*#صيفُ_أبريل《04》🦋♡* *#بقلم_حميده_عبدالحميد🦋* *★★★ــــــــــــــــــ♡♡♡ـــــــــــــــــــ★★★*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​ عاينت للشباب لقيتهم مستغربين شديد بالإضافة ل مدثر الكان قاعد من دون اي حركة ، رفع لي حاجبو بمعني دا منو ؟ قلت ليو دا جاي من طرف عمر وح يقعد معانا علي م اعتقد ، انزعج شويه وشكلوا الموضوع م عجبوا خاصة انو احمد ظاهر عليهو شخصيه م بتمشي ع كيف زول ، قلت ليو اتفضل ، جَرا كُرسي وهو بياخد نفس عميق وقال لينا اخباركم شنو ي شباب؟ ابتمست ابتسامة خفيفه وقلت ليو ف نعمة الحمدلله قال لي لالاالحمدلله ورجع عاين لي مدثر وباقي الشباب ٠٠٠ وكان مُستغرب من ردة فعلهم وماف اي ترحيب من طرفهم رفع نظرو منهم وهو بيقول لي وين مكان المويه عايز إتوضا ، قلت ليو شايف الشجرة ديك بس امشي عليها طوالي ح يصادفك برميل ملان مويه وجمبوا إبريق لو عايز تتوضا بيو قال لي تمام قام من مكانو واتجه ع البرميل ، عاينت لي مدثر وهو بيضحك قلت ليو خير ؟؟ قال لي صاحبنا دا شكلوا شيخ لانو جايب ليو صلاة وحاجات زي دي والنوعيه الزي دي م بتنفع معانا ي صحبي لانو ح يخرب لينا اي شي ،قلت ليو هو يبقى في حالو ونحنا ف حالنا وعوجه م بتجينا ، قال لي انت شايف كدا يعني؟ ولو حصلت اي حاجه غير كدا ٠٠ قاطعتو وقلت ليهو ما ح يحصل اي شي وعلي ضامنتي ، قال لي طيب، قام من الكُرسي واتجه علي الباب وقبل يطلع قال لي ماشي قريب نتلاقة المسا قلت ليو عديلة، طلع وقفل الباب وراهو، لحظات بس وجا احمد وهو بنزل أكمام يدين القميص، بعد م نشفهم من المويه ، وقال لي المُصلاية وين ؟ سكت مسافة وماعرفت ارد ليهو بشنو لانو شبه م عندنا مُصلاية والشباب القاعد معاهم هنا م عندهم علاقة بالصلاة نهائي، قلت ليو ثواني بس دخلت جوا ورفعت كم حاجة ولقيت لي شي زي شوال كدا رفعتو وقلت ليو دا يصلي ليك ؟ ابتسم وهو ماشي ع شنطتوا مدا يدو وفتحها وطلع مُصلاية جديده وقال لي معليش ياخ طلعت جايب معاي وحدة وعذبتك معاي ، صراحه ابهرني الشاب دا وحسيت ب رابط قوي إتجاهو قلت ليو خير وطلعت من البيت لانو جاتني مكالمة من عبق ودي البت البتقرا ف الجامعه وساكنة ف الداخلية الجمب شغلي اتحركت من جوا ومشيت جمب الباب وكان ف حجر كبير متعود اقعد فيهو ، فتحت الخط وقلت ليها٠٠ =اها ي قلب ردت لي بصوت شبه ضاحك وقالت لي عيووونها قلت ليها خير ان شاءالله ٠ قالت لي رائيك ايه نتقابل بكره بعد اطلع من الجامعة وف مكان برانا سرحت مسافه وقلت ليها اوكي موافق ، قالت لي طيب قلت ليها مشتاق اشوفك ممكن ترسلي لي صورة ليك ؟ قالت لي برسل ليك الاستديو كلوو لو عايز ابتسمت وقلت ليها يكون أحلي شي ، قطع حديثي صوت احمد وهو واقف وراي قفلت الخط وقلت ليو خير . قال لي بعتذر ع تطفلي الممكن يحصل الآن وبعتذر علي انو سمعت حديثك من دون قصد ، طبعا انا كنت فاتح الاسبكير ، قلت ليو والاعتذارات دي كُلها وراها كلام طويل صح ؟ ضحك وقال لي بتفهم ع الطاير ، قلت ليو جيب خلاصة الموضوع، قال لي البت البتتكلم معاها دي ، علاقتك بيها شنو ؟ ابتسمت وقلت ليو م بتربطني بيها اي علاقه قال لي بس الكلام السمعتوا دا بيدل علي انو ف حاجه بيناتكم ٠٠٠ قلت ليو دي غاشيها ساي وقعد اقضي بيها زمن وبعدين انا موضوع العرس والكلام دا شطبتوا من ملفي قال لي انت جادي ف كلامك دا ؟؟