*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵↵الباشق* *❴🔢❵الـــبـــــــــــ❴الثاني❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* ضلو شوي صافنين ببعض.. بس لونا ماحست شي تجاهو ابدا صح اول ماسمعت اسمو نقز قلبا.. بس بعدين صار شعور عادي.. كسرت حاجز الصمت هية وقامت لعندو وقالت : سبحان الله لو ما عرفتني عليك الاء ماكنت عرفتك... مدت ايدا وقالت كيفك هو مد ايدو وكان عم يتطلع بعيونا وقلبو عم يخفق بسرعة : وقال الحمد لله الاء : كأنو سمعت سامي عم يقول ياحضرة الضابطة التفتت عليها لونا وقالت : صح.. كملت داستي ودرست حقوق والتحقت بالشرطة سامي : بكندا؟ لونا : لا هون.. انا ماطلعت من البلد سامي : كيف هيك.. ومرت عمك ق.. قاطعتو لونا وقالت : مرت عمي وحدة كذابة.. ومستغربة كيف صدقتوها سامي : لكن وين كنتي لونا : مابقدر احكي.. بس فيكن تقولو كنت محجوبة عن العالم وماكنت قدرانة اوصل لحدا.. ولما تحررت اول ناس رحت لعندن هنن انتو بس مالقيت حدا بالبيت.. مشان هيك قررت امشي بطريقي لحالي.. مو لانو مابدي حدا.. بس مافي حدا.. بس تعرفت ع ضابط وامو وعاملوني متل بنتون.. وهلأ انا مستقلة لحالي ام سامي : وين كنتي يابنتي احكيلي لونا : خالة قلتلك ما بقدر احكي ام سامي : يعني مرت عمك حبستك وعزبتك لونا بسخرية : هه هيك شي سامي حس انو في شي بحياة لونا ما كان طبيعي وزعل عليها... كيف هيك دغري صدق.. كان لازم يتأكد بنفسو.. عأساس هو يحميها وين راح وتركها لونا حست بشو عم يفكر سامي وقالت : بشو صافن سامي سامي : اااه ولا شي.. بس انتي كان معك ارقامنا لونا : ماكان معي تلفوني.. وبتعرفني انا مابحفظ ارقام اذا رقمي ما تذكرتو.. وحاولت اعصر مخي كتير.. بس ماقدرت اتصل فيكم.. المهم مو مشكلة هي الحمد لله شفتكم بصحة وسلامة.. وانا كتير مبسوطة اني شفتكم من جديد بصراحة بعد مضي ١١سنة فقدت الامل انو ارجع شوفكم.. بس سبحان الله مصير الحي يتلاقى ام سامي : اي والله فاتت الممرضة ومعا البيبي لونا :ياحبيبي... ياحبيبي.. قربت منو وباستو... لونا : ياعمري انت.. مشالله مشالله.. الله يحميه ويلخليكن اياه قربت الممرضة وعطت الطفل لامو.. حملتو بكل حب وحنان.. ومؤيد قعد حدا ضما هية والبيبي.. لونا حست بحرقة بقلبا لما شافت هالمشهد.. مدري ليش خطرلا انو هية بحياتا مارح تكون ام ولا رح اتكون عيلة... اتطلعت بسامي وقالت : انتي كمان عندك طفل مو هيك سامي بتلبك : اي صح.. لونا : وشو سميتو سامي: سليم لونا :عنجد.. اسم حلو.. واكيد هو حلو متل امو وابوه نوال : تسلمي حبيبتي.. هيدا من زوقك لونا : الله يسلمك رن تلفونا وكان اللواء.. قالت بقلبا جيت بوقتك لونا : الو... اي احترامي سيدي... اسفة اسفة.. مسافة الطريق.. وسكرت لونا : انا اسفة صار لازم فل.. بس اكيد رح نرجع نلتقى مرة تانية ام سامي وطول العمر ان شاءالله طلعت لونا ورقة وقلم.. وقربت على الطاولة حطت الورقة وكتبت عليها عنوانا ورقم تلفونا وعطتون لام سامي لونا : هاد رقمي.. دقولي واعزومني لعنكن ههههههه قربت ضمت الاء وام