*#حًبً~وٌعٌشُقُ~بًلَآ~حًدٍوٌدٍ 《01》💛🦋* *#بقلمي~مزن~عامر(ميمي 😎)* *☆☆••••••••••••••••••••••••••••••••••••••••••••••• ☆☆* ‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​ كنت جاية من السوبر ماركت وماشة في الشارع في أمان الله فجاة كدا في زول جدع السيجارة في رجلي اتغظت من الحركة دي شديد طوالي وقفت ردحت للولد. مزن: هييي لو سمحت دا شنو الأسلوب القذر دا جدعت السيجارة في رجلي وكمان ماشي ولا حتى فكرت تعتذر. الولد نزل نظارته وقال لي: دا شارع اجدعها في اي مكان انا حر. ورفع نظارته تانى ومشى خلانى واقفة في مكاني. طبعا انا زعلت من حركته شديد وواصلت مشي وانا بنبز فيه في سري الكريه المغرور، الحيوان، المفتري قايل نفسه منو. لمن وصلت البيت شوفت عربيه GXR وعربية برادوو جمب باب بيتنا عرفت أنو ناس خالي جو من كندا. المهم لمن دخلت لقيتهم جوا مشيت سلمت عليهم (خالي عمر عنده توأم لوجين ولؤي وديل عمرهم 24سنة لؤي كابتن طيران ولوجين دكتورة وعنده ولد اخر العنقود أسمه أثر عمره 20سنة بقرأ طب ومرته أسمها أسمهان وطبعا هم ساكنين في كندا ودي أول مرة يجو السودان). أمي ومرت خالي مشوا المطبخ يجهزوا الغداء وخالو وبابا مشوا الصالون كنا قاعدين بنتونس أنا ولؤي ولوجين وميار أختي (طبعا نسيت أعرفكم على اهلي عندي اخت واحدة أسمها ميار عمرها ٨سنين وامي اسمها ريم وابوي أسمه عامر واناعمري ١٨سنة امتحنت تالتة ومنتظرة نتيجتي😥 ). كنا مندمجين في الونسة مع بعض لؤي. ولوجين ظرفين شديد في نص ونستنا أثر جاء داخل والصدمة كانت هنا😳😳 الولد المغرور الرمى فيني السيجاير دا كان أثر ولد خالي. جاء وقف جمبي مدا لي يده عشان يسلم علي مامديت ليه يدي ورديت ليه وبس بدون ما أسلم: عليه في يده وطبعا هو أتغاظ من حركتي شديد😑 المهم قعد يتونس معانا وطول الونسة أنا مابتكلم معاه بس بتونس مع لوجين ولؤي (أوصف ليكم أثر ولد جميل جمال فايت الحد ياخ دا ملاك شارد من الجنة🤤 اللهم الثبات لونه أسمر فاتح وشعرو أسود زي سودا اليل وناعم وعنده وجنة في خده اليسار وصوته فيه بحة حلوة كدا🤤 وطويل وجسمه رياضي وأنيق في لبسه لكن مغرور شديد الغرور ظاهر في وشه). تانى مشينا كلنا قعدنا في الصفرة ونتونس ومبسوطين اما التاني المتخلف المغرور بعاين لي بس نهاي مافتح خشمه معاي. عمر : شوفتي يا اختي انا حجزت مزن بنتك لأثر ولد. أنا هنا الموية شرقتني ومن الخلعة لمن كشحت بالموية وبدون ما أحس قلت ليهم مستحيل. ريم: شنو المستحيل كمان بترفضي ود اخوي. عمر: عيبي لي ولدي ماله. أسمهان: رجال وسيد رجال ودكتور كمان وبحب يعتمد على نفسه وعنده بيت وعربية واعي شديد وأطيب من قلبه مااف. عمر: أها رأيك شنو يابنتي. طبعا انا وأثر ساكتين سااي. لؤي. قال ليهم: كدا ما ختيتوا البنت في فتيل. مزن: عرس شنو ياجماعة انا عايزة أعيش شبابي وقدامي مشوار طويل. أسمهان: دا حال شباب الزمن دا كلهم كدا 😂. المهم بعد الغداء شربنا الشاي وتاني أنا ولوجين وميار طلعنا غرفتنا(طبعا أتخيلوا هم اولاد خالي واول مرة أشوفهم نسبة لانو هم عايشين في كندا وظروف شغل خالو وهو كان عامل عقد مع شركة مدته ٢٠سنة ). لوجين: مامصدقة أنو انا في السودان بجد حاسة نفسي بحلم. مزن: وأحلى مافي الموضوع حاتقعدوا معانا تلاتة شهور. المهم عدا اليوم بليل زي الساعة ١٢ نزلت المطبخ أشرب لي موية وقبل ما أدخل المطبخ الكهرباء قطعت قمت ولعت فلاش التلفون وفتحت التلاجة شربت موية وشلت لي تفاحة