- *تعرفُوا المشكلة في ايه وإحنا بنقرأ القُرآن!!* *= المشكلة لما تيجي كلمة فيها حرف مُرقق وبعدها مُفخم، أو العكس كلمة فيها حرف مفخم وبعدها مرقق، لو مش مركز يا بتفخم الاتنين يا بترقق الاتنين ..* - *طب الحل ايه؟* *= الحل إننا هنقطع الكلمة حرف حرف لحد ما نقولها صح وتبقى سَهلة وسلِسة ع اللسان ..* *قول كدا باسم - بسمة، بص نطقت الباء مرققة وحلوة أزااي!* *أومال ليه لما تيجي تقرأ القرآن وتيجي عند كلمة "بصير"* *بتفخم الباء!* *باء فتحة ايه؟ هتلاقي بَ حرف صغنن ورقيق في نفسه كدا* *قول كدا" بصير" تاني، بس حاسب وأنت بترقق الباء ترقق الصاد، وتقول" بسير " متنساش أن الصاد من حروف التفخيم اللي مجموعة في كلمة " خُص ضغط قظ"* *عشان تظبطها قطع الكلمة حرف حرف وبعدين قولها على بعض!* - *أزااي؟* *= بَ صِ 👈 بَصِ 👈بَصِيِر، بَصِير* *بصير، اكيد بقيت شاطر وقولتها صح!* *"إن الله بما تعلمون بصير"* - *تيجي نجرب في كلمة تاني كدا* *قول كدا "تامر" شايف التاء مُرققة وحلوة أزاي!* *ليه بقى لما تيجي تقرأ "خَتَمَ"، بتفخمها وبتقولها خطم ليه!!* *عشان الخاء حرف مُفخم فغصب عنك بتفخم التاء يعني!طب يلا نقطعها سوى، وخلى بالك اوعى ترقق الخاء، عشان الأغلبية بيرققها، قُولها زي خروف مش زي خالد ""* *خَ تَ 👈 خَتَ 👈خَتَمَ* *"خَتَمَ الله ع قلوبهم"، ركز وأنتَ بتقول الآية ع بعض عشان مترققش الخاء ولا تفخم التاء.* *وكذلك في اي كلمة في القُرآن صعبة عليك، قطع الكلمة حرف حرف لحد ما تتظبط وبعدين انطقها ع بعضها، مرة واتنين وعشرة لحد ما تبقى سهلة، ومتنساش تبقى تعلم عليها بقلم رصاص عشان متنسهاش. 💗* تجويد_ع_السريع. ضيّ