عشاق الروايات السودانية🎀✨
June 14, 2025 at 08:14 AM
*#حًبً~وٌعٌشُقُ~بًلَآ~حًدٍوٌدٍ 《05》💛🦋*
*#بقلمي~مزن~عامر(ميمي 😎)*
*☆☆••••••••••••••••••••••••••••••••••••••••••••••• ☆☆*
عند مزن.
صحيت الصباح بصوت أمي.
أمي: مزن يابنت بطلي نوم إيلاف دي منتظراك للجامعة من قبيل.
مزن: خليني أنوم دقيقة بس يانبعو.
أمي: مزن قلت ليك قومي سريع 😡
مزن: اوففف يا طيب 😩
دخلت الحمام أستحميت وصليت ولبست لي تونيكا سوداء وبنطلون أسود وطرحة مشكلة وأسبورت أبيض وعملت ميكأب خفيف ونزلت تحت.
مزن: صباح الخير.
بابا: صباح العسل.
إيلاف: صباح الخير يانوامة.
مزن: ميرو وين.
ميار: انا هنا ماشة المدرسة.
مزن: طيب ياحبيبتي تعال أبوسك وانتبهي كويس في دراستك.... وبوستها 🥰
ميار: حاضر.
مزن: بحبك.
ميار: وانا كمان.
إيلاف: يلا خلينا نطلع.
طلعنا مشينا الجامعة مشينا مكان الشلة المعتاد
مزن وإيلاف: هاي كيفكم. وسلمنا على سرو بالأحضان
مازن: أهلين بالحلوين.
مجتبى: شنو يابنات الجمال دا كلو من الصباح.
مزن: انت نهاي مابتبطل تشغيلاتك دي.
مازن: ماسمعته الجديد والحصري.
إسراء: أحكى احكى غايتو انت أي شمار في الجامعة عارفو.
مازن: شوفتوا الدكتور الكريه العنده جلحات.
مزن: مالوو.
مازن: عرس ليه برلومة مزة شديد.
مزن: مايستاهل الكريه.
إيلاف: لا كيف يعنى الكلام دا 😂
مجتبىء: أخر الزمن البرالمة بقوا يخلو المزز الزينا ويعرسوا ناس الجلحات.
مازن: طبعا أمبارح لمن شوفته صورة عرسه جاني جفاف عاطفي
مزن: أحلى حاجة اتفكينا منو 😅
إسراء: يلا أرح المحاضرة حأتبدا.
دخلنا المحاضرة وبعدها تاني دخلونا محاضرة وانا طول المحاضرتين بفكر في أثر.
مزن: غايز ارح نأكل أنا عايزة أموت من الجوع.
مازن: يلا أرح
مشينا قعدنا في الكفتريا أثناء ما أنا بأكل في زول غمض لي عيوني بيدينو ريحة عطره ملمس يده.
إيلاف: عرفتي دا منو.
مزن: لو ماخانتي أنفي ولو ماخاني قلبي ولو ما خاني إحساسي فدا أثر.
زح يده من وشي انا قمت على حيلي وأتلفت وبجد لقيته أثر من الفرحة صرخت ونطيت فيه وحضنته وقعدت أبكى.
أثر: شافعتي المجنونة مشتاقين والله.
مزن: لا انا مامصدقة انت قدامي حاسي نفسي بحلم.
اثر: لا صدقي الواقف قدامك دا اثر حبيبك.
وقعدت ابكى وأبكى بكيت بكى لمن كل ناس الكفتريا. كلهم بقوا يعاينوا لينا.
مزن: اثر انا بجد اشتقت ليك اشتقت للحظاتنا الحلوة مع بعض أشتقت ليك شديد وبجد انا التلاتة شهور ديل حسيتهم وكانهم تلاتة سنين 😭😭😭😭😭😭😭😭وقعدت أبكى وأبكى.
اثر: خلاص يابكاية لميتي فينا الناس وانا كمان اشتقت ليك شديد.