وقعدت في مصطبة المطبخ اتصلت لي إيلاف صحبتي واختي وقلبي وبحبها شديد. مزن: وين ياقلب مشتاقين والله❤ إيلاف: كتير وربي كيفك. مزن: والله تمام الحمدلله وانتي كيفك إيلاف: والله بخير الحمد الله ناس خالك وصلوا. مزن: أي وصلوا الحمدلله لوجين ولؤي ظريفين شديد لكن أثر دا مغرور لدرجة وشايف نفسه أحسن زول. إيلاف: أهم شي أوصفي لي سمح ولا لا. مزن:امممم يعنى إنسان عادي. إيلاف: من قولتي عادي معناة ملاك لانو لو كان شين كان طوالي قلت لي. مزن: طبعا أتخيلي قبيل لمن كنت جاية من السوبر ماركت في ولد رمى فيني سيجارة في رجلي وردحت ليه وهو ما أشتغل بي المتخلف المغرور طبعا أتغظت شديد من الحركة دي وأتخيلي لمن وصلت البيت طلع دا أثر ود خالي عمر وطبعا انا كنت مغيوظة منه شديد وماسلمت عليه في يده وأحرجته وقلت ليه انا مابصافح وكدا اتسديت حقي إيلاف: حركتك بايخة شديد ولد خالك وأول مرة تشوفيه وماتسلمي عليه. مزن: لكن هو مغرور شديد ومتعجرف كمان. إيلاف: حتى ولو ولد خالك ومفترض تسلمي عليه. مزن: والله أنا ألانسان المغرور والبكون شايف نفسه نهاي مابحبه بعدين ماف داعي للغرور يعنى شنو لو سمح وعندك بيت وعربية وبتقرأ طب وعايش في كندا. إيلاف: مزن ماتحكم على الولد كدا ساي وانت لسا ماعاشرتيه. مزن: واتخيلي كمان خالي قال لي انا عايز أعرسك لولدي أثر بقلبي قلت ليه أموت وما أعرس المغرور دا. اتخيلوا معاي الكهرباء جات والصدمة الكبرى 😳😳أثر كان واقف قداامي وشكلوا سمع كلامي ومنظري كان بيش شديد وكنت لابسة قميص قصير لحد الركبة وفاكة شعري الولد عاين لي من فوق لتحت 😒😒وشال ليه كباية موية ومشى. وانا طوالي مشيت غرفتي. مزن: إيلاف أتخيلي أثر سمع أي شيء قلتو ليك وكمان انا منظري كان بيش شديد لابسة لي قميص قصير وفاكة شعري أتخيلي عاين لي من فوق لتحت ومشى. إيلاف: كيف يعنى سمع أي شيء. مزن: عديل كدا المهم ما علينا تصبحي على خير ياقلبي. أثر ما أشتغل بكلام مزن شديد وأتصلت ليه الإكس نمبر5 وقعد يخلط معاها. في الصباح كنا كلنا تحت بنشرب في الشاي وبنتونس مع بعض لكن أثر المغرور طول الونسة ما عاين لي زاتو ولا بتكلم معاي وبتكلم مع كل الناس إلا انا وصراحة الحركة دي غاظتني شديد لكن ما أشتغلت بيه كتير فجأة كدا كلهم أتسحبوا بقينا أنا وأثر بس في الصالة خالو وبابا طلعو وأمي وخالتو أسمهان مشو المطبخ ولوجين وميار طلعوا السوبر ماركت و لؤي عنده مكالمة مهمة ولا واحد فينا أتكلم مع التانى كأنو مابنقرب بعض هو شغال في تلفونه وأنا شغالة في تلفوني شوية كدا جاءو ميار ولوجين وسبحان الله من جوا قعد يتونس معاهم وأنا لي ساعتين قاعدة معاه مافتح معاي خشمه غايتوو مفتري بطريقة😒. المهم عدى اليوم ومشينا اتفسحنا وصعنا ماخلينا ماكان مامشيناه وطول اليومين ديل أثر مافتح خشمه معاي غير قال لي كلمة واحدة وهي ربنا يوفقك لأنو كنا بنتكلم عن إمتحانات الشهادة وكدا. بالمساء كنا انا ولوجي بنتونس مع بعض قمت نزلت تحت مشيت المطبخ أثر جاء لقاني قاعدة في مصطبة المطبخ بأكل في منقة أتخيلوا خت لي كباية وقال لي أعملي لي قهوة فيها وجيبيها لي في غرفتي.