عشاق الروايات السودانية🎀✨
June 14, 2025 at 08:14 AM
*#حًبً~وٌعٌشُقُ~بًلَآ~حًدٍوٌدٍ 《06》💛🦋*
*#بقلمي~مزن~عامر(ميمي 😎)*
*☆☆••••••••••••••••••••••••••••••••••••••••••••••• ☆☆*
وصلت إيلاف بيتها ووصلت سرو بيتها ومشيت بيتنا دخلت سلمت على أهلي وكنت مرهقة طوالي نمت صحيت بإتصال من اثر.
مزن: الووو.
أثر: ياهلا حبيبتي كيفك
مزن: كويسة الحمدلله جيت من الجامعة تعبانة ونمت طوالي وأنت كيف.
أثر: صليتي الظهر.
مزن: لا ماصليت والله جيت تعبانة وطوالي نمت.
أثر: حبيبي الكلام دا غلط حتى لو تعبانة الصلاة أهم حاجة تاني اوعععع تاني تأخري صلاتك عشان هي سبب نجاحك في الحياة (ياكدا الحب يا بلاش 💛).
مزن: طيب اصلي وارجع ليك.
اثر: اوكي.
كنت ماشة الحمام تلفوني رن شلتو لقيت دي سرو رديت ليها.
مزن: الووو.
إسراء صرخت لي في التلفون: مزون تعالي لي أنتي وإيلاف سريع في البيت
قبل ما أرد ليها قفلت الخط مشيت دخلت الحمام استحميت وصليت ولبست عبايتي ونزلت تحت كلمت أمي وسوقت عربيتي ومشيت سوقت إيلاف أول ما دخلنا لقانا الدكتور الكريه سلم علينا انا مارديت ليه وهو حدر لي دخلنا جوا سلمنا على ام إسراء خالتو رانيا وسلمنا على أبوها طبعا إسراء هي وحيدة أمها وأبوها ماعندها أخوان.
دخلنا غرفة إسراء اول ما دخلنا حضنتنا ومسكت يدينا ولفت بينا وقعدت تقرص.
مزن: يابنت قطعتي قلبي قلت البنت مالها.
إيلاف: عساك دايما مبسوطة.
إسراء: وأخيرا يابنات وأخيرا..
مزن: وأخيرا شنو.
إسراء: اعترف لي. اعترف لي
إيلاف: منو الإعترف ليك.
إسراء: ميدو.
مزن: ميدو منو.
إسراء: اقصد دكتور مجدي.
انا كنت مصدومة شديد😳 لأنو كمية الحب الهسي في عيون إسراء ما حسيت بيها عند دكتور مجدي : لا أنتي أكيد جنيتي مجدي شنو يابنت الولد دا أكبر منك بعشر سنوات.
إيلاف: لكن الصراحة حلاتو وماظاهر فيه.
إسراء: بعدين هو ماكبير شديد عمرو 28سنة.
إيلاف حضنتها وقالت ليها مبروك ياقلبي أما انا حضنتها وما كنت فرحانه 😔
مزن: متين الكلام دا وانتي من متين بتحبيه.
إيلاف: وليه ماحكيتي لينا.
إسراء: انا بحبو من زمان بس كاتمة الحاجة دي جواي وقبيل هو أعترف لي براه.
إيلاف: عشان كدا كنتي بتدافعي عنو.
مزن: وهو من متين بحبك وكيف عرفتي انو هو صادق وبجد بحبك
إسراء: مامهم المهم انو اعترف لي وبس
مزن: أنتي أعترفتي ليه .
