*#صيفُ_أبريل《06》🦋♡* *#بقلم_حميده_عبدالحميد🦋* *★★★ــــــــــــــــــ♡♡♡ـــــــــــــــــــ★★★*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏ تلقائيآ لقيت نفسي ماسكه يد شهد وانا مُتجه عليهم بسرعة كبيرة، وما وقفت إلا قدام عبق وانا بقول ليها ارح معانا زمن المحاضرة جا خلاص شالت نفس عميق وقالت لي بس انا وريتك من قبيل وقلت ليك م عايزة احضرها صح؟ قلت ليها عبق ي بت الناس ويا بت الرجال انتي سايبه المحاضرة عشان تقيفي مع المخلوق دا ؟؟ قالت لي حميده ياريت م تتعدي حدودك معاي كنت بتكلم معاها من دون م اعاين للشاب الواقف معاها ، شهد قالت لي خليها هي حُره ف نفسها ، قلت ليها شهد يبقي الفايده شنو من صداقتنا وقت انا اشوفها ف الغلط وما اصلحها ؟ عبق ردت لي بجدية وقالت لي عفوا؟ معليش بس ي حميده ومع احترامي ليك طبعا وحفاظآ علي صداقتنا ياريت م تتعدي حدودك معاي وانا م صغيرة وعارفه نفسي بعمل ف شنو ، غمض عيوني ورجعت فتحتهم وبنبرة هادئه جدا وعشان اقدر اسيطر ع الوضع ، قلت ليها عبق بيني وبينك هل ابوك الشايب المسكين التعبان والشقيان ف شمس الله دي يستاهل منك كدا ؟ يستاهل تجازي بطريقة زي دي ؟ تعبوا وشقاو وطول حياتو لحدي م بقاك انسانة كبيرة وواعية ، دا جزاهو معقولة عشان تجي تقيفي مع واحد م بتربط بيهو اي صلة؟معقوله بس تقيفي مع واحد زي دا ؟ دنقرت راسها تحت وابت تتكلم، هنا ادخل الشاب وبطريقة مستفزة وقف قدامي وقال لي واحد زي دا ؟ انتي منو عشان تحكمي علي ، سكت م واتكلمت معاهو ومسكت عبق من يدها عشان نمشي بس نفضتها مني وكل علامات الغضب اترسمت ف وشها وقالت لي للمرة المليون م تتدخلي ف حياتي قلت ليك، شهد انفعلت فيها وقالت ليها ف ستين ي زولة وامشي ف تسعين الف داهية ان شاءالله مالنا ومالك ، بس انا كُنت مُصرة م اخلي عبق وراي وخصوصا طريقة لبسها كانت شاذة جدا وقلبي م اطمن نهائي، وخصوصا انا بعرف امها وأبوها وهم ناس طيبين جدا ومكافحين ، رجعت ل ورا وانا بقيف قدام عبق وف نفس اللحظة طلعت تلفوني من الشنطة وقلت ليها اوكي براحتك م تمشي بس خليك متاكدة انو ح اتصل لي ابوك وانتي عارفه لو ابوك عرف بتعملي ف شنو او اخوك مصعب تاني الشمس دي م بتشوفيها وماتفتكري انو م بعملها صدقيني قوة الراس العندي اكعب من حقتك فعشان كدا خلينا حلوين وارح القاعة ودا لي مصلحتك طبعا ، قالت لي عمري م ح أنسى ليك الذلة دي ي حميده وانا حاليآ ح امشي الكُليه لانو حرفيا طممتي بطني من اي شي ، ابتسمت ابتسامة نصر وقلت ليها حلو ، فاتت من قدامنا، وانا رجعت عاينت إتجاه الشاب بس من دون م اعاين ليهو ف وشو بطريقه واضحه وقلت ليو لو راجل م بتعمل كدا ، شهد كانت ساكته بس وماعرفت سبب سكوتها شنو لانو ف المواقف الزي دي بتكون رداحه شديد ، عاينت ليها وقلت ليها ارح زمنا محسوب علينا مسكتها من يدها واتوجهنا ع الكلية لحظات بس ودخلنا الكلية والقاعة م بعيدة مسافه دقيقيتن بس وصلنا وقعدنا ف اخر بينش لقيت رونق هناك واتسالمنا سلام حار ، وسألنا من أحوال بعض وقالت لي ي بت عبق من جات تبكي وقالت شتمتوها انتي وشهد قلت ليها هي قالت كدا ؟ قالت لي اي ، قلت ليها بعدين بتفاهم معاها، رونق استأذنت ورجعت للبنات الكانت قاعدة معاهم ، وانا عاينت ل شهد وقلت ليها ي بت الناس مالك ، زي الضاربك جن قالت لي حميده، انتي بجد محتاجه نظارة نظر ، قلت ليها لي ؟ قالت لي الولد الكان واقف مع عبق ، قلت ليها م تجيبي لي سيرتو عليك الله ، قالت لي ي بت خلينا من دا كلو م لاحظتي لي شي ، قلت ليها وضحي اكتر قالت لي الولد نسخة من خالتو ابتهال ، لو بت كان ح أقول خالتو ابتهال عديل مبالغة شبه كبير ، عاينت ليها بطرف عيني وقلت ليها خالتو ابتهال الله يعينها منك وبعدين انا شفتو ولابشبها ولا شي خلي تتدققي ف الناس وكونان الجواك دا ارحمينا منو ، قالت علفكرة انا عندي نظرة عميقه للحاجات وم تستهيني بعقلي ،قلت ليها طيب معليش، قالت لي حصل خير لحظات بس وجات الدكتورة داخلة ، قلعت نظارتها والقت علينا السلام وبدت محاضرتها ، بعد خلصت ادتنا واجب وطلعت ، وانا شهد ورونق طلعنا ب وراها طوالي مشينا الكافتيريا طلبنا عصير ، ف جانب اخر٠٠ مع واحد زي دا.. ؟ معقولة انا يتقال لي كدا ، صراحه عجبتني جراءة البت ديك وحسيت بشخصيتها قويه جدا وصعبة المنال واتمنيت لو بقدر اشوف وشها ، بس برضو هانتني وذلتني وهي ب ياتو أساس تقول عني كدا، مستحيل امرقها ليها كدا ساي ح تتحاسب ع كل حرف قالتو لي ، ركبت الموتر واتحركت ع الشغل ، لقيت احمد وباقي الشباب كلهم قاعدين ، استلمني عمر وقال لي شنو نحنا عازمنك غداء جاي مُتأخر كدا ،؟ قلت ليو والله حصل لي ظرف قال لي تاني تجي بدري ودا شغل ي إنسان، قلت ليو ان شاءالله كرشت الموتر وطلعت ملابسي حقت الشغل الكنت داسيهم جو المبني بدلتهم ومشيت ع باقي الشباب إستلمت الرملة والاسمنت، جا أحمد قاطع ب قدامي ووقف للحظة وقال لي خلصت موضوعك ؟ وقفت شغل وقلت ليو م شغلتك، ابتسم وقال لي طيب بس ظاهر عليهو كايس معاي مشاكل رجعت ل شغلي وكثفنا ساعات العمل لحدي م أذن العصر ، شايف أحمد وعمر طلعوا علي المسجد وانا وباقي الشباب قعدنا قدام العماره وفضلنا نتونس لحظات بس وجو البتين العملوا معاي مشاكل قاطعين ب قدامي ، ضحكة وقلت بصوت خافت يعني طلعوا ما من هنا وساكنين ف داخلية ، مدثر قال لي قعد تتمتم مع نفسك مالك ؟ قلت ليو قبيل صحبك إتهان وإتذل ضحك وقال لي دا منو الهانك وذلاك رفعت اصبعي واشرت ليهو ع البتين وقلت ليو ديك الماشه على الظلط ٠٠٠ ‏*•••••••••••••••••••••••••••••••••••••••••••••••••••••••••••* *★★يتبــــــــــــــــــــــــــــــــــــــــــــع★★* *#♡♡عبد الباقي أحمد محمدزين♡♡* ‏​​‏​​‏​​‏​​‏​​‏​​‏​​‏​​‏​​‏​​‏