*Chin-Kuki Liberation Army lamkai jaona a mi 10 Churachandpur a kiman* NitinThusoh (15, Lhaphul 2025): Security forces hon Chin-Kuki Liberation Army (CKLA) mi phabep chu operation anabol na uva ana man uvin ahi, amaho party hi dan toh kitoh lou United People’s Liberations Front (UPLF) armed wing khat jong ahiuvin ahi. CKLA/UPLF hi Kuki thingnoi kiloikhom Suspension of Operation (SoO) a jaolou ahiuvin, officials a kon thu kimuchun Manipur ahi Kuki thingnoi 25 val hi central government toh SoO noi a um ahi ati. Chule central security forces hoto Manipur Police ho kitho khom in gamsung a dan toh kitohlou ho matdoh tei nadia combing operations abol na uva CKLA/UPLF hohi mat ahiuvin ahi. Police hon aseina uva, David Ngamjang (25) amahi self-styled Sergeant Major CKLA/UPLF ahin amahi M.Tatjang kho Sugnu, Kakching district aum ahi amapa hi Saikot village Church police station a kon security forces hon amat ahidan thuso achun akimun ahi. Officials hon aseibe na uva amahi kum 3 val jen Zou veng, Churachandpur district ana umjing ahidan asei in chule 9mm pistol le achang 3 toh akimat tha in ahi ati. *NITIN THUSOH (Daily News)*