في إطار التوجيه ما بعد 📔كيفاش نولي أستاذ إنطلاقا من الدراسة في المدرسة العليا للأساتدة ENS لي باغي يدفع المدرسة العليا للأساتدة نزيدو نعطيو معلومات أكتر عليها ✅معلومات حول المدارس العليا للاساتذة ENS ✅موعد التسجيل؟ 📌تقريبا تيكون بداية شهر 8. 📌القراية فابور 📌كاينة المنحة ✅كيفاش ممكن ندخل ليها يمكن تقبل تقرا فيها إلا كان عندك معدل الباكلوريا فوق 12 في المعدل العام و تيركزوا أكتر على معدل الجهوي النسبة تاعو 25٪ ومعدل الوطني 75٪ يعني كلما كانت عندك نقطة الوطني كبير كلما مزيان ، ويمكن بعد المرات تيقبلو حتى صحاب 10 على حسب واش كاين معدلات طالعة ولا لا وعلى حسب التخصص لي باغي نتا ،متال ( الا كنتي باغي دفع شي تخصص بحال الانجليزية خاصك تكون على الاقل عندك فيه شي 15 في الوطني باش تكون عندك إحتمالية كبيرة تقبل ،وكلما كان معدل الباك مزيان تتكون عندك حظوظ أكتر ) ✅السن المطلوب : 📌متكونش عندك كتر من 21 سنة بنسبة لاصحاب البكالوريا: تتقراو 3 سنوات باش تحصلو على الاجازة . 📌متكونش عندك كتر من 22سنة بنسبة لاصحاب Bac+1 هادو تيكونو قراو العام اللول في الكلية وتدفعو ENS : تيزيدو يقراو عامين في ENS باش يتحصلو على الاجازة 📌متكونش عندك كتر من 23سنة بنسبة لاصحاب Bac+2 هادو تيكونو قراو العام اللول والتاني في الكلية وتيدفعو ENS : تيقراو عام في ENS وتياخدو الإجازة ✅حاجة أخرى الاجازة في التربية مغاديش تخليك تقبل direct في قطاع التعليم انما هيا غير تتعفيك من الانتقاء الاولي فقط ، وتيبقى ليك فقط دوز من اجتياز الاختبار الكتابي الشفوي باش تقبل في التعليم 👌 ✅ التخصصات لي كاينين في ENS =الاجازة التربوية -التعليم الابتدائي :يمكن يدفعو ليها جميع شعب مسالك البكالوريا. = الاجازة التربوية - التعليم الثانوي (تخصص الاجتماعيات / التربية الإسلامية / الفلسفة / اللغة الفرنسية / الانجليزية / اللغة العربية) :يمكن يدفعو ليها شعب مسالك البكالوريا الاداب وعلوم الانسانية و الشعب العلمية . 📌 الاجازة التربوية - التعليم الثانوي ( تخصص الرياضيات الفيزياء،علوم الحياة والأرض) :يمكن يدفعو ليها غير الشعب مسالك البكالوريا العلمية فقط . 📌 الاجازة التربوية : التعليم الثانوي(تخصص التربية البدنية ):يمكن يدفعو ليها جميع شعب مسالك البكالوريا ( هذا التخصص لا يتوفر في جميع المدن ). ✅مدن تواجد المدارس العليا للأساتذة ENS ، والتربية والتكوين Esef ،وكلية علوم التربية توجد واحدة بمدينة الرباط: 📌المدرسة العليا للأساتذة بالرباط . 📌كلية علوم التربية بالرباط . 📌المدرسة العليا للأساتذة بتطوان . 📌المدرسة العليا للأساتذة بمراكش. 📌المدرسة العليا للأساتذة بمكناس. 📌المدرسة العليا للأساتذة بفاس . 📌المدرسة العليا للأساتذة بالدار البيضاء. 📌المدرسة العليا للتربية والتكوين بالقنيطرة . 📌المدرسة العليا للتربية والتكوين ببرشيد. 📌المدرسة العليا للتربية والتكوين بأكادير . 📌المدرسة العليا للتربية والتكوين بالجديدة 📌المدرسة العليا للترببة والتكوين بني ملال 📌المدرسة العليا للترببة والتكوين وجدة ✅ كيفاش دايرا الدراسة فالمدارس العليا للأساتذة؟ 