*📚قصص||روايات||منوعة📚* _*بإدارة 📚قصص||روايات||منوعة📚*_🧡 *❴📖❵↵الباشق* *❴🔢❵الـــبـــــــــــ❴السابع❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:قناة:* *📚قصص||روايات||منوعة📚* *❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *https://whatsapp.com/channel/0029VaNMcGuHFxP9VtPQOm2A* *📚قصص||روايات||منوعة📚* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *يمان سعيد* 🧡 ➖➖➖➖➖➖➖➖➖ *❴📝❵↵تـنـسـيـق:قناة:* *📚قصص||روايات||منوعة📚* https://whatsapp.com/channel/0029VaNMcGuHFxP9VtPQOm2A *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* قرب ركان من لونا لحتى يبوسا بس هية بسرعة دفشتو عنها لبعيد وصرخت بوجهو ... ركاان شو جنيت ركان : لونا انا... لونا : لا تكمل ... ركان انت اخي .. ويلي عم يصير معك هو تعب ع فراق زوجتك ... مشان هيك روح لعندا ... لاتدخلوني بقصصكن بترجااااك ... خلوني بعيدة ... انا مابدي حدا .. مابدييي حدااااا ركان : حس ع غلطو وقال : لونا انا اسف سامحيني لونا : مابسامحك لحتى تروح تراضي مرتك وترجعا ... انتو بتحبو بعض ركان : خلص رح رجعا اذا هالشي بريحك لونا : رجعا لانو انت بحاجتا موولانو بريحني اوكي ركان : اسف مرة تانية سكتت شوي وبعدين حكيت : بعرف انك مضغوط هالفترة ... بس مو انا يا ركان .. انا ماني بنت ليل لحتى تنسيك همك ركان : بس انا ماهيك فكرت فيكي لونا : مابهمني كيف فكرت.. وهلأ ياريت تروح لانو تعبانة وبدي ناام طلع ركان ع بيتو .. ولونا رجعت ع غرفتا لبست كفوف الملاكمة ورجعت تضرب الكيس وهية بقمة غضبها لونا : بكرهكن .. بكرهكن ... انتو جنس ادم كلكن _____________ تاني يوم فاقت وكان جسما كلو معضل لانو لعبت فوق طاقة جسما .. وكانت تعرق وتبرد .. قامت من تختا بصعوبة .. راحت غسلت وجها ولبست تيابا وراحت ع الفرع ______________ ببيت سامي سامي نايم ... اجت نوال لجنبو ومعها قهوة نوال : سامي حبيبي فيق فتح عيونو وشافا وابتسم ابتسامة عريضة واتجلس .. نوال : صباح الخير حبيبي سامي : يسعدلي هالصباح نوال : شو كيفك اليوم حبيبي ان شاء الله تحسنت سامي : اكيد بقربك مني بدي اتحسن .. بس عنجد ملاقي حالي منيح .. وعم فكر روح ع المشفى اليوم نوال : طيب بلاه هالمشفى سامي ؛ امممم... طيب ياستي وبلاه جمعة كمان نوال : شو بدنا نعمل بهل الجمعة سامي : بدي نروح انا واياكي وابنا ع الشط اسبوع نغير شوية جو .. شو رأيك نوال : والله ياريت من زمان متمناي نروح مشوار سامي : لكن جهزي كلشي وبكرا ان شاء الله بنروح ضمتو بقوة وقالت الله يخليلي ايااك ولايحرمني منك سامي : ولا منك يارب ( صح اوقات بكون قلبنا مع شخص تاني والقدر خلانا نكون مع غيرو .. بس الاحترام والوفاء والاخلاص من الشخص التاني بكونو عم يعوضونا كتير عن الحب لانو الحب مانو كلشي ... والانسان ما بيكتشف هالشي الا لما يمر عليه شدة ومابلاقي جنبو الا شريكو ... وبوقتا