(أتخيلوا كمية الأفترا ولا حتى قال لي لوسمحتي ممكن تعملي لي قهوة وبدون أي زوق كأنو أنا خدامته) قلت ليه: أولا الإنسان بطلب بزوق وانا مشغولة مابقدر أعمل ليك قهوة لو كان طلبت بزوق كان سويتها ليك. أمي جات داخلة. ريم: مالك ياولدي عايز حاجة. أثر: والله ياعمتو مصدع وقلت لي مزن أعملي لي قهوة قالت لي مشغولة. ريم: مشغولة بالأكل صح أنتي أساسا اليوم كل فاضية مابشتغلي أي شيء. قاطعتها قلت ليها: لكن يا أمي أنا بأكل ريم: مزن بطلي كلام وسوي لي ولد خالك القهوة بعدين شينة منك أول مرة يطلب منك يابنتي. مزن: طيب بعد أخلص أكل. أمي حمرت لي وجرت لي نور طوالي قمت عشان أسويها وحدرت ليه 😑وهو الكريه الغياظ ضحك ضحكة إستهتار ومشى. انا بسوي في القهوة وبنبز فيه التافهة الحيوان المغرور المفتري. شلت القهوة مشيت الصالة لقيتو مااف مشيت غرفته دقيت الباب قال لي أتفضل دخلت ختيت لي كباية القهوة جمبو في الطربيزة بدون ما أتكلم وعاين لي وحتى شكرا ما قال لي لؤي كان قاعد معاه. لؤي: مزون ممكن تعملي لي قهوة مزن: من عيوني. أثر أستغرب من تعامل مزن مع لؤي أما هو مزن ممكن طول الفترة دي أتكلموا مع بعض مرتين بس بالرغم من أنه في نفس البيت. مزن جابت للؤي القهوة. لؤي : شكرا يامزون مزن: لا شكر على واجب. بعد مزن طلعت أثر قال لي لؤي : أنت والبنت دي مرتبطين. لؤي: لا أنت أكيد بتهظر كيف يعنى مرتبطين وبعدين انت ليه بتقولها بإشمازاز هي مابنت عمتك أثر ركب سماعته وقال ليه: أنسى مجرد سؤال. لؤي: شال منه السماعة وقال ليه: نوو مابنسى بعدين أنت ومزن ليه علاقتكم جافة كدا. أثر: هي بنت مفترية وأنا مابحب البنات المفتريات. لؤي: أنت بتكلم عن مزن ولا عن غير مستحيل طبعا مزن إنسانة طيبة شديد وظريفة وعلى نياتها. أثر وهو بحاكي في أخهو: طيبة شديد وعلى وظريفة وعلى نياتها. لؤي قعد يضحك فيه 😂. لوي : أنت ليه شايلها مع مزون. أثر: أتخيل يامان أول يوم جيت كنت ماشي في الشارع جدعت سيجارتي في الأرض وهي كانت ماشة والسيجارة وقعت جمبها يعنى مافي رجلها وردحت لي المهم ما أشتغلت بالموضوع كتير لمن دخلت البيت عرفت أنو دي بنت عمتي مديت ليها يدي عشان أسلم ليها. لؤي قاطعه وقال ليه: وظوووط ادوك إحراج😂. أثر: أتخيل بس المفترية أحرجتني وسلمت عليك وفي نفس اليوم بليل مشيت المطبخ الكهرباء قطعت جاءت داخلة وشالت ليها تفاحة وقعدت في المصطبة أتخيل كانت بتقطع فيني نبزتني لأخر جد عندي وكمان تشتم فيني لصحبتها ولمن هسي جيت قلت ليها سوي لي قهوة قالت لي مشغولة وهي كانت بتأكل في منقة المهم أمها جات وأنا ختيتها في فتيل 😂وخليتها تعملها غصب عنها لؤي: عشان كدا ختت ليك القهوة بحدرة كدا. 😂وقعد يضحك. أثر: يلا الأكس أتصلت لي. المهم عدا أسبوع وأنا وأثر تعاملنا مع بعض ماحلو وعلى أقل الأسباب بنتشاكل حتى في يوم كنت زهجانة شديد قاعدة كدا جاب لي جلابية الصلاة قال لي أكويها لي وانا فضيت فيه كل زهجي وردحت ليه والمفتري مشى كلم لي أمي وأمي خلتني أكويها غصب عني وأنا كنت مغيوظة منه فقمت حرقت ليه الجلابية قاصدة وهو شماني كيف وحدر لي حدرة. المهم في يوم كنا ماشين مزرعة جدي طبعا جدو عنده مزرعة كبيرة من الصباح مشينا المزرعة وبابا كان ضابح خروف وكنا عازمين عمتو وعمي (طبعا عندي عمة واحدة. سلوى عندها تلاتة بنات إيلاف الكنت بتكلم معاها امتحنا مع بعض وإيلاف دي بيت اسراري وقلبي كمان وعندها سجى وسهى ديل توأم بقروا في الجامعة وعمي أحمد عنده محمد ونذار ومنذر وديل كلهم بقروا في الجامعة وعنده بنت واحدة إسراء بتقرأ في أولة جامعة). فطرنا كلنا مع بعض وبعد الفطور عاملنا قهوة ظابطة بطقوسها. فجاة فتحت الواتس في رقم غريب رسل لي صور لينا انا ومهند مع بعض وكاتب فيها ما هان على بعدك ياقلبي انا بحبك ومرسل لي مسج محتواها في عربية واقفة جمب مزرعة