*#صيفُ_أبريل《28》🦋♡* *#♡الاخــــــــــــــــــــــــــــــــــــــــيرة♡* *#بقلم_حميده_عبدالحميد🦋* *★★★ــــــــــــــــــ♡♡♡ـــــــــــــــــــ★★★*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏ ​‏​​‏​​‏​​‏​​‏​​‏​​‏​​‏​​‏​​‏​​‏​ كُلنا اتوترنا وانا بذات خفت شديد وخفت من شرط امي يكون صعب، أنس ابتسم وقال ليها اتفضلي وانا جاهز لي اي حاجه بتقوليها ف سبيل إنو توافقي بي ، هنا امي حست بالراحه والرضى التام، عاينت لي ورجعت عاينت لي أنس وقالت ليو عايزاك تديني وعد إنو مستحيل ف يوم من الايام تكسر قلب بتي لانو م اي راجل بيحترم المرأة او يقدرها وتُكاد الصفة دي تبقى نادرة جدا، ابتسم وقال ليها بوعدك ، ووعد الحر دين عليه وانا ي خالتي صدقيني مستحيل اكسر قلب انسانة زي بتك او اي مرآة علي وجه الأرض وصدقيني البهين المرأة او يذلها الا دا م راجل لانو الراجل قوام بكل افعالوا، ابتسمت وقالت ليو الجواب يكفيك من عنوانو وانا حاليآ بديك بتي وعيوني مغمضه قال ليها الحمدلله كدا هم وانزاح من قلبي ، حبوبة قالت ليو تعال ي ولدي ، اتحرك من جمبنا ووقف قصادها ،قالت ليو اقعد ،زح الطربيزة شوية وقعد جمبها ، قالت ليو امك دي سامحتها صح ؟ ابتسم وقال ليها اي ،قالت ليو الحمدلله، حاليا انا قلبي ارتاح شويه ، طوالي انا اتحركت من جمب امي ومشيت ع خالتي وقلت ليها ، ممكن تجي وتقعدي جمب حبوبه ،قالت لي طيب ،مسكت يدها ووقفنا قصاد حبوبه وباين علي حبوبه لسه شايله ف قلبها إتجاه خالتي ، قعدت جمبها ع الجه التانية وقالت ليها ي امي ، طوالي حبوبه لفت وشها منها ،جيت وبركت رجولي جمب حبوبه وقلت ليها ٠٠ = انتي عارفه ي حبوبه اكعب شي ف الدنيا دي الانسان البيغلط ويكون لسه مواصل ف غلطوا ياهو دا هو الغافل زاتو يا حبوبه و دا هو الانسان المابستحي من الله عز وجل ود هو الانسان الجعل الله اهون الناظرين إليه وربنا اتوعد للانسان الزي دا بالعذاب الشديد وزي ما ربنا غفور ورحيم فهو شديد العقاب ، وهو صح ماف انسان م بيغلط والكمال لله وحدة بس ف انسان بغلط ويرجع يتوب ويقلع عن الذنب دا ،ويوعد نفسو إنو تاني مستحيل يرجع ليهو دا الانسان الكل م يعمل ذنب ضميرو يانبو وهو ماراضي بالغلط دا وهو صح ي حبوبه الشيطان بيوسوس للانسان بس ابدا م بيقدر يشيلك ويختك فوق الغلط الانسان هو البيملك نفسو وهو البيقدر يمنعها وخالتي ف لحظة نزوة وغفلة غلطت ، بس هي عرفت غلطها وتابت توبة نصوحه وربنا يتقبلها وهي غير دا عاشت ف عذاب من تأنيب الضمير ،لي انتي م تسامحيها عشان تقدر تكمل باقي حياتها ف سبات وسلام وأمان وقد تكون هي عاشت ايام لا يعلمها إلا الله وحده ، سكتت مسافة ورجعت عاينت لي خالتي وقالت ليها سامحتك ، خالتي دموعها نزلو وقالت ليها بجد ي امي سامحتيني قالت ليها اي عشان خاطر اولادي ديل حميده وانس وعشان اشوفهم سعيدين وفرحانين وانا ابدا م كعبة زي م انتي كنت مفكترة وصدقيني لو جيتني ف الوقت داك كان يمكن قلبي يحن عليك واقدر اسامحك واتصرف ، واحسن شي انتي عملتي م قتلتي زي مابيعملوا بعض الناس وان شاءالله تبقي ليك عظه وعبرة طول عمرك جا خالي وطلب السماح من خالتي وقال ليها انا برضو م كعب عشان امنعك تعيشي مع ولدك ،عاينت لي امي نظام تقوم وتجي تسامح خالتي طوالي اتحركت وجات لي خالتي وقالت ليها انا برضو سامحتك خ و،بالإضافة ل خالتي سمية برضو نطقت بالسماح، وانا وشهد ولجين كُنا متابعين بكل حب ، وأسعد وايلاف كانو واقفين جمب بعض وظاهر علي ايلاف إنو لسه م اتعودت علي الحياة البسيطه دي ، بس مع مرور الزمن ح ترضي ،اما احمد كان ساكت وكانو ف كلام ف حلقوا عايز يحكي ، اتحركت من جمب ناس امي ووقفت جمبوا وهمست ليهو براحه وقلت ليو ف شنو،؟