بيكتشف شو يعني شريك حياتو ) _______________________ ركان كان مقهور كتير من تصرفو مع لونا مبارح ... وحس على حالو اشقد هو حقير ... وانو تفكير صاير كتير سلبي وملخبط يمكن بسبب الخلافات يلي كانت تصير بينو وبين دلال وكمان لما تركتو .. هو بحبا وبحبا كتير .. بس اخر فترة حس انها صارت مملة كتير وقرر يتقرب من لونا لانها حلوة و واعية ومتفهمة وشكو انها بعدا بتحبو ... وكان طول الليل عم يفكر ولقى حالو بحاجة مرتو كتير .. وقرر يروح لعندا ويعتزر منها ولازم يقعد هو واياها ويتفاهمو ويحلو مشاكلن _________________ فات جميل لعند لونا ع المكتب ومعو وراق وشريط كاسيت وقال : ستنا هون موجود كلشي .. وهاد الشريط في تسجيلات الصوت تبعوت المكلمات الكلا لونا : اوك .. ميرسي جميل : اسف ع التدخل بس شوبدك فيهن لهدول لونا : جميل بتزعل شي اذا قلتلك .. مادخلك جميل : اسف اخدتن وطلعت .. ركبت بسيارتا ومشت .. وهية ع الطريق اتصلت بامو لركان لونا : الو .. مرحبا خالة امل ... كيفك حبيبتي ... اي خالة بدي عنوان بيت اهلا لدلال ... لا لا مافي شي بس بدي وضحلا انو مافي شي بيني وبين ركان وحاول اقعنا ترجع ع بيتا ... اي حبيبتي ... تسلميلي ... اي اي عرفتو يسلمن يا احلا ام . راحت ع العنوان .. وصلت لباب الشقة .. دقت الباب وفتحتلا امها لدلال لونا : دلال موجودة _ اي مين حضرتك لونا : انا رفيقتا لو سمحتي ممكن شوفا _ اكيد تفضلي فاتت لونا وشافت دلال قاعدة بالصالون دلال : خير انتي شو جايبك لونا : جاي احكي معك دلال : بعرف شو بدك تقولي جاي تجاكريني انك اخدتي جوزي مني لونا : لك عوين بدي اخدووو ... الله ياخدني لارتاح اي دلال : ان شالله لونا : شكرا .. المهم خدي هدول هاد سجل الرسائل وهاد الشريط فيه كل المكالمات بيني وبين ركان .. والله مافي شي بيناتنا هو بس مجرد زميل بالشغل دلال : هو بعتك لونا : لا .. بس لاحظت انو كتير بحاجتك وعم يكابر على حالو قلت بحاول صلح بيناتكن دلال : ومن ايمت قلبك ع غيرك .. لونا : انا قلبي ما عحدا وبكره كل العالم .. هيك منيح دلال : يعني شو المطلوب مني هلأ .. قوم روح لعندو وقلو بعتذر وحقك ع راسي لونا : انتي ليش هيك تفكيرك محدود دلال : لا تواخذينا مابنفهم متلك لونا : ياربي الصبر .. بليز بلامسخرة واعتبريني متل اختك لمدة خمس دقايق دلال : وما بشرفني ولا حتى ثواني لونا : طيب سمعي هالكلمتين كتير منيح ... ركان والله بحبك وكتير تعبان على غيابك وبالشغل بضل شارد ... وبصراحة هو لو غلطان كان اجا واعتزر منك ... بس انتي الغلطانة لانو بصراح ة كتير زوتيها عليه .. انا عم احكيلك وجهة نظري اذا بتحبي تقبيلها واذا مابدك انسي .. بس انا من واجبي فرجكي وين غلطك دلال : بلله شو.. وشو مصلحتك لونا : مصلحتي انو مابدي تضلي تظلميني ... مابدي لسانك يذكر اسمي ... حلو الواحد يعتذر لما يكون غلطان لانو بيكبر بعين الشخص يلي غلط بحقو .. واذا ركان اجا واعتذر