عشاق الروايات السودانية🎀✨
June 14, 2025 at 08:14 AM
*#حًبً~وٌعٌشُقُ~بًلَآ~حًدٍوٌدٍ 《03》💛🦋*
*#بقلمي~مزن~عامر(ميمي 😎)*
*☆☆••••••••••••••••••••••••••••••••••••••••••••••• ☆☆*
أثر: مزن أبكى بس ماتسكتي كدا
وأنا دموعي قاعدات على الهبشة طوالي بكيت ليهم إيلاف حضنتي 🫂
إيلاف: أنا عارفة الحصل معاك صعب شديد حبيبتي لكن ما لازم الحصل معاك يأثر على مستقبلك.
مزن: كيف ما يأثر على مستقبلي وأنا شرفي أدمر أغلى حاجة بملكها
أثر: مزن أنسى الماضي وفكري في مستقبلك وبس أنا عارف مستحيل تقدري تنسى لكن مع مرور الزمن بتنسى.
مزن: أنا ياجماعة حاليا بتمنى أموت وما أتذكر الحصل معاي.
أثر: هششششش لا لا تفي من خشمك. ومسك يدي.
مزن: عارفين ياجماعة إحساس أنك تحب ليك زول تلاتة سنين وبتثق فيه ثقة عمياء يعنى أنا لو مابثق فيه ماكان مشيت ليه بليل ولكن للأسف خان ثقتي وخان حبي ليه وماهان عليه يتذكر حتى أنو البغتصب فيها دي إنسانة حبتو أكتر من نفسها ياااخ أنا أكتر إنسانة غبية في الدنيا حبيت أكتر إنسان تافه في الدنيا 😭😭😭
إيلاف: مزونتي خلاص من اليلة مافي حاجة إسمها تبكى عشان التافه داك.
أثر: الحيوان داك كان صفحة وأتقفلت خلاص لازم تنسيه غصب عنك والحصل معاك ما كان براضاك يعنى أنتي ماعندك ذنب في الموضوع.
إيلاف: مزون أوعدينا تاني ماتبكى عشان الزفت داك.
أثر: ولا حتى تذكري أسمه ساي.
مزن: طيب. 😥
أنا سكت أثر وإيلاف بقوا يتهابلوا عشان يضحكوني في النهاية ماقدرت أقاوم هبالتهم وضحكت.
أثر: احيييي انا من الضحكة الحلوة دي.
مزن: ياخ أنا والله بحبكم.
أثر وإيلاف: ونحن كمان بنحبك.
بعدها قعدنا نص ساعة وطلعنا رجعنا البيت. طبعا البيت كان مليان ضيوف وأنا كنت مرهقة شديد .
إيلاف: يابنت أمشي نومي وأنا بشتغل مع البنات.
مزن: طيب.
إيلاف دخلت معاي غرفتي لحد ما طلعت عبايتي ورقدت في السرير وباستني في رأسي وغطتني ومرقت .
صحيت المساء نزلت تحت لقيت البنات مجتمعين قعدت معاهم وأتونسنا مع بعض.
المهم مرا أسبوع وأثر وإيلاف ماقصروا معاي كل ما بكون عايزة أبكى بكونوا معاي ودايما بطلعوني من حالة الإكتئاب واليوم كله بكونوا معاي لأنهم عارفين أنه لوقعدت براي حأتذكر مهند وحأبكى.
زي الساعة ٢ضهر كنت قاعدة في غرفتي وبتصفح على النت قومت لبست عبايتي ومشيت غرفة ياسر لقيتو نايم قعدت جمبي وختيت يدي في خدو.
مزن: أثوري قوم ياخ بطل نوم.
أثر: عيون أثر عايزة شنو
مزن بإبتسامة وبدلع: لا أنت اليلة حاسي بشنو ماطبيعي نهاي المهم عايزة لي رصيد و٢باونتي و٢أندومي وبارد
أثر: ميمي ياسجم أطلعي برة غرفتي ياخ خليني أنوم.