جدك تعالي جمبها أنا رأسي بقى يودي ويجيب وفيه مية سؤال كيف عرف مكاني وجاب رقمي من وين وانا أساسا كنت حاظراه وهو عايز مني شنو بعد الألم السببه لي المهم قومت منهم سريع وطلعت برا المزرعة وبالفعل لقيت العربية واقفة دقيت شباك العربية وطلع ياهو مهند التافهة قال لي أركبي عشان نتفاهم قبل مايشوفك زول وانا ماكان عندي حل غير أركب معاه فقمت ركبت. مهند: حبيبتي العسل مشتاقين والله مزن: مهند أنا ماجيت هنا عشان أسمع الكلام الفارغ دا جيت عشان أسألك سؤال واحد عايز مني شنو ياخ انا كل يوم بسببك بتعذب وماقادرة أمسحك من زاكرتي قاطعني وهو بقرب مني وباسني في شفايفي أنا للحظة جسمي كله أتجمد وبقيت ما قادر اعمل أي ردة فعل لانو مهند دا الانسان الوحيد البضعف قدامه وفي كسر من الدقيقة اديته كف لمن وشه الحلبي أتقلب أحمر. مزن: ياتافهة ياحقير. مهند بقى يضحك ضحكة كدا غريبة شويه. مهند: حبيبتي انتي عارفة أنا اتأكدت من الحركة دي أنك لسا بتحبيني مزن: مهند أمسح صوري من عندك عشان أمشي أنا أتاخرت وتاني إياك تتصل لي. مهند: روقي المنقة يابيبي كلها بوسة بعدين انا بحبك شديد والله وبالرغم من أنه سافرت أمريكا لكن حبي ليك نهاي ما مات وأنا أسف على كل ألم سببته ليك وبجد أنا بحبك وبعتذر ليك من أعماق قلبي. مزن: أنا حاولت ما أظهر قدامه أنو انا ضعفت وعايزة أبكى والدموع في طرف عيني وقولت ليك كذاب مابتحبني أنت واحد تافهة وبتاع بنات وكل يوم مع واحدة ياخ أنا كل يوم ببكى لانه انا حبيت واحد رخيص وتافه زيك. مهند: ياخ والله أنا اسف وبجد بحبك شديد. مزن: مهند لو عايزني أكون مبسوطة في حياتي أطلع منها وتاني ما عايزة أشوفك نهاي مهند: أنا بحبك لكن مابقدر على فراقك. مزن: سنة كاملة عايش بدوني ومبسوط في حياتك بدوني انا كنت عايزة أنزل من العربية لكن هو مأمن العربية. مزن: مهند خليني أنزل ياخ ماعايزة أتكلم معاك. مهند: طيب لكن خليك عارفك ياقلب انا أتغيرت شديد ودا كلو عشان أنا بحبك. وفتح لي باب العربية أنا طوالي نزلت من العربيه ودخلت المزرعة قعدت جمب شجرة وقعدت أبكى على كل لحظة لينا أنا ومهند مع بعض انا من نوع الناس إذا حبيت إنسان مابقدر أطلعوا من قلبي بسهولة أختصر. ليكم قصتي أنا ومهند كنا بنحب بعض شديد لينا تلاتة سنين مع بعض هو أكبر مني تلاتة سنين لكن في يوم أكتشفت أنو مهند بتاع بنات وكل يوم مع واحدة حتى لقيتوا مجكس بنت عمي إسراء المهم أنفصلنا وانا كل يوم ببكى وبحاول أنساه لكن مابقدر. فجاة وانا ببكى في زول خت يدو في كتفي وقال لي أحكى لي بتبكى مالك وفضفضي لي أحتمال ترتاحي شوية وانا إن شاءلله حأساعدك ونحل مشكلتك مع بعض لكن ما تكتمي كل الاوجاع جواك وتحاولي تتظاهري أنك كويسة💛. مسحت دموعي سريع وقولت ليه : أنا كويسة وماكنت ببكى. أثر: كذابة أنا من قبيل شايفك بتبكي. مزن: وانت مالك أبكى ولا أفرح دي ما حاجة بتخصك. أثر: لا دي حاجة بتخصني لأنك أختي ودا واجبي تجاهك أنا هنا الكلام غلبني وسكت بس.. عدت خمسة دقايق وانا وأثر ساكتين. أثر: ممكن سؤال. أنا سكت ومارديت ليه. أثر: ليه أنت بتتعاملي معاي بسخافة. مزن: لانك انت إنسان مغرور وشايف نفسك أثر قعد يضحك فيني أحييي انا من ضحكته البداوي الجرح أنا تلقائيا أبتسمت معاه وقال لي بصوته المبحوح 🤤: Realy مزن: أي انا جادة. أثر: مع انه انت كمان إنسانة مفترية وما مع كل الناس معاي أنا بس لكن على أكل الأحوال أسف ياستي على كل تصرف بدر مني ومديت ليها