سامي ورجعت باست البيبي.. وسلمت على سامي ومؤيد ونوال بالايد وطلعت.. كانت ماشية وعقلا مو معا ابدا.. في شعور غريب كان بقلبا.. فرحانة كتير لانها لقتون... بس سامي يلي عأساس كان حب طفولتا ما حست شي تجاهو ابدا بالعكس فرحت لانها شافتو متزوج.. حاولت تنقهر.. بس مافي بنيتها هيك شي ابدا... طلعت بسيارتا وضحكت وقالت : ههههه لكن انا كيف قدرت حب سامي وركان بنفس الوقت.. هههه مو لكون بحبون بالاول.. بس انا لما فقدت الامل انو معد لاقي سامي رحت لعندركان وقلتلو بحبك.. يمكن مشان امن على شخص حبو ههههههه... العما كنتي ما اغباكي يا لونا.. يمكن كنت مفكرة انو الشغلة مكسب ههههههه.... رجعت انمسحت الضحكة من على وجها وقالت : يمكن حبيتون.. ولو حدا كمل معي كنت حبيتو متل مؤيد والاء... بس يمكن قلبي وقف ومعد بدو يحب حدا... اصلا معد حسيت اتجاه حدا شي.. يمكن قلبي ماات هه يلا بكون احسن _________________________ بالمشفى كان سامي مصدوم تماما.. ومانو عرفان شو يعمل.. سامي عم يفكر انو هو وعدا يحميها ويضل جنبا.. بوقت كانت هية بحاجتو هو كان عتبان عليها كيف تركتو وراحت سامي: انا معقول غلطت.. معقول انا يلي فرطت بحب عمري.. هية ما راحت ع كندا. اصلا لو كان بدا تروح كانت خبرتني.. لك كيف صدقتا لمرت عما.. بس بعد شوو.. يلي صار صار. صار يتذكر ########فلااااااش_بااااااااك######## نايمين الاء ولونا بطح على بطنن جنب بعض وكل وحدة معها كتاب.. فتح سامي الباب بدون ما يدق.. وبسرعة تجلسو الاء : كيف هيك بتفوت بدون ما تدق سامي : مافي حدا غريب انتي اختي وهي حبيبتي وزوجتي المستقبلية حمرت لونا من الخجل وما حكت الاء : شو بدك سامي : بدي فنجان قهوة.. معد ركزت من كتر الدراسة الاء : مادخلني روحي اعمل لحالك سامي : بليز لولو لونا؛ انا بعملك حبيبي الاء : خلص انا بعملو ريحي جمالك انتي سامي :الله يخليلي اياكي ي ا احلا اخت طلعت الاء وقرب قعد جنب لونا حط ايدو على كتفا وجذبا لعندو سامي : اشتقتلك يا قطة هية خجلت وما حكت.. بعدشوي انقطعت الكهربا.. ولونا خافت وضمت سامي لونا :لاااا ياربي بخاف من العتمة سامي : لا تخافي حبيبتي انا جنبك ضما اكتر وصار بأيدو يلمسلا على شعرا.. بعدين على خدا.. حط اديه التنتين على كتافا وفتلها لعندو وصارت مواجهتو.. واستغل الفرصة انها مستسلمة فتلها لعندو ونزل لعندا وطبعلا بوسة على تما.. هية بسرعة ضربتو كف وبعدتو عنا وقامت من حدو بسرعة بهل الاثناء اجت الكهربا لونا:ليش.. هيك عملت.. لييش.. انا مأمتنلك وانت هيك بتعمل معي سامي : لونا حبيبتي والله ماقصدي لونا : لا قصدك.. انت واحد كذاب.. انا بكرهك سامي : انا اسف والله معد عيدا لونا: بعد شووو.. ااه قلي بعد شوو سامي : يعني مابدا كل هالشي كلا بوسة.. بصراحة شفتا بفلم وحبيت جربا معك لونا : بلله شوو.. بوسة.. واذا طلعت حامل انا شو اعمل بحالي يا استاذ سامي سامي متل مانو مستوعب قال : شو قلتي لونا عم تبكي : لك بركي طلعت حامل.. شو بدي اعمل سامي : لونا عم تحكي جد؟؟ لونا : شو مفكرني عم امزح سامي انفجر من الضحك : ههههههههههههههههههههه لونا : لك فوق عملتك عم تضحك سامي : لك يا جدبة هي كلا بوسة يعني مابتحبل لونا :يعني مابحمل سامي : هههه اكيد لا يا مجنونة لونا حست حالا غبية : خلص حاج تتمسخر.. قوم من هون سامي : لا والله ما عم اتمسخر بس ما توقعتك لهل الدرجة غبية لونا : سااامي بكفي قام سامي وطلع وهو عم يضحك #ذكرة تاني فايت من باب المشفى هو والاء سامي : لو سمحتي غرفة المريضة لونا وين الممرضة : بالطابق التاني سامي :يعني طلعت من العناي الممرضة : اي حطيناها بغرفة عادية طلعو لعند لونا... كانت نايمة على التخت وشاردة والدمعة عالقة بعينا كان جنبا عما ومرت عما سامي : شو عمو كيفا عما : من اول ماعرفت انو اهلا ماتو وهية على هالحالة ما عم تحكي مع حدا قرب سامي والاء قعدو حدا طلع عما ومرت عما سامي مسك ايدا وقال : لونا ياروحي.. بترجاكي لاتعملي هيك بحالك.. انا جنبك والاء جنبك وكلنا جنبك لونا بصوت خفيف : بس اهلي مانون جنبي سامي : هيك الله بدو ما ردت سامي والاء صارو يحكوها وهية ما ترد.. بس صافنة وعم تبكي ع الصامت #ذكرة تانية بعد فترة كانت طالعة من المشفى وراحو يزورها بالبيت فتحتلون مرت عما الباب.. ودخلتن لعندا وهية عم تتأفاف اتطلعت عليها لونا بطرف عينا زورتا ودارت وجها سامي : كيفك لولو لونا :منيحة سامي : شوفي بينك وبين مرت عمك لونا : مابعرف.. شيلنا منا ماني طايقتا ولا طايقة وجودا الاء : انتي كيفك شلون صرتي لونا : عايشة من قلة الموت الاء : جاين نخبرك انو سامي نجح بالكالوريا وجاب معدل عالي لونا : عنجد الف مبروك.. وشو بدك تسجل سامي : اكيد طب... وانتي يلا شدي حالك المدراس رح ترجع تفتح لونا بأبتسامة حزن : رح تعلمني متل هديك السنة سامي : اكيد.. انا مارح اتركك لا بحياتك ولا بدراستك ورح ضل طول عمري معك وجنبك لونا : الله لايحرمني منكن ###########بااااااااااااك####### سامي: خذلتك يا لونا وخذلت حالي.. بس لازم اعرف مرت عما شو عملت فيها.. __________________________ وصلت لونا ع الفرع.. وفاتت بوجها لعند اللواء اللواء : اهلا لونا ليش تأخرتي لونا :سيدي كان الدكتور مشغول لحتى فضي وشفت شو وضع المريض اللواء : وشو لقيتي لونا : ولا شي.. بس اكيد كان معن واجتو رصاصة ووقع ومحدا اتنبه عليه اللواء : اتأكدي بس مايكون فخ لونا : لا تخاف.. ماخدة احتياطاتي اللواء : بالتوفيق لونا: شكرا ضربتلو تحية وطلعت.. شافت ركان بالكوريدور ركان : كيفك لونا لونا بدون نفس : منيحة ركان : لونا شبك وقفت لونا واتطلعت فيه وقالت : كنت طالعة اندهلك الصبح.. وسمعتك عم تتقاتل انت ومرتك بسببي ركان اتلبك وقال : شو سمعتي بالظبط لونا : ياحضرة الرائد انا بوقتا كنت مريضة نفسية وماكنت عرفانة حدد مشاعري.. لقيتك مصدر امان وفكرت حالي حبيتك.. والحمد لله انك رفضتني.. ولما كملت علاجي اتأكدت انو الشي يلي جواتي تجاهك ماكان حب وانا رحت اعتذرت منك... وعأساس كلشي انتهى بوقتا... بس الشي يلي ماني عم افهمو شو مصلحتك تقول لمرتك... انو شغلة اتنهت وراحت.. ليش لحتى تقلا... ولا