منك فتأكدي انو بحبك وبحبك كتييير ... انا اجيت انصحك وانو انتي تبادري بالاول لانو رح يلاقيها كبيرة منك .. طلعت من شنتايتها تذكرتين وعطتا اياهم لونا : هي هدية مني الك والو .. رحلة لمدة اسبوع ع تركيا ... هلأ روحي اتصلي فيه وتواعدو بشي مكان واعتذري منو وقدميلو هدول هدية وروحو فسحو عن نفسكن شوي ... وبالنسبة لوجودي جنب ركان وانتي من حقك تغاري عليه .. بوعدك انو بعد ما نخلص من هالقضية يلي نحنا فيها رح اطلب نقلي ع غير فرع .. ورح اطلع من البناي كلها دلال : بس انا مابدي منك شي وخدي هدول التزاكر مابيلزموني لونا : اعتبريهن عربون صداقة بيني وبينك اذا بتحبي .. يلا سلام طلعت لونا ووصلت لعند الباب ودلال كانت شاردة التفتت لونة عليها وقالت : انت برأيي لا تصفني لانو التزاكر لليوم المسا .. يلا استغلي الفرصة طلعت لونا .. وفاتت امها لدلال لعندا _ بصراحة كلشي حكتو هالبنت صحيح .. ومبين انك ظالمتيها كتير .. وحتى طلعت احسن منك اجت لعندك مع انو لو وحدة غيرا ماكانت عملت يلي عملتو .. دلال : شو يعني هلأ _تسمعي حكيها ... وماسمعتي لما قالت انو ركان تعبان على غيابك .. ما رق قلبك عليه دلال : اي والله كتير .. يقبر قلبي _يلا بسرعة روحي اتصلي فيه دلال : قبل مادقلو بدي شوف لونا بسرعة فتحت الباب ونزلت ع الدرج بسرعة .. شافتا عم تركب بسيارتا دلال : لونا .. لونا لونا : خلص خزئيهن احريقهن عملي فيهن يلي بدك اياه دلال : شو هدول لونا : مانك جاي لحتى ترجعيلي التذاكر دلال : لا .. جاي لحتى قلك انا اسفة سامحيني لونا ابتسمت ابتسامة : وقالت ولا يهمك انا ماني زعلانة منك .. وفجأة وهنن واقفين اجا ركان وكان لابس مظبط حالو وحالق ومعو بوكيه ورد ركان : لونا شو عم تعملي هون لونا : اااه .. ولا شي بس كنت جاي زور دلال ركان : طيب منيح انك موجودة ... مشان اعتذر من دلال قدامك وتكوني شاهد علينا لونا : هههه اكيد دلال خجلت كتير ... قرب ركان من دلال : دلال انا ماني جاي اعتذر بصراحة لانو فكرت فيها منيح وطلعت ماني غلطان .. بس جاي اطلب منك ترجعي ع بيتنا لانو عنجد مابقدر عيش بدونك بدون مقدمات ضمتو دلال وقالتلو: انابعتذر كتير .. كتيررر...بترجاك سامحني ركان : اكيد مسامحك ياعمري لونا : لكن انا هلأ صار لازم روح سلام تركتن وراحت .. _____________ المسا ركان ودلال واقفين بالمطار مشان يسافرو .. ..... وسامي ومرتو كانو عم يتعشو عشا رومنسي بمطعم .. ....... ولونا كانت راكبة سيارتا وراجعة على البيت ... كانت شاردة ومبين التعب والحزن عليها .. سمعت صوت زمور السيارة يلي جنبا .. نزلت البلور وشافت الباشق .. عملا باي بأيدو وتضحك ضحكة نصر ومشي بسرعة لونا : البااشق !! ... هالمرة رح امسكك وسلمك بأدي للعدالة .. دعست على البانزين ومشت وراه بسرعة .. وصارو يطاردو بعض بالسيارات الباشق : هههههه مالك قدي يا لونا لا تتحديني لونا : اليوم يومك يا بااشق وهنن عم يطاردو بعض