*KUKI INPI YOUTH AFFAIRS hon KUKI nam mipi te het dinga thuphon nabol uhi apha lheh jeng e.* *Hinlah igamsung uva NIA ten lamkai anop nop ahung ki mat doh ji hou hi eiho le eiho ki report a ki matsah hiding a ginmo jong chu aum nai. Hinlah KUKILAND sung a NIA toh kithu kop a mi amat uh ana hikhah tah jong leh press a PR bol ho dot2 a pha chom ding ahipoi tihi ihet uh a ngai je.* *Vetsah nan state dang a ache nao va ki kiman ho chu gel khoh louman ahipon eihon iga kichu pi thei uchu hita lou ahin atham dan hah jep nan te. Hinlah KUKILAND sunga NIA te hiti a anop dan tah uva ichet sah uvang hi KIM noi a kikhailha CSOs hon tin le ha tho a pan nalah lou jeh uh ahi kati nom in ahi.* *KIM noi a kikhailha CSOs hon pan hin lao vin lang kiphin na thei lamchom chom hin gong uvin lang KUKI te chenna Dist jouse ah toumun kiphin na ham Rally ham alha alha lut jong leh kiphin na bol jom jing leu hen NIA kahe poi CF, SF hon KUKI chate hi moh noise thei ahi poi ahin tidiu chuteng koi chu NIA toh kikhut jop ham tiho jong ihin hetdoh diu ahi.* *Hiche achung a kisei ho hi ibol lou uleh nam Lamkai tamtah NIA ten eihin mat peh diu ahi nalai je.* *Gal hung kipat til a ehsan ten asun ajan umlou va eihin bulu jing lai uleh eihon jong iki le thuh ji nao va gal hangsan gallamkai SS ho le VV ho jong ijat ham hin case anei uva adam lou ujong leh State dang a kijen ngai ijat ham jong um ahi vang a hiche NIA case anei or FIR kibul khum jeh a mi ijat ham jong kijenthei lou va um uh ahitan hiche ho jong hi tu a eihon ihuh doh uva a case hou jong itha peh thei chan itha peh uh ngai ahitai. Ajeh chu mipi ho lung mong lhamong a ium na diu deina jeh leh igam le inam uh huh na jeh a hichan gei ja genthei athoh na ban uva NIA - FIR case aneh lo kit uh ahin chuban na PR ahung um leh ama ho a ding a cha loh hahsa ahitan lupna gena jeng jong kisuh louva hinkho aman uh ahitan hijeh chun PR aum sung se a hi SS le VV ho lung mong lhamong a um sah ding chu Nam mipi ho CSOs hon pan ha lah a ilah diu kiphin na thei chan a kiphin na ibol diu hi eiho phat ahitai tihi nam lamkai hon pan nalah phat uh ahitai* *Lamkai hon pan nahin lah uleh mipi ho na nung jui diu va kiman sa kahi tao ve. Chuleh Janhi Date:07-06-2025 ni a chu ipi ding a Moreh lang ho bou vin kiphin na abol uham? Hiti ho kin aum phat leh KIM in Kuki ho chen na Dist jouse a kiphin na bolna ding a thupeh nabol diu va lom ahi tijong gel thuh jep ute* *Imphal sung a Ehsan ho kiphin na abol ji hou jong imu soh kei diu ahin ama hon bon hichan gei a pan alah thei uleh eiho SA/UT del hon ipi ding a dist khat in boina ato a kiphin na abol uva dist dang hon idon ji lou uham? Hita bang a pan ilah jom jing uleh ima imu diu um pon te. Boina Kuki chate chen na dist khat in ato leh Kuki te Chen na Dist jouse hon jong bol thei chan ibol khom takah se uvin imacha ibol doh diu tahsan um lou ahi* *By. Thangcha Kuki* *NAMTHOPAL*