مزن: بسم الله هسي كنت عيونك هسي بقيت سجم.
أثر شال البطانية أتغطى بيها وأنا جريت منو البطانية.
مزن بزعل: أثر عليك الله قوم 😥😩
أثر: خلاص يازولة ماتكشري لي وشك كدا.
مزن: بحبك والله 😂.
أثر: وأنا بكرهك.
مزن: المهم يلا قوم
أثر: طيب.
وطلعت من غرفة أثر مبسوطة ودخلت غرفتي بعد ربع ساعة جاء.
أثر: هاك أمسكي حاجاتك ديل والرصيد حولتوا ليك وتانى اياك ثم إياك تقربي جمب غرفتي يلا أنا ماشي أنوم.
مزن: حبيبي والله.
مشيت المطبخ سويت الأنودمي ودخلت غرفتي وقفلت الباب من ميار 😂وأكلت وقعدت أتصور وأتهابل وكنت مبسوطة ومزاجي رايق جاتني إيلاف داخلة.
إيلاف: ألحقي ياسجم نتيجتنا بكرة.
مزن: أحلفي.
إيلاف: والله العظيم.
وقعدت ابكى في بكى ميار جات داخلة لقتني ببكى زاعت الخبر للبيت كله أبوي جاء داخل يحنس فيني وأمي كمان وخالي ومرته وأثر.
خالي: يابنتي بطلي بكى أجتهدتي وحأتنجحي.
امي: يلا جماعة أرح أنزلوا الغداء.
مزن: أمي أنا ماعايزة.
أثر: يابنت بطلي جرسة ولا عشان أنتي ضاربة الأنودمي والبيبسي والشكولاتة.
مزن: ماكدا والله أنا جعانة لكن نفسي أنسدت من الأكل لكن مافي مشكلة حأكل معاكم.
كلهم قعدوا يضحكوو 😂
أثر: غايتو البعرسك دا يحليلوا والله حأتفلسي بيه. 😂
مزن: أصلوا مابعرس قاعدة في بيت بابا هنا
المهم طلعنا قعدنا نأكل تانى أنا وإيلاف رجعنا غرفتي أنا متوترة وإيلاف كانت زعلانة عشان حاجة تانية
مزن: لوفي حبيتي والله حاسة بيك شعور كعب بجد انك تحب زول وهو مايكون بحبك.
إيلاف: أساسا هو بتعامل معاي بكل برود أكيد ما منتظرة يوم من الأيام يحبني لكن أنا ماقادرة أتحكم في قلبي ياخ أنا حبيت لكن هو سلام مابسلم لي.
مزن: طيب حبيبتي كل شيء لي خير ماتزعلي وحضنتها 🫂
بعدها طلعت غرفتي مشيت لأثر قعدت جمبه.
أثر: لسا موضوع النتيجة مدبرس بيك.
مزن: لا في حاجة تانية.
أثر: أحكي.
مزن: إيلاف بتحب لؤي وهو بتعامل معاها ببرود ياخ حتى سلام مابسلم ليها وهي المسكينة كل يوم بتبكي بسببه وأنا مابقدر أشوف قلبي بتبكي كدا وما أقدر أعمل حاجة.
أثر قعد يضحك.
مزن: هسي البضحك في الموضوع شنو 😒😑
أثر: ياسبحان الله وهو كمان بحبها ويومي بحكي لي عنها لكن كان خايف أنو ماتكون بتحبه.
ياخ أنا من الفرحة لمن صرخت: بجد.
أثر: ياخ قديتي لي أضاني أي والله ياخ أتخيلي لؤي المكسر كل مززز العالم كان خايف من أنه يعترف لبنت.
مزن: طيب رأيك شنو..........
أثر: قدام ياميمي 😎
مشيت دخلت غرفتي لقيت إيلاف فاتحة تلفونها وكل العادة بتشوف في صور لؤي
مزن: إيلاف قومي ألبسي أثر قال عازمنا.