مزن: أثر أنا بحبك وبموت فيك عليك الله ماتمشي تخليني تاني بموت من دونك 😭😭😭😭😭😭
أتخيلوا الكلام دا كله وانا حضناه 🫂لمن الناس كلهم بقوا يعاينوا لينا ويعلقوا البقول ديل ظاهر عليهم بحبه بعض شديد.... وفي بنات منبرشات في اثر بعلقوا فيه اما مجتبىء ومازن وإسراء كأنو بعاينوا لينا.
اثر مسك يديني قدام الناس وقال: ياجماعة انا بحب لي شافعة حب فايت الخيال لكن في مشكلة واحدة
كل الناس بصوت واحد شنو.
اثر: هي بكاية شديد ودموعها قاعدات على الهبشة لكن من اليوم بوعدك ياحبيتي دمعة واحدة ما حأخلي ليها تنزل منك لأنو مابهون على زعل وفترة التلاتة الشهور الكنا فيها بعيدين عن بعض انا كنت بموت في اليوم مية موتة
الناس كلهم بقوا يصفرو ويكوركوا وووووووووووووووووو🥳🥳🥳🥳🥳 اثر طلع خاتم دهب كبير لبسني ليه.
في واحد قال ليه قلبتوها خطوبة عديل.
أثر قال ليه: لا لكن دي هدية بس مزونتي بستحق يخطبوها بأحسن خاتم في العالم.
كلهم: وووووووووووووووووو واصوات الصفافير 🥳🥳🥳🥳🥳.
في بنت قالت ليه ممكن توصف لينا قدر شنو بتحبها.
اثر: انا مابس بحبها انا مهوس بيها ومدمنها وبعشقها ♥
كلهم: وووووووووووووووووووو.
مازن: ياجماعة جبتوا لينا جفاف عاطفي.
كلهم قعدوا يضحكوا.
تاني اثر مسك يدي وطلعنا برة جمب شجرة وانا دموعي ماعايزات يقيفوا.
ـــــــــــــــــــــــــــــــــــــــلحظة عتاب 💔😔
أثر: ميمي انتي عارفة انو أنتي السبب الوصلتي علاقتنا لكدا لو كان من البداية اعترفتي لي ماكان حصل الحصل كله.
مزن: خوفي من أنو أخسرك كان اكبر من خوفي انو أكسبك يعنى اتخيل لو انا اعترفت ليك وانت ماكنت بتحبني انا كنت حأموت.
أثر: وإحتمال انو كان ابادلك بنفس المشاعر ♥
مزن: وإحتمال لا.
أثر: طيب انا عندي سؤال واحد هل الحصل اليوم داك بليل خلاك تحظريني وماتتكلمي معاي وماتجي تودعيني وطول التلاتة شهور نحن ماكنا بنتكلم مع بعض بسبب السبب دا.
مزن: بالضبط دا كان السبب بعد ما لعب الشيطان بعقلي ماكان عندي وجه اواجهك بيه وكنت دايما بفكر انت هسي حاتقول عني شنو.
أثر: مع انو الحصل غلط لكن عجبني شديد 😅
مزن بخجل: تافهة. 🙈
أثر: والله حتى انو بسب البوسة الحلوة ديك أنا اكتشفت مشاعري تجاهك.
مزن: طيب لو وقتها أكتشفت مشاعرك تجاهك ليه ماكلمتني.
أثر: انت ماخليتي لي طريقة أتكلم معاك بيها حتى انا كان في رأسي مية سؤال ماكنت متأكد إذا كنتي بتحبيني ولا لا وبصراحة زعلت منك شديد.
مزن: أسفة حبيبي لاني زعلتك مني 😥
اثر: حاء شنو حاء شنو ياميمي lcoldn't hear you clearly
مزن: ماقلت حاجة 🙈🙈
أثر: عليك الله قوليها تاني.
مزن: حبيبي. 🙈
اثر: احيي انا من حلاوة الكلمة في لسانك.
مزن: بطل ياخ.
اثر: كمان بقينا نخجل
سكت ماردت ليه لانو خجلت شديد 🙈
اثر: ميمي انا بجد بحبك وبموت فيك.