بالسيارات .. وصلو لتقاطع طرق .. مرق الباشق بسرعة واتطلع ع جهة اليمين شاف سيارة شحن كبيرة ... طبعا هو قطعا بس بسرعة شحط فرام ... وصار يتطلع بالمراي ... ولونا كانت جاي مسرعة والسيارة الشحن طلعت بوجها .. لما شافتا تفاجئت وحاولت تغير الطريق بس سرعة السيارات كانت اقوى منها ... وفجأة بووووم .... وعهوا الضرب طارت سيارة لونا بضعة امتار لفوق وقلبت ع الارض .. لونا وهية عم تقلب فيها السيارة .. مرق شريط حياتا من لماعملت حادث مع اهلا لحد هاللحظة.. اخر قلبة للسيارة كانت مقلوبة ولونا راسا لتحت والدم عم ينقط منها بشير لما شافا رجع بسرعة ... نزل ع الازاز وصار يضرق عليه ويصرخ : لوووونا .... لووونا .. حاول يفتح الباب ..او يقبل السيارة مايقدر ... الناس بلشت تتجمع .. وتجمعو كلن وقلبو السيارة ... حاولو يفتحو الباب ماقدرو ... بس سرعان ما صدر صوت زمامير الاسعاف . والأطفائية والشرطة ... فتحون الناس مجال ليمرقو .. ورجال الاطفاء بمعداتن قدرو يفتحو الباب .. والاسعاف سحبوها من السيارة وحطوها على النقالة ومشو فيها بسرعة .. بشير بسرعة ركب سيارتو ولحقن .. ماكان عم يفكر ليش عم يعمل هيك .. او شي الشي يلي دفعو انو يلحقا .. يمكن احساسو بالذنب تجاها _____________ بالفرع ... جميل للواء : سيدي .. الملازم اول لونا عملت حادث وحياتا بخطر اللواء : شوووو .. طيب ركان وينو جميل : سيدي ركان من شوي طارت طيارتو ع تركيا هو وزوجتو اللواء : لكن لاتخبروه ... مشي معي لنشوف _______________ بالمشفى .. بغرفة العمليات الممرضة : دكتور طلعو الصور في عدة كسور بجسما .. بب س الكسور الخطرة برقبتا وبالعامود الفقري في فقرة طالعة من محلا وكمان في اصابة خطرة براسا الدكتور : اتصلو بالدكتور سامي يجي فورا .. وبدكتور العظمية ودكتور الاعصاب الممرضة : سيدي اتصلنا بالدكتور سامي وهاتفو مغلق .. ووبعتنا حدا عبيتو كمان مافي حدا ... الدكتور : استدعو اي دكتور جراح تاني بسرعة مافي وقت الممرضة : حاضر دكتور ____________ وصل سامي على بيتو نوال : يسلمون حبيبي كان عشا كتير حلو سامي : انا يلي لازم اتشكرك لانك عم تمنحيني السعادة نوال : بحبك سامي : بموت فيكي .. غمزا وقال يلا خلينا نفوت نام بكرا عنا سفرة ضحكت وفاتو مع بعض ع غرفة النوم ____________ وصل ركان ودلال على الاوتيل بتركيا دلال : قلك شغلة ركان : قولي دلال : هدول بطاقات السفر من لونا .. مو مني ركان : عنجد دلال : اي يا الله شو ظلمتا لهل البنت ... ومع كلشي عملتو معا قدمتلنا هيك هدية ركان : لونا مافي اطيب من قلبا دلال : شو رأيك نتصل فيها ونتشكرا ونخبرا انو وصلنا ركان : اي ليش لأ اتصلي فيها اتصلت دلال وطلعلا الهاتف مغلق دلال : مغلق ركان : معقول .. رجعي حاولي مرة تاني دلال : كمان مغلق ركان : تركينا منها هي مدري شو بيضرب على عقلاتا اوقات وبتسكر تلفونا ... المهم خلينا هلأ بالحلو لفت اديها حول رقبتو وقالتلو : كتير