إيلاف: طيب.
مزن: إيلاف جاتني فكرة رأيك شنو نعزم محمد معانا
إيلاف: اممممم طيب
لبسنا وعملنا ميكأب وطلعنا إيلاف أتفأجات أنو لؤي كمان ماشة معانا والفرح ظاهر في عيونها.
أنا وأثر ركبنا مع بعض وإيلاف ولؤي ركبوا مع بعض. مشينا محل إيسكريم راقي فاتح على البحر شوية كدا وجاء محمد قعد معانا سلم عليه لينا لمن جاء لإيلاف مسك يدها مسافة وهو بعاين ليها في عيونها وقال ليها وين يامزة مشتاقين والله..
إيلاف: كتير والله.
أنا لاحظت للؤي زعل شديد من حركة لمن عروقو ظهرو.
وقعدنا شوية كدا وجابو الإيسكريم وطول القعدة محمد يغازل في إيلاف ولؤي زعلان شديد من حركات محمد
محمد: شنو يإيلاف مالك اليلة طالعة مزة 😉
مزن: وأنت شنو يامحمد من جيت ماشايف غير إيلاف نحن ماعاجبنك.
محمد: معقولة ياخ لكن المزة دي قاعدة جمبي كيف أقدر أركز.
لؤي مسك يد إيلاف وساقها بعيد مننا.
انا ضرب أثر في يده وقولت ليه يس الخطة نجحت.
محمد: طلعتي ماهينة والله.
مزن: أحم أحم احم 🙈😎
بعد ساعة عصافير الحب جونا راجعين ويتبسموا وماسكين يدين بعض.
أثر ومحمد صفرو ليهم.
مزن: مبروك والله أخيرا أعترفته لبعض.
لؤي وهو بحمر لمحمد: الله يبارك فيك.
محمد: روق المنقة يامان دي كلها كانت خطة عشان تعترفوا لبعض.
لؤي قعد يضحك.
لؤي: والله ماقصرتوا ماعانا 😅
بعدها مشينا شارع النيل وتاني ركبنا في العربات عشان نرجع البيت
مزن: أثر اليلة حاتفقدني لأنو أنا ماشة بيت ناس عمتو.
أثر: نوو نوو انتي مش وعدتيني تعملي لي البسبوسة البحبها.
مزن: اممممم طيب بمشي ليهم بكرة.
قبل ما نتحرك أثر قال لي أربطي الحزام وأنا يدي اليمين مجروحة فقام قرب مني عشان يربط لي الحزام وكان قريب مني شديد وعيونا أتلاقت مع بعض وصوت أنفاسنا وريحة السيجاير مع العطر ياخ ريحة موبالغة أنا بس بقيت بعاين ليه حسيت بشعور حلو شديد والحزام كانت فيه مشكلة وهو لسا مقرب مني عشان يربطوا كويس وأنا خلاص عايزة أموت من الإحساس الحلو بعدها ربط الحزام وزح مني.
أنا بقيت ساكتة بس وقلبي بدق شديد ماعارفة ليه وريحته معلقة فيني وأنا لسا بتذكر في اللحظة الحلوة دي وهو كمان كان ساكت لحد ما وصلنا البيت.
إيلاف: مزن مش قلتي حأتمشي معاي اليلة.
مزن: والله مابقدر أمشي لأنو انا وعدت أثر أعمل ليه بسبوسة لكن بكرة إن شاءلله بجيكم
إيلاف ردحت لي وزعلت لكن تاني رضت ومشت بيتهم وانا قعدت مع ناس أمي وبعدها دخلت المطبخ أعمل لأثر البسبوسة وهو كان قاعد معاي ويونسني. فجاة شال الدقيق كشحوا فيني وقعد يضحك الغياظ وأنا كمان شلت الدقيق كشحتوا فيه.