قال لي ماف شي ،قلت ليو موش انا اختك يبقي لازم توريني ف شنو قال لي بحكي ليك فيما بعد قلت ليو طيب، هنا أنس اتكلم وقال = طيب ي جماعة وقت كلنا طلعنا أهل والأمور بقت طيبه ف انا عايز استشيركم ف موضوع خالي قال ليو اتفضل ،قال ليو طيب طبعا يوسف قال ح يديني بيت ومبلغ عشان اعمل شغلي الخاص وانا رفض لانو انا م عايز منو شي بس حاليا بعد بقى عندي مسؤولية أسعد وايلاف ودا غير ح اتزوج برضو ف انا شايف انو اتقبلها منو خالي قال ليو يوسف دا ابوك قال ليو اي ،قال ليو داير النصيحه ي أنس اقبلها منو ومافيها حاجه وع الاقل تقدر تنجز سريع سريع ،قال ليو انت شايف كدا مناسب قال ليو اي قال ليو طيب وقال لي انتي رائيك شنو ي حميده قلت ليو شايفه كلام خالي صح ومافيها حاجه بس قبل اي شي عايزة اقول ليك حاجه لو القروش كتيرة شديد ياريت تتصدق منها او تعمل ليك بير ل قرية او تفتح مركز لتحفيظ القرآن الحاجات دي كلها ح تنفعك بعدين وما نفص مالا من صدقة والصدقه بتحفظ ليك مالك ودا غير الحسنات الممكن تلقاها قدام ودا غير إذ يوم من الايام ربنا شال امانتو حتكون ليك صدقة جارية يعني حسنات جارية حتي وانت ميت الحسنات بتجيك ود كلو بسبب الصدقات ولن تنالو البر حتي تتفقوا مما تحبون ابتسم وقال لي كنت مفكر أعمل كدا وحاليا انا متاكد مية ف المية ح اعملها، احمد قال ليو لو بقيت ع البير او مركز التحفيظ ح اشترك معاك قال ليو تمام ،ورجع قال لينا المهم انا واسعد ح نمشي وايلاف ح تقعد معاكم لحدي م اظبط أمورنا، قلنا ليو طيب ساق أسعد وطلعوا و احمد برضو استأذن وفات ، وخالي قال ح يمشي المستشفي عشان يبدأ إجراءات علاج حبوبه وفصلنا نحنا البنات بس بالاضافه ل امي وخالاتي، خالتي سمية قالت لي غايتو م بسالكم ي حميده قلبتوا الواطه فوق وتحت ،وفوق دا كلو م كلفتوا روحكم عشان تكلمونا ،قلت ليها والله ي خالتي اعفي لينا بس قالت لي حصل خير امي قالت لي المهم نحنا ح نكفي علاج حبوبتك اسبوعين ونرجع البورت وانتو حتواصلوا قرايتكم فرحت شديد وقلت ليها يعني ح نقرأ قالت لي اي قلت ليها الحمدلله، قالت لي كنت ناوية ليكم نوية بس الحمدلله الزعلة راحت شكلو قريتي لي ضحكت وقلت ليها صراحه ي امي دعيت بس قالت لي ع العموم ركزو ف قرايتكم عليكم الله قلت ليها ان شاءالله والمصايب الحصلت دي كلها بسبب شهد ي امي وشماراتها دي وهي لو مافتشت ورا خالتي ماكان عرفنا اي شي خالتي ابتسمت وقالت بس برضو ل خير ومن وراها شفت ولدي ضحكت وقلت ليها صح والله ،لجين قالت حتسوي لينا قهوة نسبتآ ل إنو الجو كان مكركب شوية والناس بكت كتير قلت ليها ماتتعبي نفسك بعملها انا قالت لي لالا م بيناتنا شهد قالت ليها طيب ح اساعدك وإيلاف طول الوقت كانت قاعدة جمب حبوبه شكلو حبتها كتير امي قالت لي تعالي اقعدي جمبي جيت وقعدت