زوجات النبي ﷺ.. اللي مقامهم عند ربنا عظيم، وربنا اختارهم يكونوا في بيت نبيه وأفضل خلقه .. مع ده كله، ربنا قال لهم آية تخوف وتوجّع القلب: > "يَا نِسَاءَ النَّبِيِّ مَن يَأْتِ مِنكُنَّ بِفَاحِشَةٍ مُّبَيِّنَةٍ يُضَاعَفْ لَهَا الْعَذَابُ ضِعْفَيْنِ ۚ وَكَانَ ذَٰلِكَ عَلَى اللَّهِ يَسِيرًا" يعني لو واحدة منهن – لا قدّر الله – وقعت في الفاحشة، عذابها هـ يكون مضاعف، مش زي غيرها. وده طبيعي لإن مقامهم عالي وتأثيرهم كبير .. بس اللي يخض فعلاً هو آخر الآية: > "وكان ذلك على الله يسيرًا" يعني مهما كان قدرهم، ربنا – سبحانه – يعذبهم لو عملوا فاحشة، ومش هـ يتأخر ولا يصعب عليه ده. الكلمة دي تقيلة أوي.. بتحسسنا قد إيه ربنا عادل، وبيعامل الكل بالحق. تخيلي الكلام ده لزوجات النبي، ومكانتهم ما شفعّتلهمش لو غلطوا الغلطة دي.. *يبقى إنتِ إزاي متهاونة؟ إزاي بتكلمي شاب في الحرام؟ تخرجي معاه، تمسكي إيده، وتسمعي منه كلام ملوّث باسم الحب؟!* خدي بالك.. لو الفاحشة بقت سهلة عليك، 👈 فالعقوبة هـ تبقى أسهل عند ربنا! #كوكب_بنات