Mihring, nihna leh pawisa etc thil te hi Pathian aiin a chungnung lo Sakhua, Kohhran tam tak (Van hriatpui lo) te chu dinhmun hlauhawmah an awm ani. Pawisa thawh ngun/ hnemin an Kohhranah zah kai, nihna pek an ni thin. Khawvel takin kohhran hi a kal ani. Kan khawvel em em ani. "Tinge a lang lovin pawisa kha thawh anih mai loh. Kohhran pawisa dawngtu, chhiartu te khan, a petu te hming an kalna leh an hmuh apiang bulah an sawi chhuah thin aw. Pathian duh dan ani ber em, ngaihtuah chian a va ngai em. Pathian kal pelin, mihring kan Pathian ang tih ava hlauhawm em. Mihring pawh kan bang lo, nihna, lansarh duhna luatah, kohhran hi inkhual te lem ang chauhin siam kan tum thin a, kan pawlah (groupism) tam thei ang ber hui kan tum thin". A dik ani Kohhran miten pawisa kan thawh liam liam tur ani. Pawisa tel lovin Kohhran hi a thawh tur angin a thawk hnem thei lo ani. Kawng hrang hrangah i.e rawngbawltu te, biakin, quarter etc pawisa pek chhuah a ngai ani. Kan nitin, thlatin, kumtin thawh hah Pathian ramzau nan kan chhungkhawm thin ani. Chumi bakah a neiin an chhung lut belh zel ani, a va ropui em Pathianin malsawm zel rawh se (ram zauh zel nan ani). "A petu te kha kan hriat a tha ber em tih hi zawhna ani. Mihring rilru chu khawvel thil ngaihsanna ah kan lut hma sia, Kohhran leh khawvel i.e mihring hming hi a inzawm thei lo ani. Mihring rilru chuan indahsan kan duh em em ani. Kan hming an han sawi, an hriat hnem tawh hnuah phei chuan, kan chhungril ah hian Pathianah luh thuk zel lam aiin, engtin zelin nge kohhranah hian kan hming hi chung en anih zel ang tiin kan thluak hi a vir cheng mai ani. Pathian tan, a hming ropui nan kan pek tawh chuan mihring hming lang tawh lo se a tha ber lawm ni". "Mihring hming ni lovin Pathian hming hi ani engtik lai pawha kan chawisan zawk zel tur chu". Pathian (i.e he khawvel kan mihring pui nilo) hi ani tih tak zeta kan lawm a, kan chawimawia, kan engkim tur chu. 🕊️