*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵↵قلبي الصغير لايتحمل* *❴🔢❵الـــبـــــــــــ❴الثاني❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* اجو اهلي من الشغل وانا كنت قاعدة على تختي وماسكة كتابي وعم هز لقدام ولورا بس علقي ابدا مانو بالكتاب ... صارت اختي فاطمة تسألني انو شبني وانا ماكنت رد .. تاني يوم رحت ع المدرسة وكنت حاول اسرع بالمشي وكان راسي بالارض مشان ماشوف حدا ... مرق يومي عادي بالمدرسة ...وانا راجعة ع البيت كنت ماشية لحالي وعم حاول اسرع مشان ماشوف يلي مابيتسمى ... ولما وصلت من مدخل حارتنا بلشت السيارات تمر ... انا رجعت لورا لبين مايمرقو ... بس يوما اخواتي ماكانو من هي الدفعة .. وبلشو يمرقو سيارة ورا التاني ... طبعا انة منزلة راسي مشان ماشوف حدا ... بس سمعت حدا من السيارات الاخيرة صفر صفرة كبييرة وقال بصووت عاالي ريييتو يكفني يلي جاي المدرسة ... والسيارات كانت ماشية بهدوء يعني الكل سمعوه وانا ماسترجيت ارفع راسي ولا رد عليه .. ماسمعت غيير صووت زمورر جاي من ورا السيارات يعني الصوت معد وقف ... ماشفت غير السيارات كلن وقفوا .. انا قلت شو عم يصير معن هدول .. فجأة ظهر صهيب من ورا السيارات .. وكان عم يزورني .. انا هون هبط قلبي وفكرت جاي لعندي .. بس قطعني ومشي كم خطوة لقدام .. طبعا انا واقفة والكل صارو قدامي ... صهيب صار يصرخ ويقول : مين يلي تبوجق ووحكاها ... محدا يرد ... نزل واحد من سيارتو وقلو : خلص معلم روق .. صهيب مارد عليه وقال : مييين ... نزل شب مبين صغير بالعمر ومانو من ضعيتنا قال معلم هاد انا ... بترجاك سامحني .. ماكان قصدي ماشفت غير صهيب ضربو كف وقعو ع الارض ونزل لعندو وصار يضربو .. ونزل الباقي من السيارات وصارو يفكوهن عن بعض .. انا هون خفت كتير وبلشت ركض ورحت ع البيت ... وصلت ع البيت وانا عم الهت .. هلأ اذا انتو عم تقرو انو شخص ضرب شخص بتلاقوها عادي .. بس بالحقيقة تخيلو حالكم انو في قدامكن شخصين عم يتضرابو والله المنظر بخوف .. فتت عالبيت وانا لوني مخطوف .. طلع بوجهي عمر عمر : شبك مروة مروة : لك وانا جااي هاد صهيب كان علقان مع واحد من رجالو ومبلش فيه ضرب عمر : شوووو ... خضر .. خضر .. طلع خضر وقال شوفي عمر : لك صهيب قال علقان مع واحد من رجالو .. قوم لنشوف شوفي .. فاتو لبسو وطلعو ... وانا هون قاعدة على اعصابي .. خايفة يقلن صهيب انو واحد لطشني وقوم اكل شي قلتة ... وضلو هيك لل١٠ لحتى اجو .. انا ماكنت عرفانة شو اعمل فوت اتخبا ولا روح اسألن شو صار ... شافتني اختي فاطمة اني متوترة ... طبعا انا كنت حاكيتلا كلشي .. فاطمة : خليكي انتي هون وانا رايحة شوف شوفي وبرجع بقلك .. غابت شي نص ساعة ورجعت فاطمة : قومي البابا بدو يحكي معك مروة : اناا .. ليش شوفي .. شوصار فاطمة كان مبين على وجها حزين .. قمت ورحت لعندن وانا قلبي عم يدق بسرعة مليون .. فتت وكانوا كل العادي بالعكس حسيت الكل مبسوط ابي : مروة عرفنا كلشي صار اليوم مروة : اي ابي : انا معد بدي مشاكل من ورا راسك في شخص كان رح يموت بسببك مروة : بس والله انا ماعملت شي ابي : بعرف .. بس انتي حلوة ملفتة للنظر مروة : مافهمت ابي : روحة ع المدرسة معد فيه مروة : شووو .. انت اكيد عم تمزح ابي : لا ما عم امزح .. اصلا الوضع بالبلد خربان ونص المدارس عم تسكر ماوقفت عليكي مروة : بس انا مدرستي مافيها شي .. ليش بدكن تبطلوني ... ابي : هيك .. انا اخدت قراري مدرس معد فيه يعني معد فيه انا صرت ابكي : ماما عمر خضر مشان الله احكو شي كلمة .. طيب خلي حدا من اخواتي يوصلني ويجيبني .. مشان الله كلشي الا المدرسة خضر : لا معنا ولا لحالك .. مدرسة معد فيه يعني معد فيه ... وهاد مابس قرار ابوكي قرارنا كلنا .. مروة : بس ابي : خلصنا بقاا .. قلت مدرسة مافي .. شو بدك تعصيلي اوامري مروة : اكيد لا .. تركتن ورحت ع غرفتي وصرت ابكي من قلب محروق وقول الله لايسامحكن .. حسيت حالي انتهيت خلص كل احلامي تبخرت .. كلشي كنت خطتلو حتى اكبر رااح هباء منثورا .. نمت وانا عم ابكي وصرت ادعي انو الله يغيرلن عقولن ويخلوني روح ع المدرسة وكان عندي امل انو ارجع .. بس للأسف المصاري كانت عامية على قلوبن ويلي اكتشفتو بعدين انو صهيب هو يلي طلب منون انو يمنعوني عن المدرسة .. فقت الصبح بكير .. لقيت ماما وبابا قاعدين عم يشربو متة .. مروة: صباح الخير امي وابي : صباح النور مروة : بابا ماغير رأيك ... ابي : وانا عم قول ليش فايقة اليوم بكير .. لا اطمني مارح غير رأيي وروحي انقبري ع غرفتك واذا رجلك بتخطي عتبة هالباب لاكسرا وعلقا برقبتك تركتن ورحت ع غرفتي وانا عم ابكي .. وضلي هيك اسبوع وانا مكتئبة .. بس لما كنت شوف التفجيرات والقذائف يلي بلشت تصير بسوريا وكم مدرسة تفجرت اعتبرت حالي منون ... وكنت متألمة انو ان شاء الله تخلص هالازمة والسنة الجاي برجع بسجل .. وكنت واسي حالي على طول وقول عسى ان تكرهو شيئا وهو خيرا لكم .. وبيوم من الايام انا كنت قاعدة بغرفتي عم العب ع الكومبيتر ... حسيت انو في ضجة بالبيت وكأنو عنا ضيوف بس ما عطيت اهيمة للموضوع .. بعد شوي بينفتح باب غرفتي وبفوت عمر عمر : مروة قومي عمليلي كاسة شاي وجيبها على غرفة الضيوف مروة : ليش مين عندك عمر : صهيب .. يلا قومي مروة :يلا رح اعملك الشاي واندهلك انت تاخدا عمر : انا قلت انتي فوتيها مروة : ليش من ايمت نحنا بنقدم الضيافة للضيوف عمر : من اليوم .. يلا قمت وانا متأكدة انو في طبخة عم يحضروها من ورا ضهري .. بس ما حزرو .. رحت عملت شاي واخدتا لعندي ع الغرفة كانت فاطمة مروة : فاطمة قومي فوتي الشاي انتي فاطمة : مادخلني وماسمعتي عمر قال انتي ... مروة : حبابي والله ممغوصة كتير وبدي روح ع الحمام فاطمة : ما دخلني مروة : لك مشان الله والله معد استحمل .. وهلأ بتبرد الشاي الله يخليكي فاطمة ؛ طيب هاتي اخدت الشاي فاطمة وانا رحت لاتسمع شو رح يصير اول مافاتت عمر تفاجى فيها وقلا وينا مروة فاطمة : اااه .. تعبانة شوي وماقدرت تجيبا هية عمر : طيب روحي ... يسلمو .. صهيب : انا بالاذن عمر : ع وين معلم لسه ماشربنا الشاي صهيب : مشروبة .. انا رحت هربت ع غرفتي فاتت فاطمة .. وبعد شوي اجا عمر عمر : وليه ليش مانقبرتي فوتي الشاي انتي مروة : ليش شوفيها انا وفاطمة واحد ... عمر : لأ ما واحد مروة : مافهمت انت ليش مصر انو انا فوت الشاي عمر : لأنو ... مروة : كمل لأنو شو . عمر : ماوقتو .. طلع عمر وقالتلي فاطمة : اي الجحش فهم وانتي مافهمتي .. غشمت حالي وقالتلا عن شوو فاطمة : انو صهيب بدو اياكي واجا اليوم لحتى يشوفك .. وشكلو حكيان مع اخواتك مشان هيك طلب عمر منك انو انتي تفوتي الشاي انا هون شي شعل جواتي .. هو اكتر من شعور كره ... مابعرف شو هو هالشعور بس ابدان مانو حب او شعور حلو .. مروة : ههه بس انا ماني موافقة عليه لو بموت ابتسمت فاطمة ابتسامة سخرية بوجهي و برمت وجها ع تاني جهة ... ماكنت فهمانة شو قصدا من هالابتسامة مر يومين والاوضاع بالبيت كتير هادي .. وهاد كان الهدوء ما قبل العاصفة ... المسا كنت نايمة يعني نمت من المغرب وفقت ع اذان العشي .. ماشفت غير الباب اندق ... انا صرت اتطلع من شباك غرفتي ... وفاات وفد كبير كلا من كبارية الضيعة والمختار والشيخ وشفت صهيب معن .. وكان بأستقبالن اخواتي وابي ..