يدي وقلت ليها أصحاب. مزن: اوكي أصحاب وانا كمان أسفة مرات بتثاقل معاك شديد 😂. أثر: اوكي انسى الماضي هسي نحن بقينا أخوان واصحاب صح. مزن: اي. أثر: أنتي عارفة انتي البنت الوحيدة الأعتذرت ليها في حياتي كلها ياخ انا حبيبتي وقت تزعل مني مابعتذر منها. مزن: شوفت انا ماقلت ليك أنت إنسان مغرور أثر: اممم شبه كدا. مزن: انت عارف انا بتعامل مع الناس مبدا كما تٌعٌآمًلَ تٌعٌآمًلَ. يعنى الطريقة البعاملني بيها الإنسان بعاملوا بيها. أثر: طيب هسي نحن بقينا أصحاب مافي أي إفتراء وغرور بيناتنا يلا أحكي لي مالك. انا سكت مارديت ليه. أثر: اوكي على راحتك بس في اي وقت اذا احتجتيني انا موجود. مزن: شكرا. أثر: ماتخليني أزعل منك بعدين نحن أخوان صح. مزن: اي. اثر: طيب مافي شكرا بينا. مزن: أوكي. عمت لحظة صمت دامت لدقايق قطعها صوت تلفون أثر ومارد وعمله صامت أثر: مصرة ماتحكي لي إحتمال أقدر أساعدك. مزن: أنسى الموضوع مابحتاج المهم يلا باي انا ماشة وقمت مشيت قعدت جمب البنات وحاولت أنسى الحصل . المهم مرت الأيام والأسابيع وانا وأثر علاقتنا مع بعض أتحسنت شديد حتى ناس البيت منصدمين شديد لأنو نحن كان كلام مع بعض مابنتكلم وهسي بقينا أصحاب. صحيت الصباح أستحميت وصليت ونزلت تحت سلمت على ناس البيت اثر كان نايم قمت شلت ليه كباية نيس كافي لانو مابشرب شاي وطلعت غرفته لقيته نايم تلفونه أتصل الفضول أكلني طبعا صحبتكم فضولية شديد 😂😎كان مسجل الرقم بالإكس نمبر 10لمن رديت لمن أتخلعت من الصوت. الأكس نبمر 10:هاي بيبي How are you ..... Imiss you so much انا قلت ليها lm so sory but Asr is busy. الإكس نمبر 10: انتي منو 😂بحنكشة كدا قلت ليها: انا خطييته ولو سمحتي تاني ماتتصل لي خطيبي تزعجيه لي وقفلت الخط في وشها قبلت كدا اشوق ليك أثر بضحك فيني وقال لي يازولة انت عايزة تتطيري لي إكساتي.😂قلت ليه: شوفت كيف زولتك مكنة بعدين تعال أسالك انت مجكس الجامعة كلها ولا شنو.😅أثر قال لي: يازولة انا مكسر كل بنات كندا لكن مابختار أي بنت بمقايس معينة 😎 قلت ليه: وماحبيت ولا واحدة. أثر: حب شنو يازولة بعدين البعمل فيه دا أسمه لعب أنا لسا مالقيت حبي. مزن: ومواصفات الإكس الحقيقية شنو عايزة. أثر: أنا ماعندي مواصفات محددة كان على مواصفات الجمال كان أخترت من ملكات الجمال الهناك لكن ممكن أوصفها ليك في كلمة واحدة عايزاها تكون إستثنائية في كل شيء . مزن: كلام لكن المهم يلا قوم صلاة الجمعة باقي ليها نص ساعة. أثر: طيب. مزن: وماتنسى الوعد. أثر: لا لا ياخ معقولة. مزن: طيب وطلعت نزلت تحت بعد شوية أثر ولؤي جوا نازلين من فوق ماشاءالله تبارك الرحمن الجلابية مأكلة منهم حتة قرررررض بس 😎اللهم الثبات أنا قمت صفرت ليهم طبعا أنا مجنونة شديد مسمني صفارة البيت اقل حاجة بتحصل بصفر ليهم كأنه ولد. مزن: طالعين مززز. أثر جاء ضربني في رأسي وقال لي: يامجنونة انتي مستحيل تخلي جنك دا. 😅 قلت ليه مستحيل😎 لؤي: ياخ والله انا ماعرفت انت ولد ولا بنت 😂 ميار اختي الصغيرة قالت ليهم: دا أثر علمها تصفر كيف😂. لوجين قعدت تضحك. المهم ناس أثر مشووا المسجد ونحن كمان مشينا. وبعدها قعدنا شربنا القهوة مع بعض وتاني كل زول دخل غرفته زي الساعة 3كنت نايمة صحيت بإتصال من أثر قال لي ياسجم الساعة 3نسيت انو نحن طالعين. قلت ليه طيب دقايق بس وقفلت الخط. نزلت ملابسي كلها ماعرفت ألبس شنو تاني أخترت لي بنطلون جينز وتونيكا ما طويلة شديد وعملت ميكاب وطلعت خصلتين وعملت ضنب حصان وختيت الطرحة في نص رأسي ومشيت غرفت أثر لقيتو جاهز أول مافتحت الباب عاين لي من فوق لتحت قال لي انت ماشة معاي بشكلك دا ولا تحلمي 😡 قلت ليه: ليه 😅 أثر: وكمان بتسألي شوفي أول حاجة التونيكا قصيرة شديد والطرحة لو ما عايزة تلبسيها كويس لابساها اساسا ليه..... قال لي بنبرة حادة طيري غيري سريع 😡 ولا أشتغلت بيه قعدت في السرير وفتحت تلفوني. قال لي: ما حاتغيري ملابسك دي. 