*#صيفُ_أبريل《27》🦋♡* *#بقلم_حميده_عبدالحميد🦋* *★★★ــــــــــــــــــ♡♡♡ـــــــــــــــــــ★★★*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏ ‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏ شلت نفس عميق وحاولت اهدئ من نفسي عشان اقدر اسيطر علي الوضع، قعدت جمب امي بكل هدوء العالم وقلت ليها لي بتعملي كدا ي امي ؟ أنس ذنبو شنو؟ زحت مسافة من جمبي وقالت لي عايزاني أديك ل واحد متربي ف الشوارع؟ ل واحد عاش كم وعشرين سنة لا أم ولا اب ؟ ومامعروف المصايب العملها ف حياتو ، قلت ليها ي امي ، إذا هو اتربى من دون ام وأب دا م بيعني انو هو إنسان فاشل لو جينا للحق ح نلقى اولاد كتار متربين وسط اهلهم بس للاسف طلعوا فاشلين واولاد ربتهم الشوارع بس طلعوا ناجحين جدا وهو صح التربية ليها أثر بس نحنا م لازم نحكم علي الكتاب من غلافو من دون مانقرا صفحاتوا، وانس انسان رغم انو نشأ ف بيئه غير سوية بس هو فكر ف الحلال رغم انو عاش من دون أم و اب بس برضو فكر ف الحلال عشان يعف من نفسو ف اكتر من كدا ي امي ؟ هو كان عادي يفتش للحرام وانتي شايفه الحرام بقى ساهل كيف ي امي بس صدقيني الانسان البخاف الله هو ال ح يفكر ف الحلال قبل الحرام وفوق دا كلو ي امي أنس ود اختك لو شئتو او ابيتو ، وياريت م تبقوا عليهو انتو والدنيا مع بعض ، صدقيني الشيطان قاعد ف حافة الباب وراجي الهبشة فعشان كدا م تصبعوا الحلال اكتر من ماهو صعب ياريت نبطل نتشدد ف حاجات مامعروف هي شنو ، عاينت لي بس وسكتت هنا خالتي سمية ادخلت ويمكن شويه حست بخطورة الموقف ،وقالت لي لمن هو يجي ونتكلم معاهو بعدين نقرر،خالي قال ليها صح هو وين ؟ قلت ليو اخو ف السجن ٠٠ ومشى يطلعوا قال لي اخو؟؟؟ قلت ليو اي اخو الاتربى معاهو زمن كانو صغار، وأنس اتربي وسط اسرة لحدي ما عمرو بقي 15سنة ، ضحك وقال لي شكلو الأسرة الاتربي معاهم ديل م كويسين وإلا اخو م كان ف السجن حاليا وكلام امك صح هنا خالتي انفعلت فيهو وقالت ليو م تحكم عليهو ساي وكلامك دا بدينك بعدين ي يحى عيب منك والله وزادت ف حدة البكاء ،قال ليها انتي تسكتي خالص قالت ليو م بسكت وولدي ح يعيش معاي حتي لو نكرتوني صدقني م بهمني شي تاني ف الدنيا دي غيرو هو ، هنا حبوبتي قامت من السرير بعد م سندتها امي وختت ليها المخدة عشان تسند فيها وبصوت بعيد ومكتوم قالت ٠٠٠ = ي خسارة التربية فيك ي إبتهال ي خسارة والله ، وليك عين تتكلمي مع اخوك كدا، ؟ لو ابوك كان في كان تف ليك ف وشك، خالتي ضحكت وقالت ليها اساسا انتو السبب ي امي لو كنتو رحيمين شويه كان ولدي اتربي وسطنا بس انتو كنتو بتخوفو وحياتكم كلها عبارة عن ضبح وقتل لدرجة انا خفت وماقدرت اصارحك ي امي ، هنا حبوبتي فقدت السيطرة وقالت ليها اسكتي ي قليلة الادب ي عديمة التربية وصدقيني لو كان جبتي ف الزمن داك كان قتلناكي وريحنا العالم منك ٠٠ هنا انا م قدرت استحمل وجيت جمب حبوبه وقلت ليها ب اي حق ي حبوبه تقتلوها؟ ووقت ربنا عز وجل بيغفر لمن تاب توبة نصوحه، انتو منو عشان تقتلوا ، الروح دي خلقتوها انتو ي حبوبه عشان تقتلوها ؟لي عدم الإنسانية دي وانا نهائي م برر ليك غلط خالتي وهي غلطت واتجاوزت حدودها بس هي أقلعت عن الذنب دا ومارجعت ليو تاني وتابت توبة لوجه الله وربنا شايف وعالم بكل شي ف ياريت ي حبوبه ف الدنيا دي نتصرف صح ونفكر كويس وربنا هو البيحاسب، قالت لي انتي ي حميده عايزة توريني الصح من الغلط قلت ليها حاشه لله ي حبوبه ، قالت لي طيب تسكتي بس هنا شفت قلب حبوبه مستحيل يحن علي خالتي ولوهلة إتذكرت المقطع الرسلتو لي البت ديك طوالي جريت ع شنطتي الكانت ف الكنبة وفتحتها وطلعت التلفون وقلت ليها حبوبه ، انا عايزة اسمعك شي بالإضافة للباقين كلكم لازم تسمعو الكلام دا فتحت الريكود وزدت الصوت وبقيتو عالي٠٠٠ الكل بقى ساكت وماف اي صوت غير أصوات الأشجار والرياح وانفاسنا، الريكود فتح وجا صوت البت وقالت الكلام بالنص لحدي م انتهي المقطع، حبوبه شالت نفس عميق وتاني م حسينا ب صوتها كلنا اتلمينا حولينها بالإضافة ل خالي الكان ح يجن لمن شافت حالتها بقت كدا ،جريت وجبت ليها موية وعملنا ليها اسعافات أولية، بعد ربع ساعة صحت وبقت تحضرب ، وتقول كنت شاكة دا ما ولدي والله، و ربنا ينتقم منكم ي سفاحين حسبي الله ونعم الوكيل فيكم حرمتوني من اول ولد لي حرمتوني منو وشلتوا مني انا من الحزن عليهو بكيت سنة ، كاملة، لا إله إلا الله محمدرسول الله، كانت الصدمه باينه ف كل شخص موجود ف البيت ، امي قالت لي حبوبتي يعني اخونا الحكيتي لينا عنو طلع عايش يعني ما مات ي امي ،قالت ليها اي دا ولدي انا داب اتاكدت اصلا كنت شاكة انو دا م ولدي بس الوقت داك ماكان لي خشم إتكلم ، كنت ساكته بس وهنا شهد طلعت من سباتها واتحركت ودا بعد م وقفت جمبي وقالت لي حميده دا شنو ،قلت ليها مقطع رسلتوا لي وحدة من البرازيل قالت لي انتي جادة ؟ قلت ليها اي ، قالت لي كدا داب حبوبه ح تعرف وجعة خالتي ابتهال ،وشوفي ح اعمل شنو قلت ليها م تتهوري هم حاليا قافلين، منك شديد قالت لي هي اصلا جاطت وخربت خلي التخرب زيادة ومشت علي حبوبه وقالت ليها ي حبوبه شفتي الشعور الشعرتي بيهو هسي دا لمن عرفتي جناك عايش واتربي ف مكان م معروف هو وين ، بس الشعور دا خالتي كانت بتعيشوا كل يوم ، ياريت ي حبوبه م نكون قاسين كدا ، بقت تبكي وقالت ليها بس ف فرق بيني وبينها ،هنا انا إدخلت وقلت ليها ي حبوبه الرحمه ربنا كتبها ع نفسو طيب لي نحنا م بنرحم لي م نسامح ونعيش مبسوطين ل نعقد الحياة كدا ،كلهم سكتو وماف زول اتكلم خالي قال لي رسلي ليها وخلي توريك الاسرة دي ساكنه وين انا حاسي بيها وحدة منافقه ساي قلت ليو طيب، شلت التلفون وفتحت الشبكة ورسلت ليها وصادف متصله شكلو راجية رسالتي ع نار ،قلت ليها ح اتصل ليك مكالمة عبر الواتس ، قالت لي طيب إتصلت ليها وطوالي رفعت فتحت الاسبكير عشان ناس البيت كلهم يسمعو بالإضافة ل حبوبتي النست مرضها وكانت متابعة بتوتر وقلق كبير ، دخلت ف الموضوع ع طول وقلت ليها، الاسرة دي ساكنة وين؟ ،قالت لي اول سامحتونا، صح ، عاينت لي حبوبتي وهزت لي راسها بمعني اي ، قلت ليها اي، فرحت شديد وقالت لي ثواني بس و ادت التلفون ل واحد من ناس بيتهم، جاني صوت راجل كبير طوالي اديت التلفون ل خالي عشان يتفاهم ،معاهو قال ليو اها احكي قال ليو، مين معاي اول ، خالي قال ليو اخو الزول العملتوا فيو كدا قال ليو طيب ،قال ليو اها تم سامعك انا اتكلم وقال ٠٠ = طبعا بعد ما امي حكت لي كل شي وهنا قاصد حبوبه صفاء، انا برضو زعلت شديد لأنو فتحت لينا الموضوع دا ف وقت متأخر شديد والموضوع دا فتحتو لينا من سنة كاملة وانا طول السنة دي كنت ببحث عن أسرتك والأسرة الربت اخوك ولحُسن حظي عندي صحبي ف سنار شغال ف السجل المدني واستعنت بيهو وطلع لي ملف الاسرة دي كامله بس واجهتني مشكلة عشان اعرف مكانم وين ووالشي دا كلفني اكتر من شهرين لحدي م عرفت هم ساكنين وين ،واتحققت من التفاصيل دي كلها ونزلت هناك عديل وعرفت كل شي وامس طلبنا السماح من الاسرة ديك وفضل أسرتكم، بس في مشكلة وحدة قال ليو شنو هي ؟ قال ليو والله انا م عارف اجيبها ليكم كيف بس الدوام لله اخوكم دا اتوفي بدري يمكن وهو ف عمر نهاية التلاتينات او بداية الاربعينات، هنا العبرة خنقتنا كلنا بالإضافة ل حبوبتي ، البقت تحضرب وتقول مات وماشفتوا ، حينا ي ولدي الله اعلم طلعت كيف ، كلنا اتصدمنا ،خالي قال ليو واسمو منو كان ،قال ليو شعيب ، واتزوج وحدة اسمها نرجس بس للاسف برضو هي اتوفت قبلوا ب كم سنة بسبب مرض السرطان، وعندو اتنين طفل وقبل ينجب الاتنين طفل ديل سمعت انو ربى ليو واحد هنا طق وقعت لي ووقعت لي شهد والاتنين قلنا بصوت واحد دا ابو انس وايلاف واسعد كانت صدمه كبيرة لاتصدق، يعني الزمن لفى ودار وانس اتربى مع خالو يعني الزمن لفى ودار وطلعنا كلنا اهل ، ايلاف واسعد طلعوا بيقربونا سبحان الله بجد دي حاجه م بتصدق أنس الكان بيندب حظو ع طول طلع هو قاعد وسط اهلوا ،صح خالتي جدعتوا ،بس لقو اهلوا ، يعني هو كان ف أيدي أمينة ، غطيت وشي بيدي وم قدرت استحمل وبكيت كتير، شهد قالت لي شوفي الشي دا حصل كيف و صح مرات بكون ف اهل مابشبهو بعض نهائي لكن هم ف كل زول فيهم طلع فيو شبه من التاني لدرجة ممكن تعرفي دا بيشبه دا ، قلت ليها شاءت الاقدار تجي كدا والحمدلله رب العالمين، جيت ووقفت جمب حبوبتي وقلت ليها صح م شفتي ولدك لكن ح تشوفي أولادو ابتسمت وقالت لي منو هم قلت ليها انا بعرفهم وح اجيبهم ليك ،كانت حالتها بتحنن ،احمد قال لي طلعوا أسعد وايلاف صح ،قلت ليو اي ، قال لي تمام ح نمشي بعربية خالي قلت ليو طيب، شال المفتاح من خالي وطلعنا انا وهو وشهد ع بيت ناس ايلاف ،ركبنا العربية واتصلت لي أنس وسالتو هو وين ؟ قال ف القسم مع عمو مصعب فرحت شديد وقلت ليو يعني ف النهاية مشيت ليهو قال لي اي لانو ماف اي حل تاني ،قلت ليو طيب نتلاقة جمب بيت ناس ايلاف قال لي طيب قفلت الخط وفضلت اوصف ل أحمد مكان البيت لحدي م وصلنا ، نزلنا من العربية ولقينا أنس واقف لينا جمب الباب هو وعمو مصعب وأسعد ، احمد جا وسلم عم أنس وقال ليو ان شاءالله اتحلت قال ليو الحمدلله بس القضيه لسه مفتوحه ولازم يتنازلو عشان أسعد ياخد كامل حريتوا وحاليا طلعتو ع ضمانتي عاينت لي أسعد وابتسمت وقلت ليو الشي ال ح تسمعو هسي ممكن يصدمك شويه قال لي ماف حاجه ح تصدمني اكتر من صدمة ايلاف شلت نفس عميق وقلت ليو انا وشهد وانس واحمد ، بنكون أولاد عماتك وانت بتكون ولد خالنا ، كان م مستوعب وقال لي شنو ؟ حكيت ليو القصه بالتفصيل فرح شديد وقال لي اصلا ديلك م بحبهم وكارهم عمى ولا حصل يوم حسيت بحنيتهم او حنانهم وأساسا هم طلعوا م ع أعمامي وم اكذب عليك ي بت عمتي ، شهد ضحكت وقالت ليو بالسرعة دي؟ ابتسم وقال ليها م مصدق والله إنو انتو طلعتوا اهلي، هنا نسينا أنس طبعا ، كلنا اتلفتنا عليهو وكان سعيد وف نفس اللحظة حزين ،ومسك أسعد من كتفوا،وقال ليو طلعت اخوي بجد انت ولد خالي وابوي الرباني طلع خالي ربنا يرحمك ي ابوي ي شعيب ،كنت حاسي بحنانو وأبدا م اعتبرتوا غريب وهو فعلا م طلع غريب طلع خالي والخال والد ، طلعتوا اهلي ي أسعد انت وايلاف وابوي ، شايف كيف طلعت محظوظ واتمنيت لو ابوي كان عايش للزمن دا كان فرح شديد بالكلام دا، اسعد مسح دمعتوا النزلت من دون اي سابق إنذار وقال ليو وانا اصلا م اعتبرتك غريب كنت بتحدا اي زول لمن يقول لي نحنا م اخوان ،وانت ي أنس اخوي وحتفضل اخوي وسندي نحنا اهل وصدق المثل القال العز اهل وشفت وقفتكم معاي كم انت او حميده وانا والله فرحان شديد ومستحيل اقدر اوصف ليك فرحتي قدر شنو، احمد جا عليهم وربت ع كتف أسعد ثم أنس وقال ليهم كدا بقينا كتلة وحدة وماعاش البيهبش طرفنا ، شهد قالت ليهم فضلت حاجه وحدة بس وطرقت الباب جات وحدة كدا وفتحتوا واظن دي خالت ناس ايلاف ملامحها كانت متوترة شديد وكانو ف شي حاصل ، قلنا ليها ايلاف في قالت لينا اي اتفضلوا حارسنكم من قبيل ، دخلنا بخطوات هادئه لين م وقفنا ف الهول وشفنا ايلاف قاعدة وسط اخوانها وكل زول بطمن فيها بالإضافة لي انو كان ف راجل كبير كان قاعد ف الكرسي وماسك راسو بقوة وموجه نظرو ف الارض دخلنا وسلمنا عليهم ،رفع راسو وعاين لي كل واحد فينا ووقف ع حيلوا وقال اهلين وسهلين فيكم ، احمد قال ليو ي مرحب ، وعلي م اعتقد ابوها ل ايلاف صح ؟ ،ابتسم وقال ليو لا كنت مفتكر نفسي حكون ابوها لكن بعد عرفت إنو شعيب طلع م اخونا، حسيت بيها مختلفة شويه لانو كنت معتبرها بت اخوي ، قلت ليو يعني عرفت قال لي اي عرفت امس وامس كنت ف سنار هناك وعرفت ب كل شي ، أسعد جا ووقف قدامو وقال ليو لمن عرفت نحنا م بنقربك طوالي نكرت اختي ،ي حليل الإنسانية بجد، ضحك وقال ليو ربنا يعوضني ع الزمن الضيعتو ف تربيتها ،أنس اتحرك من قدامو ووقف قدام ايلاف وقال ليها بقدر العز والدلال والترف العشتي معاهم ح اعوضك اضعافوا ح اكون ليك كل شي ي اختي ،وصدقيني ح احافظ عليك اكتر منهم وانا عارف انو انتي حاليا مصدومه وصح انو انتي اتعودتي علي عيشة الدلع بس صدقيني العيشه دي ح تخرب طبعك كتير وح تندمك بعدين هنا مسحت دموعها وزحت من جمب اخوانها ووقفت ع حيلها وحضنت امها شديد وقالت ليها ربنا يجزيك كل خير ي امي وشكرا ليك ع كل شي ،بس كلام اخوي أنس صح انا محتاجه اعيش حياة جديدة محتاجة اطلع من العالم تبعكم دا وانا كنت بعيدة شديد عن الدين انا محتاجه ناس ترشدني وتوعيني عشان بعدين م اندم ومشت ع ابوها وقالت ليو برضو ح اقول ليك ي ابوي شكرا ليك ع كل شي عملتوا لي وربنا يجعلوا ليك ف ميزان حسناتك ورجعت وقفت قدام اخوانها وكانو متجرسين شديد شكلهم حبوها من كل قلبهم ،رفعت يدها ومسحت دموع همام وقالت ليو ح اشتاق ليكم شديد ،وهي جات كدا ي همام و حتي انا مصدومه اكتر منكم بس نعمل شنو جات كدا وبحبكم شديد وح افضل أحبكم وليد قال ليها م تمشي ي ايلاف قالت ليو لا انا عايزة اكمل حياتي مع اخواني عايزة اطلع من الوهم العايشة فيهو دا قال ليها طيب وهو بمسح ف دموعوا قال ليها خلي بالك ع نفسك قالت ليو حاضر ،وجات وقفت قدام أنس وقالت ليو صدقني ي أنس انا م نسيتك بس قبيل م عارفة لي نكرتك انت م بتتنسي و انت عارف لي عشان لمن كنت صغيرة كان حبك وحنانك خلوك ذكري خالدة ف عقلي وطول الفترة العشتها ف دبي كنت بقنع ف نفسي انو اعيش كدا ودي الحياة البتشبهني ابتسم وقال ليها دي اختي البعرفها أسعد مسك يدها وقال ليها حمدلله وقت رجعتي ل نفسك قالت ليو الحمدلله ووجهت نظرها اتجاهنا انا واحمد وشهد، جات ووقفت قدامنا وقالت لي، حميده صح أبتسمت وقلت ليها ياها زاتها ،قالت لي تصدقي حبيت شخصيتك كتير وكلامك أثر فيني ويمكن انا الان مبسوطه شديد عشان انتي بت عمتي ،شهد ابتسمت وقالت ليها ي بختك بيها والله كلنا سعيدين بحميدتنا ، ابتسمت وقالت ليها ممكن اعرف اسمك قالت ليها انا شهد ،قالت ليها اسمك حلو وحاسه انو انا وانتي حنكون صحبات شديد ، ضحكت وقالت ليها حتنا حاسه ب كدا احمد قال الله يستر بس ، هنا وجهت نظرها إتجاه احمد وقالت ليو انت برضو بتقربنا. ؟ شهد ادخلت وقالت ليها دا اخو حميده واعملي حسابك منو لانو صعب ، احمد حمر ليها طوالي سكتت، قالت ليها حلو برضو، أنس قال لينا ارح بعد دا و قبل نطلع ام ايلاف قالت ليها طيب تعالي شيلي ملابسك ي بتي اتلفتت عليها ب ابتسامه مزيفه وقالت ليها لا ي امي الملابس دي م عايزاها تاني ، عايزا ابدا من اول وجديد قالت ليها ابشري ،نزلت منها دمعه حارة وإتلفتت علينا وقالت أرح، طلعنا ع طول وركبنا العربية وانس ركب مع احمد قدام وانا وشهد وايلاف ركبنا مع بعض ،واسعد طلع مع صحبوا الكسلاوي بالموتر ، مسافة الطريق المغرب اذن ، أنس قال لي أحمد اقيف