مبطلّة صلاة ليه ؟! مش معنى إن فيه صلاة فاتتك، أو راحت عليكي نومة لصلاة الفجر تبطّلي صلاة .. مش معنى إنك عملتي ذنب فضعفتي فتبطّلي صلاة .. مش معنى إنك يئستي من حاجة و تعبتي فتبطّلي صلاة .. مش معنى إنك مش حاسّة بلذّة الصلاة فتبطّلي صلاة .. الصلاة ترمومتر حياتك، بتظبّط نفسيتك، مش هقولك هتبقي سعيدة أوي، بس هقولك إنك هتستشعري الراحة اللي هتخليكي قادرة تعيشي.. جرعة أكسچين، الأكسچين مش هيخليكي حاسة بسعادة بس بيخليكي تقدري تعيشي و تكمّلي، و من غيره مفيش حاجة هتضمّد جروحك .. الصلاة هتهذّبك أكتر، ورد إن راجل قال للنبيّ ﷺ عن واحدة بتصلّي و بتعمل كبيرة من الكبائر، فردّ النبيّ و قال: "ستنهاها صلاتها" فحاولي مهما كان حالك تتمسّكي بالصلاة و بالمُحاولة ربنا هيمدّك و يعينك، فمتبطّليش صلاة 💙! #كوكب_بنات