جمبها، قالت لي ماشاءالله صحبتكم دي محترمه شديد وانا مفكرة اشيلها لي أخوك احمد رائيك شنو وهل احمد ح يوافق يا ربي ،ابتسمت وقلت ليها اصلا احمد عايزها ي امي بس خجلان شويه وانتي افتحي ليو الموضوع اول قالت لي بجد انتي جادة قلت ليها م عارفه لكن حاسه المهم انتي افتحي الموضوع ل أحمد قالت لي طيب ، قلت ليها المهم العشا اذن قالت لي طيب نقوم نصلي ، كل زول قام من مكانو ومشينا اتوضينا وصلينا ،العشاء بالإضافة للتوافل ويلي هم ركعتين بعد صلاة العشاء برجع وبقول الصلاة راحة نفسيه واذا يوم من الايام جاك زول مضايق وطلب نصيحتك قول ليهو صلي♡ خلصنا ورجعنا اتلمينا تاني والحمدلله الكهرباء كانت شغالة لجين وشهد جهزوا القهوة وكل شي ،ودخلنا ف أجواء الونسة وانا شهد كل مرة نتذكر مصيبة من المصايب الحصلت لينا ونحكيها لي ناس امي وهم شغالين يتحسبنوا ساي ،وايلاف اندمجت معانا كتير لدرجة بقت تحكي لينا عن حياتها ، كُنا ك اسرة وحدة واليشوفنا حيقول عشنا مع بعض سنين ٠٠٠ عدا اليوم ع خير وبعدو كل زول مشي ونام ول اول يوم من جيت هنا انوم وانا مرتاحه صحينا الصباح بدري ع صوت العصافير، ودا بعد م صلينا الفجر حاضر، امي جهزت لينا الشاي شربنا سريع وطلعنا التلاته ع الجامعة انا ولجين وشهد ،وايلاف قالت ح تقعد ف البيت مع خالاتي ،قلنا ليها طيب شهد كانت عايزه تسوقها معانا بس هي رفضت، ركبنا العربية واتحركنا ع الكلية، والايام دي فوتنا محاضرات كتيرة انا وشهد ،وصلنا الجامعة حاسبنا الكمساري ونزلنا لجين فاتت ع قاعتها وانا وشهد مشينا قاعتنا دخلنا ولقينا كل افراد الدفعة موجودين بالإضافة لي عبق الكانت حالتها كعبة شديد ، سلمت ناس رونق ومشيت عليها كانت قاعدة ف اخر بينش ، جيت وسلمت عليها وقعدته جمبها بصوت باهت قالت لي اها عملتي ف موضوعي شنو ،شلت نفس عميق وقلت ليها عبق قالت لي نعم ، قلت ليها بتأذي نفسك كدا لي ؟، انتي عارفة نفسك دي ربنا ح يسألك منها بعدين وعن شبابك الضيعتي دا ف كل علاقة محرمة ف كل يوم اتكلمتي فيهو مع شاب م بيحل ليك شرعا وانتي عارفه التعلق بغير الله ح يخليك تعيسه شديد ،وانتي عارفه لو حبيتي اي شخص ف النهاية قلبو ف يد ربنا ،ف انتي محتاجه تكوني قريبه من ربنا قبل اي شي وشبابك دا م تضيعي ف الحب والحزن والكلام الفاضي وخلي قلبك يتعلق بالله بس لانو كل الأبواب لو اتقفلت ف وشك حتلقي باب ربنا فاتح انتي بس جربي يوم واحفظي القرآن جربي يوم وفسري القرآن اقري عن حياة الرسول والصحابه ادبري ف مخلوقات الله ،واقسم بالله صدقيني أسعد منك حيكون ماف ،قالت لي بس انا م قادرة اعمل كدا قلت ليها بتقدري وصدقيني دا هوس ساي ،قالت لي طيب ح احاول ي يحميده شلت نفس عميق وقلت ليها انا وانس ح نتزوج وانا عارفه الكلام دا يجرحك كتير واعفي لي ، كل لوحات الصدمه اترسمت ف وشها بس تاني رجعت وأبتسمت وقالت لي كلامك صح ي حميده لو أنس كان عايزني كان طلبني وع قولك انا اتعلقت بغير الله عشان كدا حياتي بقت حزينة وان شاءالله ربنا يهديني وباكد ليك دا طرفي من العلاقات المحرمه وقلبي من يوم الليله ي حميده صائم عن الحرام حتي ربنا يأذن ليهو بالحلال فرحت شديد وضميتها علي وصادف الدكتورة جات سلمت علينا وبدت ف المحاضرة ع طول وحسيت ب عبق ارتاحت كتير وخصوصا انا وهي كنا قاعدين جمب بعض خلصنا المحاضرة وطلعنا من القاعة ،مشينا البيت ع طول ،لانو الليله ح يودو حبوبه المستشفي، وصلنا ولقيناهم طالعين خلاص بالإضافة ل أنس قلت ليو جيت متين ؟ قال لي قبل شويه شفت عربية واقفه جمب عربية خالي قلت ليو دي حقتك ابتسم وقال لي اي قلت ليو جاتك هدية من ابوك صح ؟قال لي لالا اصلا كنت ناوي اشتريها من زمان وامس صرفت قروشي واشتريتها قلت ليو مبروك تتهني بيها قال لي بارك الله ف عمرك ،خالي طلع حبوبه من جوا وركبها العربية وركبو معاهو خالتي ابتهال وامي وخالتو سمية ،وانا شهد وايلاف ركبنا مع أنس، واسعد قال ح يجي من مكان شغلوا هناك واحمد برضو ح يجي من مكان شغلو ،اتحركنا ع المستشفى، ووصلنا بعد نص ساعة دخلوا حبوبه عشان تقابل الدكتورة وطلع ح ترقد اسبوع فقط عشان تخلص فترة العلاج ويسافرو، قعدنا معاها للضهر وبعدو رجعنا ،مسافة الطريق أنس قال فرش البيت خلاص وح يسوق إيلاف معاهو وطلب مننا ننزل معاهو هناك لانو البيت كبير شديد بس انا رفضت ،قال لي طيب م ح اجبركم ع شي ،وصلنا البيت وهو وايلاف رجعو ،وقلنا ليو ح نزور ايلاف بين كل فترة والتانيه قال لي م بتقصرو و لفه العربية ورجعوا وانا وشهد فضلنا برانا ف البيت ولجين شغالة للعصر ، جهزت لينا الفطور وفطرنا وكان ف ملل م طبيعي، شهد قالت لي أرح نطلع ونغير جوو قلت ليها اي عشان احمد يقتلنا ضحكت وقالت لي نسيت وعلفكرة سمعت كلامك انتي وخالتي أسيا بخصوص احمد عاينت ليها بصدمه وقلت ليها مبالغة اضانك خفيفه معقولة من مكانك داك سمعتي قالت لي اي وعلي العموم خالتي أسيا لازم تفتح الموضوع ل أحمد سريع ع الاقل يعرس ويختانا زاتو حمرت ليها زين وقلت ليها اسيا؟؟ ضحكت وقالت لي خالتو أسيا، قلت ليها كان م تصلحيها ورائيك شنو نفتح الموضوع ل لجين انا وانتي بعدين لمن تجي قالت لي ولو رفضت قلت ليها لو رفضت خشمنا وعندنا قالت لي اممم طيب ،شغلنا المكيف وكل زول مسك تلفونو لحظات بس ولجين جات داخلة، سلمت علينا ودخلت جوا غرفتها بعد كم دقيقه جات، قالت لينا فطرتوا قلنا ليها اي وشهد سألتها الليلة جات بدري ليه ردت ليها وهي داخلة ع المطبخ وقالت ليها الدكتور لغي المحاضرة واحسن زاتو لانو الجو بدأ يسخن قلت ليها هسي لو دي شهد كان جات حتي لو مالغوها التقول جدها كان عايش ف القطب المتجمد عشان م تحب السخانة كدا قالت لي وهو ف زول بحب السخانة؟ ردت ليها لجين وهي طالعه من المطبخ وشايلة ليها صينية صغيرة فيها كباب وعيشتين وكباية موية باردة جريت ليها الطربيزة وقعدت جمبي ف الكنبة وقالت ليها، صح ماف زول بحب السخانة بس هي بتجي عشان تذكرنا بحر جهنم بعدين، و هو صح فصل زي اي فصل من فصول السنة لكن هي صعبة شويه واتخيلي الحر والسموم دا كلو تصبري عليهو ولك الأجر، شهد قالت ليها الحمدلله علي كل حال ،وف نفس اللحظة كانت بتعاين لي نظام نفتح الموضوع وكدا ، شلت نفس عميق وقلت ليها ٠٠ =لجين قالت لي نعم قلت ليها رائيك شنو ف اخوي احمد ؟ قالت لي كيف م فهمت ؟