*#حًبً~وٌعٌشُقُ~بًلَآ~حًدٍوٌدٍ 《07》💛🦋* *#بقلمي~مزن~عامر(ميمي 😎)* *☆☆••••••••••••••••••••••••••••••••••••••••••••••• ☆☆* ‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​ *لو عندك رواية دايرة تنسيق في اي وقت مرحبا بيك* *++++966537457485* *#عبد الباقي أحمد محمدزين* مرت الأيام والعرس كان بعد يومين اليلة حنة لؤي وطبعا لوجين جات من شهر العسل عشان عرس اخوها من الصباح انا والبنات مشينا بيتنا نضفنا ظبطنا حاجات الحنة ومشينا الكوفير رسمنا وماخلينا حاجة ماعملناها ولبسنا فساتين نفس اللون انا ولوجين بالكبدي وسرو بالبينك لمن رجعنا لقينا الحفلة بدت والحديقة كانت عبارة عن أولاد اصحاب اثر واصحاب لوي وووووو... المهم لمن جينا داخلين نحن أخوات العروس كل الأنظار موجهة علينا اثر من شافني جاء وقف جمبي وحصني وانا كمان حصنت ههههه وربينا ليك الحفلة دي ربة كان في ولد نهاي ماشال عيونو مني ونظراته لي ماعجبتني أثر لاحظنا طوالي مشى وقف جمب الولد وختى يده في كتفه وقال ليه مع إحترامي ليك لكن تاني لوشفتك بتعاين لخطيبتي بقلع ليك عيونك من محلها... انا مشيت لأثر عشان اخت ليه حنى لقيته قاعد مع اصحابه سلمت عليهم وقلت ليه حبيبي تعال اخت ليك حنة ومسكته من يده وبديت أخت ليه في الحنة وما قادرة اشيل عيوني منه أثر:مالك بتعايني لي بتمعن كدا اكيد عشان حلو صح مزن: صرااحة حبيبي اليلة العلى الله ماكلة منك حتة وطالع حلو وانا ماقادرة اشيل عيوني منك... وانا بتكلم معاه والخجل قاتلني طبعا زولتكم خجولة شديد ههههه 🙈 لو اتكلمت مع اثر كلمتين حلوات بخجل وكل ماهو يتغزل فيني بخجل. اثر: انتي عارفة صوتك لمن تكوني خجلانة بكون حلو حتى انا بحس لمن تخجلي بتبقى حلوة + وأنتي كمان طالعة عسل حبيبتي والفستان ماكل منك حتة ياريت لو بقدر ادفنك بين ضلوعي مافي زول يشوفك غيري. مزن: 🙈🙈 انا احننن فيه وهو كل دقيقتين يشاغلني وكل زول بعلق فينا. اثر: وين يامزتي.. وين ياقلبي الجميل خجلان ليه. مزن: اثر بطل ياخ الناس كلها منتبهة لينا . اثر: المشكلة وين بتغزل في خطيبتي ومرتي المستقبلية. إسراء وملهم صاحب اثر جوا يشغلوها لينا. إسراء: ياسيد اثر ما كفاك ياخ من قبيل ماسك بنتنا دي عندك ونحن عايزين نرقص ونغنى ماممكن معاكم ياخ جبتوا لينا جفاف عاطفي أثر: المشكلة وين هي خطيبتي وانا خطيبها. ملهم: شنو يامعلم قبيل هرشت الولد لمن طلع خلى الحفلة. أثر: هو يحمد ربه انا ماقلعت ليه عيونه حذرته بس المرة الجاية لوشفته ساي بس بعاين لمزن حا اقلع عيوني كل شيء ولا مزونتي. إسراء: اوووووو ياكدا الحب يابلاش. ملهم: ربنا يخليكم لي بعض. أثر: امين يارب. إسراء: يلا مزن خلصتي ارح لأنو لازم نوثق لإيلاف الحنة اتصلت فديو كول لإيلاف وهي كانت لابسة نقابها عشان عريسها مايشوفها أديتها عريسها سلمت ليه إيلاف: ماشاءالله تبارك الرحمن حبيبي طالع عسل مايسحروك لي وكمان بالعلى الله قررضة عديل. لؤي: تسلمي حبيبتي وأنتي ماعايزة توريني وشك