مزن: وانا كمان بحبك ❤
اثر: انتي عارفة انا بعد قريت رسالتك طوالي اتوجهت للمطار حتى أمي ماعرفت إلا بعد ماوصلت.
مزن: بجد أنا محظوظة شديد لأنو عندي إنسان بحبني زيك ربنا يحفظك لي.
أثر: ويحفظك لي كمان .
مزن: جامعتك قفلت.
اثر: لا وبكرة حاسافر.
انا طوالي دموعي جرت 😭😭😭😭😭😭
مزن: اثر عليك الله ماترجع.
اثر مسح لي دموعي وقال لي: حبيبي بعد تمنية شهور حأكون معاك هنا واطوالي حأكون معاك بالتلفون عليك الله ماتبكي انتي ماعارفة دموعك ديل بعملوا فيني شنو.
وانا لسا مواصلة بكى 😭😭😭
مزن: طيب أقعد بكرة بس.
أثر: والله مابقدر أنتي عارفة هناك في جامعتنا القوانين صعبة شديد.
مزن: طيب.
اثر: يعنى يامزن بعد السفر دا كلو عشانك ماتفرحيني بإبتسامتك الحلوة دي.
وقعد يعمل لي حركات في وشو ويتهابل لحد ماضحكت لمن بطني وجعتني.
اثر: احييييي انا من الإبتسامة البترد الروح.
مزن: ارح اعرفك على شلتي.
اثر: طيب.
مشينا لقيناهم قاعدين في مكانهم المعتاد.
مزن: أثر ديل أصحابي واخواني مجتبىء وإسراء ومازن ويا اصحابي دا اثر روحي.
اثر سلم على الأولاد سلام الرجال داك وسلم على إسراء في يدها وسلم لإيلاف.
مازن: والله ربنا يسعدكم مع بعض لأنو بجد مثال للحب العظيم وربنا يرزقنا حب صادق زيكم.
مجتبى: بجد ربنا يحفظكم لبعض.
اثر: تسلموا ياشباب.
بعدها قعدنا مع الشلة زي ساعة وطلعنا انا واثر وخليت إيلاف تسوق عربيتي مشينا أكلنا في مطعم ومشينا محل إيس كريم وتاني مشينا توتي والجو كان مغيم وحلو كنا بنتمشى وبنتونس.
أثر: باقي لينا سنتين إلا شهرين وتكوني حلالي مزن انا بعد اخلص من الجامعة حأجي أخطفك طوالي.
مزن: حبيبي بس جامعتي كان ماخلصت ماحانقدر نتزوج.
أثر: انا مستعد أنتظرك عمري كله.
مزن: بحبك.
اثر: وانا كمان بحبك
تاني قعدنا تحت شجرة وختيت كتفي في كتفه وهو كان بحكي لي وانا كنت بسمع فيه كنت مشتاقة لصوتو شديد.
أثر: يابنت أنتي مالك ساكتة.
مزن: انا اليلة بس حاسكت وحا اسمع صوتك بس لأنو مشتاقة. لصوتك.
أثر: يعنى عايزة تحرميني من صوتك وانا كمان مشتاق لصوتك.
مزن: أثر المغرب اذن وانا ما كلمت أهلي يلا نرجع سريع.
اثر: على فكرة انا جيت بيتكم وسلمت على اهلك وهم عارفين انا جيت عشانك وحتى ما لاحظتي انو انا جيت بعربية أبوك وهم هسي عارفين نحن مع بعض.
مزن: لا انت اكيد بتهظر كيف يعني هم عارفين نحن مع بعض.
أثر: عديل كدا
مزن: اوكي خلينا نرجع البيت عشان الوقت أتاخر.
أثر: طيب.
اثر: ميمي انا اشتقت لبسبوستك.
مزن: طيب اليلة حأعمل ليك أحلى بسبوسة.
ركبنا في العربية ووصلنا البيت.
أول مادخلنا ميار من شافت أثر جات جارية وحضنته.
ميار: أثر.
