هل ينفع الراجل يكون ودود ولطيف مع النساء الأجانب ؟؟ شرعًا ومنطقًا *لاء وألف لاء*.... وده بيرجع لكذا سبب... ✓ الراجل اللي بيتعامل بلطف مع البنات ايا كانت عمرها حتي لو عندها ٥٠ سنة فهو بيفتح علي نفسه باب فتنة وده نفس الباب اللي في مليون واحد فتحه و وصل لحاجات وحشة جدًا زي الزنا وإدمان المحرمات والبعد عن ربنا وانتكاسة في كل شئ ✓ لأن البنت ربنا خلقها طبيعتها مختلفة عن الراجل تماماً مشاعرها قوية وقلبها بيتحرك من نسمة الهواء وده مش مبالغة... فمتجيش حضرتك تتعامل معاها بمنتهي اللطف والود واهتمام حتي لو بكلمات زي "عاملة اي دلوقتي، احتجتي حاجة كلميني...." وتفتكر إنها هتكون عادية كدا، لا دي ممكن تكون قاعدة بتفكر هتسموا ولادكم أي وعايشة في خيال كبير😅 ومن لطفك ده أنت هتتسبب في كسرة قلبها حتي لو نيتك مش وحشة، وده بيحصل مع المدرسين والدكاترة في الجامعة بشكل خاص.... ✓ أنت لو شوفت مراتك أو بنتك المدير بيعاملها بلطف و ود هتحس إن دمك بيفور ومش هتستحمل طب ليه أنت تبقي كدا مع بنات الناس ؟! *الود واللطف أولي بيه أهل بيتك شوف مراتك، شوف بنتك، شوف والدتك واديهم مشاعر من دي لكن بره مع الجنس الآخر خلي عينك في الأرض وكلامك بحدود وصارم ومتخليش أي حد يعدي حدوده معاك وآه بتحصل للأسف وبنلاقي بنات بتحاول مع شباب، الله يهدينا ويعفو عنا* #سؤال-واستفهام #يَقَظَة🤍