عم تتباهي انو عندك معجبين ركان : لونا انا موهيك لونا : عطيني سبب مقنع تحكيلا... انا امنت فيك وعأساس القصة ماتت بأرضا.. ليش لحتى ترجع تفتحا وتحطني بهل الموقف بنظر مرتك... وانا عم قول ليش بحس دلال مابتحبني... وهلأ عرفت السبب... اااه بس ما تكون قلتلا شو قصتي ووين كنت ركان : لونا سمعيني لونا : مابدي اسمع حدا.. وانت ما غلطت.. وانا من اليوم ورايح رح تكون معاملتي معك كضابط اعلى مني واحترمك وبس ... مشان المدام دلال ما تفكر غلط ركان :لونا تعالي خلينا نحكي لونا : اسفة حضرة الضابط بس عندي شغل ضرب تو تحية ومشت ______________________ المسا ببيت ركان فات ركان مقهور ومزعوج وفات ع غرفتو كانت دلال قاعده على التخت وابنا بحضنا عم تنيمو ركان : بتعرفي شو.... انا غلطت لما فكرت انك بتحبيني دلال : ليش انا شو عملت ركان : اعتبرتك الشخص يلي ممكن احكيلو كلشي بقلبي وانا مرتاح الظاهر حبيتك زيادة عن اللزوم ووثقت فيكي كمان زيادة عن اللزوم دلال : فهمني شو في ركان : لونا اليوم سمعت كلشي.. كانت جاي تندهلي لنروح سوا ع الشغل وعاتبتني ليش حكيتلك وانو انتي بتعرفي قصتا.. بتتذكري لما قلتيلي شو قصة لونا.. وانا لانو بحبك وبوثق فيكي وماحبيت خبي عنك شي حكيتلك كل قصتا.. وانت استلمتيلي قصة انها كانت تحبني وتهتيني فيها ع الطالعة والنازلة... لحتى سمعتنا... دلال : شو خايف على مشاعرا للخانم.. اذا كل هالقد متأثر فيها روح لعندا ركان : هيك انتي طول عمرك تفكيرك محدود ومابتفكري غير بحالك.... حطي حالك محلي اليوم لما قالتلي امنت فيك وانت خذلتني.. ماعرفت شو رد عليها دلال : من الاخير لوين بدك توصل من كل هالشي ركان : فوق ما لازم تعتذري وتقولي خلص انا معد دايقك بقصة لونا... لأ بتطلعي علي بالعالي دلال : وليش لحتى اعتذر منك.. ومشان مين حبيبي مشان هي.. يلي جبتوها من بيت دعارة ركان بصوت عالي : لك اخرسيييي.. سكتت وحست على حالا غلطت حطت ابنا على التخت وقامت لعندو وقالت : انا اسفة حبيبي ركان : مابدي منك شي... بس عيفيها لهل البنت وحاج تضلي تحكي عليها حرام عليكي حرام تركها وطلع ____________________________ كانت واقفة على البلكون... ساندة حالا على الحيط وعم تتفرج على السيارات.. وبأيدا سيجارة شاعلة عم تدخن... كانت سارحة انو كيف شافت عيلة سامي بعد كل هالسنين وفرحت انها ماحست اي شي تجاهو.. وركان ماكانت حاملة اي حقد بقلبا.. بس هية مابتقدر تضل ساكتة انو سمعتون عم يحكو عليها وتضل ساكتة.. وصارت تتذكر اهلا.. وافكار كتير مشوشة.. صار الباب يندق راحت فتحت وكان سامي.. ما تفاجئت وتوقعت انو يجي لونا :اهلادكتور سامي تفضل دخل وسكر الباب وقال : لونا سامحيني لونا : على شو سامي : ع كل شي ولانو خذلتك وما سألت عنك لونا : هههه لا تفكر بهي الطريقة وانا ماني عتباني عليك.. وماني زعلانة منك ابدا سامي :بس انا زعلان من حالي لونا : مشت قدامو ع الصالون وقالت اذا مشاني لا تزعل وتعذب حالك لحقا وقال : اكيد مشانك.. لونا انا لليوم بحبك لونا : هشششش... لا تكمل لاوتنسى