نفسك في إيه ⁉️ نفسك تتجوزي؟؟ نفسك تخلفي؟؟ نفسك تنجحي؟؟ نفسك في إيه تااااني؟ نفسك ربنا يشفيكي؟ نفسك ربنا يوسع رزقك؟ شوفي أي حاجة نفسك فيها... نفسك تدخلِي الجنة؟ نفسك تُعتقي من النار؟ جمّعي كل اللي نفسك فيه... واكتبيه في ورقة... واستعدي... عندك اليـــــوم المفتوح لتحقيق كل اللي بتحلمي بيه! أكتر يوم يعتق الله فيه عباده من النار... اليوم اللي بيقترب فيه ربنا من عباده ويباهي بيهم الملائكة... يــــوم عرفة 💙 متخيلة لما تبقي انتي ممن يُباهي الله بهم؟ لازم تستغلي اليوم ده وتصوميه وتعيشيه كله عبادة، وكمان تدعي كتييييير... اوعي تستصعبي أي دعوة! ادعي بكل حاجة من خيري الدنيا والآخرة وافتكري كلام النبي ﷺ: ((خيرُ الدعاءِ دعاءُ يومِ عرفةَ، وخيرُ ما قلتُ أنا والنبيونَ مِن قبلي: لا إلهَ إلا اللهُ وحدَه لا شريكَ له، له الملكُ وله الحمدُ، وهو على كلِّ شيءٍ قديرٌ)) يبقى مهمتك إيه؟ تجهزي ليوم عرفة بقائمة أدعيتك... وادعي بيقين 🤲 واتفرجي بعد كده على إجابة دعائك ومتنسيش وانتي بتدعي... تحافظي على خير الدعاء: ((لا إله إلا الله وحده لا شريك له، له الملك وله الحمد وهو على كل شيء قدير)) يوم عرفة يا بنااااات مفيش فيه وقت للكسل! عاوزين هِمّة 💪 تقبل الله منا ومنكم ❤️ #عرفوهم_عرفة #كوكب_بنات