إسراء: لا هو قال لي خدي وقتك وعندك من هسي لحد المساء
# أحيانا مامجرد ما الواحد بقول لي بحبك وبس معناة بحبك بجد 😪لأنو الحب مامجرد أقوال 💔 الحب مواقف مع مرور الأيام بتثبت ليك حبه ♥ وإذا انتي ياعزيزتي ماعايزة تكسري قلبي وتتألمي ماكل ماولد يقول ليك بحبك تصدقيه حتى لو قال ليك كدا 🩶 مفترض يثبت ليك إذا هو بالجد بحبك.. بإهتمامه بتفاصيلك الصغيرة قبل الكبيرة 🧡بخوفو عليك 🧡 بغيرتو عليك 🧡 وبيعمل اي شيء عشان تكوني مبسوطة 🧡وعندو ساعدتك وراحتك اهم حاجة 🧡 دا فعلا إذا كان بحبك 🧡 اما إذا كان مابحبك بلعب بيك يوم يومين، أسبوع أسبوع، وبمل منك ولا حتى بيسألك عنك 💔 لذالك حفاظا على قلوبكم ما ممجرد ما الولد يقول ليك بحبك تصدقيه 🧡الحب سمح بس قداام أهلك 🧡الحب سمح بس بعيد عن كل ما يغضب الله. 🧡 الحب سمح إذا كان نياتكم تجاه بعض صافية وعايزين تتوجوا حبكم بالحلال لأنو مافي أحل من الحلال الذي يرضي الله 🧡
ـــــــــــــــــــــــــــــــــــــ
أنا سكت عشان ما عايزة اجرح سرو وقلت يامزن إحتمال بحبها.
إسراء: اتخيلوا يابنات عازمني عشى بعدين.
إيلاف: كويس والله.
إسراء: محتارة ألبس شنو بعدين
إيلاف: ألبسي فساتنك الحلو داك.
إسراء: طيب لكن المشكلة أهلي ما حايخلوني اطلع براي باليل إلا إذا قلنا حأنطلع سوا كدا هم حأيخلوني ونقول ليهم ميدو حأيوصلنا.
مزن: هو مايكلمهم عديل يقول ليهم سايق بتكم نتعشى مع بعض إذا سألوه ليه يقول ليهم لأنو بحبها وهي بتحبني.
إسراء: ما كدا لكن إذا أهلنا عرفوا بعلاقتنا طوالي حايزوجنا لبعض أهلنا صعبين شديد حتى لو قلنا ليهم حاليا انا ما جاهزة للزواج.
مزن: حتى ولو ياسرو ما صح تكذبي على أهلك وتخوني ثقتهم فيك.
إسراء: مرة واحدة يامزن وأساسا مايعتبر كذب لأنو نحن حانقول ليهم طالعين نتعشي برا ونحن طالعين بجد نتعشى وأنتو حاتمشوا معاي.
مزن: إسراء دا بحد ذاته كذب لأنك.
إسراء قاطعتني: خلينا من المحاضرات هسي حأتعملي كدا عشاني.
مزن: أوكي
انا طلعت من الغرفة مشيت حديقتهم عشان أتكلم مع اثر.
أثر: ليه انا حاسي انو انتي زعلانة حتى صوتك متغير (دا الحب الحقيقي 🙂↕️)
مزن: والله في حاجة مضايقاني.
أثر: احكي لي حبيتي.
مزن: سرو صحبتي بتحب دكتور في جامعتنا وهو في نفس الوقت ود خالتها المهم الود دا نهاي ما ارتحت ليه وكمان أعترف لإسراء اليلة وانا عندي إحساسه أنو بلعب بيها هو قاعد معاها في البيت شهر كامل ماحصل يوم حسسها بالإهتمام ياخ ظاهر في عيونه انو مابحبها وكذاب وأكبر دليل اليلة عازمها عشى وهو قاعد معاها في البيت لو هو راجل بالجد كان مفترض يمشي يستأذن من أهلها أتخيل قال ليها قولي ليهم أنا طالعة مع صحباتي ومجدي حأيوصلني.
أثر: أتفق معاك أنو مابحبها لو بحبها كان مشى إستأذن من أهلها وما قال ليها كذبي عليهم والكذب أكبر دليل على عدم حبه.
مزن: وهي بتحبه حب صادق ومن زمان بس في النهاية مصيرها تنجرح بسببه لكن بدعي ليها نكون نحن غلطانين وهو ما كدا وبجد بحبها.
