#صيفُ_أبريل22🦋 #حميده_عبدالحميد🦋 الكل كان بيعاين للدكتور بعدم تصديق، الصدمه كانت ف ملامح اي شخص موجود ف المستشفي ، حصلت لحظة صمت عجيبه هنا الدكتور اتنهدت تاني وف نفس الوقت كان بيفتح ف التقرير ، وقال ٠٠ = يوسف جاو العقم لسببٍ ما او مشكلة مرضية حصلت ليهو وإتسببت ف عقم كامل ، ولكن حسب التحليل ونتائج DNA أنس إبن يوسف واي ولد من بعد أنس هو لا يُعتبر ولدو ، لانو يوسف من بعد أنس جااهو العقم ٠٠٠ حصلت لحظة صمت عجيبه كان ف عدم اتسيعاب حاد ،قطع دا كلو ضحكات خالتي العالية ، وتصفيقها الجنوني بعد م وقفت قدام يوسف ،وقالت ليو ٠٠ = شمتانه فيك والله ، وانا الليلة ااكتر انسانة فرحانه ، عارف لي عشان وقعت ف شر اعمالك كم وعشرين سنة وانت بتربي ف عيال م عيالك ،خفت مني انا الكعبة ولميت ف اكعب مني لميت ف وحدة خلتك تربي عيال م عيالك شااايف ي يوسف العدالة دي كيف ، رميت جناك المن حشاك وربيت جنى غيرك ، قريتهم وعلمتهم وشقيت فيهم وتعبت ودا كلو فات ادراج الرياح ، خليت ولدك للشوارع والكلاب الضاله خليتو ينوم ف احضان الوجع وحضنك طلع للغريب خليتو من دون مأوى و أويت الغريب شايف العدالة دي يوسف شاااايف كيف وبقت تصرخ فيو جيت جارية ومسكتهتا ،وعم يوسف كان ف حالة تانية واتضح انو هو مريض ازمة قلبيه ، كان ماسك قلبو وبيتنفس ب صعوبة ، جا ابو سلمى وقال لي الدكتور دا كلام شنو ؟انت مستوعب نفسك قعد تقول ف شنو ، يوسف اتزوج بتي والعيال ديل عيالوا ، كلامك دا ح يدينك ويدخلك سجون ومحاكم، الدكتور قال ليو دي الحقيقه لكن ولو عايز عيد الفحص ف اي مستشفي تاني وح تتطلع ليك نفس النتيجة هنا صرخ فيو وكل معالم الغضب برزت ف وشو وقال ليو كلامك دا مليون ف المية غلط اوع تشكك ف تربية بتي دي بتي وانا ربيتها احسن تربية ، عاينت لي شهد وشهد عاينت لي وقالت لي وقت الفضيحه بقت فيهم عايزين يبررو غلطهم واتحركت من قدامي قلت ليها ي بت قالت لي حاليا الساحه لينا نحنا وبس ووقفت قدام سلمى وقالت ليها قبل شوية قلتي عن خالتي شنو ؟ ي سبحان الله صدق المثل القال اب سن يضحك ف اب سنين ومن حفر حفرة لأخية وقع فيها ، قالت ليها دا كلو كذب قالت ليها موش واثقه من نفسك يلا اعملي فحص الابوة لي اولادك واقطعي حبل الشك ،بقت تتمتم وترجف لدرجة الكل لاحظ ليها ، هنا يوسف اتحرك بخطوات مُرهفة جدا ووقف قُصاد سلمى وقال ليها ٠٠ = سلمى الكلام دا كذب صح ؟وديل اولادي صح و طلال ولدي ونادين ودانية وعبير هم اولادي صح ،حركت راسها ب إيجاب وقالت ليو اي اولادك ي يوسف م تصدق الكلام دا اكيد دي خُطة ملعوبة هنا شهد ادخلت تاني وقالت لي عم يوسف ، طيب لو اولادك لي ماف ولد واحد شايل من ملامحك ولا من ملامح اهلك معقولة بس ، وواضح جدا وظاهر انو ديل كلهم بينتموا للكذابة دي أختها ل سلمى ادخلت ورفعت اصبعا ف وش شهد وقالت ليها احترمي نفسك واعرفي انتي بتتكلمي مع منو ضحكت وقالت ليها مع منو؟ رئيسة كوريا الشمالية ولا ماسكة خزينة الدولة الامريكية؟ قالت ليها اوع بس تشككي ف اختي وهسي دي ح نعمل فحص الابوة، طوالي سلمى بقت تقول لالا م ح نعمل فحص اي شي مستحيل، هنا اخو يوسف الضابط أمن سلاحو طوالي ووجهو قصاد سلمى وقال ليها اذن ديل م اولادنا، واقسم بالله م تقولي الحقيقه برصصك هنا ، الكل اتخلع واتوتر بالإضافة ل ام سلمى الكانت ميتة من الخوف ، صرخ فيها وقال ليها قولي سريع ديل اولاد منو ؟ بقت تبكي وقالت ليو اولاد يوسف ،قال ليها طيب ح نعمل فحص الابوة ل طلال وعاين للدكتور وقال ليو ف طريقة فحص الان ؟ قال ليو اي ، قال ليو طيب ، عاين لي سلمى وقال ليها لو طلعوا م اولاد اخوي صدقيني ماف زول ح يخلصك مني ، هنا رب جات واقعة ف الواطه وقالت ، اي ديل م اولاد يوسف ، هنا يوسف من الصدمه جا واقع ونفسو طالع ونازل ، اهلوا كلهم جرو عليهو ، أما خالتي كانت بتعاين ليو بنظرات كلها حقد وانتصار واما أنس كان متابع بس ، وكأنو م مستوعب دا كلو بس الحقيقه طغت علي كل شي واثبتت ليو انو هو فعلا ولد خالتي وعم يوسف بس لسه مشاعر الحب اتجاههم م إتحركت ف قلبوا، حولت نظري منو ووجهتوا قصاد عم يوسف وهو وسط اهلو وكل زول يبكي ب اتجاه ب الإضافة ل ولدو الكبير الكان غارق ف دموعو وهو بصحى ف ابو وبناتو الكانو ف حالة عجيبة من الصدمه ، غلطه وحده بس اتسببت ف دا كلو والكل دفع الثمن غالي ، ابو سلمى اتخذل خذلان كعب من بتو كان طاير بيها السماء بس هي شالتو وخبتت بيهو الارض ، واخوانا الكانو ف حالة لا يُرثي لها من الخجل وانو نزلت راسهم ف الارض بعد ماكانو فارضين سيطرتهم ، عم يوسف بعد صعوبة صحى وجمع قوتوا بس لسه كان خايف من الحقيقه الأكبر وقال لي سلمى ، ديل اولاد منو بقت ترجف شديد قام من الأرض بعد م اتسند ع اخو ومشى عليها وقال ليها ابوهم منو ؟ صدقيني دا آخر صبري لي ، دنقرت راسها ف الارض من حول المصيبه العملتها وقالت ليو ديل اولاد مأمون صحبك ، الكلمة الأخيرة دي دخلت ف قلب عم يوسف زي الخنجر وخلتو يسقط تاني بالإضافة للجميع وكل واحد فينا اتصدم اكتر وكل زول اشتهود من فاجعة الكلام الطلع من لسان سلمى ،و اخو عم يوسف أمن السلاح تاني حلف الا يقتلها وقال ليها م بتخافي الله تخوني اخوي مع صحبوا معقولة انتي انسانة بجد طلعتي رخيصه، شديد ، هنا كل ثقل العالم كان ف قلب ابوها اتحرك بخطوات كلها خذلان ووقف قصاد بتو وقطع فيها تلاتة كف ورا بعض وقال ليها ح اطبق فيك الشريعة بس وإنتي عارفة عقوبتك شنو ؟ قالت ليو ابوي انا ، سكتها و قال ليها انا م ابوك ولا بعرفك وإنتي بالنسبة لي ميتة من الان ، وح يتنفذ فيك حد الرجم ، ووقف قصاد ابو يوسف وطلب منو يسامحوا، قال ليو لا و علاقتنا بيكم انتهت شيلوا بتكم وعيالكم والله معاكم ويوسف الله يعوضوا بس ، شالو عم يوسف ودخلوا العناية وكان محتاج أكسجين، وبنسبة ل اولاد يوسف رفضو يمشو مع امهم وقالو عم يوسف هو ابوهم ، حالتم كانت تحنن وتبكي الحجر مساكين بجد هسي ديل ذنبهم شنو بس ، بعد تحانيس من جدهم حتي مشوا معاهم وقبل يطلعوا طلال وقف قدام أنس وقال ليو هنيئا لك ب ابوي أنس م إتكلم معاهو وسكت بس ، وطلعوا فاتو، جا اخو يوسف ووقف قدام أنس وقال ليو الشي دا كلو كنا ناوينوا ليك انت بس حصل العكس وصح انت اتعذبت كتير وعشت حياة صعبة ،ونحنا م بنقدر نعوضك عن الفات بس حاليا انت ولد اخوي الوحيد ياريت تسامحوا وتتقبلوا ك اب ليك ، عاين ليو وضحك ف وشو وقال ليو بعد اخوك يصحى من الغيبوبه ، قول ليهو ولدك المن دمك ولحمك اتبرا منك وطلع طوالي وخلانا وسط كوم كبير من الحِيرة والحسرة شهد قالت لي غايتو عم يوسف خسر هنا وهناك لو كان اعترف ب غلطتوا من زمان ما كان حصل ليو كدا، احمد شال نفس عميق وقال لينا ارجعوا البيت بعدا دا ، قلت ليو انتو ارجعوا وانا ح استنى عم يوسف لمن يصحى ،حمر لي وقال لي قلتي شنو ؟ كلامي دا واضح صح قلت ح ترجعوا البيت يعني ح ترجعوا شهد قالت لي م تناقشي اصلا مجنون اخوك دا ، مسكنا خالتو ابتهال وطلعنا ،ع البيت الزمن كان متأخر شديد ، مسافة الطريق كلو خالتي قضتوا بكا، قلت ليها بتبكي ليه قالت لي زعلانه ع ولدي قلت ليها بتحبي،؟قالت لي كتير قلت ليها طيب لي جدعتي كان عادي تجي تواجهي حبوبه وجدي بيهو كان بإمكانك تصلحي غلطتك ، قالت لي ابوي كان صعب والزمن داك لو جبتو انا متأكدة كان ح يقتلنا الاتنين ، قلت ليها ولي خليتي صورة معاهو واحتفظتي بي باقي الصور قالت لي عشان لو الزمن لفى ورجع اقدر القاهو ضحكت وقلت ليها خطتك نجحت ، قالت لي بس هو رفضني هو ماعايزني قلت ليها ح ارجعكم لي بعض انتي بس اصبري، وصادف وصلنا البيت فتحنا الباب ودخلنا واحمد اصلا بينوم تحت ،اتوضينا وطوالي صلينا العشاء لانو من ونحن ف المستشفي أذن، وبعدو كل زول فات غرفتوا ، كُنت مصدعة شديد ، وفتشت مسكن بس م لقيت ، قعدت ف نص السرير وحاولت افكر في خطة ممكن تجمع بين خالتي وعم يوسف وأنس ، بس كل الأبواب كانت مُحكمة الغفل ، وكل الدروب مسدوده، بس ليها مدبر رفعت تلفوني ودخلت قروب الدفعة ف الواتس عشان أشوف محاضرة الصباح قائمة ولا ملغية ، وبالصدفة لقيت رسالة من أنس وكان محتواها( حميده انا ح اسافر احتمال كبير بكرة ي