انا ابدا ماخطر عبالي انون جايين يخطبوني .. اتطلعت حولي مالقيت حدا .. قمت ورحت ع المطبخ وكانت هنيك امي واختي .. كانت ارض المطبخ وع المجلي سفاط حلو وصناديق فواكه وامي واختي مهموكين وعم يحطوهن بجوط الضيافة انا : امي شو عم يصير .. نمت ساعة فقت لقيت الدني مخروبة امي الابتسامة ماعم تفارق وجها ضحكت وقالت : هههههه قال عاملة حالك مامعك خبر مروة : ع شو ماني فهمانة امي : رح امشي معك انو عاساس مابتعرفي شو عم يصير وقلك انو هدول جايين يطلبوكي لصهيب كانت اكبر صدمة بتلقاها بحياتي : شووووووووو امي : اي .. واخيرا رح افرح فيكي ... لك دخيلا العروس مروة : بس انا ماني موافقة زورتني امي وقالت : اي هلأ قولي هالحكي لابوكي مروة : اي بقلو .. بكلشي فيكن تغصبوني الا بهي الشغلة رحت قعدت بغرفتي وانا هاد البركان يلي جواتي ما عم يطفي ..وكل شوي قوم اتطلع من الشباك وشوف اذا راحو ... بعد شي ساعة سمعت انو راحو .. وطبعا لازم يصير اجتماع للعائلة والشي الاكيد انو يستدعوني لهاد الاجتماع يلي نهايتو محسومة ... فتت ع غرفة الضيوف والكل كانت الضحكة على وجوه الكل ابي : بنتي تعي لحدي رحت قعدت حدو ... وطبعا رح يحكيلي الموشح انو البنت بس تكبر لازم تتزوج ومن هالحكي .. وبالفعل حكي نفس الحكي ابي : يا بابا سمعيني الزواج سنة الكون .. وكل بنت لما تكبر لازم تتزوج وتنستر وانتي يابنتي الظاهر اجا نصيبك مروة : بابا انا صغيرة ابي : لا حبيبتي مانك صغيرة مزال بلغتي يعني مانك صغيرة ... مروة: بابا انا اصغر وحدة بهاد البيت وكمان كل عمري ١٦ ابي : اي يابنتي صح بس اوقات بنتطلب الصغيرة قبل الكبيرة ومالازم نتقطع بنصيبا مروة : بس انا مابدي اتزوج عطوه فاطمة ابي : هههههه يا ابي هو طالبك الك مو طالب فاطمة مروة : اي طلبني وانا ماني موافقة خضر : اي لانو يصحلك واحد متل صهيب دمعو عيوني وقلتلن : بس انا مابدي اتزوج شو الشغلة غصب وكمان هاد صهيب انا مابطيقو وكمان اكبر مني ابي : يابنتي الشب ما بعيبو شب و فكري من هون لبكرا .. بس لاتسوديلي وجهي قدام الجماعة لانو قلتلن عطيتكن اذا الله عطاكن مروة : لك كيف بتوافق وانت ما اخدت رأيي ابي: انا بعرف مصلحتك اكتر منك ولقلك اياها من الاخر رح تتزوجيه لصهيب شئتي ام ابيتي مروة : مشان الله سمعوني ابي : مروة خلصنا انا حكيت يلي عندي ... وجهزي حالك بكرا المسا جايين يكتبو الكتاب .. وبعد اسبوع رح بنعمل خطبة رسمية وتلبيس المحابس مروة : طيب ليش مسعجلين .. مشان الله لك عشو مستعجلين تركن وانا فارطة من البكي ورحت ع غرفتي ضليت ابكي للصبح ... وهي الليلة ما غمضلي جفن .. قمت توضيت وصرت صلي وابكي .. وادعي من قلبي انو الله يخلصني منو ... لما خلصت صلاة حسيت قلبي كتييير مرتاح .. مابعرف شو سبب هالرايحة . نمت وجه الصبح وضليت لبعد الضهر ... حسيت ع امي عم تفيقني امي : يلا ماما قوي حاجتك نوم ...يلا قومي تحممي وجهزي حالك للمسا ... صفنت فيها وما رديت امي :يلا ماما برضاي الله عليكي .. والله الشب مافي منو ومية بنت بتتمناه ...