مع ارتفاع أسعار جرام الذهب.. والاجهزة الكهربائية.. مفيش حل غير إننا نقلل سقف طموحاتنا ونرشد استهلاكنا وبلاش مفخره ومظاهر تجيب الفقر.. ما هو لو مغيرناش طريقة تفكيرنا بجد محدش هيتجوز.. احنا فاهمين الزواج غلط.. تقييمنا للجوازة إن كل ما كانت الشبكة كبيرة والشقة واسعة والقاعة فخمة يبقى الجوازة حلوة.. لكن في الحقيقة العكس هو الصحيح قال رسول الله ﷺ "إِنَّ أَعْظَمَ النِّكَاحِ بَرَكَةً أَيْسَرُهُ مَؤُونَةً" يعني البركة هتكون أكتر في الجوازة البسيطة السهلة اللي مفيهاش تكاليف وإسراف ومقارنات.. جرام الذهب دلوقتي تقريبًا ب 5 آلاف .. وجهازة العروسة خاصة الأجهزة الكهربائية أسعارهم بقت في السما.. ليه والد البنت يغلي المهر والشبكة على الشاب اللي بيتقدم هو الشاب ده هيجيب منين يعني؟ وكذلك والد البنت ميظلمش نفسه وهو بيجهز بنته وكفايه يجيب اللي البيت يقوم به بالمعقول.. وطول ما احنا بنضيق الحلال وبنصعبه عالشباب هنلاقي الزنا والعرفي والمحرمات والفواحش عمالة تزيد من الناحية التانية وببلاش والله.. اه انت مش هتغير المجتمع.. بس عالاقل مش هتشارك في إفساده..