قلت ليو كلامي واضح جدا ، قال لي تمام ، بس خليك عارف ي صحبي الدرب المابرضي الله نهايتو م بترضيك قلت ليو انا بعلمك أصول الدين كلها لو عايز فما تعمل لي فيها شيخ وبتاع ضحك وقال لي اوكي ، وفات طوالي بس م عارف ماشي وين احتمال كبير ماشي السوق شلت نفس عميق وقلت ف سري كلام مدثر صح الزول دا شكلو ح يقيف لينا ف طريقنا٠٠٠ ف جانب آخر٠٠٠٠ مع صلاة الفجر صحيت اول وحدة، وصحيت ناس البيت كلهم ، اتوضيت وصليت ف غرفتي وامي وخالتي جهزو الشاي ، لين م الواطه بيحت استحميت ورتبت عفشي ولبست عبايتي السوداء البحبها شديد وطرحتي السوداء ونقابي الأسود جهزت نفسي وجريت شنطتي ومشيت ع العريشه لقيت شهد جاهزة قعدت جمبها وامي بدت تكُب لينا ف الشاي شهد ضربتني ف كتفي وبصوت خافت قالت لي رائيك شنو نفتح لي ناس امي موضوع خالتي ابتهال، حمرت ليها وقلت ليها اوع ي بت وقبل اتم كلامي رفعت عيني ووقعت ع خالتي ابتهال وهي جايه من جوا قعدت جمب حبوبه وبعيون نعسانة وابتسامه خفيفه قالت لينا صباح النور كلنا بصوت واحد قلنا ليها صباح الخير قالت لينا أصبحتو كيف وكيف مع السخانه دي ردت ليها خالتي سمية وهي بتهبب نفسها بطرف توبها حق الهزاز وقالت ليها = بري ي ابتهال سخانه زي دي اصلوا م شفت وناس الكهرباء تمو الناقصه ، قالت ليها اتخيلي امس انا نهائي م نمت ، ومفكرة اشتري لينا طاقة او اجيب بطاريات لانو بجد م قادرة استحمل اكتر من كدا ، طبعا انا كنت بعاين ليهم بس ، نطت شهد وقالت ليهم = عاد دي سخانة الدنيا فما بالكم ب نار جهنم ، حبوبه حمرت ليها زين وقالت ليها وانتي متمنية لينا النار ليه أن شاءالله كدا ربنا يجعلنا من أصحاب الجنة قلت ليها دا الكلام الصح ي حبوبه وع قول شهد دي سخانة الدنيا بس ، دي مناظر ساي ، ف نحنا محتاجين نحسن من أعمالنا كتير وكتير عشان نتجنب سخانة الاخرة ، لاحظت ل خالتي وشها بقى شاهب شديد وسرحت بعيد بس وين م عارفة ، قطع تفكيري فيها صوت امي وهي بتمد لي ف كباية الشاي وف نفس اللحظه كانت بتتكلم وقالت لي ٠ = عليك الله ي حميده خلو بالكم ع نفسكم وانا والله موضوع شالوكم ف جامعة بعيدة وفي ولاية تانية دا اصلوا م عاجبني ، قلت ليها ي امي اصلوا م تشيلي هم وخليك واثقه فينا ابتسمت وقالت لي ودي الحاجه المطمناني ، نطت خالتي ابتهال وقالت لي يعني الليلة مسافرين؟ قلت ليها اي ، قالت لي ولي م عندي خبر نطت شهد وقالت ليها نسينا والله وبعدين انتي ي خالتو اغلب وقتك ف الشغل ، قالت ليها طيب ثواني بس ، دخلت جوا وبعد كم دقيقه جات شايلة قروش ف يدها ادت منها شهد وجات ادتني الباقي وقالت لينا دي شويه مصاريف اتصرفو بيها وخلو بالكم ع قرايتكم وركزو فيها بس ، صراحه حسيت من طريقة كلامها كانو بتحاول توصل لينا رسالة ، ابتسمت وقلت ليها تسلمي لينا ي خالتي وماكان تتعبي نفسك كدا وان شاءالله م ح نركز ف اي شي غير دراستنا، اكتفت ب إنو تبتسم لي بس ، خلصنا الشاي وقمنا ع حيلنا ودعنا ناس امي وطلعنا الشارع أجرنا تاكسي وصلنا ل موقف الباصات ، أصلا مُجهزين التذاكر من بدري فطوالي ركبنا شهد قعدت جمب الشباك طبعا والباص اتحرك ، عاينت لي شهد وقلت ليها شايفه خالتو ابتهال مسكينة كيف ، قالت لي اي والله قربت اظلمها ، ورجعت عاين إتجاه الشباك مسافة وتاني عاينت لي وقالت لي بس ي حميده قلبي م مرتاح والله و السفرة دي م مرتاحه ليها وحاسه انو ف حاجه ح تحصل ، قلت ليها لالا ان شاءالله ماف اي حاجه ح تحصل ، قالت لي ان شاءالله ووجهت نظرها ف الفراغ وانا سرحت ف أفكاري لانو احساسي كان نفس إحساس شهد معقولة ف حاجه ح تحصل يعني ٠٠٠ ‏*•••••••••••••••••••••••••••••••••••••••••••••••••••••••••••* *★★يتبــــــــــــــــــــــــــــــــــــــــــــع★★* *#♡♡عبد الباقي أحمد محمدزين♡♡*