بس هو اختارك الك لانو بحبك ..والله بكرا ليهنيكي ويسعدك ... كمان لاتنسي انو هو مشغل اخواتك .. يعني اذا ماوقفتي عليه بقلعن لاخواتك وبيصفو بلا شغل مروة : الحمام حامي امي : اي حامي ... تقبري قلبي اللاهي .. قمت تحممت وجهزت حالي ... لبست تياب جداد ولفيت حجابي وامي حطتلي شوية مكياج وامي واختي كانو مجهزين الضيافة ... ومابقى الا يجو .. انا بقلبي كنت عم ادعي انو مايجو او يصير معن شي او يموت العريس المهم مايجو ... بعد شوي ما اسمعنا غير الباب عم يندق .. فاطمة : اجو .. اجو .. قلت بقلبي الظاهر مافي مهرب ههههه .. فات وفد كبير من الرجال وفات وفد من النسوان .. وكل قسم قعدو بغرفة ... خلتني امي فوت كاسات العصير للنسوان وفتت ضيفتن وحدة وحدة ... وكانت ضمن هالنسوان امو لصهيب واختو ومرت اخوه والباقي ماعرفتن بس يمكن نسوان عمامو ونسوان خوالو خصلت ضيافة ندهت علي امو لصهيب مشان اقعد حدا .. رحت قعدت حدا ام صهيب : مشاء الله تبارك الرحمن .. شقد عمر حبيبتي مروة : ١٦ ام صهيب : العمر كلو ياحبيبتي... مروة : يسلم عمرك خالة .. ام صهيب صارت تحكي مع وحدة من النسوان يلي اجو معن : والله انا نصدمت لما قلي صهيب مبارح انو بدو يخطب ...وقلو لابوه جهز حالك تروح تخطبلي اياها .. قلتلو يا ابني هيك بتتصرف من عندك .. مابدي شوفا انا بالاول قلي بكرا بتشوفيها بكتب الكتاب رح تعجبك كتير .. يقبر قلبي كان طاير عقلو من الفرح .. ردت عليها المرة : وشو عجبتك العروس اتطلعت فيني حماتي 😅وقالت عجبتني وبس .. الله يهنيك يا ابني صبرت ونلت اندق الباب وفات اخي عمر : مروة قومي معي بدو يشوفك الشيخ... قمت ورجت معو وانا حابسة دمعتي بالغصب .. انا وقفت ورا الباب وهنن جوا الشيخ : يا بنتي انتي مروة ###### مروة : ا... اي انا شيخنا الشيخ : يابنتي بتقبلي بصهيب #### انو يكون زوجك على سنة الله ورسوله بمهر مقدمه مليون ليرة سورية ومؤخره خمس مليون بصراحة انا هون انصدمت بالمبلغ وكان وقتا المليون الها قيمتا هههههههههه . نكعني اخي عمر مشان رد .. كنت جاي ع بالي قلو لأ بس ماقدرت الشيخ : يابنتي ردي لاتخجلي ... لازم اسمع موافقتك بأدني عمر بصوت واطي : قولي اي لا تفضحينا الشيخ : شو يابنتي موافقة مروة : اي .. اي موافقة الشيخ : مين بتريدي يكون وكيلك يابنتي اتطلعت بأخي عمر مشان يفهني السؤال .. قرب مني وهمس وقلي قولي انو ابي هوي وكيلي مروة : ابي هو وكيلي الشيخ : ان شاء الله بالتمام والرفاه والبنين الف مبروك يا بنتي مروة : الله يبارك فيك شيخنا رجعت ع غرفة النسوان وقعدت وانا شاردة تماما وصرت شوف مستقبلي يلي راح بالهوا كان عندي امل انو كمل دراستي .. بس هلأ كل امالي راحت ومعد تخيلت قدامي الا وانا عم ربي ولادي وانا محبوسة معن .. وانا شاردة ماشفت غير وحدة اجت قعدت حدي وهية اختو للمحروس .. واسما ليلى ليلى : ليش هيك خانئة حالك بهل الحجاب بدك اخي يجي وبشوفك هيك مروة : ليش اخوكي بدو يجي ويشوفني ليلى : اي لكن هههه مروة : خلص خليني هيك ليش بدي اشلح الحجاب ليلى ،: ماهو هلأ صار جوزك .. وعادي اذا شافك بلا حجاب ... يلا شلحي ماحلو هيك وبالفعل شالت الحجاب عن راسي وفردلتي شعري ع ضهري .. ليلى : اي هاه هيك صرتي بتجنني .. والله اخي ليطير عقلو فيكي .. ومرت فترة صغيرة وامي وحماتي عم يحكو مع بعض .. وانا قالبة خلقتي وقاعدة ... اندق الباب وفات اخي عمر عمر : الرجال برا ناطرينكم ام صهيب : يوووه ..