📌 الدراسة طبعاا غتكون زوينة لأنه غاتكون تاتقرا فمقاعد محدودة، وهاد المدارس تتهتم بتكوين أساتذة ديال الابتدائي والاعدادي والتأهيلي، وكاتقرا فيها كل ما له علاقة بالتخصص ديالك، وأيضا كا ما له علاقة بالميدان التربوي فحال : علم التربية ، علم النفس ، التشريع المدرسي، الديداكتيك..... ✅ واش كايكون فيها امتحان كتابي وشفوي؟ 📌 نعم تايكون فيها غي الشفوي هاد المدارس المقاعد ديالها محدودة، وبالتالي راه ضروري يديرو معايير القبول، بحسب الكفاءة ديال التلاميذ، وهادشي راه تايبدا من الانتقاء، ثم المقابلة الشفوية اللي الهدف منها هو يعرفو مدى استعداد الطالب والقدرة ديالو على التدريس مستقبلا سواء من حيث ( النطق الجيد ـ الرؤية الجيدة ـ حسن الاستماع ـ الصحة البدنية و العقلية….. ). ✅إلا متقبلتش شنو ندير؟ 📌 متقبلتيش فاللوائح الأساسية من بعد الامتحان الشفوي، شوف زهرك فلوائح الانتظار. ✅واش كاينا إمكانية نكمل في الماستر ؟ 📌 نعم يمكن تكمل في الماستر لي بغيتي ✅واش ممكن ندفع لزوج تخصصات، ولا أكثر؟ نعم ممكن، وملي غاتقبل ممكن دوز فيهوم بزوج الشفوي، وفالاخير غاتقرا تخصص واحد. وخا تقبل في كثر من تخصص ✅بخصوص الإمتحان الشفوي لولوج المدارس العليا للأساتذة كيفاش ندوزو مزيان يالاه نبداو : بمجرد أنك تقبلتي ف الإنتقاء فأنت تضمن 60% من قبولك ف المدرسة العليا للاساتذة يعني بقات 40% أجي نوريك كيفاش كتقسم هاد 40% ✅ أولا فاش ادخل غيقول ليك قدم نفسك او من خلال داك التقديم خاصك تحاول تجروا لعندك يعني نتا حاول تلعب عليه باش يعطيك أسئلة لي قادر تجاوب عليهم نتا تجروا لعندك في التقديم : كتعطي الإسم الكامل ديالك السن فين تزاديتي او فين ساكن حاليا الهوايات المفضلة ديالك متلا قلتي ليه قراءة الكتب كون متأكد أنه غيسولك على الكتب لي قريتي حاولوا تقراو شي كتاب بالمختصر المفيد إلا بيتوا ، بالإضافة الميزة لي جبتوا بيها الباك واش مستحسن ،جيد... وإلا كنتوا غتزيدوا شي حاجة الموهيم حاولوا تقادو مقدمة تكون مزيانة حينت هيا الصورة الأولى ديالكم و هاد التقديم وجديه باللغة العربية و الفرنسية و الإنجليزية و حفظيه مزيان . ✅اللباس ديالك : خاص يكون محتارم ، (سراول مقطعين ، لباس غير محتشم ، كاسكيط …. ) هادشي حاول تفاداه خاول تلبس بحال شي أستاذ ولا أستاذة بالنسبة للدراري : تحسينا تكون محتارما، خطوط لا …. ✅ الجلوس ديالك أمام اللجنة: ابتسامة خفيفة ، وضعية اليدين ، ميكونوش تحت الطبلة ولا ف السروال …، طرطقة الاصابع تفاداها، حيت معا التوتر كتنسا شنو كدير بيديك ( واحد الحاجة الاي بزااف مكينتابهوش ليها وهي النظرات ديالك، غالبا كيكونو جوج ولا تلاثة ديال الاساتذة قدامك، خاصك تفرق النظرات عليهم ، يعني ماتبقاش تشوف غا هاداك اللي سولك وتنسا لاخرييين، حاول تبقا تشرح ونتا كتشوفيهم كل واحد شويا ✅ تفادى الكذب( اي حاجة باغي ديرها ف حياتك بداها بصدق) ، متعصبش ، ماتحاولش تجبد شي مواضيع اللي معندكش معلومات عليهم ✅✅ وومن بين الأسئلة لي ممكن يسولوك عليهم من الأحسن تكون موجد جواب لكل سؤال فهادو لي لتحت و تكون حافظيه: علاش ختاريتي المدرسة العليا للأساتذة؟ علاش نتا او ماشي شي واحد أخر؟( زعما علاش انختاروك نتا بالظبط اشنو المميزات لي فيك يعني خاصك تقنعهم باللي درتي هاد المدرسة عن إقتناع وقادر تعطي في هاد الضومين ) المزيد : https://whatsapp.com/channel/0029VaRSmH4HAdNQMaKl3t36