شهد نطت وقالت ليها يعني هي بتطلبك ل اخوها ، اللقمة وقفت ليها ف حلقها وقالت لينا شنوووووو ٠٠ قلت ليها والله ي لجين انتي عجبتي امي شديد وانتي ماشاء الله اللهم بارك إنسانة لطيفه وطيبه وأخلاقك عالية جدا ،ابتسمت وقالت لي م عارفه اقول ليك شنو وانا حاليآ م ناوية اتزوج وكل همي انو اخلص قرايتي وانفع اهلي ، شهد قالت لي اصلا احمد ب أخلاقوا الضيقه دي ماف بت بتقبل بيو لجين قالت ليها بالعكس احمد شاب مثالي جدا وعملة نادرة بجد ، قالت ليها طيب انتي بس وافقي وم ترفضي ابتسمت وقالت بفكر طيب قلت ليها اخدي راحتك وأبدا م مستعجلين قالت لي طيب ، امي اتصلت لي وطلبت انو اجيب معاي غدا بعدين قلت ليها طيب دخلت المطبخ ع طول وبديت أجهز فيو ، وف نفس اللحظة كنت بكشف ف الواتس نزلت رسالة من احمد وكاتب لي القال ليكم تفتحتوا موضوع زي دا مع لجين منو ؟ كل لوحات الصدمه اترسمت ف وشي رجعت ليهو ب اتصال وقلت ليو عرفت كيف قال لي كنت جاي عشان اكلمك انو امي طلبت تجيبوا معاكم غدا بعدين وبالصدفه سمعت حديثكم وشهد حسابها عندي بعدين، شلت نفس عميق وقلت ليو احمد انا عارفاك عايز لجين ووين المشكلة لو فتحنا ليها الموضوع !سكت مسافة وقال لي اها ف النهاية رفضت قلت ليو م رفضت وصدقني هي برضو عايزاك ولمن تقعد م نفسها شويه ح تدينا رد مرضي قال لي طيب قفلت الخط ودعيت انو تتسهل علي اخوي احمد بجد هو إنسان مكافح ومجاهد وحاليا عمرو داخل ع التلاتين سنة بتمني ربنا يفتحها عليو ، خلصت الغد ودخلت استحميت ولبست عبايتي وعبيت العمود وطلعت ع المستفشي ، لقيت حبوبه كويسه الحمدلله ونست مع ناس خالتي شوية وحكيت لي امي بالموضوع فرحت كتير وقالت لي يعني احمد عايزها قلت ليها اي قالت لي ان شاءالله توافق قلت ليها امين يارب، قعدت شويه ورجعت البيت وعدينا الاسبوع كلو ع كدا ، وا اول يوم ف الأسبوع الجديد ناس امي ح يسافرو خلاص ، واليوم دا كلو قضو نصايح لينا ،قلت ليهم نصايحكم ع العين والراس ومع الاذان التاني ودعناهم، وخالتي إبتهال برضو سافرت عشان تجهز نفسها للعرس وانا وشهد ولجين تاني يوم مشينا لي ناس أنس لقينا إيلاف قاعدة ومهتمية بالبيت شديد وكانت فرحانه وعايشه ف عز ودلال سلمنا عليها وقعدنا ، شهد قالت ليها وين أنس قالت ليها مشغول كتير وحامي نفسو الراحه، واسعد سافر كسلا وح يرجع بعد يومين قلت ليها مشي لي قالت لي خال أمنا عيان مشي يشوفو قلت ليها ربنا يواليه بالصحه والعافية قالت لي امين ، وقالت لي برضو ح تمتحن هنا طبعا هي ممتحنه شهادة سودانية قلت ليها فترة الامتحانات تعالي اقعدي معانا قالت لي بقعد هنا وانس م مقصر معاي وماشاءالله جايب لي اساتذة شاطرين ، قلت ليها شدي حيلك وخلي بالك ع قريتك قالت لي ان شاءالله، وتاني قامت من محلها وجات قعدت جمبي وقالت لي انا ح اتنقب ،كلنا اتصدمنا ،قلت ليها ماشاءالله ربنا يثبتك وانسب قرار ممكن تاخدي قالت لي بالضبط ، وانا حبيت النقاب كتير وبحثت عنو كتير وانس كان أول دائم لي ، حرفيا أنس م قصر نهائي مع ايلاف ، شهد قالت ليها عقبالنا نحنا ولجين قالت ليها ان شاءالله وقت ختيتوا ف بالكم حيجي يوم وتلبسو ونسنا شويه وبعدو رجعنا البيت ، وطول فترة الايام العدت دي كنا مركزين كتير ع قرايتنا ،ورغم دا كلو أنس واحمد م قصرو معانا دعمونا ماديا ومعنويا وأخير بعد شهرين من التعب والمرمطه جات فترة الامتحانات ويمكن دي اصعب مرحلة تمر علينا، شدينا حلينا كتير فيها وعديناها شكاوي وبكا بس والحمدلله الامتحان الاول جا سمح واشتغلنا كويس وشهد كانت متجرسة منو وخافت تملحق ، قلت ليها لكل مجتهد نصيب وان شاءالله ح تلقي قدر تعبك ،بعد طلعنا من آخر امتحان لقيت لجين حارساني جمب باب القاعة سألتها من امتحانها جا كيف قالت لي الحمدلله كويس وانتي ؟ قلت ليها صراحه صعب شويتين بس ح تعدي، قالت لي ان شاءالله وعايزة اديك ردي بخصوص احمد اتوترت كتير وقلت ليها اها ؟شالت نفس عميق وبصوت كلو راحه وطمأنينة قالت لي موافقه انا من الفرحه قربت ازغرد، قلت ليها وربي ي لجين احسن منك م بنلقا ،ابتسمت وقالت لي واحسن منكم م بقلى قلت ليها ثواني بس وطوالي اتصلت لي أحمد وبشرتو فرح كتير وقال لي بجد م قادر اوصف ليك فرحتي قدر شنو، قلت ليو احساسك واصلني ي اخوي ،قال لي تسلمي كتير ي حميده قلت ليو اتصل لي امي وخبرها قال لي طيب، قفلت الخط ورجعت ل لجين ،قلت ليها ان شاءالله حتكوني سعيدة مع اخوي وانا م بشكرو ليك عشان هو اخوي بس بقول ليك راجل حق وحقيقه ، قالت لي عارفه وشفت ب عيني ابتسمت وقلت ليها الحمدلله، حرسنا شهد لمن طلعت ودموعها كانو عشرة عشرة قلت ليها مالك قالت لي الدكتور دا م عافيه ليهو عايني جايب لينا امتحان صعب كيف، ضحكت وقلت ليها اصلك بتتجرسي كدا وتاني بتنجحي وبشرتها بموضوع احمد ولجين، ولا كضبت طوالي زغردت قلت ليها ي بت قالت لي اصلا ناوية ازغرد عشان اتخلصت من الجامعه وي البورت جاك نفر ،قلت ليها ح نسافر بكرة قالت لي أن شاءالله، ولجين سافرت ف نفس اليوم اصلا هي ساكنة ف منطقة من مناطق الخرطوم وبعد الفطور سافرت ودعناها وفهمتها انو خلال الشهر الجاي ناس امي ح يجو ويتقدمو ليها قالت لي خير وانا وشهد مشينا ل ايلاف ولقينا أنس قاعد معاها ، قال لينا حمدلله ع السلامة ،قلت ليو الله يسلمك قال لي حتسافرو متين ؟ قلت ليو غدا ان شاءالله، قال لي ح اوصلكم بالعربية قلت ليو لالا ماف داعي ،قال لي طيب ، وقال لي بالنسبة للعرس حيكون بعد تلاتة شهر ان شاءالله قلت ليو لالا خلي ف شهر 12قلع عيونو وقال لي ييك بعيد ي زوله قلت ليو م بعيد ولا شي وبعدين نهاية سنة وبداية سنة ،وع الاقل نقدر ننجز حاجات كتيرة قال لي اوكي ي ستي طلباتك أوامر، أسعد قال لي ان شاءالله قريب للعرس ح اسوق ايلاف ونجيكم هناك ولحدي الوقت داك ايلاف حتكون امتحنت قلت ليو ان شاءالله شهد قالت ليو تجونا ف الخريف قال ليها لالا ف الخريف م جاين قالت ليو علكيفك انت حمر ليها وقال ليها لا علكيفك انتي ايلاف اتهندت وقالت ليهم اصلوا انتو الاتنين لو اتلميتوا مع بعض مشكلة كبيرة ضحكت وقلت ليها شهد لقت قدر لسانها أسعد قال لي قصدك انا لئيم؟ قلت ليو حاشه ي ود خالي قال لي كويس ي حميده قلت ليو بهظر معاك قال لي مقبولة منك اصلا انا م بزعل من مرت اخوي وبت خالتي شهد قالت ليو بس هم لسه م عقدو قال ليها بس ح يعقدو وخشمك دا لمي عليك قالت ليو ابيت أنس ابتسم وقال ليهم بعد شويه ح اطردكم من هنا ايلاف قالت ليو حتكون عملت فينا خير ، ونسنا معاهم شويه وودعناهم وطلعنا، البيت لقينا احمد قاعد ،قال لينا الحمدلله علي نهاية الامتحانات قلت ليو الحمدلله يارب فترة وعدت، قال لي ح امشي الشعبي اجهز ليكم التذاكر وان شاءالله مع البياح ح تسافرو قلت ليو ان شاءالله، دخلنا جوا البيت واليوم كلو قضينا غسيل وترتيب، ل اذان