
امي:خلاص اعمل ليك مكمدات .
طيب .مشت جابه وجات وبقت تعمل ليها في جسمي .. سمعت صوت التلفون بضرب لقيت دي زينب رديت عليها بصوت خفيف.
زينب:خير ي بت صوتك مالو كده انتي كويسه.
=والله ي زينب بس وجع حلق م شايف الجو متغير كيف.
زينب:سلامتك.
=الله يسلمك انتي كيف؟
زينب:بخير الحمدالله
=الحمدلله..خلاص بتكلم معك بعدين.
زينب:طيب انا زاتي بتصل عليك ..خلي بالك من نفسك ي هنادي.
=ان شاءالله.. قفلت منها وانا حاس بفتوره شديد في جسمي وامي لسع بتعمل ليها المكمدات لمن خلصت قالت ليها ارتاحي اشويه فعلنا حاولت انوم اشويه غمضت عيوني عشان انوم جاتني صور دكتور يوسف " م عارفه لي بقيت صوره تجني كتير في بالي..ي رب خير كل م تختار انت" سمعت صوت تلفوني بضرب عاينت لتلفون لقيت الرقم غريب م رديت عليها رقا يدق كم مرة صمت التلفون ونمت...
في مكان اخر...
وائل :هنادي دي ماله م داير ترد عليها شكلها دايره تشوف وشي التاني لازم ارجع لي حياتي باي طريق برضه او بدون رضه انا لازم اتزوجها بس كيف لازم افكره كيف اتزوجها..اتصل على مدثر..
الو مدثر كيفك ؟
مدثر :اوه وائل تمام والله.
=صرح دايرك في خدمه ي مدثر.
مدثر:ابشر
مش بتعرف خطيبتي هنادي ديك؟
مدثر:اي
=عارفه شغال في يأتوا مستشفي صح؟
مدثر:اي .
=بس انا داير اخطفه..لكن بدون مشاكل م في زول يعرف وانا بديك قروش على شغلك ده ..اه قولت شنو.
مدثر:امممم بس نتفق على كم.
=انت داير كم؟
مدثر:٨٠٠الف كيف معك.
=تمام نتفق على ٨٠٠الف بس اول حاجه راقبه بتمشي المستشفى الساعه كم وبترجع الساعة كم تمام..اول م تنفذ الموضوع انا بكلمك تجيب ليها وين بس م تعمل ليها حاجه.
مدثر:تمام ي وائل كل بنفذ بحرف الواحد م تخاف م عمل ليها حاجه .
=تمام ..يلا سلام.
مدثر:سلام.
=انا اسف ي هنادي بس م في طريق غير كده عشان تتزوجني.. انتي وحده عنيده بس انا اعند منك.
هنادي: قعدت في البيت كم يوم لمن اتحسنته اشويه ونزلت الشغل المدير جاء حمد ليها السلامه وباقي البنات برضو .. يوم طلعت من المستشفى متاخر زي الساعه ١٢ بقيت ماش براي في الشارع وم في اي زول والشارع مضله وانا ماش جات بورايه عربيه شريحه د نزل منها راجلين واحده خدرنيه م حسيت بحاجه تاني...
في البيت...
امي: ي راجل البت دي مالها م جات؟
ابوي:ي مراه قولي بسم الله بتكون في الشارع .
امي:لالا انا م مطمئن والله كدي اتصل عليها .
ابوي: طيب دقيقه اتصل عليها.. اتصلت التلفون مقفول.
امي:حاول تاني عليك الله.
ابوي:م في رد ي عائشة كده نصبر اشويه احتمال تجي .
امي:(ماش وجايه)لآ لا انا حاس في حاجه حاصل ليها .
ابوي:ان شاءالله بتكون كويسه.
عدت ساعتين وانا م جيت..
امي: ي راجل كده اتصل على المستشفى..
