*#صيفُ_أبريل《24》🦋♡* *#بقلم_حميده_عبدالحميد🦋* *★★★ــــــــــــــــــ♡♡♡ـــــــــــــــــــ★★★*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ كان هادئ جدآ وماف اي ردة فعل من ناحيتوا كان متكي ع حافة الكرسي وخالف رجولوا فوق بعض ، صلح قعدتو وقال لي موافقه عشان خالتك صح ؟ قلت ليو م اكذب عليك يمكن دا هدفي رئيسي من موافقتي بيك ،بس برضو انا إستخرت فيك ،ولقيت نفسي مرتاحه جدا وأساسا انت مافيك عيب او مشكلة بس عايزه منك طلب واحد وتعاهدني عليو ، قال لي شنو هو ؟ قلت ليو مهما حصل ليك ف الدنيا دي م تفرض ف صلاة من الصلوات، لانو صدقني الصلاة عماد الدين والركن الأساسي ومن تركها فقد كفر ،وإذا صلُحت صلاتك صلُحت حياتك وانا م عايزاك تعامل الله عز وجل بالعطاء والمنح تعبدو عشان يديك ، لا كدا اكبر غلط ،نحنا ح نعبد الله عشان دا فرض علينا وعشان نحنا متشوقين لي لقائو بعدين وعشان الجنة تكون دارنا ومستقرنا، وعشان حاجات كتيرة وكتيرة وأبدا م تخلي الدنيا تشغلك عن عبادتك ، لانو اساسا نحنا ربنا خلقنا للعبادة و لمن قال الله عز وجل ف سورة الذاريات وماخلقت الجن والإنس الا ليعبدون، ف ياريت م تنسى الهدف الرئيسي والوجه الرئيسة ويلي هي العبادة بجميع اركانها، فضل يبتسم وكل لوحات السعادة اترسمت ف وشوو، وقال لي كدا داب انا اطمنت وعرفت انو انتي وافقتي بي من كل قلبك وانا بوعدك م ح اخلف عن صلاة ف يوم من الايام ولا ح امشي ف اي درب غلط ، وما ح اصاحب اي صديق سوء ، عايز اعيش حياتي دي كلها عشان ارضي ربنا وهو يرضى عني عايز أتعب واشتغل عشان تكوني حلالي ب اسرع وقت ، حاليا أنس القديم والجديد ماتو وظهر أنس واحد تاني ، قلت ليو طيب اول شي ح تكلم احمد بس قبل دا كلو عايزاك تتكلم مع عبق لانو اتصلت لي وقالت عايزة ترجع ليك ب اي طريقه وشفت عملت ف البت شنو ؟ عشان كدا ربنا لمن حرم العلاقات الغير شرعية دي ما من فراغ وعشان فيها اضرار كتيرة ، قال لي البت دي مجنونة ساي وهي متعلقة بي لكن صدقيني م بتحبني قلت ليو دا مرض التعلق وانت البقيت ليها سبب لمن اديتها وعود كاذبه ،وع العموم ح اتكلم معاها انا، قال لي طيب قلت ليو ح نمشي ل عم يوسف لانو هو تعبان وطلب انو يتكلم معاك سرح مسافة وقال لي عشان خاطرك بس ح امشي قلت ليو طيب ، طلعنا ع طول وصادف ف رزاز مطر ، وقفت مسافة وعاينت للسما، وقلت لي أنس لا عرفنا صيف لا عرفنا خريف ، ضحك وقال لي علفكرة السخانة الشديدة بتجيب مطر ،قلت ليو عارفة قال لي طيب مالك ، قلت ليو عشان انت تسأل، ضحك وقال لي جارة سلك من اخوك وبت خالتك وانا قلت البت مسكينة ساي ، قلت ليو ييك لسه م شفت شي !!و الله يكون ف عونك بس بعدين ،ابتسم وقال لي مامشكلة وتصدقي متمني اشوف وشك ، وانا شاكي انو انتي بتشبهي اخوك احمد ، قلت ليو لالا انا ف بيتنا دا م بشبه زول قال لي ولا امك قلت ليو ولا خالتك أسيا قال لي يعني اسمها أسيا ؟