في الموبايلات في حاجة اسمها "استعادة ضبط المصنع"… يعني ترجع كل حاجة زي ما كانت نظيفة، من غير أي تطبيقات ضارة، ولا ملفات تقيلة، ولا مشاكل في النظام… كأنك بتبدأ من أول وجديد! أنا جاي أقولك : التوبة هي استعادة ضبط المصنع لحياتك! التوبة هي إنك ترجع زي يوم ما اتولدت… نظيف… طاهر… صفحة بيضا! ياما ذنوب تقيلة وقعتك… ياما ملفات فاسدة دخلت قلبك من نظرات وسماع ومعاصي… ياما نظام حياتك انهار، وبقيت مش عارف تسيطر! آن الأوان… إنك تضغط على زر "استعادة ضبط المصنع"… إنك تستعيد السيطرة… إنك تبدأ بداية جديدة مع ربنا قبل ما يفوت الأوان! دكتور حازم شومان حفظه الله