أثر: عيون أثر مشتاقين والله.
حدرت ليه وقلعت ليه عيوني.
أثر: ماتخافي عيوني ليك براك
ميار: انا زعلت ليه تدي عيونك لمزن.
اثر قعد يضحك وقال ليها: لانها مرتي المستقبلية.
انا قبلت وراء لقيت أمي قاعدة وبتعاين لينا مشيت سلمت عليها.
أمي: عساك دايما مبسوطة يابنتي.
مزن: أمين يارب.
أثر: السلام عليكم.
أمي: وعليكم السلام كيفك ياولدي
أثر: تمام الحمدلله وأنتي كيف أمسيتي.
أمي: الحمدلله خش إرتاح مسافة اجهز ليكم الأكل.
اثر: والله فل الحمدلله عمي وين.
أمي: عمك دا قاعد جوا في مكتبه.
انا واثر وميرو كنا قاعدين نتونس مع بعض تاني ميرو نامت فضلنا انا وأثر نتونس للساعة 9.
أثر: بسبوستي وين.
مزن: اغير ملابسي بس وحا أعملها ليك.
اثر: طيب.
دخلت غرفتي لقيت كيس هدايا كبير فتحته لقيت فيه تلفون ايفون بروماكس وكيس كبير ملايان شكولاتات كندية ونودلز وجايب لي طقم فضة راقي وعطر وساعة وجايب لي فستان بالون البنفسج الفاتح بطرحته والهيلز وجايب لي لابتوب ايفون طبعا انا كميت الفرحة الحسيت بيها من دون ما احس خلتني مشيت حضنت الولد وقلت ليه شكرا على الهدايا الحلوة.
اثر ضربني في رأسي وقال لي: تاني اياك ثم إياك تقولي لي شكرا ومافي هدية في الدنيا دي بالنسبة لي غيرك.
مزن: بحبك والله.
أثر: وأنا بموت في حبوبتك 😅
أنا قعدت أضحك بعدها رجعت غرفتي صليت و لبست لي بجامة طويلة ومحتشمة ولبست طرحة وطلعت برة لقيت أثر قاعد مع أبوي بتوتسوا بوست أبوي في رأسه وسلمت ليه وجريت أثر من يده قلت ليه أرح ساعدني في تجهيز البسبوسة.
دخلنا أنا وأثر المطبخ وبديت أعمل في البسبوسة وأثر يونس فيني.
مزن: كيف لقيت شلتي.
أثر: ظراف شديد .
مزن: أمممممم حلو.
أثر: أنا عندي إحساس أنتي عايزة تسأليني من حاجة 🧐
مزن: امممم إكسات ديل متواصل معاهم لسا.
أثر قعد يضحك وقال لي: اي مابقدر أعيش من دونهم.
أنا طوالي حدرت لأثر 😡وضربته في كتفه وقلت ليه ماتتكلم معاي وطوالي صريت وشي.
أثر: حلاتو البغير على ياناس 🥰
مزن: اننننننن غياظ.
أثر: والله أنتي عارفاني مابعرف أكذب للصراحة للأن بتكلم معاهم بملىء بيهم وقت فراغي..
أنا حدرت ليه واصلت شغل وسفهتو وما أتكلمت معاه.
أثر: مزن انتي غيرانة.
سكت برضو ما أتكلمت معاه.
أثر: ميمي ماعايزة تتكلمي معاي يعني.
وبرضو سفهتو وما اتكلمت معاه.
أثر: طيب حبيبي كل شيء ولا زعلك من اليلة حأقطع علاقتي معاهم كلهم.
مزن: اننننن عملت شنو يعني لمن ترجع حاترجع تتكلم معاهم لانك من دونهم مابتقدر تعيش 😔
أثر: يابنت أنتي هبلة انا من دونك مابقدر أعيش ومافي اي بنت بتحل مكانك في قلبي وخليك واثقة حبيبك مستحيل يخون ثقتك.
مزن: اوعدني
اثر: بوعدك ياحبيتي
مزن: اممممم طيب.
أثر: صافية لبن.