ولا شنو. إيلاف: نو إلا بعد العرس أثر: انت عارف يالؤي أنا حاسدة على إيلاف زولة ترفع المعنويات اما انا زولتي جمبها ملاك لكن كلمة طالع حلو دي بتطلع منها بعد تعب. أنا ضربت أثر في كتفه وقلت ليه زعلت منك ماتتكلم معاي ومشيت للبنات وأديت التلفون للؤي عشان يتكلم مع خطيبته قعدنا نرقص وحتينا حت بعدها عملوا العشاء وزعنا العشاء وبعديها جابو فنان تاني غنى لينا الحفلة كانت شغالة للساعة 12. بعد تعب الحفلة طوالي نمنا في الصباح الليلة عندنا حنة العروس وكمان اصحاب العريس عاملين ليه حنة حانمشي حنة العريس اول لانو بالصباح وبالمساء حنة العروس قمنا من الصباح نضافة وشغل جد ومن الصباح اثر بتصل لي ما برد وانا قاصدة اعمل كدا إسراء: مزن ارح معاي ماشة اشوف حبيبي واقف لي برة بالشارع التاني. مزن: طيب طلعنا مشينا ليه لقينا واقف لينا قال لي السلام عليكم قلت ليه وعليكم السلام بطرف لساني ووقفت منهم بعيد بعد ربع ساعة إسراء جات ورجعنا وانا عارف انو هو إنسان سيء وبتاع بنات لكن سرو بتحبه شديد. لبست لي فستان بنفسج فاتح وعملت فل ميكأب وكنت مطلعة خصلتين بس وعاملة ضنب حصان ولابسة طرحتي بعد خلصنا تجهيز طلعنا انا وأثر وسرو وملهم عشان نشوف التجهيزات في المزرعة ماشة كيف دخلنا المزرعة وبدينا في الزينة وخلصنا باقي التجهيزات شوية كدا والناس جوا كانت عبارة حنة شبابية بنات وأولاد بس وكنا مشغلين اغاني والأجواء كانت رهيبة شديد أمي أتصلت لي قمت مشيت بعيد عشان ارد ليها وبعد ماخلصت من مكالمتي أثناء ماكنت راجعة شفت ملهم صاحب أثر قاعد تحت شجرة وبشرب في سيجاير وكان واضح عليه انو مزعوج شديد فقمت وقفت جمبه. مزن: ملهم مالك مخلي الاجواء السمحة دي وقاعد هنا برااك. ملهم: مزن عايز اسألك سؤال صحبتك سرو دي مرتبطة. مزن: اي لكن السؤال ليشنو ملهم: طيب أنسى. مزن: احكي لي ممكن اساعدك. ملهم: لا لا ماتشغلي بالك بموضوعي. مزن: انت بتحبها. ملهم سكت. مزن: إذن معناة بتحبها. ملهم: اي بحبها من اول يوم شوفتها حبيتها حبيت كل شيء فيها جنونها صوتها الطفولي حبيت كل تفاصيلها دخلت قلبي في فترة قصيرة بس بعد ما. تاني سكت. مزن: واصل. ملهم: دي قصة طويلة ماتوجعي راسك بيها. مزن: لا أحكي لي. ملهم: ما معقولة عنيدة شديد طيب حا أحكي زمان قبل سنتين كنت بحب لي واحدة حب لحد الهوس وبعد زمن أكتشفت أنو هي مرتبطة مع ود خالتها وكانت بتغش فيني وخلتني أتعلق بيها ومشت خلت الجامعه وأتزوجت ود خالتها ولا حتى فكرت فيني وأنا بعد صعوبة حتى قدرت أنسى حبها وبعدها قررت تاني مستحيل احب لحد ما جيت السودان وشوفت صحبتك وقلبي حباها بدون سابق إنذار مزن: ربنا إنشاءلله حايعوضك بالأحسن منها ملهم: إن شاءلله مزن: وربنا لو كاتب ليك انت وسرو نصيب إن شاءلله حاتكونوا مع بعض . ملهم:لكن هي بتحب واحد غيري. مزن: صح هي بتحب واحد غيرك لكن الإنسان البتحبه إنسان سيء جدا لكن هي ما مكتشفة الحاجة دي لكن في اليوم الحاتعرف انو الإنسان البتحبه سيء صح حاتتجرح