هنا عشان نصلي ف المسجد دا قال ليو طيب وقفوا واتوجهوا ع المسجد وانا شهد وايلاف مشينا ،بيت كدا وطلع فيهو مره كبيرة عايشه فيهو قلنا ليها عايزين نصلي قالت لينا طوالي اتفضلوا ،اتوضينا وصلينا ع طول، مهما حصل لازم الصلاة تكون أول اولياتنا صلينا وطلعنا ووقفنا جمب العربية لانو الجو كان سخن شديد وايلاف كانت ساكته بس وما بتتكلم ،شهد بدت تونس معاها وقالت ليها احكي لي عن دبي ابتسمت وقالت ليها حلوه شديد ،شهد ابتسمت وقالت ليها بس م احلى من البورت قالت ليها حرفيا البورت حلوه قالت ليها جيتيها يعني؟- قالت ليها لا بس شفتها ف الصور قالت ليها ايوا وصادف ناس احمد جو ركبنا واتحركنا ع طول وما وصلنا الا مع اذان العشا نزلنا ودخلنا البيت طوالي لقيناهم حارسننا بفارق الصبر وقفت جمب حبوبه وقلت ليها ديل احفادك ي حبوبه واشرت ليها علي أنس وايلاف وصادف أسعد وصل برضو عاينت ليهم سمح وهنا قلبها الحنين ظهر قالت ليهم تعالو وسلموا علي حبوبتكم ايلاف جات وسلمت عليها بالاحضان وبقت تبكي شديد وقالت ليها انت ام ابوي الحقيقه ،أنس كان بعاين ليهم بس ويبتسم قلت ليو خير قال لي بتشبه ابوي شعيب شديد ،شهد قالت ليو تصدق لو كان شفت صورتو من زمان كان عرفت وكشفت الغز دا أسعد ابتسم وقال ليها اصلك داهية ومصيبه كبيرة ،قالت ليو وارثه منك ،خالي جا وسلم أنس ف يدو جات شهد وقالت ليو عرفتهم صح ابستم وقال ليها دا أنس واضح من الشبه إنو بشبه ابتهال وسبحان الله م عارف الأنسان دا فيو قبول عجيب ل لحظة كنت م متقبل فكرة وجودو بيناتنا بس بعد الشي الحصل دا حسيت وكأنها إشارة وكلام حميده صح نتكعب ليه وقت الدنيا هي رايحه ،ابتسمت وقلت ليهو عارفه انو انت حنين ي خالي واشرت عليهو ع أسعد ،وقلت ليو دا ود خالنا الماحصل شفناهو مدا يدو وسلم أسعد وقال لي البركة ف اولادو ،هنا امي اتحركت كم خطوة ووقفت جمبهم عاينت لي أنس وف نفس اللحظة عاينت لي أسعد وقالت ليهم حبابكم بيناتنا ي عيالنا ابتسموا الاتنين مع بعض وانس قال ليها ام حميده صح ؟ قالت ليو ايو عرفت كيف ابتسم وقال ليها مجرد احساس بس ، وانا ي خالتي كنت جايكم هناك ف البورت عشان اتكلم معاكم بخصوص موضوع مهم شديد قالت ليو اتفضل قال ليها بصراحه انا عايز بتك ،إبتسمت وعاينت لي مسافة وتاني رجعت عاينت لي أنس وقالت ليو ماعندي مشكلة والفيها خير ربنا يسويها، أنس فرح شديد وقال ليها تسلمي ي خالتي وان شاءالله ح اشيلها فوق راسي ،طبعا انا كنت مستغربة شديد وامي غيرت رائيها ف غضون ثواني قبل شويه كانت معارضه بس حاليا هي وافقت ، لكن فرحت شديد من تصرف امي شكلو فكرت كويس وشافت الحل الامثل بس تاني شالت نفس عميق وبنظرات كلها جدية قالت لي أنس لكن عندي شرط واحد ٠٠٠ بكرة ح يكون آخر بارت 🦋 ‏*•••••••••••••••••••••••••••••••••••••••••••••••••••••••••••* *★★يتبــــــــــــــــــــــــــــــــــــــــــــع★★* *#♡♡عبد الباقي أحمد محمدزين♡♡*