مزن: حليب ياقشطة.
بعد نص ساعة خلصنا من البسبوسة عملنا قهوة وقعدنا نشرب مع ماما وبابا
بابا: ربنا يوفقكم يا اولادي في حياتكم ويرزقكم في بيت الحلال.(مافي أحلى من الحب قداام الأهل 💛أما الحب بكون من دون علم أهلك مصيرو ينتهى لأنو لو هو بجد بحبك كان أتقدم ليك قداام أهلك 💛)
مزن وأثر: أمين يارب.
ماما: بجد أثر من رجع كندا انا ما حصل مرة شوفت بيتي مبسوطة كدا.
أثر: وان شاءلله طول ما انا موجود وانتو موجودين معاها هي حاتكون مبسوطة.
انا ابتسمت وبجد حسيت انو انا أكتر إنسانة محظوظة في الدنيا.
أثر طلع غرفته وجاء جاب معاهم تلاتة أكياس هدايا.
أثر: دي هداياصغيره جبتها ليكم معاي بتمنى أنها تعجبكم.
ماما: اكيد حاتعجبنا طول ما أنت جبتها
بابا: تسلم ياولدي.
اثر: الله يسلمك.
انا كنت مبسوطة شديد وشايفة كمية الحب لاثر في عيون أهل واحلى حاجة هم عارفين بعلاقتنا ومبسوطين مننا شديد وبدعو لينا انو نكون معا بعض في بيت الحلال.
مزن: بالمناسبة أنت جيت بسرعة متين لحقت تجيب لينا هدايا.
اثر: والله قبل ما اطلع على المطار وصيت ملهم وهو جابهم لي.
بابا: والله ياولدي مابتقصر.
ماما: هسي ياولدي حاترجع بكرة
أثر: اي والله ومضغوط شديد مع الجامعة والمستشفى وانا اساسا كان غرضي من جيتي أراضي حبيبتي مزون لكن المرة الجاية من اخلص من الجامعة طوالي حأجي ونعمل خطوبة وبعدها بسنة بكون خلصت جامعة وأنا اساسا مكون نفسي شغال مع أبوي وحانعمل العرس طوالي.
بابا: ان شاءلله.
بعدها أتونسنا كتير للساعة ١٠وكل زول دخل غرفته انا كنت نعسانة شديد طوالي نمت صحيت الساعة ١أتصلت لاثر رد لي من اول جرس شكلوا كان نايم أتونسنا كتير وبعدها انا نمت ليه في التلفون.
في الصباح.
بلسان مزن
صحيت الصباح بدري وصليت وأستحميت ولبست لي بجامة وعباية اليلة عندي جامعة لكن ماماشة ورسلت لإيلاف رسالة قلت ليها أمشي الجامعة وسجليني حضور سالتني امبارح حصل معاي شنو؟ قلت ليها بعدين بحكى ليك ومشيت ساعدت أمي للشاي وقعدنا شربنا الشاي.
ماما: يابنتي امشي صحي الولد دا عشان يشرب الشاي طيارته الساعة كم.
مزن: امي خليه بكون تعبان اساسا هو صلى الصبح ورجع نام لأنو تعبنا وطيارته الساعة ١٢.
ماما: سمح يابنتي.
بعدها دخلت غرفة ميار صحيتها للمدرسة وبعدها نظفت البيت وساعدت امي في غسيل العدة ومشيت طبخت مع امي عملت ملاح نعيمية وفطاير وامي عملت باقي اطباق الفطور بعدها اثر صحى وديت ليه كباية نيس كافي وبسبوسة لانو مابشرب شاي لقيته قاعد في الصالة.
مزن: صباحو.
اثر: صباح العسل.
مزن: حاسي بصداع ولا تعبان بس لانو ما من عاداتك تنوم للزمن دا.
اثر: والله تعبان بس.
مزن: طيب حأعمل ليك عصير.
دخلت المطبخ عملت عصير منقة وجبتو ليه.
اثر: تسلمي لي.
مزن: الله يسلمك لي.