شتقتلك ركان : ما قدي ____________ الباشق واقف ع جنب عم يراقب من بعيد ... اجا اللواء والمساعد جميل .. وقفو عباب غرفة العمليات طلع ممرض اللواء : يا ابني كيف المريضة يلي جوا الممرض : مابعرف انا ... بس انتو مين اللواء : انا اللواء فرع الامن الجنائي ويلي جوا بتكون ضابط عنا الممرض : اهلا بحضرتك ... بس ع هوا ماعم يحكو الدكاترا حالتا مابتطمن ... وكمان بدا تطول تحت العمليات مشان ماتتعذبو حضرتكم ... وخلي حدا من اهلا يجي يعبي البيانات وبضل معا تركن وراح اللواء : جميل خبر اهلا جميل : سيدي بس لونا مالها حدا .. اللواء : خلص بكرا بنتصرف امشي ضل الباشق بالمشفى لحتى طلعت من العملية وتطمن عليها ______ وصل الباشق ع بيتو وهو حاسس حالو متايق كتير صار يعيط : يا كلاب .. يا حيوانااات اجو كل رجالو وتجمعو قدامو الباشق : جيبولي سلمى فورا .. _حاضر سيدي بعد شوي اجت لعندو بنت بعمر لونا الباشق : بتنفزي كلشي بدي اياه منك فهمتي سلمى : بتأمر _________ فاتت سلمى ع المشفى وسألت عن لونا الممرضة : انتي من اهلا سلمى : انا رفيقتا ... كيفا الممرضة : بعدا حالتلا مابطمن __________ تجاوزت لونا مرحلة الخطر .. وكانت ع طول تحت تأسير البنج والمنوم لانو الاصابات بجسما كتير وما بتتحمل الوجع ... وضلت هيك يومين .. وسلمى تحاول تضل جنبا من بعيد لبعيد وتنقل اخبارا للباشق _______ ببيت ام ركان .. امل : ياربي وينها لونا صرلا يومين مو مبينة .. رح اتصل وخبر ركان .. امل : الو .. كيفك امي ركان ركان: بخير ماما شو اخبارك امل : الحمد لله بخير مشتاقتلك ركان ؛ والله نحنا اكتر .. وشو تمنيناكي معنا امل : ان شاء الله ع طول مبسوطين ركان : تسلميلي ياست الكل .. امي صحي بدي اسألك عم تشوفي لونا عم اتصل فيها وهاتفا مغلق امل : بصراحة انا مشان هيك عم اتصل .. لونا مختفية لاعم ترد ع تلفونا ولاعم تجي ع البيت ركان : ماما عم تحكي جد امل : اي والله ركان : طيب انا رح اتصرف .. سكر التلفون وملامح وجهو متغيرة .. دلال : شبك حياتي .. ركان : لونا مختفية دلال : كيف يعني مختفية .. بركي عند حدا من معارفا ركان : لونا ما الها حدا دلال : شو بدك تعمل ركان : رح اتصل بالفرع واسأل اذا عم تداوم او لأ اتصل ركان بالمساعد جميل ركان : الو جميل .. كيفك جميل : اهلا حضرة الضابط ركان : بدي اسألك عن لونا جميل : عم تتحسن .. تجاوزت مرحلة الخطر ركان : عن شو عم تحكي جميل : ماحضرتك عم تسأل عن لونا وانا عم خبرك ركان : لحظة .. لحظة .. شو صاير مع لونا جميل : ليش حضرتك مابتعرف ... اااه اي صح اللواء طلب انو مانخبرك ركان بعصبية : شباااا لوونا جميل ،: عملت حادث خطير وهية هلأ بالمشفى ركان : شووو ... وكيفا هلأ شو وضعا جميل : منيحة عقولت الدكاترة بس لهلأ ماصحت ماعم يخلوها تفيق مشان الاصابات يلي بجسما ركان : طيب .. طيب وسكر دلال : شبا لونا ركان : عاملة حادث خطير وهية هلأ بالمشفى .. لازم ننزل ونضل جنبا دلال : اكيد .. انا رح ضب الشناتي ركان : وانا رح احكي مع الدكتور سامي اكيد هو يلي عم يتابع حالتا اتصل ركان بسامي ركان : الو كيفك دكتور سامي .. انا ركان سامي : هلا حضرة الضابط ركان : بدي اسألك عن وضع لونا سامي علت دقات قلبو وقال : لووناا؟؟ ركان : ما انت يلي عم تاابع حالتا سامي : فهمني لوونا شبا ركان : انت وين سامي : انا ع الساحل .. ركان : اسف فكرتك بالبلد وبتعرف شو صار مع لونا . وقلت يمكن انت الدكتور يلي عم تراقب وضعا سامي : فهمني لونا شبااا ركان : لونا عملت حادث من ي ومين وهية هلأ بالمشفى وحالتا خطرة سامي : انت متأكد ركان : اي .. وانا نازل ع البلد كمان لانو انا كمان بتركيا سامي : انا فورا نازل ع البلد ________________ بعد عدة ساعات فات سامي ع المشفى ملهوف وصل ع الاستعلامات سامي : رقم غرفة المريضة لونا الممرضة: دكتور هية بالعناي... تركها وطلع فورا لعند لونا ..لبس تيابو وفات لعندا ... كان وجها مورم كتيرر ... ورقبتها مثبتة رجلا مكسورة ومعلقة .. كانت عم تشخر .. بسبب النوم على ضهرا .. اخد الملف وصار يشوفو .. اخدن وطلع... وفات ت مكتب الدكتور امجد سامي : كيفك دكتور امجد : اهلا دكتور سامي كيفك .. الحمد لله عسلامتك ايمت جيت سامي : اليوم ..الله يسلمك امجد : وليش مستعجل ع المشفى سامي : قلي المريضة لونا شو وضعا امجد : الملف معك ماشفتو سامي : مبلا شفتو ..بس شقد الاحتمال امجد : ٥٠ % سامي : يعني النص ... وشو الحل امجد : لحتى تتعافى وتفيق .. اذا كانت فاقدة الزاكرة بنعرضا ع دكتتور نفسي .. واذا لأ مارح نعمل شي ... بس احتمال كبير ماتكون فاقدة الذاكرة لانو النسبة ٥٠% سامي : طيب وباقي الاصابات امجد : في رقبتا وفقرة بضهرا .. يعني شهر كامل بدا تضل نايمة بالفرشة سامي : سبب الحادث امجد : مابعرف .. بس الواضح حادث كبير وانها كانت مسرعة سامي : ماعم تفيق امجد : لا نحنا ماعم نخليها تفيق مشان الضربات يلي بجسما مابتستحمل الوجع... شي يومين بس سامي : بس لازم تفيق ونعرف اذا متذكرة شي امجد : اذا بتحب بنقدر نفيقا شوي سامي : اوك تفضل امجد : هلأ صعب .. لانو مامن زمان اخدت جرعة منوم والمسكن سامي : طيب .. انا رايح شوفا امجد : تفضل جاي معك .. فاتو لعند .. امجد : قالو ضارب فيها كميون كبير سامي : كيف امجد : طلعت قدامو .. وهو فات فيها .. منيح ضلت عايشة سامي : معك حق امجد : انا بالاذن طلع امجد وسامي قرب وقعد حدا ومسكلا ايدا سامي : مع انك ما اكترثتي لمرضي ولاحتى جيتي لجنبي ... بس انا مارح اتركك ... وبعرف انك عملتي هيك مشان ضل جنب زوجتي .. شو قلبك كبير .. رح تضلي حبي الاول والاخير قرب بسلا ايدا وطلع اتصل بأختو الاء سامي : الوو .. كيفك الاء ... اي صرنا بالبلد وانا بالمشفى .... لونا صرلا يومين بالمشفى عاملة حادث ... اي اذا بدك تعي شوفيها واتطمني عليها .. اوك سلام نزل ع الاستعلامات سامي : لو سمحتي بدي سدد الفاتورة للونا