أثر: كدا حلوين شديد أرح نتصور.
مزن: قدام ياصحبي.
وقعدنا نتصور ونتهابل. بعدها أنا واصلت شغل في البسبوسة وأثر يصور فيني بدون ما أحس كان عندي خصلة طالعة من شعري معذباني شديد كل دقيقتين بزح فيها أثر قام زحاها لي أنا حسيت بنفس الشعور القبيل حسيت بيه.
بعد ماخلصنا من البسبوسة عملنا القهوة مع بعض وطلعنا الصالة قعدنا نشرب في القهوة مع ناس أمي وأنا طول الونسة مركزة مع اثر ماعارفة ليه وسرحانة فيه.
بعدها كل زول دخل غرفتو إلا انا وأثر عملنا فشار وكنا بنحضر في فيلم رعب طبعا أنا خوافة شديد كل ماتجي لقطة مخيفة بغمض عيوني وأثر يضحك فيني.
بعدما حضرنا الفيلم اتونسنا وكل زول طلع غرفته أنا صليت وبعد ماصليت مسكت تلفوني كنت مساهرة للساعة ٢
ـــــــــــــــــــــــــــــــــ
في الصباح.
صحيت الصباح الساعة ١٢ بسبب إيلاف جات واقعة فيني.
إيلاف: يابنت قومي المؤتمر باقي ليه نص ساعة.
انا قومت دخلت الحمام تاني ماطلعت إلا بعد ما المؤتمر أنتهى ناس البيت كلهم وجوني في الغرفة فوق وصوت الزغاريد وانا خلاص هبط أبيت أفتح ليهم الباب لمن أمي قالت لي جبتي 96أنا من الفرحة فتحت ليهم الباب وأترميت في حضن أمي وبكيت بكى وبعد ماكملت بكى أتذكرت إيلاف سألت منها قالوا لي جابت. 94.5 وحضنتها وباركت ليها وناس البيت كلهم باركوا لي لبست عبايتي ونزلت تحت كان البيت مليان ناس جوا يباركوا لينا وعملنا كرامة وكل الأهل والجيران جوا وحتى أساتذة المدرسة. أنا كنت شغالة مع البنات نضيف في الضيوف وانا كنت مرهقة شديد وعندي مغص ومن الصباح ما أكلت شيء المهم طلعت مشيت أجيب بندول وقبل ما أحصل الباب جيت واقعة أغمى على تانى ماصحيت إلا وإنا في المستشفى ومركبين لي دربات وكل ناس البيت كانوا قاعدين معاي.
أمي: الحمدلله صحيتي يابنتي خفوتينا عليك.
مزن: أنا كويسه والله.
ناس البيت كلهم كانوا قاعدين اتحمدوا لي السلامة وطلعوا إلا أمي.
مزن: أمي أثر وين
امي: أثر أدعي ليه بس يابنتي.
مزن بلهفة: ليه مالو.
أمي: أثر كان جاي من السوق شاف ليه ولد بهدد في بنت بالسكين وعايزة يخطفها نزل عشان يساعد البنت الولد طعنوا بالسكينه في كليته ونزف دم كتير وهسي عايزين يعملوا ليه عملية زراعة كلية لأنو كليته التانية كمان ما كويسة.
أنا دموعي ديل بقوا جاريات زي الشلال أمي حضنتي وقعدت تبكى معاي.
مزن: أمي ارح وديني ليه.
أمي: لا يابنتي شوفي حالتك دي كيف.
أنا ولا سمعت كلامها وفكيت الدرب من يدي وطلعت من الغرفة ولا لابسة طرحة وشعري مفكوك أمي جات جارية لاحقاني الدكتور أبى يخيلني أدخل خليته يتناقش مع أمي وطوالي دخلت أثر كان راقد زي الزول الميت مركبين ليه دم ودربات ومخيطين ليه بطنه أنا مسكت في يده وقعدت أبكى الممرضة جات داخلة طلعتني برة انا من طلعت طوالي هجت في الدكتور... ياخ معقولة مستشفى كبيرة زي دي وما متوفر فيها كلى ياخ أنتو دكاترة شنو
الدكتور: والله يابنتي فصيلته نادرة ومافي زول من أهله مطابقاه.