قلت ليو اي قال لي ح امشي ليهم هناك ف البورت عشان اطلب يدك منهم بالإضافة ل ابوك ،قلت ليو ان شاءالله، وصادف العربية وصلت و الكمساري من بعيد أشر لينا بمعني ماشين أنس أشر ليو بمعني اقيف اي طوالي وقفوا لينا والكمساري قال لينا حركوا سريع سريع، أنس قال ليو م تصبر ي زول ، وقال لي اركبي ركبت وصادف المقاعد كلها ملانه الا كنبة خالص بس الفاضيه وفيها تلاته شاب وفضل مكان نفر واحد أنس قال لي واحد قاعد ف مقعد نفر ، لو سمحت ي حبوب ممكن تقفل مع الورا ديل قال ليو جدا طوالي قام ومشي قعد جمبهم وقال لي انتي اقعدي هنا ،قعدت وهو شمع حرفيا حبيت الحركه دي منو، اتحركنا وبعد ربع ساعة وصلنا، والمطره شدت وكانت مصحوبه ب عاصفة شديدة، نزلنا وسريع دخلنا المستشفي ، اتحركنا ع غرفة العناية ع طول واتفاجأنا بكل اهل عم يوسف موجودين هناك من اب ل ام ل اخوان ل أعمام وخيلان، أول م وصلنا قام واحد واظن دا ود عمو ل عم يوسف جا ومده يدو وسلم أنس وقال ليو سبحان الله ظاهر دمك فينا والشبه باين واي زول لو شافك ح ينسبك ل أسرة ال يعقوب، ودي كنية ناس عم يوسف ، سكت بس وم قال ليو حاجه، جات ام يوسف وسلمت أنس وبقت تبكي ،قال ليها بتبكي ليه قالت ليو ،سامحنا ي ولدي ،قال ليها انتو اساسا م ليكم ذنب والمسوؤل من دا كلو ولدك وخالت حميده، طبعا أنس للان مستنكر ينطق اسم خالتي ف خشموا،جا الضابط وقال ليو ابوك حارسك جوا ي أنس، قال ليو تمام ، اتحرك علي الغرفه وتاني وقف مسافة لمن شافني م اتحركت اتلفت علي وقال لي ارح !! قلت ليو انت امشي قال لي ح نمشي سوا واصلا عندي كلام عايز اقولوا ليو قلت ليو طيب ،اتحركت من مكاني ومشينا ع الغرفه سوا ، والباب كان فاتح فدخلنا طوالي لقينا عم يوسف راقد ومركبين ليو درب ،أنس وقف مسافة وكان متردد قلت ليو أنس متخلي الشيطان يكون أقوى منك انت ارحم من انو تكون قاسي كدا طوالي دخل ووقف قصاد عم يوسف وقال ليو =السلام عليكم ٠٠ _ عم يوسف قام براحه وبصوت مكتوم قال ليو وعليكم السلام، قال ليو كيف بقيت ؟ هنا عم يوسف الفرحه اترسمت ف وشو وكان شبه مصدق وقال ليو الحمدلله ي ولدي احسن من اول ،قال ليو اها جبتني ليه ،قال ليو عايزك تسامحني ، قال ليو قبل اي شي، انت صلحت غلطتك؟ تبت لي ربك ؟ انا دا خليني ف المرتبة الأخيرة ، كيف قلبك سمح ليك تكون قاسي كدا ؟ معقولة بس قررت تكمل حياتك ووراك ذنب زي دا معقولة ضميرك م انبك ؟طيب اتذكرت عقاب الله ليك بعدين ؟ بكي وقال ليو تبت والله وانا زاتو لقيت جزاي وبستاهل الحصل لي دا كلو ودي نتيجة أعمالي وربيت أربعة جنى وكلهم م اولادي قال ليو ع العموم انا سامحتك وربنا بيغفر ف انا منو عشان م اسامح وربنا هو البيحاسب م انا ، وصدقني حاليا انا م شايل ليك اي حقد او كراهية ف قلبي اتجاهك وبتمني تلقى العافيه وترجع ليك صحتك الطبيعيه عم يوسف دمع من الفرح وبقى يردد الحمدلله الحمدلله يارب ، وتاني رجع واتكلم مع أنس وقال ليو ح اعوضك عن كل شي ، و صح م بقدر اخليك تنسى الماضي العشتوا ،بس ع الاقل ع احاول والعمارة