مابدنا نقعد مع صهيب شوي هو وعرستو عمر : خالة صهيب اجاه اتصال وقال بدون اياه ضروري وراح معو خضر ويمكن ما يرجعو ام صهيب : اي .. لكن ياجماعة بنستأذن بخطارك ياعروستنا مروة : الله معك خالة ام صهيب : شو هي خالة .. بتندهيلي مرت عمو مروة : حااضر مرت عمو .. وبلشت امي تمسيح جوخ من انو خليكن ولسه ما شبعنا منكم .. ومشان الله خلونا نشوفكم ع طول انا تركتن وانا بفرحة عارمة لانو مارح اتسما بوجه صهيب ع القليلة بس هالليلة .. رحت بسرعة عغرفتي وتركت الشقا لمين بقا يعني تنضيف البيت .. بدلت تيابي ولبست بجامة وغتصت بفرشتي وتغطيت منيح .. لانو عنجد عقلي حسيتو تعب قد مافكرت وتخيلت حياتي البائسة يلي ناطرتني وقررت نام مشان وقف شوي عن التفكر ... غمضت عيوني ودغري نمت وبلشت شوف منام حلو انو رايحين رحلة بالمدرسة وانا عم ضب غراضي يلي بدي اخدن ع الرحلة .. وانا عم اركب بالباص حسيت حدا عم يفيقني .. وكانت اختي فاطمة مروة : لك شوبدك فيقتني من منام كتير حلو فاطمة : شو هالسرعة بالنوم .. بعدنا مع الجماعة ع الباب مروة : نعسانة كتير ... فاطمة : اي قومي قومي لاحقة ع النوم ..قومي وصلي القهوة ع غرفة الضيوف مروة : لمين القهوة فاطمة : لخطيبك واخوكي .. عملتلك القهوة مشان ماتنقي بس فوتيها مروة : ما عأساس راحو فاطمة : ورجعو .. قومي خلصينا مروة : حبابة فوتيها انتي انا كتير نعسانة .. ورجعت نمت محلي وغطيت حالي فاطمة : لك قومي بلا جدبة ... كيف خطيبك قاعد وانا بدي ضيفن القهوة .. لك قووومي .. ياربي عجان وعم ينخطبو رفعت الغطا عن راسي وقلتا : قولي لاهلك هالحكي ورجعت غطيتو فاطمة : شو انا بدي لبح قلبي معك انا رايحة قول للبابا نطيت من تختي وقلتلا خلص لاتقولي للبابا هاتي القهوة فاطمة : هيك بدك تفوتي لعندن مؤوة : اي هيك ليكي ما احلاها بجامتي مرسوم عليها لولو كاتي فاطمة : ما دخلني تصطفلي .. حطيت شالي على راسي واخدت القهوة ورحت عغرفة الضيوف دقيت الباب وفتت اتفاجئت انو صهيب قاعد لحالو وبصراحة كتير خجلت وتلبكت مروة : مسالخير صهيب : مسالنور مروة : وينو خضر صهيب : راح ع الحمام .. قربت ضيفتو وانا ادي عم يرجفو ... وحطيت الفنجان التاني على الطاولة وجيت بدي اطلع .. وقف بسرعة ومسكلي ايدي مروة ؛ شبك صهيب : اقعدي معي شوي انا ماني غريب مروة : اااه .. لا ... مابقدر هلأ اهلي بحسو علينا صهيب : ويحسو .. شو يعني ما انتي صرتي مرتي .. يا الله هالكلمة شو قرفتا وشو رعبتني مروة : طيب اترك ايدي تركلي ايدي ورحت قعدت ع الكنبة يلي جنبو وهو قعد مقبالي حطيت راسي بالارض وصر هز برجلي والعب بأدي هو ماحكي .. مبين من طبعو مغرور .. اخد فنجان القهوة وصار يشرب .. صهيب : مطولة وانت عهالحالة مروة : اي حالة ؟ صهيب : عم تطلعي ع الارض وتهزي برجلك .. اذا كتير مشتاقة للأرض قومي شوفيها من غرفتك وبالفعل وقفت على رجلي مشان اطلع صهيب : ع وين مروة : اعمل متل ماقلتلي صهيب ؛ انتي كلشي بتسمعيه بتعمليه . مروة : والله بعيد عنك بعدني صغيرة وجاهلة صهيب : صغيرة اي بس جاهلة ما بظن قعدت واخدت نفس عميق واستجمعت قواي وقلت : ليش انا صهيب : شبك انتي مروة : ليش انا .. يعني ليش انا من بين كل البنات يلي حاوليك ...