الممرضة : الحساب مدفوع .. من قبل الشرطة سامي : طيب ماشي المسا وصل ركان ع المشفى .. ومعو مرتو وامو وكانت هنيك الاء وامها ونوال سلمى كانت واقفة على جنب واتصلت ع الباشق سلمى : كيفك معلم الباشق : كيفا لونا سلمى : بعدا ع حالا الباشق : ليش عم تتصلي سلمى : هون الضابط ركان واهلو والدكتور سامي واهلو .. الظاهر اليوم عرفو الباشق : منيح انو فطنو ... بس الدكتور سامي شو وضعو سلمى : يمكن اصدقاء مع لونا الباشق : طيب حاولي تضلي قريبة منون واسمعي ع شو بدن يحكو سلمى : حاضر معلم ................... اجا سامي ع العناي وكان الكل واقف برا ام سامي : امي بدي شوفا سامي ؛ شخص واحد يلي رح يفوت هلأ معي .. لانو بدنا نفيقا عشر دقايق .. امل : انا بدي فوت ركان : انا بدي فوت وافهم منا كيف صار الحادث سامي : هي اذا متذكرة ركان : شو عم تقول دكتور سامي : الاصابة براسها كبيرة .. والعلم عند الله .. تفضل معي ... انتو بس لحتى تنام بتشوفوها واحد واحد ركان : تفضل فاتو لعندا وكان تأسير المسكنات عم تروح من جسما وعم تعن من الوجع وقف ركان وحس بغصة بقلبو عليها .. قرب سامي منها وبلش يفيقا سامي : لونا .. لوناا . عم تسمعيني عم تعن وهية مغمضة عيونا صار يضربا ضربات خفيفة على وجها .. لونا : امممم ...امممممممممم سامي : لونا .. لووونااا فتحت عيونا غصب .. وكانت الدنيا عم تفتل فيها ... لونا : اممممممم ... موجوعة ... سامي : لونا صحصحي فتحت عيونا منيح واتطلعت عليهن وهية عم تعض ع شفافا وتعن من الوجع لونا : سامي موجوعة سامي بفرح : عرفتيني لونا بصوت تعبان : ليش لحتى ما اعرفك ركان : وانا مين لونا : ااااااااااه .... موجووووووعا سامي : قولي مين هاد لونا : لك هاد ركان ...بس الحقني حاسة جسمي عم ينفرم .. الوجع عم يزيد ولونا صارت تصرخ ..: ااااااخ .. اااامممممممم .. يا ربي .. من الوجع حست جسما عم ينفض .. وبدا تقوم .. سامي : اهدي .. لا تتحركي في كسور بجسمك .. قرب بسرعة وعطاها مسكن ومهدء بالابرة يلي داخلى على ايدا .. لونا : ااااااخ ... اااااخ معد استحمل .. دخيييلكن ... سامي : لونا خلص عطيتك مسكن اهدي لونا : اااااه ... ياربي قرب ركان وقعد حدا وثبتا على التخت مشان ماتحرك .. ركان : لونا اهدي .. بس قوليلي شو صار معك لونا تنفست الصعداء وحكت : الباااشق ... اااااه ركان: شووو الباشق لونا : اااااااه .. اي الباشق ركان : الباشق هو يلي عمل فيكي هيك كبست ع سنانا وهزت راسا بالنفي ركان : كيف يعني لونا : كنت عم ط اردو ااااااااه ياربي ..اممممم ركان : انتي شفتيه .. انتي بتعرفيه بلشت تهدا وتدبل لونا بصوت دبلان : اي شفتو وبعرفو ركان : كييف لونا : مارح اقدر احكي هلأ اممممم بلشت تغمض عيونا ركان : لونا .. قومي احكيلي شو صار لونا : بع... بعد....