الجمب الداخلية ح اسجلها ب اسمك كهدية مني وح اديك مبلغ كويس تفتح بيو مشروعك الخاص، أنس قال ليو جزاك الله خير بس انا م محتاج منك شي وبقدر أعيش نفسي بس عايز منك طلب واحد قال ليو اتفضل، قال ليو انا ح اتزوج وعايز منك تكون ولي أمري بعدين لمن اكون عايز أعقد، عم يوسف من الفرحه طوالي قعد ف نص السرير لدرجة نسى تعبوا ومرضوا وقال ليو ابشر ي ولدي ابشر والله ان شاءالله انا معاك في كل خطوه، قال ليو شكرا ليك وعاين لي وقال لي ارح نمشي قلت ليو طيب ، اتحركنا وعايزين نطلع عم يوسف اتكلم وقال بس مين العايز تعرسها ي ولدي أنس اتلفت عليهو وقال ليو الانسانة العملت كل شي عشان اكون واقف قدامك الآن، عم يوسف ابتسم وقال ، ماشاءالله تبارك الله بت الأصول حميده الإنسانه الما هينه ربنا يبارك ليكم ي ولدي ابتسمت وقلت ليو امين ي عم يوسف وطلعنا ع طول، والحمدلله المطره وقفت بس كان ف هواء خفيف ،قلت لي أنس ح نمشي لي خالتي هسي قال لي طيب ،قلت ليو نمشي برجولنا لانو البيت م بعيد قال لي بتقدري لكن ؟ قلت ليو اي ،قال لي تمام ،وفضلنا ماشين مسافة الطريق أنس حكى لي عن زمن طفولتوا وانو كان ماسك بيتهم وكان مبسوط شديد وحكي لي عن اخو أسعد قلت ليو اتصل ليو وخلي يجينا هناك قال لي لالا ، قلت ليو حلفتك بالله و علي الاقل يتعرف علي خالتي او بالمختصر يتعرف ع اهلك قال لي طيب البيت هو وين عشان اوصف ليهو، قلت ليو فندق أفواج جوار مسجد الصحابه الطابق التاني قال لي طيب طلع تلفونو واتكلم معاهو وخبروا وقال ليو تمام واصلا انا متشوق اتعرف عليهم ،قال ليو طيب ف انتظارك وقفل الخط ، قلت ليو تاني عندك اخوان قال لي اي بت واسمها ايلاف وكنت مدلعها دلع وم برضى فيها ولا كلمة وبحبها شديد ولمن اصرف مرتبي كنت بشتري ليها العاب كتيرة لانو بتحب الألعاب ولمن تكبر ،كنت عايز اعيشها أميرة وم اخليها تحتاج لي اي زول ، بس برضو شالوها مني ابتسمت وقلت ليو عمرها كم حاليا قال لي م متأكد لكن تكون زي 18سنة كدا وانا اساسا لمن مشيت خليتها صغيرة وزي الوقت دا حتكون كبرت ،وبقت صبية ،هنا طوالي جات صورة البت ديك ف بالي، وهي اسمها ايلاف برضو ، قلت ف سري تشابه أسماء بس ،قلت لي أنس وحاليا هي وين ،قال لي سألت اسعد وقال لي ف دبي ، قلت ليو ربنا يجمعك بيها قال لي امين يارب ،ومع الونسه لمن وصلنا قلت لي أنس وصلنا خلاص قال لي صراحه المكان بعيد وحسيت بيك فترتي قلت ليو صح بس اتعمدت انو امشي معاك بروجلنا عشان تحكي لي عن حياتك ضحك وقال لي ذكية ، قلت ليو امم ، طلعت المفتاح ودخلت انا اول ، ع طول وصادف خالتي ولجين وشهد قاعدين ف الهول خالتي كانت سارحه كالعادة. ولجين كانت بتقرا ليها مرجع وبتراجع فيو وشهد قعد تتبظ ف تلفونها ، قلت لي أنس ثواني دخلت جوا وقلت لي ناس شهد جا ضيف البسو طرحكم سريع سريع ، كل وحده خطفت طرحتها واحتشموا وقعدو وخالتي قالت لي ثواني اجيب توبي ،قلت ليها البسي الطرحه دي بس قالت لي هو راجل كبير؟ قلت ليها لا قالت لي منو طيب قلت ليها المريود ي خالتو جنى حشاك جا يشوفك، من الفرحه قامت ع حيلها ودموعا جرو سيل ،قلت لي دا أنس قلت ليها وقلت لي أنس بصوت عالي اتفضل ،جا داخل ونظرو كان ف خالتي وعيونو حكت كل شي أتقدم كم خطوة ووقف قدامها وقال ليها كيفك ،قالت ليو بعد شوفتك انا كويسه شديد جيت ووقفت جمبوا وقلت ليو أنس م تكتم الجُواك انا شايفه ف عيونك مدا شوقك ل خالتي العن الشيطان أنس وطلع الفي قلبك هي الدنيا دي والله م مستاهلة مننا قدر دا شوف خالتي بقت كيف ضعفت وانتهت وكملت من بكاها ليك هي بتبكي عليك من يوم ولدتك صدقني خالتي تابت توبه نصوحه ورجعت لله وربنا يتقبل توبتها ان شاءالله، ف جا وقتك انت برضو طلع الطفل الجواك سامح امك وعيش باقي حياتك وانت معاها مرات بنكون محتاجين نسامح عشان نقدر نعيش وعشان الحياة تستمر خلي الشخصيه اللطيفه الفيك تظهر دنقر راسو تحت ووجه نظرو ف الارض ودموعوا جات جارية ،وتاني رفع راسو وب ابتسامه خفيفه قال ليها تعالي لحضن ولدك ي امي ،خالتي كانت م مصدقه وطوالي حضنتوا وبقت تبكي، كان مشهد مؤثر بجد لحظة من الصمت كانت الساحه ليهم بس ونحنا كنا بنعاين بكل حب لجين من حنيتها المفرطة بقت تبكي معاهم وشهد وشها م بيتفسر من السعادة، فضلنا بنعاين ليهم بس ،وخالتي كأنو كان ف حمل ف قلبها وانزاح ، حضنت أنس كتير وقالت ليو سامحني ي ولدي وفضلت تكرر فيها قال ليها سامحتك والله سامحتك ي امي مع كلمة امي دي كانت بتنزل دموع الفرح اكتر ، فضلنا ف حالنا دا مسافة الربع ساعة كان الشوق والحنين هم المسيطرين ، بعدو قعدنا وشهد جابت لي أنس مويه شرب وخت الكباية ف الطربيزة، وخالتي كانت قاعدة جمبوا ونهائي م عايزه تزح منو ،شهد قالت لي أنس غايتو تاني نحنا وحنية خالتي اتفارقنا فراق أبدي تاني كل الحب والحنان ح يمشي ليك انت بختك والله، خالتي ضحكت وقالت ليها معقولة حتكونو زي أنس واحد ، قال ليها لالا م عايز اتشارك انا وشهد ف محبتك ،هي اديها واحد ف المية ، حمرت ليو وقالت لي خساسة اولاد الخالات بدت من هسي ضحكة وقلت ليها غايتو ي شهد م بسألك، قالت لي لا اساليني ساي ي حميده حمرت ليها طوالي سكتت ، وصادف احمد جا داخل وهو شايل بطيخه كبيرة ف يدو وكيس فيو بعض الحاجات وقف مسافة وعاين لخالتي وأنس الكان قاعد جمبها واترسمت ف وشو ابتسامه عريضه دخل المطبخ ونزل الحاجات وجا طالع سريع من جوا وقال اوو ود الخاله ،أنس وقف واتسالموا سلام حار وقال ليو شنو المفاجأت دي زول؟ قال ليو والله زي م شايف بس قال ليو والله الحمدلله وقعد جمبي ،شهد قالت لي تتذكري لمن كانو أعداء قلت ليها شهد خشمك دا لو م قفلتي بخيطوو ليك قالت لي اها سكت يبت ، لجين قامت ع حيلها وقالت بمناسبة اللحظة الحلوه دي ح اعمل لينا كيكه بالشكولاته احمد ابتسم وقال ليها ياريت ياخ ، شهد قلعت عيونا وقالت لي شفتي فلان ؟ عاينت ليها بقعر عيني وقلت ليها ل ناس لطيف ول ناس إبليس، قالت لي اصبري بس بجيب خبرو قلت ليها اسكتي سامعك ، طوالي سكتت لحظات بس وسمعنا صوت الباب احمد فات عشان يفتحوا وشويه جا داخل هو واسعد مع بعض وكان شايل معاهو ضيافه ف يدو سلم علينا ومشا ح اخووو سلموا سلام حار وبعدو سلم خالتي وقعد، احمد قال ليو حمدلله ع السلامه كمان و طلعت متين قال ليو والله ياهو بمجرد ما مسكو ناس معتصم نحنا طلعونا براءة قال ليو الحمدلله وانت زاتك الوداكم هناك شنو ،قال ليو والله قلة أدب بس ، أنس قال ليو تاني فوضه ماف ي اخوي من البيت للمسجد، قال ليو شنو ي عمك داير تكتمها علي ولا شنو . قال ليو كلمتك بس ي اخوي وكلام كتير م ينفع وصحبك الكسلاوي داك تختا دربوا وم اشوفك تاني ماشي معاهو دا إنسان كعب وح يخرب طبعك قال ليو بس انا شغال معاو قال ليو لو لي شغل انا بفتش ليك شغل ،قال ليو عديلة طيب ، عاينت لي أنس نظام افتح الموضوع ل أحمد طوالي فهم وقال ٠٠ = ي أحمد ب اعتبارك اخوها الكبير ل حميده ف انا عايزها ع سنة الله ورسوله ، احمد قال ليو عايز اختي قال ليو اي ،ابتسم وقال ليو خير و اصلك م بتلقي احسن مننا ، ضحكت وقلت ليو قصدك احسن منهم قال لي لالا احسن مننا ،شهد قالت لي واخيرا وافقتي احمد قال ليها وهو الموضوع اتعمل من بدري يعني ؟ قالت ليو اي ،قال ليها تمام اصلا ف الدنيا دي تقوم وتقعد وانا اخر من يعرف ، خالتي جات وسلمت علي وقالت لي شكرا ليك ي حميده شكرا ليك ع كل شي عملتي وع قول احمد احسن منكم ومنك انتي بالذات م بنلقى وهنيئا لولدي أنس بيك ،وربنا يسعدك زي م اسعدتيني قلت ليها اللهم امين يارب وصادف لجين جابت الكيكه وقطعتها، شهد قالت ليها تسلم لينا مرت اخوي قلت ليها اخوك منو ،قالت فلان القاعد جمبك دا قلت ليها اسكتي وحمدلله ماف زول سمعها ،وقلت ليهم ثواني ماف زول ياكل منها عايزه اصورها شهد قالت لي ماشه تحششي بيها وتقولي انتي عملتيها موش قلت ليها شهد ح اسفهك بس وطلعت تلفوني وفتحت الكاميرا وبصدفه شفت صورة البت الكانت ف المطعم واتذكرت انو انا صورتها بالغلط، شهد خطفت مني التلفون وشكلها كانت مركزة معاي وقالت لي دي منووو المزه دي، الكل ركز معاها قلت ليها م بعرفها وصورتها بالغلط بقت تقرب ف الصورة وقالت أنفها مستقيم زي حق اسعد ووشها قريب لوش خالتو أسيا وبتدي ملامح ل حبوبه واحمد ، قلعت منها التلفون وقلت ليها نحنا جينا هنا عشان نقرأ ولا نفتش أهلنا !! الكل بقى يضحك، خالتي قالت لي كدي اشوفها قلت ليها حاضر رفعت التلفون وناولتها ، شالتو وبقت تعاين فيها واسعد كان مُركز معاها كتير ملامح وشو كلها اتغيرت و قال ليها كدي ي خالتي التلفون شالو منها وبقى يعاين فيها وع الشاب الكان قاعد جمبها ، طوالي قام ع حيلوا وكل لوحات الغضب اترسمت ف وشو ،أنس قال ليو مالك؟ قال ليو دي اختنا إيلاف ي أنس ٠٠٠ ‏*•••••••••••••••••••••••••••••••••••••••••••••••••••••••••••* *★★يتبــــــــــــــــــــــــــــــــــــــــــــع★★* *#♡♡عبد الباقي أحمد محمدزين♡♡* ‏​​‏​​‏​​‏​​‏​​‏​​‏​​‏​​‏​​‏​​‏