لكن مع مرور الزمن حاتنسى. ملهم: طيب انت ماتحكي ليها قولي ليها الزول الأنتي بتحبيه سيء. مزن: فترت منها والله كل مرة بقول ليها وبنصحها وهي لاحياة لمن تنادي 😪. ملهم: بجد الحب اعمى. مزن: طيب يلا انا ماشة وإن شاءلله حا احل موضوع سرو وانت لو بتحبها أظهر ليها الحاجة دي بإهتمامتك ومشيت دخلت لقيت مجتبىء ومازن جوا سلمت عليهم. مازن: وين يابنت من قبيل مختفية مزن: كان عندي مكالمة مهمة +الحفلة نورت. مازن ومجتبىء: منورة بناسها. اثر جاء سلم عليهم سلام رجال كدا مزن: شنو ياشباب طالعين مززز كدا.... اثر جرا لي نور نظام تتغزلي فيهم قدامي مازن: احم احم. مزن: خلاص الرأس كبر . مجتبىء: 😂 المهم بعد الحفلة خلصت مشينا على طول الكوفير عشان نتجهزه لي حنة لوفي. انا كنت فاكة شعري وكويته وميجته وعملت فل ميكاب وكنا نحن التلاتة إيلاف وإسراء قاصين نفس الفساتين لمن طلعنا لقينا العريس واثر عشان يوصلونا الصالة أنا وسرو طوالي غطينا وش إيلاف بطرحتها عشان مايشوفها العريس هههه 😂 لؤي: حرام عليكم ما اشوف عروستي يعني. مزن: نو نو ما حاتشوفها إلا يوم العرس. إسراء: مستحيل نخليك تشوفها دا ياتو العريس البشوف عروستو يوم حنتها. لؤي: اوكي كلها كم ساعة وتبقى حلالي. اثر: اي يلا احسن ليك تنتظر لانو ومستحيل يخلوك تشوفها. مزن: نحن حانمشي مع سرو وباقي البنات حايركبوا مع لؤي. نحن ركبنا مع اثر طبعا انا زعلانة شديد لأنو اثر ماعلق لي على الفستان طول الطريق انا ساكتة وبعاين بالشباك بعد نزلنا نزل هو جاء وقف جمبي حصني انا ابتسمت وقال يا ارض احفظي ما عليك 💖 وقال لي يوم حاتموتيني بجمالك دا. مزن: 🙈🙈 اثر: طالعة قمر. إيلاف: هيييي كملوا غزل بعدين خلونا ندخل 😂 دخلنا الحفلة كانت في صالة نسائية كانت بتلاتة فنانات حتينا حت لمن ما حاسة بنفسي رجعنا البيت الساعة 12 ويالنوم جاك زول صحينا من الصباح ومشغولين مع الشغل بعد خلصنا شغل مشينا الكوفير وهنا ياداب فكينا العرش بكلو عملنا فل ميكاب وفكينا شعرنا ورسمنا ونحن البنات لبسنا نفس الفساتين كنا مخططين كل إتنين يكونو كابلز انا واثر 💖 وملهم وسرو 💖 وسجى ومحمد ودعمي 💖وسهى ونذار 💖 ومنذر وسرو بعد خلصنا تجهيز العريس جاء طلعنا خلينا إيلاف براها لؤي بارك ليها. وحضنها وحصنها وانا لمن شوفتهم دموعي براها نزلت بجد اتاثرت بالموقف شديد واتمنيت متين يجي يومنا انا واثر وكل اتنين ركبوا مع بعض في العربيه وكل العادة قبل ماندخل اثر حصني واثنى على فستاني وهو كمان كان طالع قررررضة 🤤حلق شعرو ولحيته وربحة العطر سابقاه والبدلة مأكلة منو حتة طلعنا ست عربات وراء بعض والاولاد يشيلوا ويصفروا لحد ما وصلنا الصالة. لمن وصلنا دخلنا انا واثر اول مع بعض تاتي سجى ومحمد ونذار وسهى ومنذر وسرو وملهم وسرو حتى العرسان لمن العرسان دخلوا الأنوار انطفات وكل الأنظار موجهة عليهم رقصو اسلو مع بعض وكانو حلوين شديد وكانت الحفلة بفنانين وفنانة ربيناها رب لحد الساعة 10 تاني غيرنا للجرتق وعملنا