يادكتور انك متزوج سامي : صح متزوج بس مابحبا لونا : مابهمني شوفي بينك وبينا.. المهم عندي انو انا مابحبك سامي : كذابة.. انا متأكد انك بتحبيني لونا: هههههه يا دكتور لاتنسى مين بكون ولو بدي اياك كنت خلال ساعتين عرفت وين انت ورحت لعندك.. بس انا مابحبك وهاد دافع تاني ماخلاني دور عليكم سامي : شو الدافع الاول لونا بكل برود قالت بتحب تعرف سامي : ياريت رن الجرص لونا : طفت السيجارة يلي بايدا بالطفاي وقالتلو ارتاح لشوف مين راحت فتحت وكان ركان لونا : اهلا حضرة الرائد تفضل ركان : بترجاكي بلا هالرسميات لونا : اجلي نقاشك لبعدين عندي ضيوف ركان استغرب : ضيووف لونا : اي ليش مستغرب ركان : لانو محدا بيجي لعندك.. لونا : وصار يجي بتحب تفوت ولا لأ ركان : اي بدي فوت لونا : تفضل فاتت هية وركان وسامي وقف لونا : بعرفكم على بعض الدكتور سامي الرائد ركان. ركان : اهلا سامي : اهلا فيك لونا : سامي رفيق طفولتي.. وشفتو اليوم بالصدفة.. وهو نفسو دكتور المتصاوب ركان : تشرفت بمعرفتك دكتور سامي : وانا اكتر حضرة الضابط لونا : اي وين كنا.. اي صح بدك تعرف شو هو السبب يلي ماخلاني دور عليكم.. السبب هو انو كنت خجلانة من حالي سامي : من شو كنتي خجلانة لونا : رح احكيلك بس بتمنى ماتخذلني وتخلي سيرتي علكة عكل لسان (وكانت قاصدة ركان وعم تسمعو) ركان : عن شو عم تحكو لونا : سامي بدو يعرف ليش كنت مختفية كل هالسنين والسبب هو انو كنت خجلانة.. لانو فكرت معد حدا يتقبلني لانو كنت ببيت.. ركان :لونا بكفي لاتكملي... وليش لحتى عم تحكيلو لونا تجهالتو وقالت : ببيت دعارة.. مرت عمي باعتني لشبكة دعارة انصدم سامي وقال : شوووووو ركان : لونا بس انتي.. لونا : بس انا شو.. خلص مافتت عهداك البيت لبستني التهمة وصرت منون حتى لو اني بريئة سامي : لونا عم تحكي جد لونا : اي.. مستغرب؟ سامي:بشرفك لا تمزحي لونا :ليش لحتى امزح... وهي الضابط ركان فيك تسألو.. شو يا ركان مو لقيتوني مدري على اي طريق وكنت على وشك الموت.. بسبب الاغتصاب وقف ركان وهو مقهور ومسكا من دراعا وقال انتي شو هالتخبيص يلي عم تخبصيه.. ومين حضرتو لحتى عم تحكيلو هي الشغلات لونا : بكون حبيب طفولتي... وحب يعرف وين كنت وليش ختفيت فجأة ومرت عمي المصون طلعت مخبرتون انو رحت ع بيت جدو بكندا تركا ورجع ع مكانو.. سحبت سيجارة وولعتا سامي واضحة الصدمة على وجهو وصافن بالارض وشابك اديه ببعضن فجأة قام وراح لونا ما حكتو شي ومامنعتو ركان : شو كأنو ما عجبو حكيك لونا : بكون احسن.. واصلا هو متزوج ركان : ليش هيك قلتيلو لونا : ع شو ركان : لا تغشمي حالك.. ليش كذبتي عليه لونا: بشووو ركان : قلتيلو انك كنتي ببيت دعارة وانو اغتصبوكي لونا : ليش مو هاد يلي صار ركان : بس في نقطة مهمة انك بعدك عذارء لونا : يعني كلشي مريت فيه وهلأ جاي تقلي عذارء.. الاغتصاب الجدسي والنفسي.. ما اسمون اغتصاب.. الضرب يلي اكلتو واثار الكرباج يلي معلمي على جسمي مااسمو اغتصاب.. ولا بس عنكن الاغتصاب هو الجنسي. ركان : هه.. بس يا انسة هو هلأ فكر انو