العشا ،صلينا ومن التعب نمنا ع طول ،صحيت الأذان التاني صليت وصحيت شهد ،صلت ودخلت المطبخ جهزت لينا الشاي ،ومنو جهزنا عفشنا، وبعد ربع ساعة جا أحمد وانس ، رفعوا لينا العفش وقدمونا للشعبي، ومن دون الايام الجو كان لطيف شديد ،ومغمم، وقبل نركب الباص أنس طلع اتنين هدية وقال لي هاك وحدة ليك ووحدة لي شهد قلت ليو لالا م كان تتعب نفسك قال لي قبل اي شي انتو بنات خالاتي ومن حقي انو اهديكم، قلت ليو جزاك الله خير احمد وصانا ،وفاتو والباص اتحرك ورجعت اتذكرت كل الأحداث الحصلت بطريقه مفاجئه زي دي وأبدا م اتوقعت يحصل كدا ،بس كانت حاجه حلوه وف نفس الوقت حاجه محزنه وف النهاية انتصرت السعادة علي الحزن ، دخلنا البورت بعد٨ساعة نزلنا من الباص و أجرنا ركشة وصلتنا للبيت ،وحرفيا البيت منظرو اتغير وبقي حلو شديد دخلنا ولقيت ناس امي وحبوبه وخالتي إبتهال حارسننا بفارق الصبر سلمنا عليهم وبشرناهم بالامتحانات، مررت نظري ف كل مكان وقلت لي امي شنو البيت باقي حلو كدا ضحكت وقالت لي بنجهز لي عرسك ي بت ،ضحكت وقلت ليها بركة البقى فيها عرس وقدرتو تجيهوا البيت كدا شهد قالت لي غايتو ي حميده ح ا عمل عمايل ف عرسك قلت ليها من هسي كلمتك فوضه ماف قالت لي ولا ح اشتغل بيك قلت ليها اصلك عنيده ،جات خالتي وقالت لي والله ي حميده مبسوطه منك كتير وصدقيني ليك الفضل الأكبر ودا من بعد الله عز وجل وصدقيني ف عرسك م ح اقصر معاك نهائى ابتسمت وقلت ليها كفاية وجودك جمبنا ،وعدينا اليوم ع خير وطول الفترة العدت دي قطعت تواصلي مع أنس، وقررنا م نتواصل الا يوم العقد بس وناس امي سافرو الخرطوم واتقدمو لي لجين ، واقترحت لي امي انو نعمل العرس كلو مع بعض بس احمد رفض و قال م جاهز وطلب انو يكون ف بداية السنة الجديدة ابوي قال ليو م مشكلة أهم شي تكون نفسك وتكون مسؤول وجاهز ٠ ٠٠ = ووعدت الشهور سريعة جدا مَر صيفُ أبريل، وجا خريف أغسطس يمكن خريف أغسطس من أحب الفصول لي قلبي وانا بحب الفصل دا كتير وكل فصل ليو حكايه بالنسبة لي ، وطول فترت الخريف اتقربت من ربنا اكتر وف كل سجدة كنت بسأل ربنا يجعل الخير ف زواجنا ويبارك فيه ،دايما الانسان بكون محتاج للدعوات ف كل شؤون حياتو ونحنا محتاجين ربنا ف الكبيرة والصغيره ٠٠٠ انتهي خريف أغسطس وجا٠٠٠ شتاء ديسمبر٠٠ بداية يوم جديد ، موجه باردة ، وهواء عليل أجواء هادئه تبعث الطمأنينه والأمان ف كل قلب تعلق قلبه بالله ، قلوب راضيه وحامده وشاكره لله٠٠٠ بالقرب من البحر ف احد المنازل البسيطه تتعالي أصوات الفرح بين طفل وشاب وكبير٠٠ ف إحدى أركان المنزل ،يجلسن بعض من الفتيات وقد كست الفرح قلوبهن وتحمل احداهن تلك الدلوكه التي اشتهر بها اهل السودان لُيرددن تلك العبارات التي ظلت خالدة ف كل سمع سوداني أصيل ٠٠٠ مبروك يا صباح الخير دا عريسنا البعدل الميل 👏جـاتو اختو الكبيره ربطت ليهوالحريره ربطت ليهوالحريره م نحنا العايله الاصيله 👏جاتو اختو بت خالو ربطت ليهو هلالو دا عريسنا الليله يوم فالو مرقت امو مبسوطه مرقن معها بنوته دي شمعه بضوي في بيوتا مبروك ياصباح الخير دا عريسنا البعدل الميل اخوهو قال بدق صدري والضيفان راحتهم عندي والزعلان نحنا بنرضي مرقت اختو تتبسم قالت م تشيل الهم وعرسناان شالله م 👏👏👏ندم 