بعد بكرة والحمدلله اخوي أسعد طلع بريئ بعد م قبضو شلة ناس معتصم وع العموم انا بشكرك ع كل نصيحه قدمتيها لي وفي أمان الله )طوالي فتحت الكيبورد وكتبت ليو أنس م تسافر امك محتاجه ليك ، لو سافرت نحو المجهول ح تجن ، قرأ الرسالة وما ردا لي ، رجعت ورسلت ليو تاني طيب ممكن نتلاقة لي اخر مرة قال لي تمام نتلاقة بكرة ف نفس المكان حق الليلة قلت ليو طيب الساعة ٩بعد اطلع من المحاضرة قال لي تمام وطلع من الشبكة، سرحت مسافة وقلت ف سري بكرة اخر فرصة لي عشان اقنع أنس، طفيت اللمبة ونمت٠٠ ف جانب آخر٠٠٠٠ واخيرا وصلنا الخرطوم ، ونزلنا ف بيت خالتي وحرفيا داب حسيت بالانتماء معاهم ، وناس خالتي اسرة منفتحه شديد وماعندهم قضيه ب زول واستقبلونا احسن استقبال ، واليوم كان حلو شديد ،عندي بت خالتي اسمها افنان، بت حلوه وظريفه وبتلبس زيي ، قعدت معاها ف غرفتها وقالت لي بكرة ح الفلف بيك الخرطوم كلها ،قلت ليها ظابط ، قضينا اليوم عادي واخر ونسة وضحك ويا دنيا مافيك الا نحنا، وزي الساعه ٧م جاتني مكالمة من رقم غريب فتحت الخط واتفاجأت ب إنو دا مصعب ،وقال لي هو جا السودان كنت ح اطير من الفرحه ، قلت ليو خير جيت لي قال لي اختلفت مع أبوي ونزلت مع حبوبتي ام امي، وقال لي انو هو ونور افترقو ونفسياتو كعبة شديد وما لقى وحدة غيري انا عشان يفضفض ليها ، طبعا كنت فرحانه شديد انو مصعب رجع لي ومامصدقة ،واتكلمت معاهو قريب التلاتة ساعة وف نهاية المكالمة طلب مني إنو اقابلوا بكرة قلت ليو طيب ونمت ع كدا ٠٠٠ ف مكان اخر٠٠ بعد لليلة طويلة ويوم كان صعب من جميع النواحي الحمدلله شرقت شمس الامل ،صحيت اول وحدة كالعادة ودا بعد م صلينا الفجر حاضر ، جهزت الشاي وعبيتو ف السيرمس والحمدلله لجين م شغالة الليلة وح تهتمه ب خالتي ، شربنا الشاي انا وشهد لانو محاضرتنا ٧ لبسنا وطلعنا طوالي لقيت احمد ف وشي قال لي البيت ناقصو شنو قلت ليو م ناقصو شي قال لي طيب طالع الشغل انا وعاين لي شهد قوي وقال ليها من المحاضرة للبيت فاهمة قالت ليو حاضر وفات طوالي عاينت لي شهد وضحكت ، قالت لي غايتو لو كان عندي اخ من وابوي وامي م ح يعاملني كدا ، قلت ليها متازمة أكتر منك ضحكت وقالت لي الله يدينا خيرو اخوك دا واتحركنا ع الجامعة ركبنا العربية ووصلنا بعد ربع ساعة حليل زمن الداخلية نطلع من هنا ونخش هنا ، وصلنا الكلية ودخلنا القاعة ع طول لقيت رونق ف وشي ، قالت لينا ي بنات اقسم بالله اشتقنا عديل وشنو المفاجأت دي شهد قالت ليها ياتو مفاجأت قالت ليها عرفنا يختي الكلام انتشر ، عاينت لي شهد وقلت ليها قصدها أنس، قالت لي بالضبط ،وغايتو م بسألكم ي اولاد الخالات ، قلت ليها اصلا الدنيا دي سر فيها بيدسا ماف ومررت نظري ف كل زاويه من زوايا القاعة وقلت ليها عبق وين ؟ بحلقت عيونا وقالت ، = هي م اديتكم الشمار شهد قالت ليها ارح ارح سريع معقولة ف شمار وماعندي خبر ،قالت ليها بخصوص ود خالتكم طبعا ، قلت ليها بخصوص أنس؟ قالت لي اي طبعا ا موش كان قلت ليك قبل مره رسل لي ف الماسنجر وقال هو معجب بي وكدا قلت ليها أي قالت لي يبت امس حظر رقمي واعتذر مني والمفاجأ الكبيرة اتخيلوا بس اتصل لي عبق ونهى علاقتو معاها واعتذر منها ويبت البت داخلة ف غيبوبه لا بتجر يد لا بتجر كراع ، الانسانة دي متعلقة بود خالتكم دا تعلق شديد ،شهد قالت ليها خلاص تاني ح تقدينا والوقت كلو تشبكينا ود خالتكم ود خالتكم وعلفكرة اسمو أنس حمرت ليها وقالت ليها غايتو انتي دي التقول فاطمنك ب لئامة، قلت ليها ي بت رونق انتي متأكده؟ قالت لي اي وشكلوا ناوي ع وحده منكم ، الولد نهى كل علاقاتو قلت ليها هو حاليا بيحاول يصلح من نفسو بس ويبعد عن الحرام شهد قالت لي صح صح كلامك وصادف الدكتورة جات ، اتحركنا وقعدنا ف البينش التاني ، المحاضرة كانت طويلة ومسيخه وشهد ورونق قضوها ونسة ب تحت، اول م المحاضرة خلصت والدكتورة طلعت قلت لي شهد طالعة قالت لي وين قلت ليها أصلح الاتخرب قالت لي طيب وإن شاءالله يتصلح ودعتها وطلعت طوالي اصلا المكان م بعيد وصلت ولقيتوا فاضي وأنس م جا لسه ، قعدت ف الكنبة الكانت تحت الشجرة وبديت أتأمل ف منظر السماء كان صافي وازرق وحلو شديد والشمس شبه مُشعة عشان كان في شوية غمام ، غمض عيوني وفتحتهم واتفاجأت ب أنس واقف قدامي وهو لابس شنطة ظهر ولافي شال اسود ف راسوا ابتسم وقال لي ، السلام عليكم ، قلت ليو وعليكم السلام نزل الشنطة من ظهرو وقعد ف نفس الكنبة من مسافة شويه بعيده، و شبك يدينو مع بعض وقال لي الليلة مسافر قلت ليو انت ومنو قال لي انا واخوي ،قلت ليو طيب بس امك وابوك ،قال لي حميده لي انتي مُصرة تذكُري لي الكلام دا ع طول قلت ليو خالتي بتتقطع من جوا ي أنس م تسافر وتخليها قال لي بس انا م عندي ليها حاجه امثل يعني؟ قلت ليو حاول وح تحبها وح تحس بحنانا ضحك وقال لي م ظنيت وع العموم عايز أسألك سوال قبل اسافر قلت ليو اتفضل قال لي انا ف نظرك شنو ؟ بكل هدوء رديت ليو وقلت ليو ف نظري إنسان مُجاهد ومُثابر وشاب نشأ ف زمن الفتن بس ما زال صنديد ومكافح وساعي عشان يصلح من نفسوا ويرضى ربو قبل اي شي ،ابتسم وقال لي انا ف نظرك كدا يعني؟ قلت ليو اي ، سرح ف الفراغ مسافة وقال لي حميده ، قلت ليو نعم قال لي انا عندي أُمنية وحدة لو اتحققت ح اكون اسعد انسان ف الدنيا دي وح انسى كل الفات ويمكن اسامح خالتك ، فرحت شديد وقلت ليو شنو هي قال لي إنتي٠٠٠ يتبع٠٠٠