محتاجين نتكلم عن كبيرة من الكبائر للأسف مُنتشرة في أغلب تفاصيل وأسلوب حياة الجيل الحالي .. - طريق الجنة ربنا دلنا عليه في آية جميلة ، قال ﷻ: "﴿إِن تَجتَنِبوا كَبائِرَ ما تُنهَونَ عَنهُ نُكَفِّر عَنكُم سَيِّئَاتِكُم وَنُدخِلكُم مُدخَلًا كَريمًا﴾ [النساء: ٣١] وأغلبنا لو حتى مش ملتزم بس الحمدلله ع الأقل بعيد عن الكبائر المعروفة سواء زنـ.ـا أو قتـ.ـل أو سـ.ـرقة أو تـ.ـرك صلاة ، أو الكبائر الواضحة اللي المجتمع لسه بينبُذها.. - لكن للأسف فيه ذنوب كتير اتعممت في المجتمع وبقت عادات مش منبوذة بالدرجة اللي تحسسنا إنها كبيرة .. والذنوب دي في حد ذاتها مش كلها من الكبائر ، لكن اللي بيخليها من الكبائر هو كونها بتتعمل في العلن ، بيتم المجاهرة بها .. - الرسول ﷺ :" كل أمتي معافى إلا المجاهرون " ..، وللأسف مجتمعنا الحالي متصالح مع أغلب الذنوب ، فبقى الحيل الحالي سهل عليه يجاهر بها .. فمثلاً.. - الإرتباط ...، أغلب الشباب والبنات لو فتحت الفيس بتاعه هتلاقيه كاتب مرتبط/ة بــ فلان/ة ، ولو مش كاتب ع الفيس فهو عادي معرف صحابه او هي معرفه صحباتها .. ، يعني مكتفاش بذنب العلاقة الي مترضيش ربنا ، كمان مجاهر بها .. فبقت كَبيرة. . - التدخين وحدث ولا حرج عن مجتمع مسلم متصالح بنسبة كبيرة أوي مع التدخين ، ومع الجهر به .. - سماع الموسيقى ، وطبعاً أغلب الستوري صاحبها بيشل ذنبه وذنب اللي بيسمع وذنب المجاهرة.. - الحجاب اللي ملوش علاقة بالدين .. وطبعاً صاحبته بتشيل ذنب تقصيرها وذنب اللي بيبصلها وذنب المجاهرة .. - اللي بيقترح على صحابه مسلسلات او أفلام أو أغاني .. فده بيشيل ذنبه وذنب التعاون على الإثم .. .وطبعاً الباقي ممكن يكون افتخار بين الناس بكونه بيشتم أو بيعاكس او بيغش او بيحور(بيكذب) وغيره .. - الكلام ده من باب التذكرة لنفسي قبل أي حد ، لأني أكثر ما أخشاه أن يُكتب في صحيفتي ( مجاهر ) ، ( كانوا لا يتناهون عن منكر) . فخليك فاكر ، انت يا اما تكون داعية لله ، أو مُستعمل من الشيطان .. ▫️قال تعالى : { وَ لَيَحْمِلُنَّ أَثْقَالَهُمْ وَ أَثْقَالاً مَّعَ أَثْقَالِهِمْ ۖ وَ لَيُسْـَٔلُنَّ يَوْمَ الْقِيٰمَةِ عَمَّا كَانُوا يَفْتَرُونَ }. لن نتحاسب على أنفسنا فقط ، بل سنحاسب و نكون مسؤولين عن كل شخص رأى او فعل منكر / معصية بسببنا . هكررها.. ، قال ﷻ : ﴿إِن تَجتَنِبوا كَبائِرَ ما تُنهَونَ عَنهُ نُكَفِّر عَنكُم سَيِّئَاتِكُم وَنُدخِلكُم مُدخَلًا كَريمًا﴾ [النساء: ٣١]