الجرتق وكان بحفلة دلوكة وبعد الجرتق ودعنا العرسان لأنو طيارتهم اليلة الساعة 12 وانا وسرو بكينا بكى كانو إيلاف ما حاتجي تاني وبكدا انتهى العرس ورجعنا البيت وانا من هسي بقيت بحس بفراق لوفي . ـــــــــــــــــــــــــــــــــــــــــــــــــــــــــ بعد مرور شهر. بلسان مزن. صحيت من الصباح صليت واستحميت ولبست عباية خليجية حلوة كدا وطبعا اليلة اثر حايسافر عشان كدا زعلان شديد ومدبرسة من الصباح عملت ماسكرا وإيلاينر وليب قلوس وشلت شنطتي ونزلت ليهم تحت كان في خالي ومرته واثر وماما وبابا وميار مزن: صباح الخير. 😔 كلهم: صباح النور أثر: حبيبي ماتكرفسي لي وشك كدا هسي أقوم أخلي السفر. بابا: يابنتي دي أخر سنة ليكم وتكونوا مع بعض أصبري شوية كلها سنة. مزن: أنتو مافاهمني أنا مامستعجلة للزواج بس مابقدر على فراق أثر. أثر: سنة بس ياقلبي وبعدها تاني حأكون معاك كل 24ساعة. انا همست ليه وقلت ليه بخجل: أثر مامعقولة معاك قداام أهلي تقول لي ياقلبي وحبيبي وبتاع. أثر: وفيها شنو ياقلبي. مزن: ماصاح. اثر: ياجماعة لوعايز أدلع خطيبتي وعايز أقول ليها ياقلبي وياعمري فيها مشكلة. انا هنا بقيت قدر السمسمة قداام أهلي وخجلت شديد 🙈 بابا: المشكلة وين وأنتو مخطوبين. اثر: بالضبط كدا. 😉😉 أنا عملت نفسي ماشغالة بيهم ومسكت تلفوني شوية كدا وطلعنا المطار لمن وصلنا وكان وقت خلاص يسافرو انا بكيت جنس بكى بكيت بكى وحضنت اثر وأبكى في حضنه لمن حسيت انو هو كمان اتجرس فقمت سكت وودعتو وعلى كدا قلبي سافر رجعنا البيت بتذكر أثر في كل زاوية في البيت دخلت غرفتي قفلتها على وزعلانة شديد اثر أتصل لي. اثر: حبيبي كيفك. مزن: ماتمام لأنك مامعاي. اثر: صبرنا كتير باقي سنة بس. مزن: أي. أثر: عندي ليك مفأجتين. مزن: احكي. أثر: الأولة إيلاف ولؤي نازلين السودان وحايصلوا الساعة 12وماكلموا زول عشان يعملوها ليكم مفأجاة. من الفرحة صرخت ليه في التلفون. اثر: يامجنونة قديتي لي اضاني. مزن: ياخ أحلى مفأجاة وبجد أشتقت ليها. أثر: والمفأجاة التانية حاتصلك العصر. مزن: متشوقة شديد للتانية +طيب يلا باي بتصل ليك بعدين اثر: أوكي حأشتاق ليك كتير. مزن: وانا كمان 💜 طلعت لبست لي عباية وكلمت أمي وطوالي ركبت عربيتي مشيت بيت ناس سرو وكالعادة قبل ما أدخل لاقني مجدي وسلم على وأنا سفهته ودخلت جوة لسرو لقيتها نايمة نطيت فيها. إسراء: ياقشر ياخ قطعتي لي حلمي الحلو. إسراء: حلم شنو إسراء: كنت بحلم بميدو. قلت ليها بقلبي دا زول هسي بحلموا بيه. إسراء: طبعا ماوريتك الليلة إيلاف حاتجي ومعاها راجلها ولازم نعمل ليهم مفأجاة. إسراء المجنونة كمان من الفرح صرخت إسراء: بجد. مزن: اي والله أنا أتصلت لعمتو كلمتها وحايعملوو كراامة ويضبحوا وإيلاف كانت عايزة تعملها مفأجاة بس حاتتفاجي لمن تعرف أنو نحن عارفين . إسراء: طيب دقيقة البس ونمشي السوق. إسراء لبست عبايتهاوطلعنا كلمنا امها إسراء: دقيقة أكلم ميدو مزن: اوففف طيب مشت كلمت ميدو بتاعها