*#صيفُ_أبريل《09》🦋♡* *#بقلم_حميده_عبدالحميد🦋* *★★★ــــــــــــــــــ♡♡♡ـــــــــــــــــــ★★★*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏ نزلت التلفون من أضاني واتوترت اكتر لمن لقيت تلفون شهد قافل ، بدت الأفكار السلبية تسيطر على خلاص، حاليا شهد بتعمل ف شنو ؟ وهل سمعت كلام روان طيب ح يكونوا مشو وين ؟ ي الله حسيت بطعنة ف قلبي ، اتحركت بخطوات حزينه من قدام الجامعة وقررت ارجع الداخليه واتصل لي أحمد واكلموا بالحاصل ، جيت مارة بجمب العمارة القعد يبنو فيها وقفت جمبها مسافة وكانت مُضلمة شديد ، طلعت تلفوني وحاولت إتصل ف رقم شهد تاني ، وبالصدفه سمعت أصوات ناس طالعة من جوه العمارة ، اتخلعت ودخلت التلفون ف جيب العباية وقبل امشي سمعت صوت واحد قال٠٠٠٠ = انت واثق انو أنس ح يوافق يشتغل معانا ي مدثر؟ طلعت صوت ضحكة عالية ومستفزة من شخص تاني وقال ٠٠ _ ح يوافق وعلي ضامنتي وانا حاليآ ماسكو من اكتر مكان بيوجعوا، وبعدين الولد اتيم ي صحبي وحاسي نفسو مظلوم وانا ح استغل الفرصه .دي عشان ادخلوا ف جونا دا ٠ = قادني الفضول عشان اعرف ديل ناس منو اتقدمت بخطوات هادئه جدا ومررت نظري بحذر شديد داخل المبني كان ف مجموعة من الشباب مكونين حلقة وف نصهم ضوء خفيف يعني وسط كدا وما جاهر شديد بحيثُ تقدر تشوف الناس القاعده بوضوح، مررت نظري فيهم وأشكالهم أشكال عصابات بس وف نصهم لمحت الولد الكان قاعد مع أنس قبيل ، انصدمت طبعا ، وطوالي جريت ع الداخلية وانا بتنفس ب صعوبة ، وصلت الباب وعايزة ادخل البواب وقفني وقال لي كنتي وين ،؟ قبل افتح خشمي جو شهد وروان داخلين ، وقفهم وقال ليهم ثواني كنتو وين ؟ ، شهد عاينت لي وقالت لي حميده ؟ وقبل اتكلم روان اتكلمت وهي بتعاين للبواب وقالت ليو كُنا ف المستشفي وااتاخرنا هناك وكان حارسين النتيجه تطلع وطلعت ليو نتيجة الفحص وشويه ادويه ، عاين ليهم ورجع عاين لينا مسافة وقال لينا اتفضلوا وتاني م تتاخرو كدا دخلنا، وطوالي عاينت لي شهد وقلت ليها كنتي وين ؟ قالت لي مشيت مع روان المستشفي عاينت لي روان وماباين عليها انو بتشكي من مرض او كدا ، قلت ليها جدا ؟ روان قالت لي اي بجد مشينا المستشفي، عاينت لي شهد وقلت ليها بس كان توريني ، روان ضحكت وهي بتعاين لي شهد وقالت ليها غايتو امك وابوك لو في م بحققو معاك كدا ، شهد اتنهدت وبزهج قالت لي بجد ي حميده زهجت منك ماممكن معاك ياخ انا لمتين ح اكون مخنوقه كدا سيبيني ف حالي ، صراحه كلمة شهد كسرت خاطري وما اتوقعتها تقول كدا ، عاينت ليها ب انكسار ومشيت من قدامها طوالي ومشيت الوضايه اتوضيت وصليت المغرب وقعدت ف المصلاية لحدي م أذن العشاء صليت وطبقت المصلاية ومشيت ع الغرفه لقيت شهد وروان قاعدين ف سرير شهد وقعد يتونسو بصوت خافت ، اتخطيتهم واتجدعت ف سريري واتذكرت كلام الشباب الكانو ف العمارة ، = معقولة كانو قاصدين انس الولد الكان مع عبق ولا واحد غيرو ؟ هزيت راسي وانقلبت ع جهة اليمين ، واتذكرت كلام شهد ، رفعت راسي وعاينت ع سريرها تاني لقيتهم لسه قاعدين يتونسوا ، الدنيا كانت ماسخه علي نزلت من السرير ولبست نعالي وطلعت برا الجوو كان صافي والقمر مكتمل ، غمضت عيوني وبديت اردد ف عبارتي المعتادة سبحان الله وبحمده عدد خلقه ورضا نفسه وزنة عرشه ومداد كلماته دايما ماف احسن من ذكر الله الحاجه الوحيده الممكن تخفف عنك وفي نفس اللحظة بتجمع ليك حسنات، قعدت شوية وتاني دخلت جوا ، عاينت ناحية شهد لقيت روان قايمه خلاص وهي بتودع شهد ، مشيت ع سريري وقعدت جات شهد وقالت لي حميده انا اسفه قلت ليها حصل خير وطوالي رقدت وقلبت وشي منها ع الحيطه ونمت٠٠ ف النادي٠٠٠ احمد فضل ساكت وانا برضو ، وماف زول اتكلم مع التاني لحدي ما المباراة بدت ، بقيت مركز معاها وما انتهت إلا بعد المغرب اتلفت ع يميني لقيت احمد مافيش استغربت إنو فات متين ، قمت من الكُرسي واتوجهت ع الباب لقيت احمد قاعد ف قهوة عباس، عاينت ليو بس وكسرت ملف لحظات بس وشفتو جمبي وفي نفس اللحظة ماشي معاي ، قال لي ي أنس٠٠٠ بس م اتكلمت معاهو ، قال لي ممكن نتكلم دقيقه ، وقفت وقلت ليو احسن تطلع من سكتي ، قال لي انا عايز اتكلم معاك بس ، قلت ليو جدا، ارح نرجع قهوة عباس ونشوف كلامك المهم دا ، قال لي طيب ، مشينا وقعدنا ف البنابر احمد شبك يدينوا مع بعض وقال لي ، أنت من وشك دا باين عليك إنسان كويس، قلت ليو شكلي ح اقوم واخليك ، قال لي علفكرة الناس القاعد معاهم ديل احسن تختاهم لانو ح يدمروك والصحبه ليها أثر والصاحب ساحب قمت من جمبوا طوالي وقلت ليو اخر من يديني نصيحه انت ، والشباب البتتكلم عنهم ديل احسن من امي وابوي ، سرح مسافه وقال لي شنو ؟ قلت ليو السمعتو ولو عايز سلامتك ابعد مننا لانو الشباب ديل لو سمعو كلامك دا بيخفوا أترك ، ضحك وهو قايم من البنبر وقال لي شوف وشي دا وش زول بخاف ؟ وانا زي اصحابك ديل قابلت زيهم الف ، انا بس حبيت انصحك ووقت انت م عايز النصيحه خير ي زول قلت ليو ابعد مننا بس ومشيت من قداموا حرفيا قلبي كان معمي وكنت م بستحمل زول يجي ينصحني نهائي وقفت ف الظلط واتصلت لي محمد قلت ليو وين انت قال لي انت طلعت من النادي خلاص قلت ليو اي قال لي ثواني بجيك هسي لانو واقف جمب دكان اوهاج قلت ليو طيب قفلت الخط ورجعت التلفون ف جيبي، عاينت ف السماء مسافة واتذكرت كلمة احمد لمن قال لي باين عليك انسان كويس بس انا م عايز اكون كدا انا عايز اكون انسان كعب ، مسحت وشي بعصبيه ولحظات بس وشفت محمد واقف قدامي نزل من الموتر وسلمني المفتاح، قلت ليو ان شاءالله قضيت قرضك ،؟ قال لي الحمدلله ،قلت ليو المهم انا ماشي ع الشباب ديل قال لي ناس مدثر قلت ليو اي ، قال لي ظابط ولو الشغلة دي رشت معاكم احتمال كبير ح اشاركم فيها قلت ليو عديلة ركبت موتري واتحركت بعد ربع ساعة وصلت ، جنبت الموتر شويه من الظلط ودخلت جواا ،لقيت مدثر قاعد وسط ناس أشكالهم تخوف وناس مافيه وظاهر عليهم مجرمين كبار سلمت عليهم وقعدت مدثر ابتسم وقال لي كنت متأكد انو ح تجي ،والدرب دا دربك ي صحبي ، عاينت ليهو وقلت ليو احسن ننجز سريع ،قام واحد من أصحاب مدثر ودخل جوا ولحظات بس وجا شايل كيس كبير واسود مداهو لي وقال لي ٠٠٠ ‏*•••••••••••••••••••••••••••••••••••••••••••••••••••••••••••* *★★يتبــــــــــــــــــــــــــــــــــــــــــــع★★* *#♡♡عبد الباقي أحمد محمدزين♡♡* ‏​​‏​​‏​​‏​​‏​​‏​​‏​​‏​​‏​​‏​​‏