أثر: أنا عارفك حبيبي حساسة وبتحب صحابتك شديد لكن لو عايزة تساعديها عندك حل واحد تكلميها بالحقيقة وتحاولي تخليها أنها تقتنع عشان أحسن تتجرح وترجع اقوى من قبل من يكسرها نهاي.
مزن: لكن مستحيل تقتنع لي لانها بتحبه وبجد الحب أعمى.
أثر: طيب مع مرور الزمن حاتكتشف إذا هو بحبها ولا لا
مزن: طيب.
أثر: طيب حبيبي ماشي الشغل بتصل ليك بعدين لأنو حأتخر في الشغل وبعد ما أرجع البيت عندي قراية كتيرة وكمان عندي مستشفى.
مزن: حبيبي أنت متين وصلت عشان تمشي الشغل.
أثر: والله الشغل كتير مابقدر أخد اليلة بريك.
مزن: طيب حبيبي خلي بالك من نفسك وماترهق نفسك في الشغل كتير.
اثر: يلا في أمان الله 💜
مزن: في أمان الله 💜
بعد ماقفلت من أثر وأنا داخلة جوا أتصادمت مع مجدي وتلفوني وقع قام هو رفع لي تلفوني ومداه لي لمن مسكت منه التلفون مسك يدي وضغط عليها وكان باعين لي بنظرات تافهة أنا طوالي بدون ما أفكر أديته كف.
مزن: انت كيف بتتجرأ تمسك يدي بياتو حق 😡
مجدي: وانتي كيف بتتجرأي تديني كف 😡 .
مزن: لمن أنت تحترم نفسك مافي بنت بتتصرف معاك كدا 😑 وطوالي دخلت جوة وأنا هنا أتأكدت مية في المية أنو مجدي دا إنسان سيء بس البقنع سرو شنو.
إسراء: دا كله خلط.
مزن: كلها نص ساعة بس
بعدها صلينا المغرب وأتغدينا وعملنا لينا قهوة سرو شالت القهوة الصالون ودتها لي مجدي
سرو: مجدي أتفضل دي قهوة.
مجدي: شكرا حبيبي... ومسك يدها وباسها وإسراء طوالي طلعت وهي بتتبسم.
بعدها دخلنا لبسنا للطلعة وأتشيكنا وكلمنا أبو إسراء وطلعنا لمن وقفنا جمب باب عربية مجدي.
إسراء: مزون ماف داعي تركبي عربيتك تعال أركبي معانا.
مجدي: لا البنت دي نهاي ماتركب في عربيتي.
مزن: يادكتور أنا ما محتاجة عربيتك عندي عربية.
إسراء: هيييي أنتو مالكم.
مزن: خلي حبيبك يحكي ليك ومسكت إيلاف من يدها وركبنا في عربيتي وإسراء ومجدي ركبوا مع بعض.
ــــــــــــــــــــــ
عند إسراء ومجدي.
إسرا: أنت ليه بتكره مزن.
مجدي: ماتشتغلي بكلامها دي واحده لسانها طويل محتاج قص.
إسراء: والله مزن طيبة وعلى نياتها.
مجدى: المهم أربطي حزام الأمان ياقلبي.
إسراء: مابقدر أربطو مجروحة في أصبعي..
مجدي قرب منها عشان يربط ليها حزام الأمان وأستغل الفرصة وباسها في شفايفها إسراء أنصدمت شديد من تصرفو وضربات قلبها زادت.
مجدي: اسف أسف حبيبتي والله العظيم ماكان قصدي بس ما قدرت أتحكم بنفسي وسوس لي الشيطان حقك على والله.
إسراء ماعارفت تعمل شنو لأنها كانت مبسوطة من العملوا وأبتسمت وماردت ليه.
مجدي أبتسم وأنبسط من ردة فعل إسراء وهو عرف انها بتحبو ولو عمل معاها أكتر من كدا ما حأتزعل منه
بعدها كلهم وصلوا المطعم مزن وإيلاف قعدوا مع بعض ومجدي وإسراء قعدوا براهم
مزن: إيلاف أنا عندي إحساس زفت قشري دا مابحب إسراء 😑
إيلاف: مزن شوفيهم مبسوطين مع بعض كيف.
