مِن حِيَل الشيطان : إنه يقولك طالما كده كده هتقع في الذنب يبقى ايه لازمة التوبة؟ ما انت توبت كتير وحاولت وكل مرة تقع في الذنب.. توبتك ملهاش لازمة.. فتترك التوبة! تعالى هفهمك حاجة انت لما تعمل ذنب.. ثم تتوب منه توبة صادقة الذنب بيتمسح.. ولما تقع فيه من جديد بيتكتب الذنب الجديد بس! .. مش بيتكتب الذنب القديم والجديد يعني انت لو وقعت في الذنب ألف مرة وتوبت توبة [صادقة] كل الذنوب بتتمسح.. ولو وقعت تاني بعدها بيتكتب ذنب واحد بس مش ألف و واحد فلما ييجي الشيطان يقولك التوبة ملهاش لازمة قوله بس يا عبيط.. إياك يضحك عليك الشيطان! التوبة دي مشروع العمر لازم تفضل طول عمرك تحاول تتوب من كل ذنب كلنا لينا ذنوب.. بس الفرق إنه الصالح بيحاول يتوب و والفاسد مستسلم للذنب وناسي التوبة ومن أعظم ثمرات التوبة: إنك طول ما أنت بتحاول تتوب فأنت على خير إما تموت وأنت تائب أو وأنت بتحاول تتوب لكن تموت وأنت مستسلم للذنب؟ تلك سوء خاتمة! إياك تبطل تحاول تتوب > منقول.