بالنسبالك الليلة هيّ أهم ليلة في السّنة واليوم بكرة هوّ أهم يوم في السّنة اتعامل معاهم بذكاء وتركيز علشان تفوز ب أجرهم كامل يعني بديهيًا كده مفيش ريلز، مفيش رد على شاتات بالساعات، مفيش مكالمات فون بالساعات، مفيش نوم بـ ١٢ ساعة فيه أذكار، فيه صلاة، فيه قرآن، فيه دعاء، فيه قيام ليل، فيه سحور، فيه جلسة ضُحى، فيه أدعية من السُنة ، لو عطلنا في نص اليوم هنفتح التليفزيون على قناة السّعودية ونبكي ونتمنى نكون من حجاج العام القادم بإذن الله من غير حولٍ منّا ولا قوة. واسأل نفسك إذا مكنتش هصلّي النهاردة قيام ليل بجزء وجزئين، هعمل ده إمتي؟ وإذا مكنتش هدعي النهاردة بكل الأدعية الدينية والدُّنيوية وكل الأمنيات الصغيرة والكبيرة وهلحّ بيها على الله، هعمل ده إمتي؟ وإذا مكنتش هصلّي بكرة كل الفروض في وقتها وبالسُّنة وب أذكار بعد الصلاة، هعمل ده إمتي؟ وأخيرًا.. إذا مكنتش هستغل اليوم وهتوب عن الذّنب اياه وهستغفر منه واقفل كل الأبواب اللي توصّلني لُه هعمل ده إمتي؟ - ليلة ويوم مناسبين جدًا علشان نكسر فيهم رتم العبادة المتعوّدين عليه علشان انا وانت وهو وهي وكلنا دايمًا عندنا ليڤيل عبادة أحسن بس بنتكاسل الله يهدينا استغلّها فرصة علشان تبدأ شخصية جديدة منك ولا تفتُر ولا تتكاسَل في أن تطلب وتتمنى وترتجي العَفو والمغفرة وصلاح الباطن والظاهر منك مِن مَن لا يُعجزُه شئ في الأرض ولا في السّماء ⁦.♡