دا ومشينا السوق إشترينا ليها هدايا وجبنا زينا وبوالين وغاتو وكيك وحلا جاهز و وصلنا بيتهم زيناه شوية كدا جوا ناس عمي وتاني البيت أتملى ضيوف لمن دقو الباب قفلنا الأنوار فتحو الباب كدا فتح الأنوار 🥳🥳🥳وهنا كانت المفأجاة وداك يالسلام والبكى والأحضان بعد خلصنا سلام دخلنت في موال الونسة وتاني الغداء لحد مابليل نحن البنات قاعدين مع بعض وبنوتنس جاء راجل عمتي مدا لي بوكس كبير قال لي دا من خطيبك رسلها ليك من كندا طبعا كلهم بقوا متشوقين عشان يشوفو الهدايا ضغطت على زر مكتوب فيه روحي كدا البوكس فتح من كل الجوانب فيه مختلف أنواع الشكولاتات ضغط على زر مكتوب فيها عشقي مكتوبة بطريقها حلوة فتح من كل الجوانب فيه مصحف زهري مصلاية زهرية وسباحة زهرية وإسدال زهري وتاني ضغطت على زر مكتوب فيه حبي لقيت فيه مجموعة ميكأب وإكسسوارات راقية شديد ضغطت على زر مكتوب فيه إدماني لقيت فيه ألبوم صور لينا مع بعض وبعدها اخر حاجة كاتب وتيني لقيت جايب لي خاتم 💍دهب راقي شديد ياخ انا لمن بعاين للهدايا عيون بقت قلوب قلوب حتى البنات ساكتات غلبهم البقولو لأنو حرفيا هدايا حلوة شديد. سجى: يارب يارب دايرة لي واحدة يكون فيه إن شاءلله صفة واحدة من صفات أثر. سهى: احيييييي أنا من اثر بس يابنت أنتي والله محظوظة حظ. إيلاف: حرفيا هدية حلوة وراقية شديد. إسراء: بجد الهدايا حلوة من هسي أنا معاك في الشكولاتات. شلت التلفون أتصلت لأثر لقيت تلفونه مقغلق اتذكرت انو هو حايكون طلع الشريحة السودانية ولمن يدخل الكندية حايتصل لي المهم اتونسنا لحد بليل بعدها اثري اتصل لي اثر: لوقلتي لي شكرا حاأقفل الخط. مزن: ربنا يخليك لي وبجد أنبسطت شديد من الهدايا. أثر: ودا المطلوب مزن: بحبك وبموت فيك. اثر: وأنا بعشقك ومدمنك عديل كدا قعدنا نتونس للساعة 2صباحا وانا نومت ليه في الخط. ــــــــــــــــــــــــــــــــــــــــــــــــ بعد سنة ونص أمتحنا إمتحانات نهاية السمستر وحانسافر لتخريج اثر وبعدها حانرجع السودان نعمل عرسنا 💜وكنت في قمة فرح بس كان عندي خطة في راسي بعد ما أكتشفت أنو دكتور مجدي بتاع بنات وتافه لأبعد الحدود طبعا أتكشفت الحاجة دي بمساعدة صحبي مازن ياخ نحن لمن هكرنا كل حسابته والله انا لمن خجلت من مازن من بشاعة الصور البرسلوها ليه البنات وطلع بتلاقى مع البنات في شقق تفاهة وحقارة استغفر الله بس سرو متعلقة بيه شديد لكن اليلة قلت لازم اكلمها عارفة انو الحاجة دي حاتجرحها لكن احسن تعرفه الإنسان البتحبو على حقيقته ركبت عربيتي لمن وصلت بيتهم لقيت قشر مجدي جمب الباب. مجدي: السلام عليكم. مزن: انا مالاقاني إنسانة بوساختك وبحقارتك وبتفاهتك دي زح من وشي وتف عليك 😒😡ودخلت جوة الغريبة ماردا لي دخلت الصالة مالقيت زول مشيت البرندا مالقيت زول هسي قلت اكيد خالتو بتكون مرقت قلت ادخل غرفة إسراء دخلت مالقيتها طلعت برا لقيت مجدي خالف رجله وقاعدة وبضحكة ضحكة شريرة كدا 😈😈ما اشتغلت بيه دايرة أطلع كدا مسكني من