*A bui lou lai su-buai tei tei, I sual em mai!* *Hun chiasa ah Vaiphei nam sung, kua ma bangma buaina siam um lou in, VPC Ghq chu Zomi ah um in, bangma buaina le a la um puai. KUKI AREA lam ah Vaiphei cha um ten le bangma buaina a siam puau. Zomi ka pawm puau tin le a peng peng diak puau. A nek hawl nau aki buaipi ua, a chateu thiamzilna a ki buai piu ah a buut buut ua khawsa ahiu. A sep ding dawl ua akisep ua, KUKI AREA KHANGTONA di napha sem nuam ten akisep ua. Kua ma ngaisiat ding kigentua le a ki um puai.* *Zia gual ma chun, ZOMI AREA lam ah Vaiphei ten le mani insung nekhawlna ki buai in, khawtang leh kochuam khantona di nasa tak ah pan lan. A nuam ten ZOMI AREA KHANGTONA di pan a lau ah, kua ma siatna ding gen leh sak a nei puau.* *I um um na lam a ding ua, napha sem te I hiu.* *I nawp ua leh THAZING LAP, Kuki area lam in I lawm ua. I nawp ua leh Zomi area lam in I lawm ua I buai kha puau.* *Tu'hi, a bang tiklai ale Vaiphei kihizing lai pi, VAIPHEI CHU VAIPHEI IDEALOGY khat chiapi/mangcha, Zomi sung ah angmasial deu cheng tawh Kuki sung ah angmasial deu cheng tawh sem khawm ah Kuki leh Zomi kikal ah sa-gu la se vel vel ua hi, kua man lungthim tak ah hung mupha diaklo ding ahiu.* *Gam leh Nam ngaina la hi puau ah. Lopina, chutna nuam, thuneina, vaihawm nawpna, sum leh pai ngaina la hi zawu.* *Vangam leh gawtmun chouh ahi Permanent post. A dang VPC/PTC/KIM/UZO/ etc President vel haw hi chu Permanent post hilo ahi. Ngai serious beh seh di a um poi!* *ZoNet [ZoGam-Ram]* *Zo Unity & Integration*