مزن: إيلاف ماتخليك نظرتك للمواضيع سطحية شوفي نظرة إسراء ليه نظرة صادقة ونابعة عن حب أما هو إنسان متصنع والتصنع ظاهر في وشو.
إيلاف: صراحة انا الزول دا ما ارتحت ليه لكن عشان خاطر سرو عملت نفسي مبسوطة.
مزن: أتخيلي قبيل انا وهو اتطاقشنا وتلفوني وقع رفعو لي ولمن مسكت التلفون منه مسك يدي بطريقة مقززة وضغط عليها وأنا أديتو كف
إيلاف: عشان كدا .
مزن: أي عشان كدا قبيل قال لي ماتركبي في عربيتي وكان معصب وزعلان حريقة فيه وفي عربيته.
إيلاف: لكن تديه كف يامزن أكيد هو ماحأيسكت ليك.
مزن: يستحمل نتائج عمايلو.
إيلاف: وسرو مستحيل تقتنع عشان كدا نخليها براها تقتنع.
مزن: طيب.
بعدها طلبنا أكل وقعدنا نأكل وأتصورنا مع بعض كم صورة وديك بخلطوا مع بعض.
وبعد ساعة رجعنا البيت وصلينا العشاء ودخلنا غرفتنا كل واحدة أتصلت لحبيبها وانا كنت ماسكة تلفوني وبالي مشغول مع اثر أكيد هو حايكون تعب من الشغل طبعا هم الوقت عندهم صباح زي الظهر وبعد الشغل عنده محاضرة المساء. وحايمشي المستشفى رسلت ليه رسالة ما كان اونلاين قمت أتصلت ليه.
مزن: حبيبي أكلت.
أثر: لا والله باقي لي شوية وأخلص وبعدها بأكل.
مزن: حبيبي حتى ولو الشغل كتير أهم حاجة الأكل من غيره حاتقدر تشتغل كيف.
قفلت منه وأتصلت ليه فديو.
مزن: سريع أفتح علبة الأكل دي قدامي سورعة 😑
اثر: طيب طيب ياقلبي حأكل.
اثر فتح علبة الأكل وبعد خلص أكل.
مزن: العصير.
شرب العصير وقال لي كدا كيف ياقلبي: اممممم كويس تاني اوعععع تأخر مواعد الأكل.
أثر: اوامرك ياعمري.
مزن: طيب يلا باي ما أعطلك من شغلك.
أثر: تصبحي على خير حبيبتي.
مزن: وانت من أهل.
أثر: احم احم بقيتي تسرقي جملي 😅
مزن: امممم 😅
بعد قفلت منه الخط عملت روتيني اليلي للعناية بجسمي وشعري وقريت أذكار المساء ورقدت نومت.
ــــــــــــــــــــــــــــــــــ💛
مرت الأيام لحد ما جاءت إمتحانات نهاية السمستر
بعد طلعنا من محاضرتنا أنا كنت ببكى وهم كانو بهدوا فيني وانا ولا شغالة بيهم ببكى وببكى طبعا زولتكم جرسة شديد 😅 اخر حاجة أتوصلوا ليها عشان أسكت إسراء شالت تلفوني أتصلت لأثر
إيلاف: السلام عليكم 🖐يا أستاذ أثر زولتك دي كرهتنا حياتنا من قبيل تجعر فيني هاك امسك اتكلم معاها ماف زول براضيها غيرك.
اثر: حبيبي 😥 بتبكي عشان الإمتحان صح أنا عارفة جرسة وبكاية وهسي حاتكوني بكيتي كتير لمن صدعتي وشك أتقلب احمر (دا الحب بالجد من غير ماتحكي ليه بيعرف أنتي مالك 💛) يلا حبيبي عشان خاطري قومي غسلي وشك وأكلي وماف داعي تتوتري أنا عارفك شاطرة وحاتنجحي وبعدين أنتي اجتهدتي كتير وحتلقي نصيبك عليك الله حبيبي بطلي بكى لأنو دموعك غاليات علي ياغالية وأنا كمان ممتحن وما حأقدر أركز في الامتحان وبالي حأيكون مشغول معاك.