اغتصاب متل ما كل العالم بتعرفو.. وبكون حمل حالو المسؤولية ويمكن يرجع يتعلق فيكي اكتر.. يعني اذا كنتي قاصدة بهل الحكي انك تطفشيه فأنتي غلطانة.. انتي عم تستعطفيه صفنت لونا بحكي ركان.. ولقت فيه وجهة نظر لونا : لو سمحت ركان تركني لحالي طلع ركان وراح ع بيتو.. بس حس بغيرة من سامي.. كانت مرتو ناطرتو.. دلال : شو كنت عندا عم تترضا خواطرا ركان : اي كنت عندا ارتحتي دلال : بدي انت ترتاح ركان : انا برتاح لما بتضبي لسانك جوا تمك وحاج تنكدي..عفكرة انا لونا بحياتي ما اتطلعت عليهاغير اخت بس طول ما انتي عم تزني حاسس حالي رح صير اتطلع عليها بنظرة تانية اخد مخدة وحرام وطلع ع الصالون _______________ لونا عم تدخن وصافنة بحكي ركان.. انو معو حق.. لونا : شوو هلأ يالونا... خلص اذارجع فتح الموضوع رح قلو حقيقتي.. ______________________________ بمكان تاني صفت سيارة سودة قدام فيلا كبيرة ومليانة حراس.. نزل منها شب وفات وقرب من باب الفيل الحارس: فتشو منيح.. وبعدين فوتو وصلو على غرفة بالطابق التاني.. دق الحارس الباب فات.. وضل هاد الشخص برا.. بعدين طلع وقلو الباشق بأنتظارك ظبط تيابو.. وفات.. كانت الغرفة مصممة تصميم مكتب.. وكانت كتير فخمة.. وفي ورا طاولة المكتب كرسي مفتول ع الجها التانية.. ومامبين مين قاعد عليه.. طلع صوت من ورا الكرسي عم يقول : شو جبتيلي اخبار عن الشخص يلي فقدتوه ليلة مبارح الشب واسمو جلال: اي.. طلع متصاوب وهو هلأ بالمشفى بين الحياة والموت الباشق : والشرطة؟ جلال : حارسين الغرفة.. بشكل مكثف الباشق : خلصو عليه جلال : بسس فتل الكرسي الباشق.. وكان شب عادي لا يغركن الاسم 😅 طولو عادي وجسمو عادي.. مع انو عمرو فوق التلاتين بس مبين اصغر من عمرو.. كان وجهو حلو.. بس في حدة بعيونو.. ومن نظرة عيونو مبين انو شخص مشراني.. المهم بنرجع للحوار الباشق : بس شو يا جلال جلال : سيدي عم قلك الحراسة مكثفة الباشق : اذا اتطر الامر اقتلو الشرطة.. والشب جلال : امرك يا بيك الباشق : ما قلتلي مين مستلم قضيتي ههههه جلال : الرائد ركان الباشق : هههههه ومالقو غيرو جلال : مابعرف سيدي.. بس خبرت كمان انو معو ملازم اول كمان الباشق : هههه كمان جلال : بس الملازم اول بنت الباشق : اممممم.. وماعرفتلي كيف كشفو الكامين تبعنا جلال : لا سيدي.. الباشق : اكيد ركان تطورت مهاراتو وصاير عم يفكر منيح.. اصلا انا بعتلون موعد هي الشحنة كتجربة.. مشان اعرف اشقد صار مستوا تفكيرون جلال : شو بتأمرني هلأ الباشق : ولا شي انقبر من وجهي.. ولاتجي غير لما تسمعني انك خلصت عالشب جلال : حاضر ___________________________ الصبح.. بالفرع لونا ناطرة اللواء بمكتوبو اجا اللواء واتفاجئ فيها ناطرتو اللواء : خير لونا شوفي.. ليش ناطرتيني.. واتصلتي فيني اجي بكير لونا : سيدي انا احساسي انو الشب يلي عنا اكيد رح يصفوه اللواء: شي اكيد بس نحنا اخدين احتياطتنا وكثفنا الشرطة لونا : سيدي انا مابعرف مين هاد الباشق بس اكيد مانو سهل ابدا.. والشب رح يموت يعني رح يموت *-↵يـتـبـع* 🤎