😑قولت ليه: أي. أثر: طيب مافي طلعة. طوالي انا قمت طلعت من غرفته دخلت غرفتي وما عارفة دموعي نزلت ليه وانا طبعي إنسانة مابتحب زول يتحكم فيها بأي شكل من الأشكال. المهم أثر جاء دق لي باب الغرفة مارديت ليه قام دخل مسحت دموعي جاء قعد جمبي مسك يدي وقال لي: ميمي افهمي انتي أختي وانا بخاف عليك ولو مابخاف عليك مابتصرف معاك كدا ولو مابتهميني ما كان هسي انا واقف جمبك يعني معقولة أخلي اختي تطلع الشارع بمنظر زي دا ودي حاجة غلط وبعدين بلبسك الشاذ كل انظار الأولاد حأتكون عليك وانا مابرضى ليك الحاجة دي وممكن تلبسي بنطلون بس مايكون ضيق والتونيكا تكون طويلة وشعرك لأي سبب من الأسباب خصلة واحدة ماتطلعيها منه وانا أسف لو أتكلمت معاك بنبرة حادة. ماعارفة فجأة لقيت نفسي حضنته 🫂 وقولت ليه مفروض انا الأعتذر. أثر: أوكي حصل خير بعدين انتي دموعك دي قاعدات على الهبشة أقل حاجة بنزلوا يلا قومي غيري ملابسك سريع يامجنونتي. انا ضحكت وقومت مبسوطة فكرت لي دقيقة ولقيت أنو كلام أثر كله صح المهم طلعلت لي بنطلون أسود واسع وقميص بني مخطط بالأبيض وسبورت أبيض وصلحت طرحتي كويس ونزلت تحت لقيته قاعدة وطلعنا أساسا ناس البيت كانوا عارفين أنو نحن طالعين. أثر علق علي: قال لي كدا مزة قاطعة بجد 😅 قولت ليه بطل بكش. قعد يضحك 😂احييييي انا من ضحكة أثر(انبرشت طبعا😂). مشينا مطعم راقي أتغدينا وأكلنا إيس كريم وتاني طلعنا شارع النيل. وكانت الصدمة هنا أنو شلة أثر كلهم نزلو السودان ملهم ومحمد وتنزيل وجوان وليان البنات مززز شديد والبس دا وحنكوشات حنكشة وحاجة إسمها طرح في قاموسهم مااف والمياعة وااحنكشة والاولاد كمان سمحين سماحة طبعا هم اتفقوا يعملوا ليه مفاجاة وملهم اتصل ليه قال ليه تعال شارع النيل وقال ليه انا نزلت السودان لكن ما كلموو انو شلته كلها نزلت السودان . المهم اتعرفت عليهم ظريفين شديد بالذات الأولاد. وبعدها مشينا السينما عشان نحضر فيلم رعب طبعا انا الفيلم كله كل دقيقتين بمسك يد أثر ولمن خلص الفيلم قعد يضحك فيني غياااظ خلاص تاني أتصورنا صورة جماعية وكل زول رجع بيته وانا قبل ما أرجع أثر أشترى لي كيس شكولاتات قلت ليه: بجد انا بعشققققق جدك زاتو 🥰😂 قعد يضحك فيني الموتخلف. دخلنا جوة انا كنت تعبانة ومرهقة طوالي نمت أثر أتصل لي قال لي قومي صلي.. قلت ليه: طيب وقمت طوالي صليت ونزلت ليهم تحت كان في لوجين بس. مزن: اوووو دكتورتنا العسل. لوجين: ياهلا بميمي. مزن: نووو مافي زول يقول ميمي غير أثر 🙈🙈 لوجين: أحيييي انا من أثر على سيرة أثر عايزك أسالك أنتو مرتبطين. مزن: نووو. لوجين: طيب انا ليه بحسكم بتحبوا بعض شديد وبتهتموا ببعض وطول الوقت مع بعض. مزن: ما كدا أنا وأثر زي التوأم أي نعم بنحب بعض بس حب أخوان وبس. لوجين: مع أنو ماصدقت لكن أوكي. المهم عدت الأيام وانا وأثر علاقتنا مع بعض حلوة شديد وأي زول بقول عننا مرتبطين.