وبظن بتعرف منيح انو انا مغصوبة ع الزواج صهيب : طيب انتي فكري فيها بتعرفي ليش اخترتك انتي مروة : واضحة متل عين الشمس .. انت كشب عمرك٣٠ سنة مارق عليك كتير بنات ومارق بكتير تجارب ومانك مخلي بنت من شرك ... ووقت صرت بد تتزوج اخترتني لانو انا صغيرة ولسه مالحقت شوف الدنيا قلت هي صغيرة ومابايس تما غير اما وبربيها ع ايدي وبتصير متل مابدي صهيب : بس نسيتي انك كتير حلوة .. وكمان جريئة .. وذكية وبتلقطيها ع الطاير مروة :يعني يلي حكيتو صح صهيب : اي صح ... وهلأ شيلنا من سوالفك المعتة وخلينا نحكي متل تنين مخطوبين تازة مروة : والله ماعندي فكرة عن شو بيحكو المخطوبين او تنين مع بعض بظن انت عندك خبرة اكتر صهيب : عنجد مانك قليلة .. وكل مالك عم تعجبيني اكتر مارديت صهيب : يعني مثلا شلحي هالحجاب .. مابحقلي شوفك بلا حجاب مروة : انا هلأ ماني جاهزة لهي الخطوة ولحد الان ماني معتبرتك خطيبي قام قعد حدي وقال : معك حق تخجلي بس ما وقتو مد ايدو ليشيل الحجاب عن راسي .. انا قمت بسرعة .. بس هو كان اسرع مني ومسكني من ايدي وقعدني حدو ولزقني فيه مروة : لك انت حيوان .. بعد عني هلأ حدا بشوفك من اهلي ماشفت غير هالكف واجا ع حلقتي صهيب : مين الحيوان وليه انا انصدمت من الكف ... وبنفس الوقت نزلو دموعي .. تركتو وقمت عغرفتي وانا عم ابكي .. بس مافي ثواني قمت ورجعت لعندو كان هو عم يحط تلفونو بجيبتو وقايم يروح .. قربت لعندو وقلتلو اسفة صهيب : ع شو مروة : لاني قلت حيوان .. بس انت حط حالك محلي حدا عم يحاول يقرب عليك بصراحة انا هادالشي كتير جديد علي حتى لو خطيبي ومكتوب كتابنا بس مافيني بهل السهولة سلمك حالي قرب مني وطبطبلي على خدي بكفو وقلي : مرقتا هالمرة بس لا تعيدها مروة : مارح تخبر اهلي صهيب : هههه لا رجعت ع غرفتي وانا عم ابكي وادعي عليه انو الله يخلصني منو ... طبعا انا رجعت عتذرت مشان مايخبر ابي او اخواتي لانو رح تصير مصيبة .. نمت وغضيت حالي وصرت خبي دموعي وشهقاتي تحت المخدة .. فاتت فاطمة مشان تنام حست علي عم ابكي ... قربت لعندي ورفعت الغطا فاطمة : شبك حبيبتي ليش عم تبكي مروة : مابدي اياه ... مابدي اياه بكرهو .. بكرهو فاطمة : ياعمري انتي .. والله حاسة فيكي .. والله قلتلن لاهلي انك صغيرة ومحدا يرد علي .. مروة : مشان الله قوليلي شو اعمل .. بترجاكي يافاطمة ساعديني فاطمة : والله مافيني ساعدك بشي خلص انكتب كتابك عليه ومعد فيه تراجع مروة : بتعرفي انو هلأ حاول يضمني .. وانا قلتلو بعد عني ياحيوان فاطمة : يااخ .. هيك قلتيلو .. وشو عمل مروة : ضربني كف متل فراق الوالدين .. بس انا رجعت اعتذرت منو خفت يقول لابي واخواتي فاطمة : منيح انك اعتذرتي ... ليكي حبيبتي بدي قلك شغلة وهية انك حاولي تنبسطي فكري بحفلة الخطبة وفكري بالفستان وفكري بصهيب وحبيه .. وشوفي اديش هو حلو .. واكيد هو بحبك .. حاولي تتدلي عليه واطلبي منو شو مابدك واكيد مارح يرفضلك طلب .. ولا تفكري تعاندي حدا خلص حاولي تخلقي السعادة لحالك مروة : ان شاء الله رح امشي ع نصيحتك .. وينن اهلي يعني نايمين فاطمة: لا سهرانين ع السطح ... مروة : امممم _______________ الصبح كنا مخلصين شغل البيت .. وعم نجهز الفطور .. ونحنا بالمطبخ فاتت امي لعنا وقالت مروة تركي نحنا بنكمل وررحي جهزي حالك لانو صهيب اجا وبدو يفطر معنا اتطلعت فيني فاطمة وغمزتني .. انا ابتسمتلا ابتسامةباردة ورحت لبست بنطلون جينز ديق ولبست فوقو قميص .. ورفعت ادين القميص لفوق الكوع ورفعت شعري بملقط ونزلتو من فوق الملقط ونزلت غرة على خدي طلعت ع المطبخ مروة : امي هيك منيح امي : يا قلبي ما احلاكي .. اي طالعة بتجنني . حطينا الفطور ع