نكمل. بص هنتكلم ع حته كلنا عارفين حكمها. بس هكلمك بطريقه تاني. (الاغاني.) مش عايز اقولك الاغاني حرام يلا روح امسحها ومتسمعش واسيبك وامشي. لا. انت كده كده عارف انها حرام وعارف انك بتشيل ذنب وانت بتسمع. بس هنصحك كأني اخوك والله. انا واحد من الناس كنت بسمع اغاني عادي ومنزل ع فوني وبنزل استوريهات فيها اغاني عادي. بس الحمدلله ربنا ابعدنا عنها. مش عايز اقولك اني تمام اوي ومبسمعش خالص لا والله انا مش كده بس والله بنحاول وربنا يشهد. والله، قسما بالله الاغاني دي هتجيب اجلك. نقطه سوده فيك. ذنوب يبني جاريه. في ميزان سيئاتك انت اللي هتشيلها كلها. حاول تبعد عنها ع قدم تقدر. اقسم بالله هترتاح دنيا واخرة. اصل انت لازم تفهم انك هتموت. كده كده هتموت بتقول يارب حسن الخاتمه. طب انت ماشي صح! نفسك تموت ف المسجد وانت مبتصليش اصلا. ازاي؟ الدنيا فانيه يا اخواتي والله اقسم بالله فانيه.. كل الهري والهلس اللي بنجري وراه ده هيدمرنا. ابعد عن الاغاني يا اخي بالله عليك. امسحها من ع فونك خالص. نفسك تبعد عنها بس مش عارف؟ بص مش هتبعد غير لما تاخد خطوه. انا عملت كده والله اول م فكرت ابعد عنها. روحت ماسح اي اغنيه ع فوني خالص. دلوقتي انا بخاف انزل استوري فيه اغاني والله او موسيقي. لو نزلت يبقي قليل اوي. ذنوب بتتسجل ع الفاضي. حاولوا تصلحوا نفسكم وصدقوني الدنيا هتتفتح في وشكم والله. اقسم بالله ربنا هيفتحها ف وشكم بس قربوا وفوقوا.