👏 ٠٠٠ بلسان أنس ٠٠٠ واخيرا جا اليوم المنتظر، وقبل العرس ب يومين سقت اخواني ورحلنا البورت واصلا العرس حيكون هناك وسط اهلي ، وابوي م قصر لملم اهلوا كلهم وجوو العرس وأبدا م كنت متوقع انو ممكن اتقبلهم ف يوم من الايام بس سبحان الله ف النهاية اتقبلتهم وشفت انو انا احسن من مية طفل و الان قد يكون ف شاب عاش لا ام لا اب وانا وقت لقيتهم ف النهاية ف د دي نعمة كبيرة وامي رفضت ترجع لي ابوي وقالت لي هي م بتقدر تعيش معاهو تحت سقف واحد وف النهاية هي حُره ف قرارها ٠٠٠ وحقيقه لمن شفت حالتي وسط مئات الناس لقيت نفسي عايش ف نعمة كبيرة لازم احمد الله عليها ليل ونهار وبعد صلاة الظهر تم العقد عي محبوبة قلبي والحمدلله ٠٠٠ بلسان حميده٠٠٠ عدت الأيام سريعة شديد ، والليلة تم المُنى ، و بتذكر لمن انا وشهد طلعنا للجامعة بس طلع ف مفاجأت كتيرة ويمكن للان م قادرين نستوعب الأحداث دي حصلت كيف بس كانت حاجه حلوة شديد جاتني شهد وايلاف ولجين وكل لوحات السعادة مرسومه ف وشههم قلت ليهم خير شهد قالت لي يبت الحمدلله عقدو قلت ليها جادة انتي قالت لي بالغتي معقولة م سامعة صوت الزخيرة دي كلها ضحكت وقلت ليها تصدقي م سمعت شي قالت لي سلامة سمعك جا أحمد وامي وابوي وخالتي إبتهال باركو لي وشوية كدا وجا أنس ويمكن لي اول مرة يشوف وشي ابتسم وقال لي تصدقي وشك بيشبه طيبة قلبك لدرجة لو جابو القمر وجابوك انتي م ح اقدر افرز بيناتكم ، بجد هنيئا لي بيك ي سعادتي وصدقيني انا فرحان بيك شديد وطاير بيك السماء ، شهد قالت ليو بجد انت محظوط شديد قال ليها صدقتي وعاين ل خالتي ابتهال وقال ليها ، كان ي مكان ف قديم الزمان ي امي، كان ف شاب تائه وبعيد من ربو وحياتو كلها كنت ضنك ف ضنك وكان مُباري اصحاب السوء وكان ح يدخل ف مصايب كتيرة بس جاتو الهدايه ف شكل انسانة لطيفه جدا والآن هي واقفه قدامي ومرتي ٠٠٠ ابتسمت وقلت ليو طول الفترة العدت علينا .دي عملت شنوو ي أنس ؟؟ اتنهد وب إبتسامه خفيفه قال لي طيب ي ستي وست قلبي احسبي معاي قلت ليو اها قال لي اول شي ٠ حافظت ع كل صلواتي وزدت عليهم النوافل وصلاة الضحي وبقيت أقيم الليل وفتحت مركز تحفيظ قرآن وشيدت اتنين بير واجتهدت ف شغلي اكتر وعرفت انو اي انسان بعيد من الصلاة حياتو حتكون عذاب وضنك وانا ندمان ع كل لحظة ضيعت فيها صلاتي و زعلان علي كل لحظة كنت بعيد فيها من ربنا وانا حاليآ اكتر انسان مبسوط وانتي عارفة لي عشان ضقت حلاوة القرب من الله ٠٠٠ ابتسمت وقلت ليو بكدا نقول بارك الله لنا وجعل بيننا الخير والمودة والرحمة وجعلك خيرا لي وجعلني خيرا لك واعاننا علي طاعته وعبادته والحمدلله الذي بنعمته تُتم الصالحات ٠٠٠٠♡ وعند المفترق٠٠٠♡ ياغافلا تتمادى غدآ عليك يُنادي٠٠٠ ياتارك الصلاة صلي ف مصيبتك أعظم وجهنم لا تبقى ولاتذر وعذاب الله واقع ماله من دافع٠٠٠ و جعل الله حالي وحالكم من أولئك الذين قيل لهم سلامآ عليكم ادخلوا الجنة بما كنتم تعملون ٠٠٠♡ > النهايه٠٠٠🦋* *ألـنـهـــــــأيــــــــــــTHE END🔚🔚ـــــــــــــــﻬـﮧ'ةTHE END* *كـــــــــــــــــــــــــــــل الـــــــــــــــــــــــــــــود🌹🌹 عندك رواية دايرة تنسيق في اي وقت مرحبا بيك* *++++966537457485* *#عبد الباقي أحمد محمدزين*