مزن: طيب أنا حأتبرع ليه.
طبعا كل ناس البيت كانوا مصدومين من كلامي 😳😳😳
خالي: لا يابنتي خلينا نصبر شوية أنتي عيانة.
مزن: نصبر لحد ما يموت.
كلهم كانوا معترضين وانا ولا أشتغلت بيهم مشيت للدكتور وكلمته وبالفعل دخلت العملية وبعد تلاتة ساعات من العملية صحيت لقيت أمي وإيلاف ومرت خالي جمبي.
مرت خالي: والله يابنتي انا ماعارفة أرد ليك جميلك كيف ربنا يوفقك دنيا وأخرى هسي انتي كيف حاسة بحاجة.
مزن: أثر أخوي ودا واجبي تجاه.
أمي: هسي بقيتي كيف.
مزن: كويسة الحمدلله.
إيلاف جات حضنتني وتبكى مسحت ليها دموعي وقلت ليها يابنت انا كويسة (يعنى حرفيا ياجماعة إيلاف دي أختي الماولدتها أمي).
مزن: أثر طلع من العملية.
إيلاف: لسا ماطلعوا من العملية.
مزن: طيب انا ماشة أشوفوا.
مرت خالي: يابنتي انتي كمان طالعة من عملية ماترهقي نفسك.
مزن: طيب ممكن ما تكلموا أثر انو انا أتبرعت ليه.
الدكتور جاء داخل كتب لي أدوية عشان مناعتي ضعيفة شديد وبعد أكلت وشربت الدواء نمت ماصحيت إلا تاني يوم ولمن صحيت أتفاجات بأثر قاعد جمبي وماسك يدي
أثر: ليه يامزن تعملي في نفسك كدا.
مزن: يعنى أشوف أخوي بموت قداامي وما أعمل حاجة.
أثر: لكن يامزن في مية حل غير أنك تتبرعي أنتي.
مزن: هسي خلينا من دا أنت بقيت كيف.
أثر: زعلان شديد لانو أختي خسرت كليتها عشاني😔😥
مزن: ماخسرتها لأنو شالها توأمي.
أثر: بس يامزن 😔
مزن: مافي حاجة أسمها بس أخت وأتبرعت لي أخوها المشكلة وين.
أثر حضني ودموعو نزلت وانا كمان بكيت مسحنا دموع بعض.
أثر: ربنا يحفظك لي.
مزن: ويحفظك لي كمان.
بعدها أهلنا جوا داخلين.
مزن: أمي انا قلت ليكم شنو ليه كلمتوه.
أمي: والله نحن ماكلمناه دا خالك دا.
أثر: طيب ياجماعة حانطلع متين.
عامر: الدكتور قال ممكن . مزن تطلع لكن انت لا.
مزن: وانا ما طالعة إلا مع أثر.
إمي: يابنتي لازم ترتاحي.
أثر: مزن انتي طالعة من عملية بطلي عناد لازم ترتاحي.
مزن: برتاح في غرفة المستشفى دي لكن مابرجع إلا معاك.
اثر: مزن أسمعي الكلام بطلي عناد 😡
مزن: لا.
خالي: خلوها مدام مصرة.
أثر: وأنا حأقعد معاها هنا
كنا قاعدين مع بعض في نفس الغرفة وناس البيت قعدوا معانا.
الممرضة جات ركبت لأثر درب وانا والله لمن شوفتها ركبت ليه الدرب كأنوا طعنتني أنا قعدت أبكى.
أثر: يابنت أنتي دموعك ديل قاعدات على الهبشة أقل شيء بتبكي.
