*#صيفُ_أبريل《14》🦋♡* *#بقلم_حميده_عبدالحميد🦋* *★★★ــــــــــــــــــ♡♡♡ـــــــــــــــــــ★★★*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​ لجين قالت لي، بس احسن تتصلي لي اخوكي بدل أنس لأنو هو ح يعمل المستحيل قلت ليها من دون اي شك ي لجين احمد ح يعمل المستحيل بس انا ح اتصل لي أنس اول يمكن احتمال كبير بيعرف مكانهم وين وممكن نسيطر ع الوضع من دون م ندخل زول من ناس البيت ونقفل القصه، قالت لي بس الخوف إنو أنس يستغل الفرصه دي لمن يعرف شهد للان م جات الداخلية قلت ليها ، ح اتوكل علي الله بس وماتنسي ي لجين هو طلع ود خالتي وصدقيني انا من الناحيه دي م خايفه قالت لي بس هو م بيعرف انو انتي بت خالتو لو أطر الأمر ح اوريهو، قالت لي طيب رفعت التلفون وضغط ع رقمو عشان إتصل بس اتذكرت انو م عندي رصيد عاينت لي لجين بتحسُر واضح وقلت ليها م عندي رصيد ، قال لي م مشكلة بحول ليك من شريحتي قلت ليها م بنسي ليك الخدمة دي والله وكونو انتي اليوم ساهرتي معاي وشلت هم شهد عمري م بنساها ليك إبتسمت بلطف وقالت لي الناس بالناس والفايدة شنو من صداقتنا وقت م بنقيف مع بعض ف المواقف الصعبة ، وقالت لي الرصيد جاك خلاص حولوتو ليك ، شلت التلفون واتصلت لي أنس، الجرس دخل بس ماف اي رد تاني عاودته الاتصال تاني بس نفس الشي ماف اي رد ، هنا بديت افقد الامل خلاص ، لجين قالت لي حاولي لي اخر مرة ، إتصلت للمره الأخيرة، دخل الجرس الاول والتاني طوالي فتح الخط وجاني صوتو٠٠٠ من ناحية أُخري ٠٠٠ اليوم كان ظابط من جميع النواحي اول شي قبض قروش حيه ويمكن دا السبب الوحيد الخلاني اكون مبسوط ، وفكرت اضرب عصفورين بحجر واحد اشتغل مع عمر ف البُنيان وف نفس اللحظة اشتغل مع ناس مدثر وابيع ممنوعات ، بعد م خلصت دوامي ف العمارة مشيت السوق، بس الحاجه الكنت مستغرب منها انوو احمد طلع اخو حميده وهو طلع نفس طباعها بس هو شرز شويه و الحاجه الماقادر افهمها البت ديك قصتها شنو هل هي اختهم برضو ولا شنو لانو ظاهر عليها م زيهم ، بس كُنت ح استخدم النقطه دي ضد احمد برضو عشان تاني م يشبكني م تتكلم مع البنات وبتاع لانو صرعني بالمقالة دي ، بعد الساعة تسعة كلنا اتجمعنا ف البيت، والشباب ناموا بدري بس انا ساهرته شويه طبعا ماف زول بصلي هناك غير احمد ، شاهدته كم ف فيديو ف التيك توك وبعدو رقدت نمت ، نسبتآ لي إنو الجو كان مسخن فعشان كدا فرشنا سرايرنا ف الحوش وانا سريري تحت كان الشجرة واحمد قدام لي شويه ، كنت ف سابع نومه صحيت بصوت جمال وهو وبقول لي تلفونك ي زول فتحت عيوني وهو رجع واصل ناموا طلعت التلفون من تحت المخدة واتفاجأت بالرقم ، كان رقم حميده طبعا م عارف نفسي حفظتو كيف لقيت منها تلاتة مكالمة وقبل الحق التالتة المكالمة إنتهت ، إستغربت ، لي هي متصله لي وف زمن زي دا عاينت للساعة كانت واحدة منتصف الليل ، قلت ف سري اكيد عايزة ترد ليي ع الكلام الرسلتو ليها وتسمعني محاضرة طويلة عريضه ، عايز ارجع التلفون مكانو بس اتصلت تاني اول م كنت عايز افتح الخط بس تاني فتحتو وقلت ليها اوو الواعظة!! جاني صوتها وهي بتقول لي أنس، وكان صوتها م طبيعي م نفس صوتها الأول الكان كلو ثقه وقوة ، قلت ليها خير قالت لي بتعرف شهد بت خالتي وين ؟؟ وهنا حسيت بيها قعد تبكي عاينت لي اخوها الكان ف سابع نومه ، نزلت من السرير وفتحت الباب ووقفت ف الشارع وقلت ليها شهد منوو ؟؟ قالت لي البت الكان رسلت لي صورتها، كان ف صوت وحدة اظن واقفه جمبها وهي بتقول ليها م تضعفي يا حميده ان شاءالله ح يكون عارف مكانها وين ويورينا٠٠ سكت مسافة وقلت ليها وانا ال ح يخليني اعرف شهد بت خالتك وين حدي معاهم كان ف الكافتيريا بس ووقت بت خالتك طلعت صايعة البخليكم تخلوها تقرأ جامعه شنو ، هنا سكتت والعبرة يمكن خنقتها وقالت لي ، شكلوا انا غلطانة وقت اتصلت ليك وقفلت الخط ف وشي ، وقفت مسافة وسرحت ف الفراغ م عارف بس اتقلقلت شديد كونو ف بت نايمة برا ووين م عارف م بحب الحركات دي هو صح م بينت لي حميده انو انزعجت من الموضوع دا ، طوالي رجعت البيت وصحيت مؤمن فتح عيونو وهو شبه نايم ، طبعا مؤمن ساكن مع شباب تانين بس الليله جا يبيت معانا جابو مدثر، قال لي مالك ي جن ، قلت ليو تعال ، بس قال لي ياخ داير مني شنو سيبني في حالي داير انوم عندك معاي موضوع خلي بكرة ، قلت ليو ي إنسان تعال معاي ياخ الموضوع حساس شويه فتح عيونو وطلع معاي برا ربع يدينو وقال لي اها، قلت ليو البنات الكُنت قاعد معاهم فاتو وين قال لي انا ي صحبي ف اليوم بقعد مع مية بت ، ف حدد ياتو بنات بالضبط ؟ قلت ليو الكنت قاعد معاهم بالصباح ف الكافتيريا الفي السوق جمب الطرمبه سرح مسافة وقال لي روان وصحبتها شهد ، قلت ليو اي قال لي والله حدي كان معاهم ف الكافتيريا بس لكن شوف معتصم ، قلت ليو دا ياتو داهية كمان؟ قال لي دا انسان مجنون جن ، قلت ليو مجنون ولا نصيح م بهمني هو بيعرفهم وين صح ؟ قال لي م عارف لكن بديك رقمو ، قلت ليو طيب ، طلعت تلفوني وملاني الرقم شكلو حافظو ف راسو، اتصلت ليهو طوالي بس م رفع رجعت واتصلت ليو تاني وتالت يمكن عشرة مرة بس م رفع ، طوالي استعِنت ب صحبي ناصر واتصلت ليهو رفع الخط وقلت ليو بتعرف واحد إسمو معتصم ؟ صاحب ناس مؤمن ومدثر والجماعة ديل؟؟؟ ف مكان اخر٠٠٠ بلسان شهد٠٠٠ بعد م روان عرضت علي القروش ، بقيت ف دوامة من التفكير وهنا حضرت شياطين الجن ، منهم من كان يوسوس لي ويقول لي اي وافقي دي فرصتك وتاني م بتلقي فرصه زي دي ومنهم من كان بقول لي اي وافقي ، وعيشي حياتك وبعدين توبي ، بس كان ف صوت قوي جُواتي كان بقول لي والضامنك شنو ي شهد انو ما تموتي وانتي ف معصية كبيرة زي دي اليضمن ليك شنو إنو القروش حتغير حياتك احتمال تكون سبب تعاستك، كانت دي صحوة ضمير إتذكرت كلام حميده لمن قالت لي غلطه واحدة منك قد تندمك طول عمرك ، إتذكرتها لمن كانت بتقول لي الدنيا فتنة إتذكرتها لمن كانت بتقول لي م لازم اخسر آخرتي عشان اي شي دُنيوي اتذكرتها لمن كانت بتقول لي الأرزاق بيد الله إتذكرتها لمن كانت بتقول لي اوع ف يوم من الايام تمشي ورا الباطل وخليك قويه هي صح النفس بتتمني بس انتي ح تمنعيها دي نفسك وانتي بتقدري عليها اوع تخلي الشيطان حُجه ، غمض عيوني وفتحتهم وقلت لي روان لالا انا م عايزة ورفعت شنطتي عشان اطلع بس جوو تلاتة شاب داخلين ، الأول كان مُربي شعرو ومنزلو لي كتفوا والتاني كان عادي جدا وملامحو عاديه والتالت لابس اتنين خاتم فضة وسلسل وملامحو باين فيها الشر والاجرام ، المُربي شعرو خت يدو ف الباب وقال ٠٠ =شنو ي مزة ماشه وين معقولة بس قلت ليو زح من وشي ، عاين لي روان وقال ليها دي الح تشتغل معاك ومعانا معقولة جايبه ليك حمامه زي دي ي بت ؟ ردا صحبو صاحب الملامح العادية وقال ليو ، حمامة شنو يا معتصم عاين ف وشها دي دي باين عليها بالنية بس هنا حيلي برد وعاينت لي روان وقلت ليها بصوت كلو خوف ديل شنوو ي روان ، رد الولد المُربي شعرو وقال ديل شنوووو ؟ روان قالت لي م تخافي وزي م قلت ليك ديل الشباب ال ح يشتغلوا معانا صرخت فيها وقلت ليها مليون مرة قلت ليك انا م عايزة شغل معاك وشماستك ديل لميهم عليك وعايزة اطلع بس م عارفه واحد منهم مسك لي يدي وقال لي مشية ماف نفضه يدي منو ورفعت اصبعي ف وشو وقلت ليو اوع تهبشني تاني ، قال لي ياخ كلامك كتير بجد ع العموم طلعه ليك من هنا ماف وغصبن عنك ح تشتغلي معانا ، هنا دموعي جات نازلة وقتي وماعرفت اعمل شنو ، قال لي م تبكي يحلوه وبعدين بت كيوت زيك م بهون علي زعلها ، هنا اصحابوا صفرو وقالو ليو اووو شنو ي جن ، قال ليهم عليك الله م لايقين مع بعض انا وهي ، روان جات ووقفت جمبي وقالت لي ما عندك مفر انتي الان عرفتي كل شي عننا وهمست لي ف اضاني وقالت لي م تتجادلي معاهم عشان صدقيني هم حاليا مابي وعيهم وممكن عادي يقتلوك برضو ف اتوقعي منهم اي شي ، وانتي ماعندك حل غير توافقي تنضمي للفريق تبعنا ومع مرور الزمن ح تتعودي ، وحتي لو رجعتي الداخلية حتكوني مجبورة تشتغلي معانا ولو مشيتي اي مكان م بخلوك ، هنا عرفت نفسي دخلت ف مشكلة كبيرة، قلت ليها حريقة فيك وفي اليوم الصادقتك فيهو ، قالت لي مقبولة منك حاليا انتي مصدومه ، رفعت شنطتي ودخلت ل جوا ، الاسمو معتصم قال عسل بتسمع الكلام ، حمرت ليهو بس وسكت ، هم دخلوا وقعدو ف جلسة الكراسي وف نصهم روان كانت مندمجة معاهم وعاديه جدا و حتي طرحه ساي م لابسه وكانو اخوانها بس ماف اي حدود بينها وبينهم ، حرفيا انا لميت ف اسوأ انسانة ياها زاتها صديقة السوء غمض عيوني ودخلت المطبخ وبكيت لمن قلت بس ، واتذكرت انو لازم اتصل لي حميده فتشت الشنطة بس تلفوني ماكان موجود فيها جريت ع الهول مكان ناس روان قاعدين شفت معتصم شايلو عاين لي وقال لي ح اجيب ليك تلفون جديد دا م بيلزمك تاني واديني اسم أغلى واحسن تلفون وح اجيبوا ليك ع الطاير ، مديت ليو يدي وقلت ليو لا شكرا واديني تلفوني لو سمحت ابتسم وقال لي تعالي شيلي طيب هنا طوالي رجعت خطوة لي ورا وقلت ليهو حسبي الله ونعم الوكيل فيك ، ومشيت المطبخ ضميت نفسي علي وغرقت ف دوامة من البكاء، لحظات بس وشفتو جا داخل قلت ليو مالك ي إنسان خليني ف حالي قال لي بس م بقدر اخليك ف حالك وانا حبيتك من اول نظرة ، قلت ليو شوف حركات المسلسلات الهنديه والروايات دي و حبيتك من اول نظرة وزفتين م بتنفع معاي و ارجل ع نفسك شويه واتذكر انو انت عندك اخوات ضحك وقال لي انا ود الشوارع ي بت واخوات ديل شنو زاتو م بعرف ٠٠٠قلت ليو طيب خليني ف حالي لا بحبك لا تحبني ، قام ع حيلوا وقال لي اوكي بيناتنا الايام بس ورجع لي ناس روان قعدو زي نص ساعة واظن جابو حاجات ل روان وبعدو طلعوا انا طوالي طلعت لي روان وقلت ليها طلعتي وسخه بجد قالت لي انا قلت ليك باريني؟ قلت ليها بس انتي اظهرتي لي شخصيه تانيه وانا لو عارفاك كدا م كان مشيت معاك خطوة وحده قالت لي ع العموم غرفتك فوق لو عايزة ترتاحي قلت ليها غرفة شنو انا طايرة من البيت دا قالت لي طيب طيري لو بتقدري و انا داخلة انوم وعلفكرة الشباب قاعدين برا هم ما فاتو لانو اساسا هم قعد ينوموا هنا قلت ليها شنو انتي جادة ؟ وانتي م بتخجلي تنومي ف بيت زي دا ، عاينت لي بطرف عينها ودخلت جوا وقفلت الباب عليها، وانا اتجدعت ف الكرسي قعدت ووجهت نظري ف الفراغ ، أحمد لو سمع بالكلام دا ح يضبحني وابوي ح يتبرا مني وانا والقروية اتفارقنا خلاص ، ياريت لو سمعت كلامك ي حميده غطيت وشي بيديني وبقيت ابكي٠٠٠ ● دُبي ● طلعت من غرفتها وهي كارة وراها شنطة السفر وقفت ف الهول بحيث كان ابوها مُستلغي ف الكنبة وامها قاعدة ف الكُرسي واخوها همام قاعد ف حافة الكرسي واخوها الوليد ودا البكر واقف، وقالت خلاص ي امي وابوي نطلع بعد دا ، امها قالت ليها اي وعندي ليك مفاجأة قالت ليها ويلي هي شنو قالت ليها اخوانك كلهم ماشين معانا صرخت وقالت ليها بجد ي يمه قالت ليها اي ، جا وليد وقال ليها كان ماعندي نية امشي بس طولت من الأهل هناك ودي فرصة ذهبيه انو نمشي كلنا ، قالت ليو بجد مبسوطة انو ح نمشي كلنا مع بعض قال ليها و لمن نمشي الخرطوم ح افسحك كتير قالت ليو بحبك ي غلاي واخوي ، كلهم ضحكوا وهمام كان ساكت ومتابع ب نظرو بس قام ع حيلوا وهو بعاين ف الساعة وقال ليهم الزمن محسوب علينا ، كل زول شال شنطتوا وطلعوا وقفلو البيت وراهم ، ايلاف قالت لي امها رائيك شنو ف لبسي قالت ليها حلو شديد قالت لي الطرحه البسها ولا اخليها ف كتفي كدا احسن ؟ قالت ليها لالا خليها ف كتفك قالت ليها طيب ركبوا العربية واتوجهوا علي المطار٠٠٠ ف الداخلية ٠٠ رد أنس كان زي السم ع قلبي ، افتكرت ح يكون في ذرة رحمه ف قلبوا بس طلع قاسي واقسي من قاسي كمان لدرجة انو شكيت يكون دا ود خالتي، عاينت لي لجين وقلت ليها طلع ما منو فايدة قالت لي طيب الحل شنو قلت ليها كل الحلول انتهت وفضل حل واحد بس ، بيأس واضح قالت لي أحمد؟ قلت ليها بالضبط ماف اي حل غير اتصل علي أحمد وخلي يعمل اي شي يقتلنا يخلينا يمنعنا الجامعة م فرقت ، قالت لي ان شاءالله م ح يحصل الا الخير ، هبت نسمة باردة ف وشي ، اتخلط مع الدموع الكانت محبوسة في عيوني رفعت التلفون وجبت رقم أحمد عايزة اتصل عليهو بس دخلت مكالمة من أنس قلبي عمى شح لجين قالت لي ردي سريع يمكن عرف حاجه فتحت الخط وقلت ألوو، دخل ف الموضوع طوالي وقال لي = بت خالتك دي غبية ولا مجنونة ولا مالها ؟ قلت ليو ف شنو قال لي انتي عارفه هي وين حاليا وواقعة مع ياتو ناس ؟ شلت نفس عميق وبصوت باين عليهو أثار الصدمه ، قلت ليو مع ياتو ناس؟؟ ‏*•••••••••••••••••••••••••••••••••••••••••••••••••••••••••••* *★★يتبــــــــــــــــــــــــــــــــــــــــــــع★★* *#♡♡عبد الباقي أحمد محمدزين♡♡*