*أنا أول مرة أعرف إن فيه كفارة لِلطيرة!!* *عارفين الطيرة الأول؟* *اللي هو التشاؤم من يوم أو رقم أو حيوان أو شهر أو إنسان... إلخ.* *- يوه النهاردة التلات هو باين من أوله كده، ربنا يستر على النكد اللي هيحصل النهاردة.* *- لا لا متختَرش رقم ٣.. ده رقم شؤم يابني.* *-لا بلاش أخرج من البيت النهاردة.. أصل شُفت قطة سودا.* *النبي صلّىٰ اللَّه عليْهِ وسلّم قال: «مَن ردتهُ الطيَرة مِن حاجَة فقَد أشرك».* *اللي هو كنت هختار رقم ٣ بعدين افتكرت إنه رقم شؤم فمختارتوش، ده اسمه شرك!* *طيب ممكن حد ينسى غصب عنه.. يعمل ايه؟* *الصحابة سألوا النبي صلّى اللَّه عليهِ وسلّم: يا رَسُولَ اللَّهِ ما كَفَّارَةُ ذلِك؟* *قال صلىٰ اللَّه عليْه وسلّم: أن يقول أحدهم: "اللهُمّ لا خيْر إلا خيرُك، ولا طيْر إلا طيرُك، ولا إلهَ غيرُك"* *يبقى اتعلمنا إننا لا نتشائم أبدًا بأي شيء، ولو نسينا ووقعنا في التشاؤم نقول الكفارة والدعاء سهل جدًا.*♥️