مزن: لا ما قاعدة أبكى 😅😥
أثر: شوفتي عشان عارفك بكاية عشان كدا قلت ليك أرجعي.
المهم عدينا اليوم كله انا وأثر نتونس كأنوا ماطلعين من عملية وناس البيت رجعوا إلا خالو وبابا ومرت خالو وأمي.
بليل زي الساعة ١٢أثر كان بعاين للسطح وبفكر في مزن.
بلسان أثر: انا ماعارف ليه أنا حاسي كأنوا أنا بحب مزن... معقولة أكون بحبها.
قلب اثر: أي انت بتحبها وبموت فيها ومدمنها إدمان عديل مابتقدر تعيش يوم بدونها وبالذات بعد التصرف الأتصرفتو الليلة حبك ليها زاد شديد.
عقل أثر: لكن المشكلة انو مزن مابتحبك بتعتبرك اخو وبس
ـــــــــــــــــــــــــــــــــــــــــ
مزن كمان كانت بتفكر في أثر
بلسان مزن: ماعارفة ليه انا حاسة انو انا بحب أثر..... معقولة أكون بحبه
فجأة قعدت أتذكرت كل لحظاتنا الحلوة وأبتسمت تلقائيا.
قلب مزن: مزن أنتي بتحبي اثر بتحبي كل شيء فيه إهتمامه بيك وخوفوا عليك لحظاتكم الحلوة مع بعض وكيف هو دايما من غير ماتفتحي خشمك هو بيعرف أنتي عايزة شنو وكمان لمن قرب منك حسيت بشعور حلو وأمبارح لمن عرفتي انو هو داخل عملية بكيت كأنوا أنتي العايزين يعملوا ليك العملية ودا كلوا تفسيروا أنك بتحبيه.
عقل مزن: اصحي يامزن أثر مابحبك أنتو أخوان وبس
مزن وأثر كانوا بفكروا في بعض للصباح.
في الصباح.
رجعنا البيت وكانوا عاملين كرامة والبيت كان مليان ضيوف انا طوالي دخلت غرفتي نمت لأنو طول بفكر في أثر ومانمت.
صحيت العصر طوالي لبست عبايتي مشيت غرفة أثر لقيت معاه اولاد كتار قلت السلام عليكم ومشيت قعدت جمبوا.
مزن: بقيت كيف.
أثر: كويس وأنتي.
مزن: لو انت كويس معناة انا كويس نسيت أنو نحن توأم.
أثر: على فكرة أنا لسا زعلان من تصرفك بنتحاسب بعدين.
مزن: انا عملت كدا عشاني انا مابقدر اشوف اخوي بموت قدامي.
أثر: بنتحاسب بعدين ماهسي...
مزن: طيب أكلت.
أثر: أي.
مزن: طيب حا أجيب ليك عصير وفواكه. وطلعت من الغرفة.
علي: احيييي انا جبتوا لي جفاف عاطفي.
لؤي: وأتخيل بعد دا بقولوا لينا نحن أخوان.
ملهم: اووووو شيت مابصدق نهاي أنو انت مابتحبها.
أثر: شباب خلاص أكسروا حنك الموضوع دا.
مزن جابت سلطة الفواكه والعصير ودخلت غرفة أثر.
مزن: يلا يا اثر أشرب العصير
اثر: نوو حاتأكلي سلطة 🥗الفواكه أنتي لأنو انا عارفك ما أكلتي.
مزن: والله العظيم أنا حأكل بس انت أكل.
أثر: ما حأكل إلا تأكلي أنتي
مزن: إيلاف منتظراني عشان نأكل سوا.
أثر: أوكي.
أنتظرت أثر لحد ماشرب العصير وأكل سلطة الفواكه ورجعت الحاجات المطبخ ومشيت لإيلاف.
