⛔️اخر مستجدات سوق الذهب لا تنسي التفاعل مع هذا البوست لضمان وصولك تحديث الأسعار في نفس اللحظة ❤️🔥 - الذهب العالمي تراجع النهاردة مع بداية أسبوع التداول وده بسبب عمليات البيع لجني الأرباح واستغلال المتداولين وصول الذهب لأعلى مستوى منذ شهرين، ولكن عمليات البيع النهاردة مش معناها انتهاء حركة صعود الذهب. - بشكل عام لسه في توترات كبيرة في الأسواق بسبب الحرب طبعا بين إيران والكيان الصهيوني وعدم وجود اتجاه واضح لمباحثات وقف إطلاق النار حتى الآن، خاصة أن إيران رفضت استكمال مفاوضات برنامجها النووي مع الولايات المتحدة الأمريكية. - الذهب العالمي استقر فوق المستوى 3400 دولار للأونصة ولكنه فشل النهاردة انه يخترق المستوى 3450 دولار للأونصة وكانت النتيجة انه تراجع بشكل محدود. - يوم الأربعاء القادم هيكون اجتماع البنك الاحتياطي الفيدرالي الأمريكي والمتوقع أن يثبت أسعار الفائدة دون تغيير، ولكن التركيز هيكون على حديث وتصريحات رئيس البنك جيروم باول بعد الاجتماع، والي هيكون ليها تأثير على حركة الدولار والذهب بالتالي. - أسعار النفط العالمي تراجعت النهاردة من أعلى مستوى في 6 أشهر تقريباً ولكن لسه التوترات متواجدة، ولسه التوقعات بتقول إن إيران ممكن تلجئ إلى غلق مضيق هيرمز المتحكم في مرور نسبة كبيرة من النفط العالمي. - لو أسعار النفط عادت إلى الارتفاع من جديد هنشوف ارتفاعات جديدة في الذهب، لان ارتفاع النفط هينتج عنه تزايد في معدلات التضخم وبالتالي زيادة في الطلب على الذهب كتحوط ضد التضخم. - سعر الذهب المحلي عيار 21 تراجع النهاردة ويتداول حالياً عند 4910 جنيه للجرام بعد ما سجل أعلى مستوى يوم أمس عند 4945 جنيه للجرام. - الذهب المحلي ارتفع بشكل كبير من نهاية الأسبوع الماضي بسبب ارتفاع الذهب العالمي وارتفاع سعر صرف الدولار مقابل الجنيه في البنوك الرسمية، اللي بيعتبر من اهم العوامل اللي بتأثر على سعر الذهب. - كمان حصل عمليات خروج للأجانب (هوت موني) من أدوات الدين المصرية بشكل جزئي وده تسبب في ارتفاع الطلب في البنوك على الدولار وبالتالي ارتفع سعر صرفه مقابل الجنيه. - الزيادة في سعر الذهب المحلي كانت أكبر من المتوقع وده بسبب مخاوف البعض من استمرار الدولار في الارتفاع مقابل الجنيه، وبالتالي بدأ البعض يتحوط بشكل كبير في السعر. - لازال الطلب في السوق المحلي ضمن النطاق الطبيعي ومنقدرش نقول ان في حجم طلب حاليا بيتسبب في ان السوق يفضل متسعر بالعالي او اكتر من السعر العادل علي الاقل لحد دلوقتي.