يين .. غمصت عيونا ونامت ركان : الباشق وصل للونا واكيد هو كان ناوي يخلص عليها سامي : مين هاد الباشق ركان : مجرم خطير ... ونحنا عم نحاول نمسكو سامي : شو هلأ بدك تعمل ركان : بدي احكي مع اللواء وبدي احمي لونا اكيد بدو يخصل عليها الباشق طلع راكان لبرا بسرعة ... ومارد ع اهلو يلي اول ماطلع بلشو يسألوه عنها طلع سامي وراه سامي : لونا منيحة والحمد لله ذاكرتا معا الكل : الحمد لله سامي : برأيي تروحو ع البيت لانو مافي داعي لوجودكن لونا نايمة ومارح تحس ع حدا .................. ركان بجنب تاني عم يحكي مكالمة ركان : سيدي لونا تعرضت لمحاولة قتل ... اي سيدي هية فاقت وحكت ... من الباشق .. جاي فورا سلمى كانت عم تتسمع وفورا اتصلت بالباشق سلمى : الو معلم الباشق : شوو سلمى : لونا فاقت شوي وحكت انو انت حاولت تقتلا ... هلأ سمعت الضابط ركان عم يحكي ع التلفون وقال هيك الباشق : طيب تركي المشفى وروحي ع بيتك سلمى : امرك معلم .. سكر الباشق وقال : هه ع شو ناوي توصلي يالونا .. بس مو الباشق يلي بخلي وحدة متلك تكشف هويتو .. _________ بالفرع ركان : سيدي هية هيك قالت بالحرف الواحد اللواء : يمكن مانا وعيانة ع حالا شو عم تحكي او مأثر عليها المخدر ركان : يمكن بس لازم نحميها لانو يمكن حياتا بخطر اللواء : طيب ماشي اعمل الازم _____________ بالمشفى .. ماكان اي حدا عند غرفة لونا ... فاتو تنين ممريضين وهنن حاطين الكمامات على وجوهن .. حطوها ع سرير متحرك وطالعوها .. من جهة تانية اجا الدكتور سامي هو والاء الاء : بدي شوفا سامي : يلا هلأ بنفوت انا واياكي فاتو ع الغرفة بعد ما الاء لبست تياب من المشفى وفاتو .. وقفو مصدومين لما شافو التخت فاضي ... الاء : وينا ... سامي : مابعرف الاء : معقول هية طلعت سامي : مستحيل تقدر تتحرك .. اكيد انخطفت .. الاء : شووووو طلع سامي فورا وصار يركض متل المجنون بالمشفى يدور عليها بس بدون جدوى .. وفورا اتصل بركان سامي : ركان ... لونا انخطفت ركان : شوووو ...كيف هيك سامي : مابعرف بس ما الها اثر ... تعال فورا . ركان : دقايق وبكون عندك سامي راح فورا ع غرفة الكاميرات .. وصار يعيد التسجيلات .. فات لعندو ركان ركان : كيف صار هيك سامي : مابعرف .. وانا كمان مصدوم متلك .. ركان : طيب شو بكون وضعا هلأ سامي : خطر .. لانو بدا اجباري عناية واجهزة .. ركان ضرب بأديه التنتين على الطاولة وهو مقهور ركان : كلوو مني ... انا كان لازم امنعا من هي القضية .. كلوو مني .. اكيد الباشق رح يخلص عليها هي اذا .. اوووف ياربي ... سامي : ركان بترجاك اهدى وروق لانو حالتي اصعب من حالتك ... كل دقيقة برات المشفى في خطر ع حياتا ركان حمل التلفون واتصل : شو صار معكن ... فتشتو كل المشفى ... اي مابدي تخلو ولا زاوية سامي : ركااان اتطلع ركان ع الشاشة .. وشاف تنين متنكرين بلباس المشفى ومغطين وجهن كيف مطالعينا بالغرفة .. وضلو يراقبوهن من كاميرا لكاميرة لحتى وصلو ع مدخل الطوارئ حطوها بسيارة اسعاف بدون لوحة ارقام وراحو ركان بعصبية : الباااشق ... الباااشق .. *-↵يـتـبـع* 🤎