الخسارة دايمًا بتوجع، ده حقيقي.. بس مش كل وجع معناه خسارة حقيقية… في ناس لما بتخرج من حياتك، بتحس إن قلبك اتكسر، وإنك لوحدك، بس بعد شوية وقت… تكتشف إنك كسبت. كسبت هدوءك، كسبت راحة بالك، كسبت نفسك اللي كنت بتضيعها واحدة واحدة. في ناس وجودهم كان تقيل… مش تقيل ع القلب، تقيل ع الروح بيسحبوا طاقتك، بيستهلكوك، تحت مسمّي بـ"حب" أو "عِشرة" أو "قُرب"، بس الحقيقة إنهم كانوا عبء، ودائرتهم كلها سُم، وكل يوم فيها كان بيموّت فيك حاجة. فلما ربنا يشيلهم من حياتك، متزعلش… ده مش فُقدان، دي نُصرة ده مش فراغ، دي مساحة جديدة تتنفس فيها ومتبقاش غبي وترجع تدور على اللي ربنا شالك منه. إوعى تفتكر إن كل اللي بيروح خسارة… أوقات اللي راح كان أكبر عائق في طريقك لراحة بالك وسلامك النفسي، واللي انت فاكرو "ألم فُقد"، هو في الحقيقة "فرصة حياة".