يدي شديد لمن حسيت حاتنقطع. مزن: ياحيوان فكا لي يدي. مجدي: ما انا عشان سكت ليك بقيت تمادي مرتين مدياني كف وكل يوم بتتلأمي معاي لكن اليلة اصبري لي. جراني من شعري ودخلني غرفته وقفلها انا هنا خوفت شديد مزن: ياتافه ياحقير افتح زفت الباب دا خليني أمشي. مجدي: الليلة لسانك الطويل دا بقصو ليك وبقى قريب مني انا ارجع لوراء وهو يقرب مني انا ارجع لوراء وهو يقرب مني لحد مالصقني في الحيطة وحاوطني بيدينه وباسني في شفايفي ورقبتي وانا خلاص شبه أستسلمت تاني مسكته عضيته عضة حارة كدا وعايزة اجري مسكني رماني في السرير ويشيل يطلع لي في ملابسي بكل عنف وبقى يقرب مني ويقبلني لحد ماخلاص أنا بقيت اصرخ فكني عليك الله خليني امشي 😥وماكنت قادرة اقاوم وأستسلمت وهو عاصر على شديد وأنا ببكى وبصرخ وهو كل ما أبكى بقرب مني زيادة لحد ما أغمى علي بعد ساعتين صحيت لقيت نفسي قاعدة والسرير كله مليان دم وحالتي تحنن الكافر يااخ حتى انا ماقدرت اقوم من السرير وهو كان طالع من الحمام وبضحك على منظري وقال لي دا درس ليك تاني كان لقيتيني في الشارع حاتغيري شارعك وجدع لي حبوب وقال لي: اتزفتي امسكي ماناقص لي بلاوي انا قمت يالله من السرير لبست عبايتي وشلت شنطتي وطلعت سوقت عربيتي ومشيت بيتنا طوالي ولحسن الحظ أهلي ماف طوالي دخلت غرفتي وقفلت الباب ودخلت استحميت واغتسلت واغتسلت عشرة مرات وانا دموعي ديل عشرة عشرة (#أسوء شيء بتتعرض ليه البنت في حياتنا الإغتصاب ودي حاجة بتحدث فيها اضرار جسدية ونفسية 😪) طلعت من الحمام رقدت في السرير وانا ببكى ببكى لحد ماعيوني اتورموا ببكى لحد العصر امي جات دقت لي الباب قمت غسلت وشي وفتحت ليها الباب. امي: يابنتي مالك. مزن: كويسة بس حاسة بصداع. امي: يابنتي دا صداع شنو دا البخليك تبكي كدا مزن: لا لا انا كويسة بس عايزة أبلع بندول. امي جابت لي بندول ورقدتني في رجلها قرت لي قرأن حسيت برااحة كدا نومت لحد ما جات صحتني أمي وجابت لي الأكل وقعدت جمبي وكانت مصرة انو أنا ما عندي صدااع وببكي بسبب حاجة تاني في النهاية قلت ليها ياماما عليك الله ماتخافي علي أنا كويسة بس عايزة ارتاح شويه مرهقة بس وأظهرت ليها إبتسامة مستاعرة أمي: خلاص يابنتي ارتاحي عشان بكرة حانسافر لتخريج اثر وأنتي أساسا مجهزة كل شيء مافي حاجة ناقصاك بعد امي طلعت قعدت في الأرض وأنا ضامة علي رجولي وببكى وببكي وماكان عندي زول احكي ليه سرو سافرت وأنا ماكنت عارف أنو سافرت لمن مشيت بيتهم ولوفي سافرت مع راجلها كندا بس كنت قاعدة وببكى وبفكر في اثر هل حايتقبلني كدا إنسانة إغتصبوها مرتين وشرفها أدمر ولكن بعد تفكير كتير أتوصلت لحل أنو انا وأثر لازم ننفصل لأنو أثر بستاهل بنت أفضل مني ومابستاهل ليه بنت مغتصبنها مرتين انا عارفة القرار دا حايجرحو شديد لكن بعد تفكير كتير اخدت القرار وحتى كمان انا مابقدر على الحاجة دي لكن أحسن لينا ننفصل مع انه ان في كل يوم بعيدة عن اثر حاموت مية مرة انا أهون لي الموت من