💜 بليل قاعدة كدة في زول إتصل لي برقم غريب. مزن: الوو. مهند: ياهلا مزونتي كيفك. مزن: أختصر سريع عايز شنو. مهند: عايزك أنتي. مزن: دي مستحيل. مهند: مزن أنا وانتي سنة كاملة منفصلين وبسبب تافه جدا وانا طول السنة دي في كل لحظة بفكر فيك ماعايز اخد من وقتك كتير عايز أقول ليك أنو بحبك وبموت فيك وبعتذر عن كل ألم سببته ليك وياريت يامزن لو ماحانرجع زي زمان على الأقل لازم نكون أصحاب مزن: مهند أنا ماعايزة أي علاقة تجمعني بيك وقفلت الخط في وشو وحظرتوا طوالي. بلسان مزن. بعد ماسمعت صوت مهند حسيت برااحة نفسية💜 لأنو انا بحبه وبموت فيه وفجأة دموعي نزلوا 😭لمن أتذكرت الموقف البسببه أنفصلنا وكان موقف بيش شديد😪 وتاتي أبتسمت وأنا بتذكر في كل لحظة حلوة لينا مع بعض.💜 المهم طلعت فوق السطوح لأنو انا كل ما أتضايق بمشي بقعد في السطوح قعدت زي خمسة دقايق فجاة أحس بيد في كتفي ولا رفعت رأسي وانا دموعي في طرف عيني... دا كان أثر قعد جمبي وانا نهاي مارفعت رأسي عاينت ليه لأنو انا عارفة إذا انا عاينت ليه او اتكلمت معاه حايعرف أنو انا ببكي. أثر كمان غريبة سكت ومافتح خشمه معاي مرت ربع ساعة ونحن ساكتين. أثر قال لي: عارفة ياميمي أنا ليه مسميك في التلفون توأم روحي💜 بالرغم من انه انا وانتي أتعرفنا على بعض قبل شهر. هزيت ليه رأسي بمعنى لا. أثر: لأنو انا بحس كأنه أنا وانتي توأم بجد بنتشابه في كل شيء ودايما بنكون مع بعض في الشهر دا ماحصل مرا يوم انا وأنتي فيه كنا متزاعلين يعنى هسي أنا لو رجعت السودان تاتي حأرجع عشان خاطر شافعتي المجنونة توأم روحي مستحيل أنا يوم أقدر أعيش بدون شافعتي يعنى إتخيلي في شهر بس أتعلقت بيك شديد بقيت بعرف بتحبي شنو وبتكرهي شنو ولمن تزعلي بتعملي شنو ولمن تفرحي بتعملي شنو يعني حرفيا بقيت بعرفك أكتر من روحي. مزن: أنا كنت ساكتة بس رأسي مارفعته. أثر: يعني هسي لو أي زول غيري لقاك قاعدة هنا بجي بسألك مالك قاعدة هنا أما أنا لا مابسأل لانو انا عارف شافعتي مابتقعد هنا إلا تكون زعلانة من حاجة وفي حاجة مضايقاها وعلى فكرة أنا لسا مانسيت الموضوع البسببه كنتي بتبكي لمن كنا في المزرعة بس عايزك أنتي تتعودي تحكي لي أي حاجة لأنو انا أخوك وسندك في الحياة وعلى فكرة أنا زعلان منك شديد لأنو أنتي مامعتبراني أخوك ومابتجي بتحكي لي أي حاجة بتزعلك. مزن: أنا دموعي هنا نزلوا بغزارة وطوالي حضنته وقعدت أبكي وهو حضني أنا هنا ولأول مرة أحس بالإحتواء والإهتمام والأمان زي ماحسيت بيه وانا مع أثر. 💜 أثر طلع منديل من جيبه ومسح لي دموعي وقال لي أولا وقفي بكي عشان نتفاهم وأنتي أحكي لي دا منو الزعل شافعتي المجنونة. مزن: طيب حأحكي ليك وحكيت ليه كل حاجة بتخص مهند وكيف أنا بحبه وهو خاني مع بنت عمي وبتاع بنات وسافر إميريكا سنة كاملة ما سأل مني أثر كان عنده إحساس أنو مهند مابحب مزن لكن ما حاول يظهر ليها حاجة.. أثر: أنا من الكلام دا أستنتجت أنو أنتي بتحبي مهند ومابتقدري تعيشه بدونه مزن: اي بحبه شديد. أثر: طيب بما أنه أنتي بتحبيه وهو بحبك أرجعوا لبعض لكن مايكرر تاني نفس الغلط العمله. مزن: طيب أثر: لكن لازم هو يعرف يراضيك كيف اوععععع ترجعي ليه لو ما هو أعتذر منك وعرف يراضيك ويبسطك. مزن: أوكي. أثر: يلا يلا ياشافعتي المجنونة أبتسمي لأنو لمن تزعلي بتكوني شينة. أثر قعد يتهابل ويعمل حركات في وشو ويتهابل وانا ضحكت لمن مصاريني أتشرطوا. مزن: أثر خلاص بطل ياخ أثر: شوفتي كيف لمن تضحكي بتكوني حلوة مزن: اي عارفة انا حلوة بجميع حالاتي. أثر