أثر: مزن أنا حأسافر بعد ساعتين وإياك بعد انا اسافر تبكى والله بخلى السفر والجامعة والشغل واي حاجة وبقعد معاك (حال السرور والخاطر المجبور 🤤)
مزن: لكن مابقدر دموعي بنزلوا براهم.
اثر: المهم انا حلفت ومن اركب في الطيارة حأتكلم معاك فديو كول كان بكيتي لي طوالي بركب طيارة للسودان من دبي.
مزن: طيب.
اثر: انتي ماعارفة دموعك ديل بعملوا فيني شنو دمعتك الواحدة بتنزل علي قلبي زي جمرة النار..
مزن: طيب.
اثر: انتي اليلة ماعندك جامعة.
مزن بدون ماتعاين ليه في عيونه قالت ليه نووووو.
اثر: مزنننننننن قعدتي عشان انا مسافر صح.
مزن: أمممم اي
اثر: المهم تاني ماتغيبي إلا تكوني مريضة.
مزن: اوكي.
بعدها مشيت جهزت الصفرة وقعدنا كلنا نأكل.
اثر: الله ملاح النعيمية حلو 🤤
ماما: سوتو مرتك المستقبلية.
اثر من الصدمة كشح كباية الموية لانو هو تقريبا عارف كل شيء عني لكن ما عارف انو أنا اتعلمت اطبخ.
مزن: استغربت شديد صح 😂.
أثر: اخر حاجة اتوقعتها مزن الدلوعة تعمل ملاح نعيمة.
انا طوالي حدرت ليه 😒🌚
ماما: والله ماشاءالله مزن اتعملت أكلات كتيرة من غير نت او من غير ما اعلمها بس بتشوفني بعمل كيف بتعاين لي وبتجي تطبق.
اثر: خلاص ماتكرفسي لي وشك كدااا أهو طلعتي طباخة شاطرة هسي كنت شايل هم بعدين في بيتتا حأطبخ انا ولا أجيب ليك مرة تطبخ لينا.
أنا اتغظت من كلامه وضربته في كتفه وقلت ليه غيااظ ماتتكلم معاي 🌚
اثر: والله العظيم بهظر معاك ماتزعلي كلو شيء ولا زعلك
مزن: اممممم.
بعد ماخصلنا من الأكل اثر طلع غرفته يلبس انا كنت عايزة ابكى لكن أتذكرت انو وعدته ما أبكى بعدها طلعنا المطار وودعت اثر وحضنته ودموعي نزلت لكن مسحتها سريع من غير مايشوفها وبعدها ركب طيارتو ونحن رجعنا اول ماركب طيارته اتصل لي مكالمة فديو لانو عارفني حأبكي مسحت دموعي وبعدها رديت ليه وأتكلمنا مع بعض زي تلاتة ساعات بعدها نمت صحيت من النوم لقيت غرفتي مقلوبة قلب إسراء لابسة بجامتي وبتحضر في لابتوبي وإيلاف لابسة بجامتي وفاتحة الميكاب حقي الجديد وبتتصور بأيفوني
لمن شوفتهم ما انصدمت لأنو اتعودت
مزن: ياسجم انتو مشتاقين والله.
جات إيلاف حضنتي وكمان سرو.
إسراء: يلا حإتحكي لينا كل الجديد والحصري من طق طق للسلام عليكم.
وبالفعل حكيت ليهم بأي شيء من لمم اثر جاء لحد ما سافر.
إسراء: يابنات انتو اثر ولؤي ديل ماعندهم أخوي يعرسوه لي
مزن: 😂.
إيلاف: والله يامزن اثر دا بحبك حب موبالغة.
مزن: ربنا يحفظو لي.
إسراء: ماشوفتي الجديد والحصري لكن انتي كنتي مشغولة لي مع حبيب القلب
مزن: احكوا.
إيلاف: بعد نهاية السمستر دا لؤي حايجي يتقدم لي وحانعمل العرس في إجازة السمستر.
أنا من الفرحة صرخت ونطيت فيها وحضنتها مبروك ياقلبي.