فرااق أثر المهم قعدت للصباح مساهرة وببكى وشلت تلفوني قفلته لأنو عارفة اثر حايكون أتصل لي مية مرة 😔 ــــــــــــــــــــــــــــــ في الصباح. أمي جات صحتني عشان نلبس عشان نسافر مزن: أمي أنا ماماشة معاكم. امي: أجييي يادا يابنت انتي شكلك جنيتي كيف ماماشة. مزن: اي يا امي انا مسافرة معاكم كندا وأنا واثر انفصلنا وعايزاك تديه معاك الهدية دي. امي: مزن دا كلام شنو دا البتقولي فيه سريععععع قومي 😡 المهم حصلت مشكلة كبيرة بيني أنا وأمي وأمي زعلت مني شديد عشان في أخر لحظة قلت ليهم ماماشة معاكم وزعلت شديد حتى اثر من امبارح الله يعلم حايكون أتصل كم مكالمة. امي طلعت وزعلانة ابوي جاء واتناقشنا وقلت ليه انا واثر حاننفصل وراجا وصل ليه هديتي دي وحأيجوا سجى وسهى بنات عمتي ومنذر ودعمتي حايقعد معانا لحد ما اهلي يرجعوا وصرااحة حتى ابوي زعل مني شديد وطلعوا مشو بدوني المطار وسافرو بعد ما اطمنوا أنو ماحأكون براي قاعدة كدا في غرفتي معاي سجى وسهى وأنا كنت مضايقة شديد وحابسة جواي أوجاع كتيرة قمت دخلت الحمام وأنا بملابسي فتحت الدش وقعدت أبكى وكل ماتذكر أنو بسبب الحصل زعلت ناس كتار أثر وأمي وأبوي. ~اثر حايكون زعل مني شديد نحن دايما كنا بنخطط للتخريج وأنو حانكون كابلز وحانطقم مع بعض وحايفسحني اي محل في كندا وحانقضي أيام حلوة وووو...... وكل ما أتذكر انو إنسان زي اثر بحبني وبهتم بي وبخاف علي وبعشقني عديل أجرحه بالطريقة دي عارفة انو العملته غلط😔 لكن دا الحل وأنا عارف إذا هو عرف حايقيف معاي ويسندني ومستحيل يتخلى عني لكن ضميري مابسمح لي بعد الإغتصاب الإتعرضت ليه أنا مابقيت بكر وأثر بستحق واحدة افضل مني وبعدين أنا بعد الحصل معاي قررت نهاي ما أتزوج نهاي خالص وعشان كدا لو اتزوجت اثر مابقدر اديه حقوقه الشرعية عشان كدا الحل دا كان افضل لينا الإتنين مع انو بسبب انا يومي حاتعذب وكذلك اثر لكن كدا افضل لينا قمت غيرت ملابسي وطلعت ليهم عشان مايحسو بحاجة ـــــــــــــــــــــــــــــــــــــــــــــــــــــــــــــــــــــ في كندا في إحدى الغرف الفخمة ذات اللون الأبيض والبنفسج كان جالس تلك الشاب وبداخله كثير من الأحاسيس💜. "بلسان أثر: لي يومين بتصل لمزن مابترد تاني تلفونها مقفول فقمت أتصلت لعمتي وكل ما اقول ليها عايز مزن بتقول لي نايمه قلت أوكي يا اثر إحتمال عايزة تعمل ليك سربرايز والليلة ناس عمتي جو والصدمة بالنسبة لي كانت هنا 😳مزن ماجات معاهم وأنا لأخر لحظة مامصدق أنو مزن ماجات معاهم يااخ كانت متحمسة لتخريجي أكتر مني وكنا بنخطط مع بعض وهي كانت عايزة تعمل لي مفأجاة مميزة ووووووو لحد المساء كدا انا كنت بفكر اجي السودان اسوقها اساسا لمن سألت عمتي كان سكتت وغيرت الموضوع ابوي سالها قالت ليه ماخلصت إمتحانات انا قلت إذن مزن عايزة تعمل لي مفاجأة لكن حأفجأة انا وحأجي السودان (يااخ حسستوني كانو كندا والسودان زي الخرطوم وشندي 😅😥 بين يوم وليلة بتمشو وبتجو). لحد ما زي