الطاولة بالصالون وابي واخواتي وصهيب طلعو ليفطرو ... انا رحت جيب الشاي .. ولما رجعت لقيتن تاركين كرسي فاضي حد صهيب مروة : مرحبا صهيب وبدون ما يتطلع بوجهي : اهلين وصرنا ناكل .. وحسيتو عم يتجاهلني .. ابي : اهلين بالصهر والله .. نورت صهيب : تسلم عمي هاد نورك انا اكلت لقمتين وقمت .. ورحت ع المطبخ وانا مقهورة .. مابكفي ماني طايقتو ولا عم يتجاهلني كمان ع شو شايف حالو ... بس مايكون زعلان من مبارح ... لا ما انا اعتذرت منو ... بس شكلو مانو طايقني .. ليش لحتى يخطبني سمعت ابي عم يندهلي .. رحت لعندن بس مالقيت صهيب ابي : بنتي خطيبك بغرفة الضيوف فوتي اقعدي معو شوي مروة : اي يلا .. دقيت الباب وفتت .. قعدت مقبالو وماحكيت .. صهيب : عفكرة انتي كتير حلوة مروة : اي بعرف ... بس انت هلأ برا ماكنت عم تحكيني ولا تطلع فيني وهلأ عم تتغزل فيني صهيب : مابحب بين قدام اهلك انو مهتم فيكي . مروة : وليش بقا صهيب : هيك مروة : اممم ... بتحب تشرب شي صهيب : لا ..بدي قوم روح اليوم فايق بكير مروة : ليش اي ساعة فايق صهيب : ٨ مروة : ٨ وبكير صهيب : اي بكير لانو نايم الساعة خمسة مروة : طيب ليش فايق بكير صهيب : مشان اجي اتصبح بهالوجه الحلو بصراحة خجلت كتير من حكيو ومارديت صهيب : انا قايم بدك شي مروة : لا سلامتك قام ومشي وانا مشيت وراه .. وصل ع الباب وقبل ما يفتحو مسكني من ايدي وقربني منو .. وباسني بوسة على تمي .. انا هون حسيت كل شعر جسمي وقف ... بعد عني وانا ملخبطة كتير بين خجل وتوتر .. لمسني ع خدي وقلي رح اشتقلك ... فتح الباب وطلع ودع اهلي وراح .. انا بعدني واقفة مكاني .. وبلشت حس بتأنيب الضمير وكأنو عملت شي حرام لانو باسني ... مابعرف شو هاد الشعور بس كتير تدايقت ... طلعت لعند اهلي امي : شو حكيتو .. وانا : ولا شي وصار يمر يوم ورا يوم وصهيب كان يجي لعنا ساعة زمان باليوم .. وانا كنت حاول ضل ع طول بعيدة عنو مشان مايقرب علي مرة تانية ويوسني ... طبعا خلال الاسبوع كنا عم نجهز لحفلة الخطبة ... انا كنت عطول حاول انو كون مبسوطة او ابسط حالي .. بس جواتي كان وجع كبير وانو مكاني مالازم يكون هون .. لازم كون عم قدم الامتحانات .... واجا يوم الخطبة كنت قاعدة ع منصة العرسان وانا لابسة فستان احمر كان عاكس جمالي لانو انا جسمي ابيض .. وعتمي الصغير كان لون احمر من لون فستاتي وبصراحة كل الموجودين كانو متفاجئين فيني ... حتى امي قال جابت شوي ملح ملفوفين بكيس نايلن صغير وحطتلي اياهن بصدري قال مشان العين .. واشتغلت هالاغاني وبلشو هالبنات يرقصو وامي طالعة فايتة ."" مابقولو اذا حدا يفوت ويطلع بقولو شبك متل ام العروس هههههه " وهي امي فايتة وطالعة .. وانا قاعدة اجت لعندي وحدة من زميلاتي بالصف وبعرفا هي بتصيب بالعين .. لانو ضلت تقلي نيالك انتي اشطر وحدة بالمدرسة .. وياريت صير متلك لحتى تركت المدرسة وهلأ الله يستر مدري شو بدا .. عبير ؛ مبروك .. مبروك .. طالعة بتجنني قمررر مروة : الله يبارك فيكي وعقبالك يارب عبير : ان شاء الله بس مارح يجيني متل نصيبك اخدتي احلا واحد بهل الضغية وكمان اكتر واحد رجال بقلبي : تضربي منك الو ... يلا بركي بتطرقو عين وبطير ههههههه عبير : اي قوليلي شو شو شعورك مروة : هههه والله شعور مابينوصف عبير بقهر : ايه .. الله يهنيكي تركتني وراحت .. وبلش يصير ضجة وصارو يقولو اجو اهل العريس انا تلبكت كتير وكمان كان فستاني مكشوف .. خجلت كتير وصرت