انا اكتشفت ان الناس مبتتكسفش ابداً. ادارتك في الشغل مبتتكسفش تطالبك بالشغل و انت تعبان اللي غلط فيك مبيتكسفش يرجع يتكلم عادي كأنه معملش اي حاجه اللي كدب عليك مبيتكسفش يحط عينه في عينك و هو عارف انه كداب محدش بيتكسف يسأل بتقبض كام هتتجوز امتي مخلفتوش ليه محدش بيتكسف يحرجك و لا حد بيتكسف يطالب بحقوقه ولا حد بيتكسف يعاير اللي قدامه و يقل منه و اللي ليه حق مبيسبوش اومال احنا بنتكسف ليه؟ ليه نتكسف نكسف اللي كسفنا و نطالب بحقوقنا و نحط صباعنا في عين البجح و قليل الذوق؟