بعد كم يوم شلة أثر كانو جاين في البيت زيارة إيلاف كانت قاعدة معاي سوينا ليهم كيك وشاي وقهوة وبسبوسة وعصير بعد شوية كدا جوا إستقبلناهم ودخلنا جوة في الصالة كلهم ظريفين شديد إلا جوان دي محنكشة ومايعة شديد.
جوان: حبيبي حاسي بألم في أي حاجة واجعاك.
أثر: جوجو أنا كويس والله.
وأنا طول القعدة بحمر ليها بس وجوان طول القعدة متلصقة في أثر.
محمد: شباب الجامعة حاتفتح بعد أسبوع عشان كدا أنا راجع بكرة.
أنا لمن سمعت الكلام دا ماعارفة زعلت ليه حسيت وكأنه الدنيا دي ضلمت قداامي ياخ انا أتعلقت بأثر تعلق ماطبيعي.
أثر: وأنا كمان ياشباب حأسافر الأربعاء الجاية.
جوان: وأنا كمان حأسافر الاربعاء.
أثر: طيب رأيكم شنو نسافر كلنا سوا.
تنزيل وليان: قداام.
ملهم: ظاابط.
بعد ساعة شلة أثر طلعوا وأنا دخلت غرفتي بكيت بكى عشان اثر مسافر أثر دق باب الغرفة قلت ليه اتفضل بصوت مبحوح.
أثر: يابنت مالك بتبكى.
مزن: ماقاعدة أبكى.
أثر: ممكن تكذبي على أي زول لكن انا لا.
مزن: أثر انت حاتسافر وحتنساني وتاني مامعروف تجي متين 😭😩😭😭😭😭 وقعدت أبكى.
أثر: يامجنونة كلها تسعة شهور ومن أنتهى طوالي حأجي السودان عشانك.
مزن: لكن انت ماحتتذكرني تاني وحتنساني مع إكساتك ديك.
أثر: يابكاية في زول بنسى روحه لا صح يومي حأتصل ليك بالصباح وبالمساء ومستحيل يوم يعدى وما أتصل ليك.
مزن: أحلف يومي حاتتصل لي.
أثر: والله العظيم طيب هسي أمسحي دموعك يلا أرح نطلع.
مزن: طيب دقيقة أغير.
أثر: طيب
مشيت لبست فستان أبيض فيه ورود بالبينك وطرحة بينك وعملت روج بالبينك. وماسكرا وإيلاينر وإيشدو.
وطلعت لقيت أثر جاهز كلمت أمي وطلعنا مشينا محل أيس كريم وتاني مشينا البحر والحديقة ومشينا أكلنا في مطعم ورجعنا.
مزن: اثر وصلني بيت ناس إيلاف عشان الليلة بايتة عندهم.
أثر: طيب.
مزن: على فكرة انت ماجبت لي هدية النجاح.
أثر: أنا براي ما أكبر هدية.
مزن: يازول ماتحنكني مابعرف بس عايزة هديتي.
أثر: نووو مافي هدية.
مزن: اثر لو ماجبت لي هدية ماتتكلم معاي ويلا باي عارفك حاتشتاق لي.
أثر: قاعدة معاهم كم يوم.
مزن: أسبوعين.
أثر: ياشيخة أسبوعين عديل كدا.
مزن: بهظر معاك يومين بس.
أثر: طيب يلا أقطعي وشك.
مزن: اصبر ياسجم عارفك حاتشتاق لي.
طلعت دخلت بيت ناس إيلاف سلمت على عمته وراجلها وسجى وسهى وإيلاف بعدها عملنا قهوة ودخلنا غرفة إيلاف كنا مساهرين مع بعض للساعة ١٢بعدها دخلت الواتس رسلت لأثر كم رسالة هو كان أونلاين ماردا لي تاتى رسلت ليه عشرة رسايل برضو ماردا لي تاتى رسلت ليه ريكورد برضو ماردا لي وقرأ الرسايل وماردا الحركة دي غاظتني أتصلت ليه كم مكالمة بديني هذا الرقم مشغول حاليا أتصلت ليه أكتر من خمسة مكالمات وبديني الرقم مشغول أنتظرته للساعة ٢يرد لي وهو قرأ الرسايل وماردا لي أتغظت من حركته شديد قمت رسلت ليه مسج محتواها: يابايخ ياثقيل تاني ماتتكلم معاي..... وحظرتو طوالي في الواتس زعلت شديد من الزعل ماقدرت أنوم وعقلي يودي ويجيب ويقول لي لو هو هسي بتعامل معاك كدا لمن يسافر حأينساك. ماعارفة دموعي جات نازلة. إيلاف صحت لقتني ببكى.