إيلاف: الله يبارك فيك وعقبالك أنتي واثر.
مزن: امين.
إسراء: اتخيلي يامزن بعد كم شهر حايكون عندنا عرس.
مزن: واوووو أحلى حاجة حمااس ألف
إيلاف: وأكتر جاجة مفرحاني لؤي حأيجي السودان ويشتغل هنا وحايفتح شركة خاصة للطيرانة وحايعمل عقد مع مطار الخرطوم الدولي.
مزن: احلى خبر يعنى حايستقر في السودان.
إيلاف: أي.
مزن: بمناسبة الخبرية الحلوة دي لازم نحتفل.
إسراء: أي لازم نحتفل.
مزن: طيب ارح نحضر لينا قهوة.
إيلاف: ارح.
مزن: ارح السوبر ماركت.
لبسنا عبايتنا ومشينا السوبر ماركت أشترينا حاجات لمن جينا راجعين لقونا اولاد في الشارع قعدوا يشاغلوا فينا.
واحد من الاولاد قال: احيييييي أنا من الابسة كبدي شالت قلبي من اول نظرة.. اموت أنا ولا احضن العمود 🌚طبعا هو كان قاصد إسراء... إسراء ماسكتت ليه وردحت ليه ردح لمن انا وإيلاف قعدنا نضحك بس ورجعنا البيت عملنا قهوة بطقوسها كيك وبسبوسة وإندومي ومقرمشات وفشار وفنكوش وشيبس وشغلنا أغاني وعملنا فديوهات لكن مارفعت ولا واحد منهم استوري لانو عارفة اثر حايعمل لي محاضرة طويلة وحلوة وكلها غيرة.
مزن: هسي يا إيلاف حاتقدري توفقي بين البيت والجامعة كيف
إيلاف: البيت حأنجيب شغالة واذا حصل ولدت البيبي عندو حبوبتين يربوه.
إسراء: وانتي يامزن ماتقولي لي بعد تخلصي الخمسة سنين حتى تعرسي.
مزن: اي واثر موافق قال لي حاانتظرك طول عمري.
إيلاف: أقوسم بالله يامزن انتي هبلة انا لو في مكانك طوالي بتزوج بعدين يامزن لمن تتخرج من الطب بتكوني عجزتي بشيبك.
مزن: أثر قال بحبني في كل حالاتي حتى لو شيبت بعدين لمن أخلص عمري حايكون 24 مالو عمر الزهور والورد.
إسراء: خليكم من دا أنا ياجماعة انا بايرة وللعرس دايرة ان شاءلله لو بملوة بلح.
انا وإيلاف قعدنا نضحك فيها 😂
مزن: محن والله ماعلينا انا اشتقت لأثري. اتصلت لاثر.
مزن: حبيبي كيفك.
اثر: تمام الحمدلله وانتي كيفك ياقلبي.
مزن: في نعمة الحمدلله اها وصلت وين.
اثر: انا هسي في دبي بعد ربع ساعة طيارتي لكندا حأتقلع.
مزن: حلو.
اثر: ماعارف يامزن كيف حا اقدر استحمل غيابك عني ياخ انا بجد اتعلقت بيك.
مزن: وانا كمان 😥
أثر: طيب طيب ماتبكي .
تاني اتوتسنا كتير بعدها مشيت صليت العشاء ونزلنا تحت أتعشينا ورجعنا فوق كنا بنقرا لحد الساعة 11 تاني اتصل لي اثر اتونست معاه زي نص ساعة ونمت ليه في ااخط😂
في الصباح.
انا صحيت بدري عملت روتيني وأتجهزت للجامعة وكنت بفكر في أفكار شيطانية مشيت جبت جك موية بارد وكشحتها في إسراء وإيلاف😅
إيلاف: مزننننننن 😡 وقامت ضربتني بالمخدة.