الساعة 8مساء عمي عامر جاء وأداني كيس هدية قال لي دي من مزن وظاهر في وشو علامات الزعل فتحت علبة الهدية بلهفة وبجد أتصدمت من الفيها 😳كان خاتم خطوبتنا انا رأسي بقى يودي ويجيب وفيه مية سؤال تاني كان في ورقة مكتوب فيها: اسفة لأنو ماقدرت أجي التخريج لكن الف الف مبروك وعقبال المزيد من التفوق وعقبال تلقى بنت الحلال البتسعدك أكتر مني.. أنا أسفة شديد والله عارفة بكلامي بجرحك شديد لكن خليك عارف أنو انا في كل حرف بكتب فيه بموت وبتوجع من قلبي ونحن لازم ننفصل وكدا احسن لينا الإتنين #انت بتستاهل بنت افضل مني 💔 بعد ماقريت الرسالة حرفيا دموعه بقوا بجرو بغزارة معقولة دي مزن الأنا بعرفا لا أكيد حاتكون بتهظر معقولة هان عليها حبنا انا مازعلان عشان ماجات عشان تحضر تخريجي انا زعلان عشان هي قررت انو ننفصل من غير ماتوريني السبب حتى 💔قعدت كدا زي حكاية يومين ومرو على كأنهم سنتين حاولت اتوصل لمزن بكل الطرق لكن أكتشفت انو هي ماعايزة تتكلم معاي حتى في اخر محاولة اتصلت ليها في تلفون ودعمها القاعد معاها في البيت وردت لي وقالت لي بصريح العبارة اسفة يا اثر لكن نحن لازم ننفصل 💔وقفلت الخط في وشي ... طيب ياخ قولي لي سبب مقنع يخليني ننفصل وانا عارف انو لو اجتمعت جميع الأسباب انا مابخليك.😥جاء وقت التخريج والزفة وحفلات الحنن والرحلات وانا بجد فقدت مزن حتى اصريت انو ما اعمل حفلة حنة لأنو هي كانت دايما بتقول لي يوم تخريجك حأحننك بيدي ويوم عرسنا حأحننك بيدي وبجد انا زعلت من مزن شديد دائما بتتخذ قررارات بتجرحنا الأتنين لكن انا اكتر طرف بتعذب 💔حتى السبب شنو البخلينا ننفصل أنا مابكون عارف عدت اسبوعين وانا زي الجسد بدون روح بدون مزن حاسي كانه ماعايش نهاي 😔 وأنا زعلت شديد وقلت تاني مستحيل اتكلم معاها من الزعل لمن مرضت عديل قعدت في المستشفى أسبوع كامل الدكاترة ديل ماخلوا لي مرض مافحصوه لي وماعندي اي شيء بس بسبب التفكير الكتير ليه مزن خلتني وليه عملت كدا معقولة هي مابتحبني ومتين سؤال في رأسي لمن الدكتور اقترح اقابل معالجة نفسية لكن رفضت بعد طلعت من المستشفى بكم يوم كدا كنت قاعد وبفكر لحد ما اتوصلت لحل ارجع السودان وبالفعل تاني يوم ااصباح ركبت الطيارة وتاني يوم الصياح وصلت السودان الساعة ١١صباح وياريتني ماجيت لمن وصلت بيتهم لقيتهم كلهم ماف سألت قالو مشوا المستشفى ووصفو لي المستشفى وانا ماعارف الفي المستشفى منو لحد ماوصلت شوفت منظر عمري ماشوفته مزن مركبين ليها دربات ولافين ليها يدها بالشاش وحالتها تحنن الكافر لمن عمتو شافتني قعدت تبكى وحتى دموعي كانو جاريات وحالتها كانت صعبة شديد ونزفت دم كتير ولحسن الحظ عندنا نفس الفصيلة فقمت اتبرعت ليها لمن سألت عمتو الحاصل شنو قالت لي بنتي كانت عايزة تنتحر.😳😥انا الكلام نزل على زي الصاعقة. 😔😳 *☆☆••••••••••••••••••••••••••••••• *يتبــــــــــــــــــــــــــــــــــــــــــــع* *•••••••••••••••عـــــــــبدو•••••••••••••••••• ☆☆*