مزن: طيب حبيبي ماتشغل بالك وركز في قرايتك
اثر: اقدر اركز كيف وأنتي بتبكي وعارفة دموعك بعملوا فيني شنو
مزن: والله العظيم بوعدك حأوقف بكى بس انت ركز في قرايتك.
أثر: طيب حبيبي خليك عند وعدك لي.
مزن: طيب يلا في أمان الله 💜
اثر: في أمان الله 💜
بعد خلصت من المكالمة أرتحت نفسيا ضربت إيلاف في ظهرها
مزن: ليه عملتي كدا.
إيلاف: اخخخخ ضربتك حارة عملت كدا ياسجم عشان توقفي بكى.
مزن: اننننن هسي أثر ما حايقدر يركز كلو بسببك.
إيلاف: هييييي بسببي عملت شنو انا.
مزن: وبتسالي كمان بعدها ما قلتي ليه مزن بتبكي كل دقيقتين حايتصل لي (وهذا هو الحب 💛)
إسراء: لو ماعملت كدا ما كان وقفتي جعير المهم حاتمشو معاي عشان ميدو يشرح لينا.
مزن: كان اموت مابمشي ليه اساسا المادة بسيطة مابتحتاج.
إسراء: على راحتك 😔
انا حسيت إسراء زعلت قلت ليها طيب حانبيت عندك أنا وإيلاف بس مجدي مابمشي ليه يشرح لي
إسراء: طيب 🥰
وبالفعل طلعنا مشيت البيت شلت حاجاتي وكلمت أهلي ومشينا بيت ناس إسراء سلمنا على اهلها وصلينا الظهر اثر أتصل لي واخر حاجة قال لي يلا لازم تأخدي ليك بريك وأبلعي ليك بنودل إكسترا عشان الصداع مع أنو انا ماقلت ليه مصدعة وقال لي أشرب ليك عصير ويوصي فيني ساي أعمل لي كدا وأعملي كدا وأهم شيء إذا قلبتك حاجة أتصلي لي وبالفعل نمت صحينا العصر صلينا واتغدينا وبدينا قراية إيلاف وإسراء مشوا لمجدي يشرح ليهم وأنا كنت بقرأ براي ولو في حاجة غلبتني بتصل لأثر.
الحمدلله فترة الإمتحانات عدت ويوم خلصنا طلعنا لفينا لف لف وتاني يوم مشينا السوق أستلمنا الحاجات الكنا طالبنهم فساتين الخطوبة وإكسوارات ورجعنا بيت ناس إيلاف طبعا الخطوبة حأتكون بكرة في الصالة واليلة أثر وأهله حاينزلوا السودان وانا طبعا مبسوطة وطايرة من الفرح.
البيت كان مليان ضيوف بعد ساعة طلعت انا وبابا نستقبل ناس اثر لمن وصلنا المطار أستقبلناهم وأنا كنت مشتاقة لأثر شديد بس للأسف ماقدرت أحضنه أكتفيت أنو بس أسلم ليه في يده وركبنا ورجعنا البيت طبعا بيتنا كان كمان فيه ضيوف لأنو بكرة عاملين كرامة في الصالة والخطوبة.
عملت ليهم عصير وديتو ليهم وبعدها مشيت بيت ناس إيلاف عشان أساعدهم في الشغل أتصل لي أثر قال لي أنا واقف برة تعالي لي. مشيت ليه برة.
أثر: مشتاقين والله
مزن: كتير الشوق.
أثر: طبعا قبيل كان نفسي أحضنك وأكفي شوقي لكن ماصح لكن إن شاءلله حأنكون في بيت الحلال عما قريب.
مزن: إن شاءلله.