دور حولي على شي شال حطو على كتافي .. بس مالقيت .. بلشو يفوتو الناس اجت امو تسلم علي واول ماشافتني مسكتني وبلشت فيني تبويس وتصلي ع النبي .. واجت اختو ومرت اخوه وعماتو وخالاتو ونسوان عمومتو الكل سلم علي ... طلعت امو لبرا وفوتت معها صهيب وفات مع صهيب اخواتي .. اخواتي باركولي وطلعو .. وصهيب باركلي وباسني على خدودي وقعد جنبي وصارو اهلو يرقصو .. وهو قرب من ادني وهمس : تخيلتك انك تطلعي حلوة كتير بس ماتخيلت لهل الدرجة انا خجلت كتير وحسيت برعشة بجسمي حتى بين هالشي على اديي كيف برغلت 😅😅😅 صهيب : بردانة ؟ مروة : لا .. بس متوترة شوي صهيب : اي بنرجع لموضوعنا مروة : اي موضوع صهيب :عن العيون الحلوة .. ولهل البشرة البيضة يلي متل التلج ... ولا النعومة متل الاطفال .. ولا شو بدي احكي عن التم متل حبة الفريز ويلي انا مشتهي اكلها يا الله كلامو شو دوبني من خجلي ... صهيب : شبك ليش هيك حمريتي مروة : بكفي حاج تتغزل فيني والله دبت من خجلي صهيب : لا شو تدوبي .. خلص معد احكي برم وجهو وصار يتطلع ناح المعازيم ... اتطلعت عليه اشقد كان حلو واشقد انعجبت فيه .... انا صار فيني متل عيني فيه وتفو عليه هههههه اجت امو قومتنا مشان نرقص .. وقمت صرت ارقص معو وكنت عم اتطلع فيه وابتسم متل الجدبة خلصت الحفلة .. وهو وصلني ع البيت بسيارتو ساعدني لحتى نزلت وفتنا ع البيت صهيب : بدلي فستانك وتعي مشان نكمل السهرة مروة : يلا صهيب : بس لاتقربي على شعراتك ومكياجك مروة : اي يلا 🥰🥰 فتت ع غرفتي وفاتت معي امي واختي لحتى يساعدوني اشلح الفستان فاطمة : شوووو .. ما عأساس مابدك اياه ومابتحبيه ومابدك تتزوجي .. شو شايفة ضحكتك لورا ادانك مروة : اي انتي ما دخلك امي : خلص فاطمة ... تركيها نحنا صدقنا تفرد خلقتها شوي شلحت الفستان وامي لبستني كنزة نص كم وتحتا تنورة قصيرة .. ورحت ع غرفة الضيوف مالقيت حدا .. طلعت ع غرفة القعدة لقيت بابا واخواتي ابي : مبروك يا مروة تعي يابي تعي قربت لعندو بستلو ايدو وقعدت حدو ابي : شايفة يابي انو صهيب مافي منو مروة : الله يخليلي اياك بابا طول عمرك بتعرف وين مصلحتنا اجتو رسالة لخضر فتحا وقام طلع ابي لعمر : ع وين راح اخوك عمر : مابعرف فات خضر هو وصهيب ... قرب صهيب سلم ع ابي وابي باركلو .. واجا صهيب قعد بيني وبين ابي وصار كل شوي يميل لعندي شوي ابي : مروةابي وصار كل شوي يميل لعندي شوي 7سحب لونو زهر (تزكرتوه 😂) مروة : هدول الي 😍😍 صهيب : الهاتف اي الك بس الكاتو الي والك . مروة : انا رايحة جيب صجون وشوك صهيب : لا تتأخري مروة : لا 😊 جبتن .. وهو قطع قطعتين وقرر انو هو يلي يطعميني بأيدو .. طماني اول لقمة ... وبصراحة كانت كبيرة على تمي .. وتمي صار كلو كريما ... سحبت محرمة مشان مسح تمي .. بس هو سحب مني المحرمة وقلي انا بمسحن .. قربها ومسح شوي من جنب تمي .. حط المحرمة على الطاولة ... قلي هاد ما بينمسح هاد بيتاكل ..ماشفتو غير قرب من تمي و ************ بعد شوي مروة : انا خلص معد بدي اكل كاتو صهيب : ليش والله هالكاتو كتير طيب 🙂🙂 مروة : لا خلص معد بدي كل شوي بتتحجج بالكريما يلي ع تمي وبتبوسني صهيب : مشان هيك طيب هههه اتطلع بالساعة وقال : يلا صار لازم نروح ع الشغل .. اطلعي اندهيلي لاخواتك مروة : يلا صهيب : حاسسك ماصدقتي ايمت روح مروة : هههه لا مو هيك .. بس مابخبي عليك رح موت من النعس صهيب : حقك علي .. يلا تصبح على خير ياحلو *-↵يـتـبـع* 🤎