إسراء: قشر ياسجم 😡 وكمان قامت علي وبقينا نتجارى بالغرفة تاني أنا طلعت لناس أمي صبحت عليهم وقعدت معاهم بعد نص ساعة شلت ليهم الشاي عشان أراضيهم لقيتهم جهزوا شربوا الشاي وطلعنا ركبنا في عربيتي مشينا الجامعه أول ماوصلنا لقينا مجتبىء ومازن سلمنا عليهم وقعدنا في مكاننا المعتاد.
مازن: مزن اثر سافر.
مزن: اي.
إسراء: ماشوفتو الجديد والحصري.
مجتبىء: أحكي يازولتي.
إسراء: احم احم البايرة إيلاف محمد سوف تتزوج بعد نهاية السنة.
مازن: اووووو مبروك مقدما.
مجتبىء: والله يا إسراء حسستيني كأنك مزيعة بالجد المهم مبروك ياصحبتي مقدما بس العريس منوو.
إيلاف: اخو اثر حبيب مزن.
مازن: وأتعرفتي عليه وين.
إيلاف: هو ود خال مزن وقبل كم شهر جاهم زيارة.
بعدها دخلنا القاعة حضرنا المحاضرة وانا المحاضرة كلها نص بالي مع اثر ونص مع المحاضرة الدكتور جاء وقف جمبي.
الدكتور: أنا كنت بقول في شنو شايفك من قبيل سرحانة.
مزن: انا كنت سرحانة بس في نفس الوقت مركزة.
دكتور: نشوف مركزة دي كيف قومي اشرحي لينا 😡 قالها لي بنهرة.
مزن: اولا يادكتور ماعندك حق تعلي صوتك علي تاني حاجة أنا اقوم اشرح ليكم لشنو وانت قاعد ممكن تقول لي قومي أتكلم عن الموضوع بأسلوب.
الدكتور: والله وكمان لسانك طويل يلا أطلعي لي من محاضرتي وتاني طول السنة ما اشوفك هنا.
مزن: ما من حقك تطردني من المحاضرة بدون سبب وما طالعة ومش عايزني أتكلم عن الموضوع أوكي حأتكلم ليك.. ومشيت وقفت قداام ومسكت المايك وقعدت أتكلم ليهم عن موضوع الدرس واشيل وأحدر للدكتور لأنو مستفز شديد وهو كل دقيقتين يوقفني لكن انا مابديه فرصة يتكلم فيني.
الدكتور جاء وقف محلي وعاين لي بدون مايقول لي حاجة.
مزن: نصيحة ليك يادكتور ما تحكم على زول من مظهره ... ومشيت قعدت في محلي.
بعد طلعنا من المحاضرة مشينا الكفتيريا ودفعتي كلها مشغلاه لي عشان الدكتور دا ماف زول بتجرأ يتناقش معاه مجرد نقاش.
مازن: مكنة والله.
مجتبىء: يستاهل الكريه سكتيه.
إيلاف: برافو يامزن.
مزن: ياخ دكتور مستفز شديد وكمان يعلي صوتو علي قايل نفسو منوو.
إسراء: ياجماعة حرام عليكم ليه بتكرهوا بعدين الموضوع normal نقاش بين دكتور وتلميذته
إيلاف: دقيقة دقيقة أنتي بتدافعي عنه ليه.
إسراء: لا ما كدا لكن أنتو ماتحكموا على الزول ساي
مجتبىء: احم احم سرو دي شكلها مابترضى فيه.
إسراء: لأنو ود خالتي.
مزن: what
إسراء: اي ود خالتي جاء من قطر قبل شهر واشتغل هنا في جامعتنا لأنو عندو شهادة من الجامعة القطرية.
إيلاف: عشان كدا مابترضي فيه.
إسراء: أي
مزن: لكن عامل نفسه كأنو مابعرفك.
إسراء: لاهو مابيلخبط الحياة العملية مع الحياة الشخصية.
مزن: اااها
بعدها دخلنا محاضرة تانية ورجعنا البيت.
*☆☆••••••••••••••••••••••••••••••• *يتبــــــــــــــــــــــــــــــــــــــــــــع* *•••••••••••••••عـــــــــبدو•••••••••••••••••• ☆☆*
❤️
1