أثر: طيب ياقلبي ما أعطلك عن شغلك يلا سلام
تاني يوم من الصباح مشينا الكوفير رسمنا وعملنا عناية وكوينا شعرنا ووو.................... للمساء نحن في الكوفير بعدها لبسنا الفساتين طبعا انا فستاني كان بحجابه لأنو الحاجة دي بترضي ربنا وبترضي حبيبي وعملت فل ميكأب طلعنا برة لقينا الشباب منتظرننا أثر ولؤي ومحمد ود عمي اول ما طلعنا الأولاد صفرو لينا قالو لينا طالعين مزز إيلاف ركبت مع لؤي ومحمد وسرو أنا جيت وقفت قدام أثر.
أثر: يأرض أحفظي ماعليك وماشاء الله تبارك الرحمن طالعة قمر 🥰حصني وانا كمان حصنتو وكنا الإتنين مطقمين بالنفسج الفاتح وركبنا طبعا إتخرنا لمن وصلنا الصالة الأنوار أتطفت أنا قلت ياخطأ في الكهرباء يا العرسان عايزين يلبسوا الخواتم لبعض أتفأجا ليكم بأثر مسك يدي وقفني في المنصة وأنحنى لي وقال لي: أحببتك وأدمنتك وعشقتك بلا حدود فهل تقبلين أنا تتزوجيني 💍
انا كنت مصدومة شديد 😳😳 وقلت ليه موافقة ولبسني الخاتم وأنا كمان لبسته خاتم والأنوار أشتغلت.
وأصوات الصفافير والزغاريد ياخ أنا من الصدمة الحلوة لمن بكيت أثر طلع منديل من جيبه ومسح لي دموعي وجوا الناس باركوا لينا بعدها جاء لؤي لبس إيلاف خاتمها وهي لبسته خاتم وباركنا ليهم وبعدها أشتغلت الحفلة للساعة 9حتينا حت ورجعنا البيت أنا كنت مرهقة طوالي نمت.
في الصباح.
صحيت بصوت تلفون برن عرفته دا اثر.
مزن: الو.
اثر: صباحو
مزن بدلع: صباح النور حبيبي.
أثر: والنبي قوليها تاني 🥰.
مزن: حبيبي.
أثر: احيييييي انا من حلاوة الكلمة في خشمك.
مزن: 🙈🙈
أثر: وحلاتو البخجل ياناس
مزن: 🙈.
أثر: الو مزن الوو.
مزن:اي سامعاك.
اثر:افهم دا خجل.
مزن:امممم
اثر:طيب ياحبيبتي نكمل بعدين هسي انا طالع مع لؤي.
مزن:طيب ياقلبي ♥
عدت الأيام ونحن مشغولين مع ترتيبات العرس مروا يومين وانا ماشوفت اثر العصر كدا كنا عاملين قعدة غناء بالدلوكة اثر أتصل لي.
مزن: ياهلا.
اثر: انا زعلان منك شديد انا لي يومين ماشوفتك ومشتاق ليك وأنتي قاعدة مع صحباتك.
مزن: وانا كمان أشتقت ليك حبيبي بس مشغولة كتير
اثر: عارفة مشغولة حبيبي لكن على الأقل تعالي شوفيني عشرة دقايق بس.
مزن: طيب ياقلبي نتلاقي وين مافي طريقة بيتنا مليان وبيت ناس إيلاف فيه ناس.
اثر: بعد ساعة حا اجي اسوقك نطلع اي مكان بس المهم اشوفك.
مزن: طيب حبيبي.
قفلت من اثر وقعدت مع البنات غنى ورقيص حتينا حت بعدها طلعت لبست لي إسكيرت كبدي وتونيكا بيضاء وعملت ميكأب خفيف وكلمت امي انو طالعة مع اثر وطلعت ليه برة
أثر: قلبي نور بشوفتك.
مزن: 🙈🙈 عجزت عن الكلام ماعارفة اقول ليك شنو.
اثر: قولي لي بحبك بصوتك الحلو داك.
مزن: بحبك ياعمري.
اثر: وأنا بموت فيك.