إيلاف: يابنت مالك.
مزن: أتخيلي أثر من قبيل رسلت ليه عشرين رسالة وريكورد وأتصلت ليه خمسة مرات وقرأ الرسايل وماردا لي انا عارفة هو حأيكون مشغول مع جوان أتخيلي بس ياإيلاف من هسي بعاملني كدا لمن يكون مع جوان 😩😥ولمن يرجع كندا حايتساني 😭😭😭😭😭😭😭😭😭😭😭😭.
إيلاف: مزن انتي بتحبي أثر 😳😳
مزن: ماعارفة فجاة لقيت نفسي حبيته
إيلاف: لا دا ماحب عادي دا هوس وإدمان يابنت هسي ماكان معاك عشان ماردا ليك بس قعدتي تبكى.
مزن: إيلاف أنا مابقدر أنوم لو ماسمعت صوته.
إيلاف: طيب وجوان دي منو ماتقولي لي البنت الكانت متلصقة فيه.
مزن: أي ياها زاتها إيلاف انا ليه حبيت اثر وهو مستحيل في يوم من الأيام يحبني 😭😭😭😭😭😭
إيلاف: ليك حق تحبيه بعد الدلع والإهتمام والحنية دي كلها.
مزن: لكن هو مابحبني.
إيلاف: انا عندي إحساس انو في يوم من الايام حأيحبك وأتذكري دايما أنو كل شيء لي خير وربنا لو كاتب ليكم تكونوا مع بعض مافي قوة في العالم دا حأتمنعكم أنو تكونوا مع بعض.
مزن: انا لكن بقيت مدمنة حاجة إسمها أثر بقيت مع أبقدر اعيش يومي بدونه وهسي حأيسافر وينساني وحأيقل تواصلنا.😭😭😭😭
إيلاف: طيب تعال أقرا ليك قران عشان تقدري تنومي.
مزن: إيلاف عارفة انا كل ما أكون مضايقة وماقادرة أنوم بتصل لأثر بقرأ لي قران بصوته الحلو وطوالي بنوم 😥لكن للاسف تاني مافي اثر.
إيلاف: هووووووس حاولي نومي وأنا بقرا ليك قران.
إيلاف كانت بتقرأ لي قران لحد مانمت تاني يوم صحيت الصباح وعلى أمل انو أثر يتصل لي فتحت تلفوني مالقيت منه ولا مكالمة ولا حتى مسج صراحة زعلت شديد
إيلاف: صباح الخير.
مزن: صباح النور إيلاف أتصلي للؤي أساليه من أثر.
إيلاف: طيب تمام.
دخلت أستحميت ونزلت تحت شربت الشاي مع ناس عمتو قعدت حتى المساء منتظرة اثر يتصل لي وما أتصل
مزن: إيلاف انا نفسي أعرف اثر مالو معقولة نهاي مافقدني 😥
إيلاف: مزن أنتي مكبرة الموضوع بس أنتو أمبارح كنتوا مع بعض.
مزن: لكن هو لمن كنت معاه في البيت من الصباح لو ماشافني بتصل لي.
*☆☆••••••••••••••••••••••••••••••• *يتبــــــــــــــــــــــــــــــــــــــــــــع* *•••••••••••••••عـــــــــبدو•••••••••••••••••• ☆☆*
❤️
1