في أربع أصول ما تخرجش عنهم: - الأولى: ما تمشيش مع اللي أصغر منك وتكبره، ممكن يقلّ منك، يهينك، ويخليك تندم إنك اديته أكبر من حجمه!. اتأكد إنه أصيل وبيقدّر قبل ما تأمنله. - التانية: مهما كنت مزنوق، ومفيش في جيبك، والدنيا قافلة، إياك تطلب من بخيل.. هيزود وجعك، وهيخليك تندم إنك طلبت، أكتر من ندمك على إنك ممعاكش. - التالتة: اللي يديك أمان وثقة، إياك تخونهم، حتى لو على رقبتك. سواء كان سر، علاقة، صداقة، أو مصيبة أو دخول البيوت.. لأنك لو خنت، عمره ما هيأمنلك تاني، وهتبقى فيك - بعد الشر - علامة من علامات المنافق: “إذا اؤتمن خان”. - الرابعة: اختار عدوك بعقلك.. ما تعاديش قليل الأدب، هيصغّرك، ويحرجك، ولو حتى كسبت، هيبقى مكسب بطعم الخسارة.. لإنك نزلت لمستواه، واتكلمت بطريقته، ودّيته فرصة يجيب سيرتك. اللي زيه.. تجاهله، أكرملك!.