*#صيفُ_أبريل《08》🦋♡* *#بقلم_حميده_عبدالحميد🦋* *★★★ــــــــــــــــــ♡♡♡ـــــــــــــــــــ★★★*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​ سرحت مسافة وقلت ليها أنس ؟؟ ردت لي ب انبهار واضح في وشها وقالت لي ٠ = اي انس معقولة م بتعرفي ويا بت الولد عسل عديل سمح سماحه تلخم ونص البنات هنا مكسرات فيهو عاينت ليها بطرف عيني وقلت ليها ي بت عيب وانتي الخلاك تعايني ليهو شنو زاتو ، وشوفي هنا والله م صح الكلام البتقولي فيهو دا ووين غض البصر من الموضوع دا ؟ ووقت انتي بتعايني للغاشي والماشي كدا حاتحفظي قلبك للبجيك بالباب كيف بعدين ؟ اوريك مصيبه من مصايب عدم غض البصر ، اسي وقت انتي بتعايني لي اي شاب وكل واحد بتعجبك شخصيتو ودا اسمر ملتحي ودا طويل وبتاع، وشاءت الاقدار واتزوجتي واحد غير الكُنتي عايزاهو اكيد زوجك م ح يملى عينك بعدين لانو انتي نظرك موزع ف الشارع ، بس لمن تغضي من بصرك صدقيني غيرو م ح تشوفي وحتكوني اسعد انسانة سرحت مسافة وقالت لي كلامك صح بس وربي الولد عسل وانا حبيتو من قلبي ، قلت ليها لا حياة لمن تنادي كلامي دا كلو م خلاك تبطلي كلامك دا ، وصدقيني إصرارك ف جهلك كدا حيوقعك ف مصايب كتيرة ، عاينت لي بتأُثر كان باين ف ملامحها وقالت لي والله نفسي ابطل كدا ووالله يا حميده الولد دا لو عرسني مستحيل اعاين لي غيرو وبحركة سريعة فتحت نمط تلفونها و دخلت الاستوديو وجابت لي صورتو ووقفتها قصاد وشي وقالت لي عايني ليهو عليك الله سمح كيف ومن دون قصد هنا عاينت ليهو بطريقه واضحه جدا وقلبي عمل شح ، قلعت منها التلفون ومن الصدمه الدخلت فيني لقيت نفسي بعاين ليهو مسافة رجعت لوعي ورجعت ليها التلفون وانا بستغفر ، قالت لي شفتي كيف حتي انتي اتصدمتي من جمالو عاينت ليها بس وسكت لانو انا الحاجه الخلتني اتصدم مانفس الكلام القالتو رونق بديت افتش شهد بنظري بس م شفتها وغريبه قبل شويه كانت معاي هنا ، ضغط راسي بقوة وانا قايمه من الفرشة ، رونق قالت لي انتظري القهوة طلعت خلاص قلت ليها بمشي وبجي ، قالت لي طيب ، مشيت من قدامها ورجعت الغرفة ، اتوجهت علي الصبارة ومليت الكُباية مويه بس كانت سخنه شديد ختيتها ف الطربيزة وانا قعدت ف السرير ، وبديت استحضر كل التفاصيل وبديت اربط الاحداث مع بعض ، طلعت تلفوني واتصلت لي شهد عشان اعرف هي وين بس م رفعت ، طلعت من جهات الاتصال ودخلت الاستوديو ، قلبت الصور لين م وقفت ف صورتي انا وخالتي ابتهال اتاملت ف ملامحها شديد ، وانس كان نسخه منها كلام شهد طلع صح ، بس حاولت أكذب الأفكار الفي عقلي دي كُلها بمبدا يخلق من الشبه اربعين استخدمت كل الطرق الممكنه وبيضة النيه ، غسلت وشي بباقي الموية الكانت ف الكُبايه ونزلت للبنات تحت لقيت جبنتهم نزلت وب بخورها ، قعدت جمب رونق وقالت لي من شفتي صورة انس اتوترتي الحاصل شنو ؟ قلت ليها لالا م بسبب الصورة بس جاني صداع فجأة عاينت لي بعدم تصديق وقالت لي سلامتك ، قطع حديثنا صوت شاديه وهي قاعدة ف مقدمة الفرشة وبنبرة صوت عالية قالت ليهم يبنات شفتو الولد الشغال ف العمارة الجمبنا دي ؟ ردت ليها عهود ، وقالت ليها مبالغة طبعا الولد عسل عسل التقول م سوداني ، ردت ليها ابتسام وقالت ليها = يا بت انا من شفتو اول مرة بقيت اتمنى اشوفو كل يوم رونق ضربتني ف كتفي وقالت لي شفتي كيف ٠٠٠ عاينت ليها وقمت من الفرشة ، عبير قالت لي مالك ، اتنهدت وقلت ليها ي عبير ونسة كلها شفتي الولد داك عسل وداك اسمر ملتحي وفلان قال وفلان عمل لي م بتنفع معاي شاديه قالت ليها ي بت دي شيخه سيبيها ، رديت ليها بجديه وقلت ليها لو اتونسنا ب الاخرة وقصص الأنبياء مالو ؟ معقولة نخلي محور حياتنا كلو ف فلان داك عسل والمواضيع التافه دي؟ معقولة اضيع زمني ف حاجات م بتسوي شي لا وممكن تزيد لي ذنوبي ، كلهم سكتو وماف زول اتكلم ، مشيت منهم وسامعاهم ب يتنصنصوا فيني ساي بس م اشتغلت بيهم ، من بعيد لمحت لجين قاعده ف المظله مشيت وسلمت عليها وسألتها من شهد ، قالت لي قبل شويه هي و روان طلعوا ، نفسي ضاق وقلت ليها شنو ؟ قالت لي شفتهم ب عيني دي ووقت انتي ورونق كنتو منشغلين بالتلفون هم طلعوا، قمت من جمبها وانا ماسكة ، انفاسي صراحه روان بت الحمدلله بس ربنا يهديها وينور بصيرتها وشهد راسها خفيف جدا ممكن تقلدها عادي وتشيل من طباعها دخلت جوا ولبست عبايتي وربط نقابي سريع عشان افتشها ، وف نفس اللحظه دخلت مكالمه من اخوي احمد ٠٠ضربت راسي بيدي واتذكرت انو كان لازم اتصل عليهو واخبرو انو وصلنا خلاص، فتحت الخط ، وقال لي وصلتوا ؟ قلت ليو اي ، قال لي الحمدلله و قال لي صوتك مالو ؟ قلت ليو مالو كمان ، قال لي في حاجه حاصله رديت ليو بتوتر وقلت ليو لالا والله ماف اي حاجه حاصله ، قال لي تمام لو احتجتوا لي اي شي اتصلوا علي قلت ليو طيب قفلت الخط وطلعت من الغرفه وبخطوات سريعة طلعت من الداخلية وبديت افتش علي شهد بنظري ف كل مكان بس م لمحتها مشيت الجامعة وفتشتها هناك بس م شفتها وصادف المغرب اذن خلاص جسمي هبط وحيلي برد ولو اتاخرنا اكتر من كدا تاني م ح يخلونا ندخل الداخليه وح يتصلوا لي أهلنا، إتصلت لي لجين وقلت ليها شهد جات ؟ قالت لي لالا والله قفلت الخط ورجعت اتصلت لي شهد بس تلفونها كان مُغلق٠٠ ‏*•••••••••••••••••••••••••••••••••••••••••••••••••••••••••••* *★★يتبــــــــــــــــــــــــــــــــــــــــــــع★★* *#♡♡عبد الباقي أحمد محمدزين♡♡* ‏​​‏​​‏​​‏​​‏​​‏​​‏​​‏​​‏​​‏​​‏