بعدها طلعنا مشينا شارع النيل طلبنا هوت شوكلت
مزن: شوفتك قبيل رافع إستوري كاتب فيه. حوت الجمال لو ذهبت تزيدها في الوهم حسنا ما أستطعت مزيدا 💖
اثر: شوفتي انا بسببك بقيت شاعر.
مزن: وأنا من حبيت بقيت اكتب خواطر وروايات.
اثر: انت عارفة يامزن انا في كل ثانية كنت بعيد عنك كنت زي الجسد بلا روح كنت بس ممدمن صورك وريكورداتنا القديمة ولو يوم ماسمعت صوتك او ماشوفت صورتي بحس كانو انا ما على قيد الحياة 💖
مزن: وانا ياحبيبي كمان كنت في كل لحظة وفي كل سنة كنا فيها بعيدين عن بعض كنت بحس أنو انا بموت في الحظة دي مية مرة.
اثر: إن شاءلله ربنا يجمعنا في الحلال عما قريب.
مزن: إن شاءلله.
اثر: حبيبتي رايك شنو بعد اتخرج نتزوج طوالي .
مزن: بس جامعتي.
اثر: ماتخافي حبيبتي أنا بعد تخرجي حا اجي اشتغل في السودان عشانك
مزن: معقولة دكتور عنده شهادة كندية يجي يشتغل في السودان +وانت عارف ياحبيبي الزواج مسؤليات وانا ما حأقدر اوازن بين الجامعة والبيت.
أثر: حبيبتي لو انتي خايفة من قصة الزواج احب اطمنك يكفيني وجود جمبك وما حا اضغط عليك على اي حاجه طول فترة الجامعة وكمان حأساعدك في ااقراية وبعد تخلصي سنتينك نمشي شهر عسلنا بإرتياح بس أرجوك وافقي نتزوج بعد سنة.
مزن: طيب ياعمري موافقة.
اثر: احلى خبر والله.
بعدها أتونسنا كتير واثر اشترى لي إيس كريم وشكولاتات ورجعنا البيت في الليل كنت قاعدة مع لوفي وسرو وكنت سرحانة.
إسراء: يابنت مالك.
إيلاف: ملاحظين ليك من قبيل سرحانة وساكتة.
مزن: انا واثر بعد سنة حانتزوج.
إسراء وإيلاف من الفرحة لمن صرخوو وحضنوني
إيلاف: طيب خبر حلو المشكلة وين
مزن: انا خايفة من فكرة الزواج.
إسراء: تخافي لشنو وانتي حاتتزوجي إنسان بتحبيه وبحبك.
مزن: افهموني يابنات تفتكروا بعد الحادثة الأتعرضت ليه تاني ما حا اخاف من فكرة الزواج وللان ماقادرة اتجاوز الحادثة دي وماحا اقدر أدي اثر حقوقه الشرعية بالإضافة للجامعة والقراية كيف حا اقدر اوازن بيناتهم بالرغم من أنه اثر قال لي انا في فترة السنين ديل ماحايحصل بينا اي شيء إحتراما لرغبتي
إيلاف: طيب اولا مشكلة البيت والجامعة دي محلولة راجلك بقريك وحايجيب ليك واحدة تشتغل ليك وكمان مشكلتك الثانية برضو محلولة هو قال ما حايطلب منك حقه الشرعي إلا عندما تحسي نفسك مرتاحة وكدا مافي اي سبب يخليك ترفضي.
إسراء: لكن يامزن ماحرام عليك تحرمي زوجك من حقه الشرعي سنتين.
مزن: المشكلة هنا.
إيلاف: طيب نحن عارفين الحصل معاك صعب لكن بما انه اثر بحبك حا يخلي تتجاوزي المرحلة دي صدقيني.
مزن: وانا واثقة من الحاجه دي.
إسراء: طيب ياميمي أنبسطي وأفرحي بعد سنة حاتكوني مع الإنسان البتحبيه..
*☆☆••••••••••••••••••••••••••••••• *يتبــــــــــــــــــــــــــــــــــــــــــــع* *•••••••••••••••عـــــــــبدو•••••••••••••••••• ☆☆*
❤️
1