⛔ زلزال تاني في أقل من عشر أيام والحقيقة إن لما الأرض تهتز تحت رجليك، مش لازم بس تخاف… لازم كمان تفهم. هو الزلزال ده ما فكّركش بزلزال تاني أشد؟ اللي حصل اليوم ده مش زلزال أرض وبس… ده زلزال قلوب، بيفكّرك بزلزال يوم القيامة. قال تعالى: "إذا زلزلت الأرض زلزالها* وأخرجت الأرض أثقالها* وقال الإنسان ما لها *" زلزال اليوم بيقولك: راجع حساباتك… بيفكّرك إن في يوم هييجي، كل شيء فيه هينهار… السماء تتشقق، الجبال تتناثر، والناس تخرج من القبور وتساق إلى أرض المحشر. زلزال الآخرة مفيهوش رجوع… مفيهوش فرصة تانية. كل هزة، كل فزع… مش صدفة. ده نداء من ربنا… افهم الرسالة… قبل ما الأرض تنطق. قال الله: "وما نرسل بالآيات إلا تخويفًا" خايف؟ طبيعي. بس الخوف مش من الزلزال… الخوف من الذنوب. الخوف من إنك تقابل ربك وانت لسه بعيد. الخوف من اللحظة اللي تتحاسب فيها على كل حاجة… على اللي عملته، واللي قلته، وحتى اللي نسيته… مكتوب. لحد إمتى هتفضل غافل؟ لحد إمتى هتفضل مطنّش نداءات ربك؟ كل حاجة حواليك بتناديك: ارجع! لكن انت لسه… في سكة تانية. الزلزال بيوجه رسالة لكل ظالم: افهم الرسالة قبل ما الأرض تنطق… الزلزال بيوجه رسالة لكل واحد بيجاهر بالمعصية: افهم الرسالة قبل ما الأرض تنطق… ويا أختي… يا اللي في علاقة محرّمة أو ماشية متبرجة: افهمي الرسالة… قبل ما الأرض تنطق.  لازم نفوق… قبل ما تيجي لحظة يتقالنا فيها: "لقد نفذ رصيدكم." خلي الزلزال ده نقطة تحوّل… قوم اتوضى، وصلي، واستغفر، وارجع… خلي كل هزة حركت جسمك، تحرك قلبك. وافتكر: لو نجيت من زلزال الدنيا… زلزال الآخرة لسه… ولازم تكون مستعد. وتفهم الرسالة قبل ما الأرض تنطق.👌 #افتح_لي_قلبك