أتصلت ليه الإكس نمبر 2 مزن شالت منه التلفون وفتحت الخط. مزن: معليش يابيبي أثر حالا مشغول وقفلت في وشها الخط. أثر قعد يضحك مزن ضربت في كتفه بيدها. مزن: وبعدين معاك إكسات ديل كل مانكون بنتكلم مع بعض بقطعوا لينا الونسة ياخ انت مجكس بنات أعوذ بالله الكلام بالقوة بطلعوا كلو جيم وشين والمياعة يع مابحب البنات المايعات. أثر: وأنتي هسي ماحنكوشة زيهم ودلوعة كمان. مزن: أنا طبيعتي كدا مامصتنعة زيهم واللبس دا كيف كيف والشعر مفكوك والزمام ياخ يتقوا الله شوية في لبسهم دا ما عارفة أنتو الأولاد بتحبوا النوع دا من البنات ليه ماعارفة. أثر: أنا ما بحب النوعية دي من البنات. مزن: ااها ما تعرفنا عاملي نفسك الشريف الرضي يااخ أنت مجكس بنات الجامعة كلهم أثر: والله أنا ماحصل مرة جريت وراء بنت هم البجرو وراي خليني من دا هسي أديني رقم حبيبك أتواصل معاه وأشوف فهمو شنو. مزن: أوكي سجل 09......... أثر: طيب أنا حأتصل ليه وحأعرف لو هو بحبك ولا لا وحأفهموا أنو ميمي أختي إذا يوم من الايام زعلها حتى ولو نزلت دمعة وحدة بسببه أنا ما حأرحموا نهاي كل شي ولا شافعتي المجنونة 😂 مزن: ربنا يخليك لي يا أثري. أثر: ويخليك لي كمان. المهم أنا وأثر كنا بنتونس. مع بعض فجأة ختيت رأسي في كتفو لقيت نفسي نمت تلقائيا وهو لسا مواصل يحكي لمن شافني سكت عرف أنو انا نمت لأنو هو أتعود على حركاتي عاين لي لقاني نمت بجد . أثر سرح في مزن مسافة ربع ساعة وتاني شالها دخلها غرفتها. وهو مشى غرفته. ــــــــــــــــــــــــــ بلسان أثر: بتونس مع مزن لقيتها نامت يعنى والله أنا ماحصل مرة شوفت بنت ببراءة مزن حرفيا زي الشافعة نايمة سرحت فيها مسافة وهنا أتحركت جواي أحاسيس كتيرة في الربع الساعة الأنا سرحت في مزن زكرتني بكل لحظة لينا مع بعض تاني شلتها دخلتها غرفتها ودخلت غرفتي لقيت نفس أبتسمت تلقائيا وحسيت براحة نفسية مجرد ما أتذكرت مزن قمت شلت تلفوني أتصلت لمهند رد من الجرس التاني. أثر: ألووو السلام عليكم. مهند: وعليكم السلام معليش بس ماعرفتك. أثر: أنا أثر ولد خال مزن حبيبتك عايز أقول ليك لو أنت بتحب مزن بجد حاول دايما ماتزعلها وماتجرحها بكلامك ولازم دايما تعرف تفاصيلها الصغيرة قبل الكبيرة ولازم تهتم بيها لأنو الإهتمام هو البقوي العلاقة ولازم تثق فيها شديد واذا هي يوم زعلت لازم تعرف تراضيها كيف ما حأسأل انت كنت وين السنة دي كلها وهسي ياداب أتذكرت مزن لو أنت بتحبها لازم تعمل أي شيء عشان تكون مبسوطة في حياتها ودا المطلوب منك إذا أنت بتحبها أما إذا أنا عرفت أنك بتلعب بيها ساعتها حأيكون لينا كلام تاني وحياة الخالق الخلق أثر الأرض دي مابتشيلنا نحن الإتنين مهند: معقولة ياخ دي دايرة ليها توصية أنا بحبها ومستحيل يوم أزعلها وهسي نحن حانتصالح أنا عارف مزون بتحبني. أثر: طيب يلا سلام وقفل الخط. ـــــــــــــــــــــ بلسان أثر: بعد قفلت الخط حسيت بأحاسيس كتيرة قلبي بقول لي الزول دا بلعب بمزن وعقلي بقول لي لا ياأثر ماتظلم الولد المهم بعدها أتصلت لي الإكس وقعدنا نخلط. ♡يـﮯتبع.............. #آلَسِلَآمً عٌلَيَکْمً وٌرحًمًةّ آلَلَهّ ♥ ياجماعة دي اول رواية أكتبها ♥وإن شاءلله تنال إعجابكم ♥وياريت تدعموني بأرأءكم ♥ #دمتم بخير ♥ #تحياتي: مزن عامر ♥🫶🏻 ‏*•••••••••••••••••••••••••••••••••••••••••••••••••••••••••••* *★★يتبــــــــــــــــــــــــــــــــــــــــــــع★★* *#♡♡عبد الباقي أحمد محمدزين♡♡*