داخلين خلاص على يوم عرفة... أخطر وأهم يوم في حياتك .. اكتر يوم بيعتق الله فيه عباد من النار...*اليوم الذي يدنو فيه ربنا ويباهي بكم الملائكة ويقول اشهدوا أني قد غفرت لهم* ....🤩 عاوزين  مانضيعش ولا دقيقة في اليوم ده ونعمل برنامج لليوم ده بسيط وقابل للتطبيق ... 👈🏼 بس مهم تكون مستعد لليوم ده ...ومهم جدااا أي حاجه تقدري تنجزيها في أعمالك المنزلية أو مشاويرك تخلصيها قبل يوم عرفة وتبقي فاضية خالص اليوم ده👌 👈🏼 أهم حاجة تستقبل بيها اليوم ده *قرار بالتوبة من الذنوب..عهد إنك مش هترجع للذنب ده تاني* ....طيب لو مش قادر ؟؟! ادعي ربنا إنه يعينك على القرار ده💪 ده أهم حاجة تستقبل بيها اليوم ده ..*التوبة والدعاء إن ربنا يعينك عليها* 👈🏼 البرنامج يبدأ *من قبل صلاة الفجر هتقوم تصلي ركعتين قيام وتصلي الوتر وتتسحر وتنوي صيام يوم عرفة اللي هيكفر ذنوب سنتين كاملين*💞 👈🏼 هتصلي الفجر جماعة في المسجد للرجال وفي أول الوقت للنساء وتفضل قاعد على سجادتك تقول أذكار الصباح وتقرأ قرآن  لحد بعد الشروق بربع ساعة  تقوم تصلي ركعتين *وتاخد أجر حجة وعمرة تامة ان شاء الله*💕 👈🏼 كمل بقى صلاة الضحى براحتك (معاك لحد ٨ ركعات )واليوم ده مش زي أي يوم فاجتهد فيه 👈🏼 طبعا صايم واليوم لسه طويل هتنام شوية وتصحى قبل صلاة الظهر وتروح المسجد وتنوي اعتكاف اليوم ده بقى 👈🏼 بالنسبة للبنات ...لو قدرتي تنزلي المسجد يبقي ممتاز جداااا👌 ماقدرتيش تنزلي المسجد..يبقى هتصلي ظهر عادي في بيتك وصلي بقى السنن ٤ ركعات قبله واتنين بعده ...وافضلي على سجادتك متوضية مستقبلة القبلة بتدعي وتقولي أذكار وهكذا ...لحد ماتصلي العصر وتقولي أذكار المساء 👈🏼 أدعيتك هتكون مجهزها  وطول اليوم بقي بتدعي ...تعبت تقول أذكار وماتنساش أهم حاجه في اليوم ده  تقول *((لا إلهَ إلا اللهُ وحدَه لا شريكَ له له الملكُ وله الحمدُ وهو على كلِّ شيءٍ قديرٌ))* ...قولها كتيييييير ماتزهقش ..ده خير كلام قاله كل الأنبياء 👈🏼 *أهم حاجة في يوم عرفة الدعااااء والتضرع إلى الله* *واهم وأخطر وقت في اليوم هو الساعه الاخيره قبل  الفطار* ... هتسيب كل اللي في ايدك وتتفرغ للدعاااااء بس🤝 👈🏼 يووووم عرفة من أوله... مفيش نت      لا للاشعارات      لا للفيس و الواتس 👈🏼 لو محتاجة تحضري الفطار لبيتك وولادك حاولي تكوني مجهزة حاجتك ومش لازم أصناف كتير مش يومه ..واقضي وقت تحضير الأكل في الذكر واحتسبي نية افطار صالم وإدخال السرور على أهل بيتك  بس من غير ماتقفي في المطبخ خمس ساعات ....نص ساعة كفاية اوي👌 👈🏼 لو انتي حائض... ولا يهمك عندك كنووووز تقدري تستغليها بس ركزي... ▪︎الدعاء ..(استقبلي القبلة وادعي كتييير بكل اللي عاوزاه ) ▪︎اقرأي قرآن من موبايل ▪︎الاذكار (كتاب أذكار خلصيه كامل ماانتي مش وراكي صلاه) ▪︎اياكي الشيطان يحبطك بالعكس .....انجزي ف الدعاء والأذكار وقراءة القرآن 👈🏼 ماتنساش وانتي بتدعي .... تدعي لنفسك بخيري الدنيا والاخره وادعي لأهلك ،وامتك ، وبلدك اطلب كل اللي نفسك فيه بس ماتنساش .. *《اللهم أعتق رقبتي من النار》* #عرفوهم_عرفة #كوكب_بنات