🔖 *FIFA World Cup 2026* Kumkit USA World Cup adia team 13 qualify ta ⭕ *June 11, 2025 (Wednesday)* 📝 By: Seiminlun Kipgen Kumkit 2026 FIFA World Cup hi June-July sung USA, Mexico leh Canada mun'a hung chelha ding ahin, match poimo jouse tobang chuleh match tamjo USA in host abol a, Mexico leh Canada in jong match phabep a vailhun diu ahi. _Tu weekend in qualifying round anache lha in, hiche result ho akon tuchan in host team 3 hotoh sim in team 13 a qualify taovin ahi._ Masanga FIFA World Cup team 32 anahi ji chu kumkit apat team 48 hiding ahitai. Europe akon team 16, Asia in team 8, Africa team 9, North America team 6, South America team 6, Oceania team 1, team 46 hohi direct a qualify hidiu, adang team 2 hi Continent (Confederation) chomchom play-off akon hunglut diu ahi. *Tuchan a team qualify ho :* 1. USA (host). 2. Mexico (host). 3. Canada (host). 4. Argentina (South America). 5. Brazil (South America). 6. Ecuador (South America). 7. Australia (Asia). 8. South Korea (Asia). 9. Japan (Asia). 10. Iran (Asia). 11. Jordan (Asia). 12. Uzbekistan (Asia). 13. New Zealand (Oceania).