ابوي:طيب.. اتصلت على ناس المستشفى بس قالو طلعت من قبيل .
امي:واييي ي راجل بنت حصلت ليها حاجه 😭😭 وايي انا ي هنادي ي بتي 😭.
ابوي:ارح نمشي مركز الشرطه .
امي:دقيقه بس البس توبي ..ارح يلا.
ابوي:السلام عليكم ي جنابو.
الشرطي:وعليكم السلام ي حاجه اتفضل .
ابوي:والله ي جنابو بتي دي لي الان م جات البيت.
الشرطي: طلعت وين هي؟
ابوي:شغال في المستشفي السعودي.
الشرطي:ايوه تمام طيب في هي مشاكل مع زول وله حاجه.
ابوي:لا والله ي سعادتك.
الشرطي :تمام ..داير صوره ليها.
ابوي:اي دقيقه اوريك الصوره في التلفون.. دي صورته ي جنابو.
الشرطي:تمام خلاص انا برسل عساكر يفتشوا عليها م تخافوا ان شاءالله بنلقاء.
ابوي:ان شاءالله.
امي:اه الضابط قال شنو.
ابوي:قال برسل عساكر يفتشوا عليها.
امي:خلني اتصل على حرم اكلمها.
ابوي: اي اتصلي عليها...
☆☆☆☆☆☆☆☆☆☆☆
في الخرطوم..
يوسف:بقيت مشغول مع تحضيرات العقد حق امي رغم انو انا م عاجبني العقد ده ..جاء يوم الجمعة مشيت صليت الجمعة وبعده عقدنا وخلصنا من العقد والبيت كان مليان بالاهل مشيت شقة صحبي ارقد فيها ختيت راسي في المخده اتذكرت هنادي (ي ربي اسي بتكون كيف ..صحتها طيب اعرف كيف اذا هي كويسه وله لا)اتصلت على مدير المستشفى حقه ادني رقمها كنت متردد اتصل وله لا بجني احساس انه في حاجه حاصل ليها وانا بتكلم مع نفسي جاني اتصل من وئام .
وئام:سلام يوسف كيفك.
=تمام الحمدلله
وئام:وين انت؟
=في شقة عبدالله في حاجه؟
وئام:اي تعال في حاجات دايرك تجيب لينا .
=تمام اشويه كده وبجي.
وئام:طيب م تتأخر ي يوسف.
=حاضر..بعد قفلت منها دخلته رقم هنادي اتصلت عليها بس بجني مقفول حاولت مرة ومرتين وتلاته بس برضو مقفول صرح انا م ارتحت لي قفلت التلفون دي بس اعمل شنو عشان اعرف كيف الحاصل عليها شنو.. شلت رقم زينب اتصلت عليها الرقم م بدخل معاي قولت خلاص احاول بعدين .
مشيت على ناس وئام جبت ليهم الحاجات الدايرينها ورجعت الشقة وتاني حاولت اتصل على زينب دخل معاي..
السلام عليكم زينب كيف معك دكتور يوسف عرفتني؟
زينب:وعليكم السلام كويسه الحمدلله..اي عرفتك .
ي زينب دايره اسألك من هنادي اذا بتعرفي عنها حاجه.
زينب:😭 هنادي مختفيه ي دكتور يوسف ناس اهل اتصل عليها قالو م رجعت البيت .
شنو و كيف يعني م رجعت ي زينب بتكون وين مشت ؟
زينب:والله م عارفين حاجه بلغنا الشرطه بس لسع م في حاجه جديده.
طيب لو حصلت اي حاجه جديده اتصلي عليها ده رقمي سجلي عندك.
زينب:طيب ي دكتور يوسف.
قفلت الخط وقلقته شديد كيف يعني مختفيه ...
*•••••••••••••••••••••••••••••••••••••••••••••••••••••••••••*
*نـتـلاقـى البـارت القـادم®*
*ڤـــــــيـــــــــــــــان*